27/05/2023
આ શબ્દો છે, હૃદયના..!
" નિષ્ફળતા " મળી મને, કહે આવું છું તારી જોડે
મેં કહ્યું ' આવને ' જયેશ સર છે મારી જોડે
એ તો ઉડીને ગઈ ક્યાંક, હવે ક્યાં એ મારી જોડે !!!
- સોનલ ચૌધરી ( શિક્ષિકા, કવાંટ )
એક શ્રેષ્ઠ ગુરુ દ્વારા મળેલી સફળતા
=======================
હું સોનલ ચૌધરી. મારુ વતન બનાસકાંઠાનું અંતરિયાળ વિસ્તારમાં આવેલું હરદેવાસણા ગામ. મેં મારું પ્રાથમિક શિક્ષણ ગામમાં જ લીધું. મારે વાત કરવી છે મને સૌથી અઘરા લાગતા વિષય ગણિતની. હું સાવ પછાત વિસ્તારમાંથી આવું છું. મારા મા બાપ પણ અભણ. ધંધો ખેતી અને પશુપાલન. માંડ બધું પૂરું થાય, ત્યાં ટ્યુશન રાખવા માટે પૈસા પણ ન હોય. હવે મને પાયાથી જ ગણિત ના આવડે, એટલે મેં ગોખી ગોખીને ગણિત ભણ્યું. ધોરણ 12 માં બાયોલોજી અને બીએસસીમાં વનસ્પતિશાસ્ત્ર રાખ્યું, એટલે પાંચ વર્ષ તો ગણિતથી દૂર રહી. પણ B. Ed. વખતે ખબર પડી કે આપણે તો વિજ્ઞાનની સાથે ગણિત પણ બાળકોને શીખવવું પડશે. હવે મને જ ગણિત ના આવડે તો, બાળકોને શીખવવું ક્યાંથી? એ સમયે મેં એક સ્માર્ટફોન ખરીદેલો. હું વીડિયો જોયા કરતી હતી એવામાં અચાનક આપણો એનડીસી પરિવાર મળી ગયો. બીજી તો શી વાત કરું? મેં દરરોજ જયેશ સરના વિડીયો જોવાના ચાલુ કર્યાં. જેટલો ટાઈમ મળે તેટલો મોબાઇલ લઈને બેસી જાઉં. બસ એનડીસીના સથવારે આમ ખૂબ વિડિયો જોયા. ને જાદુ થયો. જેમાં ઝીરો હતી, તેમાં હીરો બની ગઈ. આ વિડીયોના માર્ગદર્શનથી મેં ટેટ-2 અને બીજી ઘણી બધી પરીક્ષાઓ પાસ કરી. આજે હું છોટા ઉદેપુરના ક્વાંટ ખાતે શિક્ષક તરીકેની ફરજ બજાવું છું. ખૂબ નિષ્ફળતાઓ મળી છે પણ હાર ના જ સ્વીકારી. ત્યારે જ આ સફળતા સુધી પહોંચી છું. છેલ્લે હું તમામ મિત્રોને કહીશ કે મોંઘી મોંઘી ફી ભરીને ક્લાસીસમાં જોડાયા કરતા, બસ આ વિડીયો વારંવાર જુઓ ચોક્કસ સફળતા મળશે. દરેક લોકો પૈસા લઈને તો ઓનલાઇન ક્લાસ કરાવે છે, પણ આપણા જયેશ સર તો સાવ મફતમાં આપણને મૂલ્યવાન જ્ઞાન આપે છે.તો મિત્રો આવો અને વાઘેલા સરના વિડીયો જુઓ અને તમે પણ સરકારી નોકરી મેળવો.
નિષ્ફળતા મળી મને, કહે આવું છું તારી જોડે
મેં કહ્યું ' આવને ' જયેશ સર છે મારી જોડે
એ તો ઉડીને ગઈ ક્યાંક, હવે ક્યાં એ મારી જોડે !!!
- સોનલ ચૌધરી ( શિક્ષિકા, કવાંટ )
