11/06/2026
কৰঙা উচ্চতৰ মাধ্যমিক বালিকা বিদ্যালয়ত কৃতী ছাত্ৰীৰ অভিনন্দন অনুষ্ঠান সম্পন্ন*
যোৱা ৫/৬/২০২৬ তাৰিখ শুক্রবাৰে কৰঙা উচ্চতৰ মাধ্যমিক বালিকা বিদ্যালয়ত ২০২৫-২৬ বর্ষৰ হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীর্ণ হোৱা কৃতী ছাত্রীসকলক অভিনন্দন জনোৱা হয়। এই উদ্দেশ্যে আয়োজন কৰা সভাত সভাপতিৰ আসন গ্রহণ কৰে বিদ্যালয়ৰ পৰিচালনা আৰু উন্নয়ন সমিতিৰ সভাপতি শ্রীযুত ললিত শইকীয়া দেৱে। সভাত বিশিষ্ট অতিথি হিচাপে উপস্থিত থাকে অসম কৃষি বিশ্ববিদ্যালয়ৰ অৱসৰ প্রাপ্ত অধ্যাপক ড° বিপিন খঙীয়া ডাঙৰীয়া। বিদ্যালয়ৰ অধ্যক্ষ শ্রীযুত অৰূপ কুমাৰ নাথে সভাৰ আদৰণি ভাষণ আগবঢ়ায়। অধ্যাপক ড° বিপিন খঙীয়াদেৱে ছাত্রীসকলক উদ্দেশ্যি সাৰগর্ভ বক্তৃতা প্রদান কৰে। তেওঁ ছাত্রীসকলক প্রকৃতিৰ লগত সহাৱস্থান কৰি অনাগত দিনত আগবাঢ়ি যাবলৈ কয় ।
এই অভিনন্দন অনুষ্ঠানত হাইস্কুল শিক্ষান্ত পৰীক্ষাত প্রথম বিভাগত উত্তীর্ণ হোৱা মুঠ ১৫ গৰাকী, উচ্চতৰ মাধ্যমিক চূড়ান্ত পৰীক্ষাত প্রথম বিভাগত উত্তীর্ণ হোৱা ৪৭ গৰাকী আৰু দ্বিতীয় বিভাগত লেটাৰ সহ উত্তীর্ণ ৮ গৰাকী ছাত্রীক সম্বর্দ্ধনা জনোৱা হয়। হাইস্কুল শিক্ষান্ত পৰীক্ষাত বিদ্যালয়ৰ ভিতৰত সর্বোচ্চ নম্বৰ লাভ কৰা শ্রীমতী কাব্যশ্রী বৰাই 'প্রয়াত ধৰণীধৰ বৰুৱা সোঁৱৰণী বঁটা' , 'প্রয়াত অৰুণিমা পাচনি সোঁৱৰণী বঁটা' আৰু 'প্রয়াত আইধান দত্ত সোঁৱৰণী বঁটা' লাভ কৰে। উচ্চতৰ মাধ্যমিক চূড়ান্ত পৰীক্ষাত বিদ্যালয়ৰ ভিতৰত সর্বোচ্চ নম্বৰ লাভ কৰা ছাত্রী শ্রীমতী পৰিণীতা দেৱী শৰ্মাক 'প্রয়াত ডিম্বেশ্বৰ চেলেং সোঁৱৰণী বঁটা', উচ্চতৰ মাধ্যমিক চূড়ান্ত পৰীক্ষাত অসমীয়া বিষয়ত সর্বোচ্চ নম্বৰ লাভ কৰা বাবে 'প্রয়াত উৎপলা দত্ত সোঁৱৰণী বঁটা', ইংৰাজী বিষয়ত সর্বোচ্চ নম্বৰ লাভ কৰা বাবে 'প্রয়াত বিচিত্র বৰুৱা শিক্ষা উদগনি বঁটা', অর্থনীতি বিজ্ঞান বিষয়ত সর্বোচ্চ নম্বৰ লাভ কৰা বাবে প্রয়াত ৰেণুবালা ভৰালী স্মৃতি বঁটা প্রদান কৰা হয় ।