B.k academy

28/04/2026

17/04/2026

উচ্চতৰ মাধ্যমিকৰ ১ম বৰ্ষৰ Arts আৰু Science দুয়োটা শাখাতে দৰ্পণ পৰ্টেল যোগে অন্যান্য সকলো বিদ্যালয়ৰ লগতে আমাৰ বিদ্যালয়ৰ বাবেও অনলাইন আবেদন চলি আছে৷ইচ্ছুক ছাত্ৰ -ছাত্ৰীসকলে আমাৰ বিদ্যালয়ৰ দৰ্পণ পৰ্টেল HOBIBUL HUSSAIN SHISHU NIKETAN নামেৰে search কৰিব পাৰিব৷তাৰোপৰি বিদ্যালয়ৰ কৰ্তৃপক্ষৰ লগতো তলত দিয়া নম্বৰত যোগোযোগ কৰিব পাৰিব৷

যোগাযোগৰ নম্বৰ-
9957526700,8486370567

16/04/2026

বি কে একাডেমিৰ এগৰাকী অতি নিষ্ঠাবান কৰ্মী, জ্যেষ্ঠ শিক্ষয়িত্ৰী জিতু মণি বৰা (জিতা বাইদেউ)ৰ যোৱা দেওবাৰ ,১২-০৪-২০২৬ তাৰিখে এটি পথ দুৰ্ঘটনাত পতিত হৈ যোৰহাট চিভিল হস্পিতালত চিকিৎসাধীন হৈ থকা অৱস্থাত যোৱাকালি ৰাতি প্ৰায় ৮:২০মান বজাত পৰলোকপ্ৰাপ্তি ঘটে৷এগৰাকী প্ৰকৃতাৰ্থত সৎ সাহসী,মানৱদৰদী ,ছাত্ৰ ছাত্ৰীসকলৰ অত্যন্ত প্ৰিয় জিতা বাইদেউৰ এই আকস্মিক, অনাকাংক্ষিত মৃত্যুত বি কে একাডেমি পৰিয়াল অত্যন্ত মৰ্মাহত হোৱাৰ লগতে আজি সমগ্ৰ বি কে একাডেমি পৰিয়ালে বাইদেউৰ অন্তিম যাত্ৰাত বিদ্যালয়ৰ তৰফৰ পৰা একাজলি শ্ৰদ্ধাঞ্জলি নিবেদন কৰে৷ছাত্ৰ ছাত্ৰীসকলেও শোকাকুল নয়ণেৰে বাইদেউৰ নশ্বৰদেহক চিৰবিদায় জনায় বিদেহ আত্মাৰ চিৰশান্তি কামনা কৰে ৷লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে৷বাইদেউৰ পৱিত্ৰ আত্মা পৰমাত্মাৰ সৈতে বিলীন হৈ চিৰশান্তি লাভ কৰক এয়ে ভগৱানৰ ওচৰত প্ৰাৰ্থনা৷

09/02/2026

আগন্তুক হাইস্কুল শিক্ষান্ত আৰু উচ্চতৰ মাধ্যমিকৰ চূড়ান্ত পৰীক্ষাৰ সমূহ পৰীক্ষাৰ্থীলৈ বি কে একাডেমিৰ তৰফৰ পৰা সফলতা আৰু উজ্জ্বল ভবিষ্যতৰ বাবে আন্তৰিক শুভকামনা জ্ঞাপন কৰিলোঁ। 🌟💫🎉👏💖

