24/07/2021
আজি ২৪।০৭।২০২১ তাৰিখে আমি চি এল পি এবেকাচ যোৰহাট কেন্দ্ৰৰ ফালৰ পৰা এটা অনুষ্ঠান আয়োজন কৰিছিলোঁ,অনুষ্ঠানৰ মূখ্য উদ্দেশ্য আছিল অভিভাৱকসকলৰ লগত মত বিনিময়,লগতে শিশুসকলৰ মনোৰঞ্জনৰ বাবে তেওঁলোকৰ নিজা ৰুচি অনুযায়ী প্ৰতিভাসমূহৰ প্ৰদৰ্শন।শিশুসকলৰ উৎসাহৰ প্ৰতি লক্ষ্য ৰাখি আমি অভিভাৱকৰ সৈতে মত বিনিময় একেবাৰে শেষলৈ ৰাখিলোঁ সেয়ে সকলোৰে লগত চিনাকি হব পৰা নগল।আজিৰ অনুষ্ঠানটো আমি সকলোৰে সময়ৰ প্ৰতি লক্ষ্য ৰাখি দুদিনীয়া কৰিলোঁ যাতে সকলো শিশুৱে নিজৰ ইচ্ছামতে অনুষ্ঠান পৰিবেশন কৰিব পাৰে।
আজিৰ অনুষ্ঠান আমাৰ শ্ৰদ্ধাৰ শ্ৰীযুত পংকজ বৰুৱাদেৱে মংগলাচৰণেৰে শুভাৰম্ভ কৰে আৰু উদ্ধোধনী ভাষণ আগবঢ়াই তিতাবৰ প্ৰাগজ্যোতিকাৰ শ্ৰীযুত ৰক্তিম দত্ত দেৱে।তেওঁলোক দুয়োৱে সকলো শিশুৰ সৰ্বাংগীণ উন্নতি কামনা কৰি নিজৰ বক্তব্য আগবঢ়ায়।আমাৰ চিন্ময়ী লাৰ্ণিং পইন্টৰ প্ৰতিষ্ঠাতা শিশু মনস্তত্ববিদ আৰু কেলিগ্ৰাফিষ্ট কুকি মহন্ত বাইদেৱে শিশুসকলৰ লগত বাৰ্তালাপ কৰি অভিভাৱকক উদ্দেশ্যি তেওঁৰ মন্তব্য ৰখাৰ পাছতেই শিশুসমূহৰ নৃত্য গীতেৰে আমাৰ কাৰ্য্যসূচী আগবাঢ়ে।ইয়াৰ আঁত ধৰে চি এল পিৰ নিৰ্দেশিকা ৰিণি বৰগোহাঁয়ে।আজি কবিতা আবৃত্তি কৰে অভিনৱ ফুকন,আদৃত অনুপ দত্ত আৰু সমৃদ্ধ সৌৰভে।গীত পৰিবেশন কৰে নৈঋত ভৰদ্বাজ,ওজস্বিনী নাগ,নিহান দত্ত,অন্বেষা মহন্ত,আদৃতা মৰাণ,লোপামূদ্ৰা গগৈ,অনুভৱ কৌশিক বৰুৱা,দেৱাৰ্চনা শৰ্মাই।মাতৃ আৰু সন্তানৰ যুটীয়াভাৱে গীত পৰিবেশন কৰে আদৃতা আৰু শ্ৰদ্ধাৰ বিপাশা সন্দিকৈ বাইদেৱে।কনমানি আদিত্ৰী গগৈয়ে এটি ৰাভা জনগোষ্ঠীৰ গীতৰ লগতে দুটি ওমলা গীত পৰিবেশন কৰে।সাধু কয় জ্ঞানৱী শৰ্মা,পোহৰ ভুঞা,দৰ্শিত ভৰদ্বাজে।সৰস্বতী বন্দনা কৰে পৰিধি হালৈয়ে।নৃত্য পৰিবেশন কৰে কৃষ্টিনা কিংকিনী দত্ত,মনিকাঞ্চন ৰাজখোৱাই।ঢোল বাদন কৰে কৃতাৰ্থ বৰুৱাই।শেষত কেইবাগৰাকীও অভিভাৱকে তেওঁলোকৰ বক্তব্য আগবঢ়াই।
শিশুসকলৰ প্ৰত্যেকেই খুব সুন্দৰকৈ নৃত্য,গীত, আবৃত্তি,সাধু পৰিবেশন কৰে।এইক্ষেত্ৰত অভিভাৱক সকলক মই ধন্যবাদ জনাইছোঁ।সকলোৱে ইমান সুন্দৰকৈ সহযোগিতা আগবঢ়োৱাৰ বাবে মই ধন্যবাদ আৰু কৃতজ্ঞতা জনাইছোঁ লগতে কালিলৈ অনুষ্ঠানত তেওঁলোক উপস্থিত থাকি বাকী শিশুসকলকো উৎসাহ যোগাব বুলি আশা ৰাখিছোঁ আৰু অনুৰোধ জনাইছোঁ।