হাইস্কুল শিক্ষান্ত পৰীক্ষাত শ্রীমতী আকাশী সোণোৱালে গণিত, ইংৰাজী আৰু বিজ্ঞান বিষয়ত বিদ্যালয়ৰ ভিতৰত সর্বোচ্চ নম্বৰ লাভ কৰাৰ বাবে ক্রমে 'প্রয়াত শুভ গোস্বামী সোঁৱৰণী বঁটা' প্রয়াত বেথাৰাম দত্ত সোঁৱৰণী বঁটা' আৰু 'প্রয়াত মিনাক্ষী হাজৰিকা সোঁৱৰণী বঁটা 'ৰে পুৰস্কৃত কৰা হয়। উচ্চতৰ মাধ্যমিক চূড়ান্ত পৰীক্ষাত বিদ্যালয়ৰ ভিতৰত দ্বিতীয় সর্বোচ্চ নম্বৰ লাভ কৰা ছাত্রী শ্রীমতী ৰিয়া শইকীয়াক 'প্রয়াত স্মৃতি শইকীয়া সোঁৱৰণী বঁটা' আৰু শিক্ষাতত্ত্ব বিষয়ত সর্বোচ্চ নম্বৰ লাভ কৰাৰ বাবে 'প্রয়াত লৱকুমাৰ দত্ত সোঁৱৰণী বঁটা' লাভ কৰে। উচ্চতৰ মাধ্যমিক চূড়ান্ত পৰীক্ষাত বিদ্যালয়ৰ ভিতৰত তৰ্ক বিজ্ঞান আৰু দৰ্শন বিষয়ত সৰ্বোচ্চ নম্বৰ লাভ কৰা ছাত্ৰী শ্ৰীমতী পাঞ্চালী শইকীয়াক 'প্ৰয়াত যোগমায়া বৰগোহাঁই সোঁৱৰণী বঁটা' প্ৰদান কৰা হয়। ইয়াৰ উপৰিও উচ্চ আৰু উচ্চতৰ মাধ্যমিক চূড়ান্ত পৰীক্ষাত বিভিন্ন বিষয়ত লেটাৰ নম্বৰ লাভ কৰা ছাত্ৰী সকলক বিদ্যালয়ৰ বৰ্তমানৰ লগতে অৱসৰপ্ৰাপ্ত বহু শিক্ষক- শিক্ষয়িত্ৰীয়ে পুৰস্কৃত কৰে। লগতে বিদ্যালয়ৰ দ্বাদশ শ্ৰেণীৰ ছাত্ৰী শ্ৰী আকাংক্ষা সন্দিকৈক 'প্ৰয়াত লীলাৱতী ভৰালী সোঁৱৰণী বঁটা'আৰু 'প্ৰয়াত শশীপ্ৰভা বৰুৱা সোঁৱৰণী বঁটা'প্ৰদান কৰা হয়। এই অনুষ্ঠানতে বিদ্যালয়ৰ ছাত্ৰী সকলক 'প্ৰয়াত নগেন দত্ত সোঁৱৰণী ন্যাস বঁটা' প্ৰদান কৰা হয়। ইয়াৰ উপৰিও কৰঙা অঞ্চলৰ কেইবাগৰাকীও বিদ্যালয়ৰ শুভাকাংক্ষী আৰু শিক্ষাপ্ৰেমী ব্যক্তিয়ে বিদ্যালয়ৰ ছাত্ৰী সকলক বিভিন্ন শিতানত বিভিন্ন বঁটাৰে পুৰস্কৃত কৰে। এই অনুষ্ঠানত কেইবাটাও কিতাপৰ টোপোলা, মানপত্ৰ, স্মাৰক, ট্ৰফী সহ সৰ্বমুঠ ৬৮,০০০ টকাৰ পুৰস্কাৰ ছাত্ৰী সকলক প্ৰদান কৰা হয়। সভাৰ শেষত সভাপতি মহোদয়ে সোঁৱৰণী বঁটা আগবঢ়োৱা দাতা পৰিয়াল বৰ্গক কৃতজ্ঞতা জ্ঞাপন কৰাৰ লগতে ছাত্ৰী সকলৰ উজ্জ্বল ভৱিষ্যৎ কামনা কৰে।
