30/01/2024
ইং ৩০-০১-২০২৪ তাৰিখ, মঙল বাৰে ‘বছা মণ্ডল সমল কেন্দ্ৰৰ উদ্যোগত’ আৰু সমূহ বছাবাসীৰ আতিথ্যত বছা চৰকাৰী উচ্চ বুনিয়াদী বিদ্যালয়ত ‘সামূহিক উৎসৱ’ ৰ অনুষ্ঠান সুচাৰুৰূপে সম্পন্ন হয়।
বছা মণ্ডল সমল কেন্দ্ৰৰ অধীনৰ পাঁচ খন বিদ্যালয় ক্ৰমে বছা চৰকাৰী উচ্চ বুনিয়াদী বিদ্যালয়, মহিমাবাৰী উচ্চ মাধ্যমিক বিদ্যালয় , ছাত্ৰশালী প্ৰাথমিক বিদ্যালয়, গান্ধী বিদ্যাপীঠ প্ৰাথমিক বিদ্যালয় আৰু কুমাৰভেটি প্ৰাথমিক বিদ্যালয় লগতে বছা মণ্ডল সমল কেন্দ্ৰৰ তৰফৰ পৰা নিমন্ত্ৰণ কৰি অনা বন্ধু বিদ্যালয় ইকৰাণী উচ্চ মাধ্যমিক বিদ্যালয় আৰু ২নং বছা প্ৰাথমিক বিদ্যালয়ৰ প্ৰধান শিক্ষক সকলে নিজৰ নিজৰ বিদ্যালয়ৰ পতাকা উত্তোলনেৰে দিনটোৰ কাৰ্যসূচী আৰম্ভ হয় । ইয়াৰ পৰবৰ্তী কাৰ্যসূচী হিচাপে বছা চৰকাৰী উচ্চ বুনিয়াদী বিদ্যালয়ৰে প্ৰাক্তন ছাত্ৰ ৰিপুন বৰাই গছপুলি ৰোপন কৰি পৰিৱেশ সজাগতাৰ সম্পৰ্কে চমু বক্তৱ্য আগবঢ়াই ।
ইয়াৰ পিছতে সাংস্কৃতিক শোভাযাত্ৰাৰ কাৰ্যসূচী আৰম্ভ হয় । স্থানীয় ৰাইজ তথা , কাৰ্যসূচীত অংশগ্ৰহণকাৰী প্ৰতিখন বিদ্যালয়ৰ ছাত্ৰ ছাত্ৰী , শিক্ষাগুৰুৰ সক্ৰিয় অংশগ্ৰহণেৰে এক বৰ্ণিল সাংস্কৃতিক শোভাযাত্ৰাৰ কাৰ্যসূচী সম্পন্ন হয়। বিভিন্ন বিদ্যালয়ৰ পৰা অহা ছাত্ৰ ছাত্ৰী সকলে অসমৰ বাৰে ৰহণীয়া সংস্কৃতি, গ্ৰাম্য জীৱনৰ বিভিন্ন দিশ সমূহ সুন্দৰ ভাবে উপস্থাপন কৰে।
ইয়াৰ পিছতে প্ৰদৰ্শনীৰ দ্বাৰ মুকলি কৰা হয়। বিভিন্ন বিদ্যালয়ে এই প্ৰদৰ্শনীৰ কাৰ্যসূচীত অংশগ্ৰহণ কৰে। প্ৰদৰ্শনীত অসমৰ জন জীৱনৰ পৰা ক্ৰমান্বয়ে লুপ্ত হ’বলৈ ধৰা বিভিন্ন সামগ্ৰী আদি, বিভিন্ন জাতি- জনগোষ্ঠীৰ পৰম্পৰাগত সাজ-পাৰকে আদি কৰি বিভিন্ন সামগ্ৰী প্ৰদৰ্শন কৰে।
ইয়াৰ পিছতে বছা মণ্ডল সমল কেন্দ্ৰৰ মণ্ডল সমল সমন্বয়ক শচীন্দ্ৰ বৰাই মঞ্চ উদ্বোধন কৰাৰ পিছতেই পৰবৰ্তী কাৰ্যসূচী সমূহ আৰম্ভ কৰা হয় । ইয়াৰ পিছতে চিনাকী পৰ্বৰ লগতে সংগতি ৰাখি সম্বৰ্ধনা অনুষ্ঠানৰ কাৰ্যসূচী আৰম্ভ হয় । তুৰুং মণ্ডল সমল কেন্দ্ৰৰ মণ্ডল সমল সমন্বয়ক অৰুণ কাঁৱৰে সামাজিক উৎসৱৰ লগত সংগতি ৰাখি বিশেষ ব্যক্তব্য প্ৰদান কৰে। উক্ত কাৰ্যসূচীক তিতাবৰ শিক্ষাখণ্ডৰ মণ্ডল সমল সমন্বয়ক প্ৰাণজিৎ বৰকাকতী, দেৱজিত দাস, ৰাজা শইকীয়া , দিপাংকৰ শইকীয়া , পল্লৱ শইকীয়া , অলকেশ শৰ্মা , আৰু ফাংচেং চিংফৌ উপস্থিত থাকে ।
