What are the opening hours?

Monday 8am - 1pm Tuesday 8am - 1pm Wednesday 8am - 1pm Thursday 8am - 1pm Friday 8am - 1pm Saturday 8am - 1pm

Shree V M Mehta Muni Arts & Comm College, PANCHAVATI SOCIETY, P. N. MARG, Jamnagar (2026)

23/03/2026

TECHNOVETION FEST_2026
શ્રી વી.એમ. મહેતા મ્યુનિ. આર્ટ્સ એન્ડ કોમર્સ કોલેજમાં યુવા નવપ્રવર્તકોની સર્જનાત્મક ઝલક
શ્રી વી.એમ. મહેતા મ્યુનિ. આર્ટ્સ એન્ડ કોમર્સ કોલેજ, જામનગરના ઇનોવેશન ક્લબ દ્વારા તા. 28 ફેબ્રુઆરી 2026, શનિવારે સવારે 9:00 વાગ્યાથી “ટેક્નોવેશન ફેસ્ટ–2026”નું ઉત્સાહભેર અને સફળ આયોજન કરવામાં આવ્યું હતું. આ કાર્યક્રમનો મુખ્ય હેતુ વિદ્યાર્થીઓમાં સર્જનાત્મકતા, વૈજ્ઞાનિક દૃષ્ટિકોણ, ટેકનોલોજી પ્રત્યે રસ અને ટકાઉ નવીનતા (Sustainable Innovation) પ્રત્યે જાગૃતિ અને પ્રેરણા વિકસાવવાનો હતો.
આ ટેક્નોવેશન ફેસ્ટમાં કુલ 16 વિદ્યાર્થી જૂથો તથા 52 વિદ્યાર્થીઓએ ઉત્સાહપૂર્વક ભાગ લીધો હતો, જ્યારે લગભગ 12 વિદ્યાર્થીઓએ સ્વયંસેવક તરીકે સેવાઓ આપી કાર્યક્રમને સફળ બનાવવામાં સહકાર આપ્યો હતો. આ કાર્યક્રમ વિદ્યાર્થીઓ માટે તેમના વૈજ્ઞાનિક તથા ટેકનોલોજીકલ વિચારો અને પ્રોજેક્ટ્સ રજૂ કરવાની સશક્ત મંચ સાબિત થયો.
વિદ્યાર્થીઓએ વાસ્તવિક જીવનમાં ઊભી થતી વિવિધ સમસ્યાઓ માટે પ્રયોગાત્મક અને સર્જનાત્મક ઉકેલો રજૂ કરતાં અનેક નવીન મોડેલ્સ અને પ્રોટોટાઇપ્સ પ્રદર્શિત કર્યા. વિવિધ જૂથોએ ટેકનોલોજી, પર્યાવરણ સંરક્ષણ અને સામાજિક ઉપયોગિતાને ધ્યાનમાં રાખીને પોતાના પ્રોજેક્ટ્સ આત્મવિશ્વાસ અને ઉત્સાહ સાથે રજૂ કર્યા.
પ્રદર્શનમાં રજૂ થયેલા કેટલાક મુખ્ય અને આકર્ષક પ્રોજેક્ટ્સમાં સોલાર એનર્જીથી ચાલતો ઇન્વર્ટર બલ્બ, LiFi વાયરલેસ ઑડિયો ટ્રાન્સમિશન સિસ્ટમ, Arduino આધારિત વેટ અને ડ્રાય ડસ્ટબિન, ઇકો વોરિયર્સ પ્રોજેક્ટ, સ્માર્ટ ગ્લાસિસ, પાઈઝો-ઇલેક્ટ્રિક ફૂટવે, હાઇડ્રોલિક JCB મોડેલ, વાયરલેસ પાવર ટ્રાન્સફર સિસ્ટમ, GSRTC ઑનલાઇન બસ પાસ સિસ્ટમ, સોલાર એનર્જી એપ્લિકેશન્સ, માઇક્રોસ્કોપ ડેમોન્સ્ટ્રેશન અને ઓર્બૂટ ગ્લોબ ઇન્ટરેક્ટિવ લર્નિંગ મોડેલ જેવા પ્રોજેક્ટ્સ ખાસ આકર્ષણનું કેન્દ્ર રહ્યા હતા.
આ કાર્યક્રમનું આયોજન કોલેજના પ્રિન્સિપલ ડૉ. જી. બી. સિંહના માર્ગદર્શન હેઠળ કરવામાં આવ્યું હતું. તેમના સતત પ્રોત્સાહન અને પ્રેરણાથી વિદ્યાર્થીઓમાં ટેકનોલોજીકલ સર્જનાત્મકતા તથા નવીન વિચારશક્તિને પ્રોત્સાહન મળ્યું.
કાર્યક્રમનું સંકલન ઇનોવેશન ક્લબના કોર્ડિનેટર ડૉ. દર્શિતા દવે દ્વારા કરવામાં આવ્યું હતું. સાથે જ કોકોર્ડિનેટર ડૉ. નિતક્ષા ગેડિયાએ વિદ્યાર્થીઓને માર્ગદર્શન આપીને તથા સમગ્ર આયોજનને સુવ્યવસ્થિત રીતે પાર પાડવામાં મહત્વપૂર્ણ યોગદાન આપ્યું હતું.
ટેક્નોવેશન ફેસ્ટ–2026 માટે નિર્ણાયક તરીકે સરકારી પોલિટેકનિક કોલેજ, જામનગરના પ્રોફેસર્સ પ્રો. રાહુલ ઓઝા, પ્રો. ડૉ. વી. એસ. તેજવાણી અને પ્રો. સતિશકુમાર ગોરીએ મહત્વપૂર્ણ ફરજ બજાવી હતી. તેમણે વિદ્યાર્થીઓના સર્જનાત્મક પ્રયાસો અને આયોજકોની મહેનતને બિરદાવતાં જણાવ્યું કે આવા કાર્યક્રમો વિદ્યાર્થીઓમાં સંશોધન, નવીનતા અને પ્રયોગાત્મક અભિગમ વિકસાવવામાં મહત્વપૂર્ણ ભૂમિકા ભજવે છે.
આ સમગ્ર કાર્યક્રમને સફળ બનાવવા કોલેજના ટીચિંગ તથા નોન-ટીચિંગ સ્ટાફે પણ સહકાર અને જહેમતપૂર્વક યોગદાન આપ્યું હતું. સમગ્ર કાર્યક્રમ નું સફળ સંચાલન બી.કોમ સેમ 6 ની વિદ્યાર્થિની દર્શના ઝાલા એ કર્યું હતું.
વિદ્યાર્થીઓએ પોતાના પ્રોજેક્ટ્સ આત્મવિશ્વાસપૂર્વક રજૂ કરતાં મુલાકાતીઓ અને પ્રાધ્યાપકોને તેમના પ્રયોગોના વૈજ્ઞાનિક સિદ્ધાંતો, ટેકનોલોજીકલ ઉપયોગ અને સામાજિક મહત્વ વિશે વિગતવાર સમજાવ્યું.
આ રીતે ટેક્નોવેશન ફેસ્ટ–2026 વિદ્યાર્થીઓમાં વૈજ્ઞાનિક દૃષ્ટિકોણ, સર્જનાત્મકતા અને ઉદ્યોગસાહસિકતા વિકસાવવા માટે એક નોંધપાત્ર પહેલ સાબિત થયો. સાથે સાથે આ કાર્યક્રમ દ્વારા શૈક્ષણિક પરિસરમાં નવીનતા અને સંશોધન સંસ્કૃતિને પ્રોત્સાહન મળ્યું.
કાર્યક્રમના અંતે તમામ ભાગ લેનારા વિદ્યાર્થીઓ, સ્વયંસેવકો અને આયોજકોને અભિનંદન પાઠવી આ ઉત્સવનું સફળ સમાપન કરવામાં આવ્યું.