20/09/2025

20/09/2025

জনতাৰ প্ৰাণৰো প্ৰাণৰ ,যুৱ প্ৰজন্মৰ হিয়াৰ আমঠু সংগীত শিল্পী ,সুৰকাৰ,গীতিকাৰ,চলচিত্ৰ পৰিচালক,সংগীত পৰিচালক,,ৰজত কমল বটা বিজয়ী,মানৱ দৰদী,প্ৰকৃতি প্ৰেমী শিল্পী জুবিন গাৰ্গে ২০২৫ চনৰ ১৯ ছেপ্তেম্বৰ তাৰিখে বৰ অনাকাংক্ষিতভাৱে আমাৰ মাজৰ পৰা চিৰ বিদায় লৈ অনন্ত ধামলৈ গতি কৰিলে৷নিজৰ সৃষ্টিৰাজিৰে সীমাৰ পৰিধি ভাঙি অসমৰ সংগীত জগতক সমগ্ৰ ভাৰত তথা বিশ্বৰ দৰবাৰত চিনাকী কৰি দিবলৈ সক্ষম হোৱা শিল্পীগৰাকীক হেৰুৱাই প্ৰতিজন অসমীয়া আজি মৰ্মাহত৷
আমাৰ বি কে একাডেমিৰ তৰফৰ পৰাও মহান শিল্পীগৰাকীৰ কায়িক বিদায়ৰ মুহূৰ্তত শোকস্তব্ধ হৈ তেখেতলৈ শ্ৰদ্ধাঞ্জলি জ্ঞাপন কৰা হয়৷কায়িকভাৱে আমাৰ মাজৰ পৰা আঁতৰি গ'লেও তেখেতৰ সৃষ্টিৰাজিৰ মাজেৰে জনতাৰ হৃদয়ে হৃদয়ে তেখেতে সোমাই থাকিব৷তেখেতৰ বিদেহ আত্মাই যাতে চিৰশান্তি লাভ কৰে আৰু শোকসন্তপ্ত পৰিয়ালবৰ্গই এই অনাকাংক্ষিত দুখৰ বোজা যাতে সহন কৰিব পাৰে তাকেই সৰ্বশক্তিমান ঈশ্বৰৰ ওচৰত প্ৰাৰ্থনা জনোৱা হয়৷

06/06/2025

বিশ্ব পৰিৱেশ দিৱসৰ লগত সংগতি ৰাখি আমাৰ বিদ্যালয়তো ছাত্ৰ ছাত্ৰীসকলক এক সুস্থ প্ৰাকৃতিক পৰিৱেশ অক্ষুণ্ণ ৰখাৰ প্ৰতি সজাগতা সৃষ্টিৰ মানসেৰে এলানি কাৰ্য্যসূচী হাতত লোৱা হয়।ছাত্ৰ ছাত্ৰীসকলক পৰিৱেশ দিৱসৰ তাৎপৰ্য সম্পৰ্কে অৱগত কৰোৱাৰ লগতে বিদ্যালয়ৰ চৌহদত গছ পুলি ৰোপনৰ কাৰ্য্যসূচীত অংশগ্ৰহণ কৰোৱা হয়।পৰিৱেশ সংৰক্ষণৰ ওপৰত আধাৰিত বিভিন্ন লেখাৰে সমৃদ্ধ এখনি প্ৰাচীৰ পত্ৰিকা 'জ্ঞানধাৰা ' উন্মোচন কৰা হয়।লগতে ছাত্ৰ ছাত্ৰীসকলৰ মাজত পৰিৱেশ সম্পৰ্কীয় চিত্ৰাংকন অনুষ্ঠিত কৰা হয়।তলত ৫ জুন, বিশ্ব পৰিৱেশ দিৱসৰ কিছু দৃশ্যাংশ-

22/05/2025

10/02/2025

ৰাষ্ট্ৰীয় বিজ্ঞান দিৱসৰ.লগত সংগতি ৰাখি বৰহোলাৰ বি কে একাডেমীত তলত উল্লেখিত কাৰ্যসূচীৰে এলানি বিজ্ঞান ভিত্তিক প্ৰতিযোগিতা আয়োজিত কৰা হৈছে।গতিকে আপোনালোকৰ সহযোগিতা আৰু দিহা-পৰামৰ্শ একান্তই কামনা কৰা হ'ল।