Robigaon M E School

11/09/2026

বিদ্যালয় পৰিচালনা সমিতিৰ সভা
তাৰিখ: 29-08-2026

11/09/2026

শিক্ষক দিৱসৰ দিনটোৰ কেইটামান মূহুৰ্ত ইয়াতে সাঁচি থ’লোঁ৷

15/08/2026

🇮🇳 ৮০ সংখ্যক স্বাধীনতা দিৱসৰ আন্তৰিক শুভেচ্ছা আৰু অভিনন্দন! 🇮🇳
​আজি ৰবিগাওঁ মধ্য ইংৰাজী বিদ্যালয় প্ৰাংগনত অতি উলহ-মালহেৰে পৱিত্ৰ ৮০ সংখ্যক স্বাধীনতা দিৱস উদ্‌যাপন কৰা হয়।
​বিদ্যালয় প্ৰাংগনত জাতীয় পতাকা উত্তোলন কৰে আমাৰ বিদ্যালয়ৰ এগৰাকী শুভাকাংক্ষী তথা স্থানীয় বিশিষ্ট ব্যক্তি শ্ৰী কমল গগৈদেৱে। অনুষ্ঠানত বিদ্যালয়ৰ প্ৰাক্তন ছাত্ৰ শ্ৰী ৰাজু গগৈ, বিদ্যালয় পৰিচালনা সমিতিৰ সন্মানীয় সদস্য-সদস্যাসকল, শিক্ষক-শিক্ষয়িত্ৰী আৰু মৰমৰ ছাত্ৰ-ছাত্ৰীসকল উপস্থিত থাকি অনুষ্ঠানটি সাফল্যমণ্ডিত কৰি তোলে।
​পতাকা উত্তোলন অনুষ্ঠানটিৰ পিছতেই ছাত্ৰ-ছাত্ৰীসকলৰ বৌদ্ধিক আৰু মানসিক বিকাশৰ প্ৰতি লক্ষ্য ৰাখি এখন মনোগ্ৰাহী কুইজ প্ৰতিযোগিতা অনুষ্ঠিত কৰা হয়। এই প্ৰতিযোগিতাখন সুচাৰুৰূপে পৰিচালনা কৰে বিদ্যালয়ৰ সহকাৰী শিক্ষক ক্ৰমে নন্দেশ্বৰ মিলি, বেদবিকাশ খনিকৰ আৰু ভায়’লিনা ফুকনে। ছাত্ৰ-ছাত্ৰীসকলৰ সক্ৰিয় অংশগ্ৰহণে অনুষ্ঠানটি অধিক প্ৰাণৱন্ত কৰি তোলে।
​"দেশপ্ৰেমৰ চেতনাৰে উদ্বুদ্ধ হৈ আমাৰ উঠি অহা প্ৰজন্মই দেশ আৰু সমাজৰ মুখ উজ্জ্বল কৰক— এইয়াই আমাৰ কামনা।"
​আজিৰ এই বিশেষ দিনটোত উপস্থিত থাকি অনুষ্ঠানটি সফল কৰি তোলা সকলোলৈকে বিদ্যালয় পৰিয়ালৰ হৈ আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।
​জয় হিন্দ! 🇮🇳 বন্দে মাতৰম! 🇮🇳
​ধন্যবাদেৰে,
ভাৰপ্ৰাপ্ত প্ৰধান শিক্ষক
ৰবিগাওঁ মধ্য ইংৰাজী বিদ্যালয়

