25/08/2025
আজি মহাপুৰুষ শ্ৰীমন্ত শংকৰদেৱৰ ৪৫৭ সংখ্যক তিৰোভাৱ তিথি উপলক্ষ্যে বিদ্যালয়ত ৰচনা প্ৰতিযোগিতা, বক্তৃতা প্ৰতিযোগিতা, সত্ৰীয়া নৃত্য প্ৰৰ্দশন, গায়ন বায়ন প্ৰৰ্দশন আদি কাৰ্যসূচী ৰূপায়ণ কৰা হয়। নিম্ন শাখা (ষষ্ঠ আৰু সপ্তম) ৰ চনাৰ বিষয় আছিল " মহাপুৰুষ শ্ৰীমন্ত শংকৰ দেৱ " আৰু উচ্চ শাখা( অষ্টম/ নৱম/ দশম)ৰ ৰচনাৰ বিষয় আছিল " অসমীয়া সাহিত্য সংস্কৃতিলৈ মহাপুৰুষ শ্ৰীমন্ত শংকৰদেৱৰ অৱদান" । অন্যহাতে বক্তৃতাৰ বিষয় আছিল " সমাজ সংস্কাৰক হিচাপে মহাপুৰুষ শ্ৰীমন্ত শংকৰদেৱ"। নিম্ন শাখাৰ ৰচনা প্ৰতিযোগিতাত প্ৰথম স্থান লাভ কৰিবলৈ সক্ষম হয় ছাত্ৰ সপোন সোনোৱাল ,দ্বিতীয় স্থান লাভ কৰিবলৈ সক্ষম হয় চয়নিকা হাজৰিকা আৰু তৃতীয় স্থান লাভ কৰিবলৈ সক্ষম হয় দুগৰাকী প্ৰতিযোগী ক্ৰমে দৃষ্টিপ্ৰিয়া দাস আৰু লাকী গগৈ । উচ্চ শাখাৰ ৰচনা প্ৰতিযোগিতাত প্ৰথম স্থান লাভ কৰে ৰুণিমা শইকীয়াই, দ্বিতীয় স্থান লাভ কৰে বৈষ্ণৱী হাজৰিকাই আৰু তৃতীয় স্থান লাভ কৰে ক্ৰমে দুগৰাকী ছাত্ৰী গায়ত্ৰী সন্দিকৈ আৰু কাব্যশ্ৰী শইকীয়াই। অতি আৰ্কষণীয় বক্তৃতা প্ৰতিযোগিতাত প্ৰথম স্থান লাভ কৰে ৰিম্পী দৰৱধৰায়ে, দ্বিতীয় স্থান লাভ কৰে শ্যামৰঞ্জনী গগৈয়ে আৰু তৃতীয় স্থান লাভ কৰে কাব্যশ্ৰী শইকীয়াই। উল্লেখ্য যে ছাত্ৰ ছাত্ৰী সকলক প্ৰতিযোগিতাৰ প্ৰথম, দ্বিতীয় আৰু তৃতীয় পুৰস্কাৰ হিচাপে একোটাকৈ কলম সহ ক্ৰমে পাঁচ শ, তিনি শ আৰু দুশকৈ নগদ ধন ৰাশি প্ৰদান কৰি উৎসাহিত কৰা হয়। তিথিৰ লগত সংগতি ৰাখি সপ্তম শ্ৰেণীৰ ছাত্ৰী ধৰিত্ৰীশিখা শইকীয়াই প্ৰৰ্দশন কৰা সত্ৰীয়া নৃত্যই সকলোকে আপ্লুত কৰে। বিদ্যাালয়ৰ ছাত্ৰ দিবাকৰ দাস, সঞ্জু দাস, হিমাংশু দাস, বাস্তৱ দাস আৰু প্ৰিয়ম কোঁৱৰৰ দ্বাৰা প্ৰৰ্দশিত গায়ন বায়ন আজিৰ দিনটোৰ এক অন্য আৰ্কষণ আছিল। গুৰুজনাৰ তিথিৰ কাৰ্যসূচীত উপস্থিত থাকি তিথি ভাগি ব্যতিক্ৰমী ৰূপত সফল ভাৱে অনুষ্ঠিত কৰাত সহায় সহযোগ কৰা প্ৰতিগৰাকী শ্ৰদ্ধাৰ শিক্ষক শিক্ষয়িত্ৰী, প্ৰতিগৰাকী শ্ৰদ্ধাৰ কৰ্মচাৰী আৰু বিদ্যালয়ৰ প্ৰতি গৰাকী মৰমৰ ছাত্ৰ ছাত্ৰীক বিদ্যালয় কৰ্তৃপক্ষৰ তৰফৰ পৰা আন্তৰিক ধন্যবাদ আৰু কৃতজ্ঞতা জ্ঞাপন কৰিলো।
