Lahdoigarh Junior College

আজি দিনজোৰা কাৰ্য্যসূচীৰে একাডেমীৰ প্ৰতিষ্ঠা দিৱস উদ্‌যাপন কৰা হয়।

জন্মলগ্নৰে পৰা বৰ্তমানলৈকে একাডেমীৰ পৰিয়ালৰ সৈতে জড়িত থকা প্ৰত্যেকজন সন্মানীয় ব্যক্তিলৈ একাডেমীৰ পৰিয়ালৰ তৰফৰ পৰা আন্তৰিক কৃতজ্ঞতা জ্ঞাপন কৰিছোঁ।

দৈনিক জনমভূমিত

লাহদৈগড় একাডেমীৰ নৱাগত আদৰণী আৰু অভিনন্দন অনুষ্ঠান

পূব যোৰহাটৰ অগ্ৰণী শিক্ষানুষ্ঠান লাহদৈগড় একাডেমিৰ ২০২৪ বৰ্ষৰ নৱাগত আদৰণী সভা আৰু অভিনন্দন অনুষ্ঠান একাডেমী সভাগৃহত অনুষ্ঠিত হৈ যায়। এই উপলক্ষে অনুষ্ঠিত সভাত সভাপতিত্ব কৰে একাডেমিৰ অধ্যক্ষ তথা নিবন্ধকাৰ অজিত কুমাৰ সন্দিকৈয়ে ৷ বিশিষ্ট সাংবাদিক বিকাশ সন্দিকৈয়ে আঁত ধৰা অনুষ্ঠানটোত বন্তি প্ৰজ্জ্বলন আৰু আদৰণী ভাষণ প্ৰদান কৰে একাডেমীৰ সঞ্চালিকা ড° ৰাজু বৰুৱাই ৷ উচ্চতৰ মাধ্যমিক দ্বিতীয় বৰ্ষৰ ছাত্ৰ পৰশমনি বৰা দ্বাৰা পৰিবেশিতএটি বৰগীতেৰে আৰম্ভ হোৱা সভাখনত বিশিষ্ট অতিথি হিচাপে অংশগ্ৰহণ কৰি যোৰহাটৰ বিশিষ্ট আবৃত্তিকাৰ শান্তিছায়া শইকীয়া আৰু বাল্য নিকেতন কাকজানৰ শিক্ষক জিতুমনি বৰ্মনে প্ৰেৰণামূলক বক্তব্য প্ৰদান কৰি ছাত্ৰ-ছাত্ৰীসকলক অনুসন্ধিৎসু গুণৰ অধিকাৰী হোৱাৰ আহ্বান জনায় ৷ লাহদৈগড় একাডেমীৰ প্ৰবক্তা উজ্জ্বলপ্ৰাণ গোস্বামীয়ে নৱাগত ছাত্ৰ-ছাত্ৰীসকলক শপত বাক্য পাঠ কৰোৱাৰ লগতে ছাত্ৰ-ছাত্ৰীক উদ্দেশ্যি পৰামৰ্শমূলক বক্তব্য আগবঢ়ায় ৷ উক্ত অনুষ্ঠানতে উচ্চতৰ মাধ্যমিক প্ৰথম বৰ্ষৰপৰা দ্বিতীয় বৰ্ষলৈ একাডেমিৰ ভিতৰত সৰ্ব্বোচ্চ নম্বৰপ্ৰাপক ছাত্ৰী নয়নী বৰুৱাক জ্ঞানশ্ৰী বঁটা প্ৰদান কৰা হয় ৷ একাডেমীৰ শুভাকাঙ্খী অঞ্জনজ্যোতি শইকীয়াই আগবঢ়োৱা এই বঁটাত আছে এক প্ৰশস্তি পত্ৰ আৰু গ্ৰন্থৰ টোপোলা আৰু এই বৰ্ষৰ চূড়ান্ত পৰীক্ষাত ৰাজনীতি বিজ্ঞানত একাডেমীৰ ভিতৰত সৰ্বোচ্চ নম্বৰ প্ৰাপ্ত বৈষ্ণৱ প্ৰাণ বৰাক প্ৰজ্ঞা বটাঁ প্ৰদান কৰা হ'য়।আনহাতে এইবৰ্ষৰ উচ্চতৰ মাধ্যমিক চূড়ান্ত পৰীক্ষাত লেটাৰ মাৰ্কসহ প্ৰথম বিভাগত উত্তীৰ্ণ সংগীতা বৰা, বৈষ্ণৱ প্ৰাণ বৰা, দিপশিখা বৰা, কৃষ্ণাক্ষী সন্দিকৈ , তৃষ্ণাৰাণী বৰা, মিণ্টু শইকীয়া, হিমাংশু বৰা, হিয়াশ্ৰী সন্দিকৈ , চয়নিকা বৰা, আৰু প্ৰদ্যুন্ন বৰাক একাডেমিৰ তৰফৰপৰা গ্ৰন্থৰে অভিনন্দন জ্ঞাপন কৰা হয়। লগতে একাডেমীৰ পৰা উচ্চ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ ছাত্ৰ-ছাত্ৰীসকলক অভিনন্দন জনোৱা হ'য়। অভিনন্দন অনুষ্ঠান পৰিচালনা কৰে একাডেমীৰ প্ৰবক্তা প্ৰিয়াংকী বৰাই ৷ কেইবাগৰাকী ন-পুৰণি ছাত্ৰ-ছাত্ৰীয়ে মনৰ অনুভৱ ব্যক্ত কৰা অনুষ্ঠানত ছাত্ৰ-ছাত্ৰীসকলে গীত, নৃত্য, আদি পৰিবেশন কৰি অনুষ্ঠানৰ সৌষ্ঠৱ বৃদ্ধি কৰে ৷