15/08/2026

✨ আমাৰ বিদ্যালয় পৰিয়ালৰ বাবে এটি আনন্দৰ মুহূৰ্ত! ✨
​বিদ্যালয়ৰ ছাত্ৰ-ছাত্ৰীসকলৰ সুবিধাৰ্থে আজি শ্ৰেণীকোঠাসমূহত নতুন ডেস্ক-বেন্স (Desk-Bench) অনা হ’ল। নতুন ডেস্ক-বেন্সত বহিবলৈ পাই আমাৰ মৰমৰ ছাত্ৰ-ছাত্ৰীসকলৰ মুখত যি আনন্দ আৰু উৎসাহৰ হাঁহি দেখিবলৈ পালোঁ, সিয়ে আমাৰ মনটো আত্মসন্তুষ্টিৰে উপচাই তুলিছে।
​এটি সুন্দৰ আৰু সুবিধাজনক শৈক্ষিক পৰিৱেশে ছাত্ৰ-ছাত্ৰীসকলৰ পঢ়া-শুনাৰ প্ৰতি আগ্ৰহ আৰু অধিক বৃদ্ধি কৰে বুলি আমি বিশ্বাস কৰোঁ।
​"ছাত্ৰ-ছাত্ৰীৰ উজ্জ্বল ভৱিষ্যত আৰু সৰ্বাংগীণ বিকাশেই আমাৰ একমাত্ৰ লক্ষ্য।"
​আমাৰ বিদ্যালয়খনৰ আন্তঃগাঁথনি উন্নয়নৰ এই যাত্ৰাত প্ৰত্যক্ষ আৰু পৰোক্ষভাৱে সহায়-সহযোগিতা আগবঢ়োৱা স্থানীয় ব্যক্তি শ্ৰদ্ধাৰ কমল গগৈদেৱ আৰু সকলো শুভাকাংক্ষী, পৰিচালনা সমিতি আৰু শিক্ষক-কৰ্মচাৰীসকললৈ আন্তৰিক ধন্যবাদ জ্ঞাপন কৰিলোঁ।
​আপোনালোকৰ আশীৰ্বাদ আৰু সহযোগিতাই আমাক সদায় আগুৱাই যাবলৈ অনুপ্ৰেৰণা যোগায়। 💐

11/08/2026

17/06/2026

সিহঁতে টেষ্ট টিউবৰ ৰংবোৰ দেখি আনন্দিত হৈছে৷
মই সিহঁতৰ চকুৰ ৰংবোৰ দেখি সুখ অনুভৱ কৰিছোঁ৷
এই ৰংবোৰ সিহঁতৰ জীৱনতো চটিয়াই দিব পৰাহেঁতেন!!

19/05/2026

**মনৰ অলপ ক্ষোভ আৰু কিছু আক্ষেপ...** 😞💔
অতি কষ্টৰে গঢ়ি তোলা সপোনবোৰ যেতিয়া চকুৰ সন্মুখতে ধ্বংস হৈ যায়, তেতিয়া মনটো সঁচাকৈয়ে ভাঙি পৰে।
আমাৰ বিদ্যালয়ৰ ছাত্ৰ-ছাত্ৰীসকলে নিজৰ হাতেৰে বৰ হেঁপাহেৰে এখন শাকপাচলিৰ বাগিছা তৈয়াৰ কৰিছিল। ৰ’দে-বৰষুণে খেতিডৰাত খটা তেওঁলোকৰ সেই অক্লান্ত পৰিশ্ৰমৰ ফলত বাৰীখন সেউজীয়া হৈ পৰিছিল। ল’ৰা-ছোৱালীবোৰে নিজৰ কষ্টৰ উৎপাদিত সতেজ পাছলিৰে দুসাজমান তৃপ্তিৰে খাবলৈ পাইছিলহে মাথোঁ... কিন্তু এতিয়া সকলো শেষ!
বিদ্যালয় ছুটি হোৱাৰ পিছত একাংশ স্থানীয় লোকে এৰাল নিদিয়াকৈ মেলি দিয়া ছাগলীৰ জাকে আমাৰ ছাত্ৰ-ছাত্ৰীসকলৰ মৰমৰ বাগিছাখন একেবাৰে তহিলং কৰিলে। গোটেই পাছলিৰ গছবোৰ খাই ধংস কৰি পেলালে।
**ভাবিলে আচৰিত লাগে:** আমি সমাজ হিচাপে ক’লৈ গৈ আছোঁ? কণ কণ ল’ৰা-ছোৱালীবোৰৰ কষ্টৰ প্ৰতি, বিদ্যালয়ৰ সম্পত্তিৰ প্ৰতি স্থানীয় ৰাইজৰ অকণো দায়িত্ববোধ নাইনে? নিজৰ পোহনীয়া জীৱ-জন্তুখিনিক অলপ চম্ভালি ৰখাটো জানো আমাৰ কৰ্তব্য নহয়?

ছাত্ৰ-ছাত্ৰী কেইটাৰ মলিন মুখকেইখন দেখি সঁচাকৈয়ে বুকুখন বিষাই উঠিছে। কাৰোবাৰ অলপ অসচেতনতা আৰু দায়িত্বহীনতাৰ বাবে আজি শিশুহঁতৰ ইমান সুন্দৰ প্ৰচেষ্টা এটা এনেকৈ ধূলিস্যাৎ হৈ গ’ল!
আশা কৰোঁ, ভৱিষ্যতে স্থানীয় ৰাইজে এই ক্ষেত্ৰত অকণমান সজাগতা আৰু দায়িত্ব দেখুৱাব। কাৰণ বিদ্যালয়খন কেৱল আমাৰে নহয়, গোটেই সমাজখনৰে। 🙏