ইয়াৰ পৰবৰ্তী সময়ত সাংস্কৃতিক অনুষ্ঠানৰ কাৰ্যসূচী সমূহ আৰম্ভ হয়। বিভিন্ন বিদ্যালয়ৰ পৰা অহা ছাত্ৰ ছাত্ৰী সকলে বিভিন্ন ধৰণৰ সাংস্কৃতিক কাৰ্যসূচী যেনে - সত্ৰীয়া নৃত্য, বিহু নৃত্য, দিহা নাম , বিয়া নাট , নাটিকা , কবিতা আবৃত্তি , গীত পৰিৱেশন আদিৰে সাংস্কৃতিক অনুষ্ঠান জীপাল কৰি তোলে । উল্লেখযোগ্য যে বছা অঞ্চলৰ স্থানীয় কেইগৰাকী মান মহিলাই অসমীয়া সংস্কৃতিৰ পৰা ক্ৰমে লুপ্ত হৈ যাবলৈ ধৰা অসমীয়া সংস্কৃতিৰ এক অন্যতম সম্পদ ক’লা বুঢ়ী নাচ প্ৰদৰ্শন কৰি উপস্থিত সকলো ৰাইজকে আকৃষ্ট কৰে । ইয়াৰ লগতে দুলু শইকীয়াৰ পৰিচালনাৰে শংকৰদেৱৰ জীৱন ভিত্তিক এখন আলেখ্যেও বছা চৰকাৰী উচ্চ বুনিয়াদী বিদ্যালয়ৰ ছাত্ৰ ছাত্ৰ সকলে অতি সুন্দৰ ভাবে উপস্থাপন কৰি দৰ্শক ৰাইজৰ মন মুহিবলৈ সক্ষম হয়।
প্ৰায় ৫০০ লোকৰ উপস্থিতিৰে সফল ভাবে সম্পন্ন হোৱা অনুষ্ঠানটোৰ সকলো দিশতে সহায় সহযোগ কৰে নৃপেন বৰা , হৰেশ্বৰ গগৈ , যতীন শইকীয়া , বলীন বৰা , ৰিপুন বৰা ,চন্দন শইকীয়া , দুলু শইকীয়া , উজ্বল চুতীয়া আদিৰ লগতে সমূহ বছা গাঁওৰ ৰাইজ তথা বিদ্যালয়ৰ অভিভাৱক অভিভাৱিকা সকলে। বছা মণ্ডল সমল কেন্দ্ৰৰ মণ্ডল সমল সমন্বয়ক শচীন্দ্ৰ বৰা , বছা চৰকাৰী উচ্চ বুনিয়াদী বিদ্যালয়ৰ প্ৰধান শিক্ষক প্ৰশান্ত পূজাৰী , সহ শিক্ষক ৰজনী হাজৰিকা , উৎপল শইকীয়া , অমৰ জ্যোতি ভাগৱতী , জ্যোতিস্মান শৰ্মা , অংকিতা দে’ , অৰেলিয়া এক্কা , বিচিত্ৰা বৰা , কল্যাণী বৰতামূলী , সুলক্ষণা চাংমাই , সবিতা শইকীয়া , কনকলতা , বগী , পুতুল দাস আদিয়ে অনুষ্ঠান সুচাৰুৰূপে পৰিচালনাৰ বাবে সুব্যৱস্থা গ্ৰহণ কৰাৰ লগতে কাৰ্যসূচীৰ সফল পৰিসমাপ্তিৰ বাবে প্ৰয়োজনীয় সকলো ব্যৱস্থা হাতত লয়।
#সামাজিকউৎসৱ
Samagra Shiksha Jorhat Bosa govt. sr.Basic school Mohimabari HIGH School Satrasali LP School,Titabar