আজিৰ দৈনিক জনমভূমিত

লাহদৈগড় একাডেমীৰ চতুৰ্থ বাৰ্ষিক প্ৰতিষ্ঠা দিৱস উদ্‌যাপন।

পূব যোৰহাটৰ ঐতিহাসিক ক্ষেত্ৰ লাহদৈগড় অঞ্চলটিত শৈক্ষিক উত্তৰণৰ বাবে ২০২০ চনত লাহদৈগড় একাডেমী প্ৰতিষ্ঠা কৰা হৈছিল। আজি এই একাডেমীয়ে পঞ্চম বৰ্ষত ভৰি দিলে। তদুপলক্ষত আজি একাডেমীৰ প্ৰেক্ষাগৃহত উলহ-মালহেৰে প্ৰতিষ্ঠা দিৱসটি পালন কৰা হয়। সৰ্ব প্ৰথমে একাডেমীৰ অৰ্থনীতি বিভাগৰ প্ৰবক্তা উজ্জ্বল প্ৰাণ গোস্বামী আৰু ছিদ্দিকী মাৰ্কেটৰ স্বত্বাধিকাৰী ৰিয়াজ আলি আহমেদে গছপুলি ৰোপন কৰে আৰু ইয়াৰ পিছতে বন্তি প্ৰজ্বলন কৰে শিক্ষাতত্ত্ব বিভাগৰ প্ৰবক্তা প্ৰিয়াংকী বৰগোহাঁয়ে ।গুৰুজনাৰ এটি বৰগীতেৰে প্ৰতিষ্ঠা দিৱসৰ শুভাৰম্ভণি কৰে একাডেমীৰ দ্বাদশ শ্ৰেণীৰ ছাত্ৰ পৰশমণি বৰাই। ইয়াৰ পাছতে দ্বাদশ শ্ৰেণীৰ ছাত্ৰ-ছাত্ৰীসকলে এটি সমবেত সংগীত পৰিৱেশন কৰে।দ্বাদশ শ্ৰেণীৰ ছাত্ৰ অংকুমণি বৰা আৰু ছাত্ৰী নয়নী বৰুৱাই আঁত ধৰা সভাখন সঞ্চালনা কৰে একাডেমীৰ সন্মানীয় অধ্যক্ষ অজিত কুমাৰ সন্দিকৈয়ে। সভাখনত বিশিষ্ট অতিথি হিচাপে উপস্থিত থাকি নবীন বৰদলৈ মহাবিদ্যালয়ৰ সমাজতত্ত্ব বিভাগৰ সহকাৰী অধ্যাপক হেমন্ত কুমাৰ বৰগোহাঁয়ে ছাত্ৰ-ছাত্ৰীসকলক উদ্দেশ্যি বক্তব্য আগবঢ়ায়। অনুষ্ঠানত কেইবাগৰাকী ছাত্ৰ-ছাত্ৰীয়ে নৃত্য-গীত ,কবিতা আবৃত্তি পৰিৱেশন কৰে।সভাখনত উপস্থিত থকা একাডেমীৰ প্ৰতিষ্ঠাপক প্ৰবক্তা তথা বৰ্তমানৰ কাকজান মহাবিদ্যালয়ৰ ৰাজনীতি বিভাগৰ সহকাৰী অধ্যাপক মানৱজ্যোতি শইকীয়াই একাডেমীৰ প্ৰতিষ্ঠাকালৰ কথা সকলোৰে আগত ব্যক্ত কৰি প্ৰতিষ্ঠাপক অধ্যক্ষ সন্দিকৈদেৱ,একাডেমীৰ সঞ্চালিকা ড°ৰাজু বৰুৱা,শিক্ষক-শিক্ষয়িত্ৰী তথা শুভাকাংক্ষীসকলক কৃতজ্ঞতা জ্ঞাপন কৰে। সভাখনত একাডেমীৰ সঞ্চালিকা ড°ৰাজু বৰুৱা আৰু অধ্যক্ষ অজিত কুমাৰ সন্দিকৈয়ে ছাত্ৰ-ছাত্ৰীক উদ্দেশ্য কৰি সাৱলীল বক্তব্য আগবঢ়ায় ।

আজি লাহদৈগড় একাডেমীৰ ২০২৪-২৫ শৈক্ষিকবৰ্ষৰ একাদশ শ্ৰেণীৰ শুভাৰম্ভৰ কিছু স্থিৰ চিত্ৰ।🙏