10/05/2026

🕯️শ্ৰদ্ধাঞ্জলি🕯️
​ যোৰহাট জিলাৰ ৰবিগাওঁ অঞ্চলটোৰ শিক্ষা আৰু সমাজ ব্যৱস্থাৰ এগৰাকী অন্যতম কাণ্ডাৰী, ৰবিগাওঁ মধ্য ইংৰাজী বিদ্যালয়ৰ প্ৰতিষ্ঠাপক প্ৰধান শিক্ষক তথা সমাজকৰ্মী দীননাথ শৰ্মা দেৱ আজি হৃদৰোগত আক্ৰান্ত হৈ ইহলীলা সম্বৰণ কৰে। তেখেতৰ এই আকস্মিক বিয়োগৰ খবৰটোৱে সমগ্ৰ অঞ্চলটোতে গভীৰ শোকৰ ছাঁ পেলাইছে।
​তেখেত আছিল সমাজৰ এনে এজন ব্যক্তি, যাৰ জীৱনৰ মূল মন্ত্ৰই আছিল শিক্ষাৰ বিস্তাৰ আৰু সমাজ সেৱা। ১৯৬২ চনত ডুমডুমাৰ ৰঙাজান মধ্য ইংৰাজী বিদ্যালয়ৰ পৰা আৰম্ভ কৰি ১৯৭২ চনত কাৰ্বি আংলঙৰ দেওপানী উচ্চ ইংৰাজী বিদ্যালয়, ১৯৭৮ চনত ৰবিগাওঁ মধ্য ইংৰাজী বিদ্যালয় আৰু তামুলীছিগা মুছলমান গাওঁ প্ৰাথমিক বিদ্যালয় প্ৰতিষ্ঠা কৰালৈকে— তেখেতৰ অৱদান অতুলনীয়।
​অঞ্চলটোৰ প্ৰতি তেখেতৰ অৱদান:
​শিক্ষাৰ প্ৰসাৰ: একাধিক বিদ্যালয় প্ৰতিষ্ঠা কৰি অঞ্চলটোত শিক্ষাৰ পোহৰ বিলাইছিল।
​সামাজিক উন্নয়ন: ডাকঘৰ, যুৱ সংঘ, শংকৰদেৱ কৃষ্টি সংঘ আৰু ভাগৱত চৰ্চা সমাজৰ দৰে অনুষ্ঠানৰ সৈতে ওতপ্ৰোতভাৱে জড়িত আছিল।
​আদৰ্শ: গীতাৰ উপদেশেৰে জীৱন পৰিচালিত কৰা শৰ্মা চাৰে সমাজত বিজ্ঞান মনস্কতা গঢ়ি তুলিবলৈ অহোপুৰুষাৰ্থ কৰিছিল।
​ব্যক্তিগতভাৱে মোৰ বাবে এয়া এক অপূৰণীয় ক্ষতি। যোৱা ২ এপ্ৰিলত যেতিয়া মই বিদ্যালয়ৰ ভাৰপ্ৰাপ্ত প্ৰধান শিক্ষকৰ দায়িত্ব গ্ৰহণ কৰি চাৰৰ আশীৰ্বাদ ল’বলৈ গৈছিলোঁ, তেতিয়াও তেখেতৰ মুখত আছিল কেৱল বিদ্যালয় আৰু অঞ্চলটোৰ উন্নয়নৰ চিন্তা। তেখেতৰ সেই অমৃত বাণীসমূহ আমাৰ বাবে সদায় প্ৰেৰণা হৈ ৰ’ব।
​আজি পুৱাই আমি বিদ্যালয়ৰ শিক্ষক সমাজৰ তৰফৰ পৰা চাৰৰ বাসগৃহত উপস্থিত হৈ শোকসন্তপ্ত পৰিয়ালবৰ্গক সমবেদনা জনোৱাৰ লগতে বিদ্যালয়ৰ ধ্বজাৰে তেখেতক শেষ সন্মান জনালোঁ।
​হে মহান আত্মা, আপোনাৰ বিদেহ আত্মাই চিৰশান্তি লাভ কৰক। আপুনি দেখুৱাই যোৱা পথেৰেই আমি আগুৱাই যোৱাৰ সংকল্প লৈছোঁ।
​"বিদায় চাৰ... আপুনি আমাৰ হৃদয়ত চিৰকাল জীয়াই থাকিব।" 🙏🏾
​

01/03/2026