Selenghat visionary academy

চেলেংহাট ভিজনেৰী একাডেমীৰ দ্বিতীয় বৰ্ষত অধ্যয়নৰত আৰু ২০২৬ বৰ্ষত উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হ'বলগীয়া ছাত্ৰ-ছাত্ৰীসকলক আজি একাডেমীৰ তৰফৰ পৰা আনুষ্ঠানিকভাৱে বিদায় সম্বৰ্ধনা জনোৱা হয়। একাডেমীৰ অধ্যক্ষ শ্ৰীযুতা অসীমা খনিকৰৰ সভাপতিত্বত অনুষ্ঠিত বিদায় সম্বৰ্ধনা সভাত একাডেমীৰ শুভাকাংক্ষী ৰূপজ্যোতি হাজৰিকাই ছাত্ৰ-ছাত্ৰীসকলক উদ্দেশ্যি সাৰগৰ্ভ বক্তৃতা প্ৰদান কৰে। অধ্যক্ষ মহোদয়াই ছাত্ৰ-ছাত্ৰীসকলক এই একাডেমীত অধ্যয়ন কৰাৰ বাবে ধন্যবাদ জ্ঞাপন কৰাৰ লগতে আগন্তুক পৰীক্ষা সন্দৰ্ভত বহুকেইটো সদোপদেশ প্ৰদান কৰে। তাৰ উপৰি শৈক্ষিক মুৰব্বী পংকজ লোচন নাথেও পৰীক্ষাৰ সময়ত ছাত্ৰ-ছাত্ৰীসকলে কি কৌশল অৱলম্বন কৰিলে সফলতা লাভ কৰিব পাৰিব সেই সম্পৰ্কে অৱগত কৰে। একাডেমীৰ অন্য শিক্ষক-শিক্ষয়িত্ৰীসকলেও বিদায়ী ছাত্ৰ-ছাত্ৰীসকলৰ উদ্দেশ্যি শুভেচ্ছামূলক বক্তব্য আগবঢ়ায়।

২০২৫ বৰ্ষৰ ১৪ ছেপ্টেম্বৰত দ্বিতীয়বাৰৰ বাবে আয়োজন কৰা 'Selenghat Visionary Academy Talent Search Examination' ত সৰ্বোচ্চ নম্বৰেৰে উত্তীৰ্ণ হোৱা ছাত্ৰ-ছাত্ৰীসকলক কৃতকাৰ্যতাৰ চিনস্বৰূপে আজি মানপত্ৰ আৰু ট্ৰফী প্ৰদান কৰা হয়। উল্লেখযোগ্য যে এই পৰীক্ষাত ২৮ জন ছাত্ৰ-ছাত্ৰী অৱতীৰ্ণ হৈছিল আৰু তাৰ মাজত শীৰ্ষ স্থানপ্ৰাপ্ত ৮ জনক আজি বঁটা প্ৰদান কৰা হয়।

২০২৫-২৬ বৰ্ষৰ 'বাৰ্ষিক ক্ৰীড়া সপ্তাহ'ত কৃতিত্ব অৰ্জন কৰা প্ৰতিযোগীসকলক আজি পুৰস্কাৰ প্ৰদান কৰা হয়। একাডেমীৰ অধ্যক্ষ শ্ৰীযুতা অসীমা খনিকৰৰ সভাপতিত্বত অনুষ্ঠিত এই অনুষ্ঠানটিত প্ৰতিযোগীসকলক মানপত্ৰ আৰু মেডেলেৰে পুৰস্কৃত কৰা হয়।

Selenghat Visionary Academy ৰ ২০২৫-২৬ বৰ্ষৰ 'বাৰ্ষিক ক্ৰীড়া সপ্তাহ' কালি অৰ্থাৎ ১৭/০১/২০২৬ তাৰিখৰ পৰা আৰম্ভ হৈছে। একাডেমিৰ অধ্যক্ষ শ্ৰীযুতা অসীমা খনিকৰে পতাকা উত্তোলন কৰি ক্ৰীড়া সপ্তাহৰ উদ্বোধন কৰে। নিজৰ ভাষণত তেখেতে সকলো ছাত্ৰ-ছাত্ৰীকে প্ৰতিযোগিতাসমূহত অংশগ্ৰহণ কৰি ক্ৰীড়া সপ্তাহটি সফল কৰি তুলিবলৈ আহ্বান জনায়।

🤝Visionary Academy ☺️ আমি আমাৰ ছাত্ৰ ছাত্ৰী সকলক কেৱল পাঠ‍্যক্ৰমৰ শিক্ষাতেই বন্দী কৰি ৰাখিব নিবিচাৰো। নৈতিক আৰু আধ‍্যাত্মিক তথা কৰ্মমূখী শিক্ষাৰে এজন প্ৰকৃত মানৱ হিচাপে গঢ়িব বিচাৰো। সেয়ে আমি তেওঁলোকক লৈ গৈছিলো ধেমাজীৰ বিদ‍্যা দা লিভিং স্কুললৈ। য’ত তেওঁলোকে শিকি আহিল মানৱতা, আধ‍্যাত্মিকতা, পৰোপকাৰ তথা কৰ্মমূখীতা 😌 আমি এই আপাহতে ধন‍্যবাদ দিব বিচাৰিম Dr. Pranjal Buragohain ছাৰক যাৰ দীৰ্ঘম‍্যাদী চিন্তাৰ ফচল হিচাপে এনে এখন বিদ‍্যা নিকেতনৰ জন্ম দিলে। সঁচাই আপ্লুত হলো আমি, চিৰঋণী হব সমাজ আপোনাৰ ওচৰত। ☺️

অসমী আইৰ সুসন্তান, অসমীয়া জাতিক বিশ্বদৰবাৰত উজলাই তোলা,অসমীয়া চলচ্চিত্ৰক নৱজীৱন দিয়া,অসমবাসীৰ হিয়াৰ আমঠু,প্ৰাণৰ আৰু আদৰৰ শিল্পী জুবিন গাৰ্গৰ অপ্ৰত্যাশিত মহাপ্ৰয়াণত ম্ৰিয়মাণ হৈ Selenghat Visionary Academy ৰ পৰিয়ালবৰ্গৰ তৰফৰ পৰা অশ্ৰুসিক্ত শ্ৰদ্ধাঞ্জলি জ্ঞাপন কৰা হয়। মহান শিল্পীজনৰ স্বৰ্গগত আত্মাৰ চিৰশান্তি কামনা কৰিলোঁ।

The Selenghat Visionary Academy Talent Search Examination 2025 is held on 14th September at Selenghat Visionary Academy.

আজি ইংৰাজী ৮/৯/২০২৫ তাৰিখে বিদ‍্যালয়ৰ পঞ্জীয়ন তথা নতুন কাৰ্য‍্য কথা সম্পৰ্কীয় বতৰাৰ বাবে বোৰ্ড মিটিং অনুষ্ঠিত কৰা হয়। উপস্থিত থাকে বিদ‍্যালয়ৰ অধ‍্যক্ষ, সঞ্চালক, উপাধ‍্যক্ষ, শৈক্ষিক মূৰব্বীকে আদি কৰি পৰিচালনা সমিতিৰ বিশিষ্ট ব‍্যক্তিসকল।