24/07/2023
ગઈકાલના ભારેથી અતિભારે જેતપુરના ગ્રામ્ય વિસ્તાર અને આજુબાજુના વિસ્તાર માં પડેલા વરસાદ ના કારણે ઘણી બધી શાળાઓના બાળકો નદી નાળાઓ, તળાવો છલકાય ગયા હતા અને ખાસ નોધની બાબત એ છે કે પીડીબી કેમ્પસ જેતલસર ની શાળામાં બાવા પીપળીયા,ટીંબડી, રૂપાવટી, ભાટગામ,ડેડરવા, પીપળવા વિગેરે જેવા ગ્રામ્ય વિસ્તારમાંથી આવતા ૨૫૦ થી ૩૦૦ જેટલા બાળકોને શાળાનો સમય પૂરો થયા બાદ બપોરે પ્રાઇવેટ વાહનો મુકવા ગયેલ પરંતુ ત્યાં નદી-નાળા તોફાન પર હોય અને ઉબેણ ડેમ ઓવરફ્લો૨ થયેલ હોય સ્કુલના વાહનો પરત બોલાવી આ ૨૫૦ થી ૩૦૦ થી જેટલા બાળકોને બપોર નું ભોજન કરાવીને શાળાના એમડી દિનેશભાઈ ભુવા કાર્યકરો સાથે તરત દોડી આવેલ સાથે જીગ્નેશભાઈ રાદડીયા, સંદીપભાઈ
વેગડા, કુમનભાઈ અકબરી આ બધાએ રૂબરૂ જઈને નદી નાળાઓ અને આ વિસ્તારનો અભ્યાસ કરેલ અને પૂરી ઉચાઈ ધરાવતા બસ જેવા વાહનોમાં બધા બાળકોને ટ્રાન્સફર કરી સાંજ સુધીમાં જે તે ગામના બાળકોને ઘરે પહોંચાડેલ અને વાલીઓએ નિરાંતનો શ્વાસ લીધેલ. રાજકોટ જીલ્લા શાળા સંચાલક મંડળના પ્રમુખશ્રી અને કેમ્પસ વતી દિનેશ ભુવાએ અપીલ કરેલ કે સમગ્ર રાજ્યમાં ભારેથી અતિભારે વરસાદ પડી રહ્યો હોય ત્યારે શહેરી અને ગ્રામ્ય વિસ્તારમાં નદી-નાળાઓની આવી પરિસ્થિતિ સર્જાતી હોય ત્યારે સંચાલક મંડળ, સ્થાનિક લોકોએ, આગેવાનોએ અધિકારીઓ સાથે રહી અને બાળકોની સલામતીના પગલા લેવા વિનંતી કરેલ.