25/02/2026

તા.૨૧ ફેબ્રુઆરી વિશ્વ માતૃભાષા દિવસ ની ઉજવણી અમારી કોલેજ માં ખૂબ ઉત્સાહપૂર્વક કરવામાં આવી હતી. જેમાં સૌ પ્રથમ પ્રાર્થના ગીત થી કાર્યક્રમ શરૂ થયો હતો. ત્યારબાદ ગુજરાતી વિભાગ ના પ્રા. ડો. હંસાબેન પરમારે સ્વાગત પ્રવચન કર્યું હતું. બાદ માં વિધાર્થીઓ દ્વારા જુદી જુદી રીતે માતૃભાષા વંદના કરવામાં આવી હતી. વિશેષ ભાવક રૂપે ઉપસ્થિત રહેનાર પ્રા. ડો. દર્શિતા બેન દવે એ પોતાના સુંદર પ્રતિભાવ આપ્યો હતો. તેમજ પ્રા. ડો. કિંજલ બેન ભટ્ટે ટેકનોલોજી ના ઉપયોગ થી માતૃભાષા નો વિકાસ કઈ રીતે કરવો તેના વિશે સૌ ને માહિતગાર કર્યા હતા.

અંત માં ગુજરાતી વિભાગ ના અધ્યક્ષ તથા સમગ્ર કાર્યક્રમ નું આયોજન કરનાર પ્રા. ડો. નયનાબેન પંડ્યા એ સ્કીલ ડેવલપમેન્ટ ને અનુલક્ષીને માતૃભાષા માં કારકિર્દી ના નવા આયામો ની જાણકારી આપી હતી. આચાર્ય શ્રી ડો. જી. બી. સિંહ સાહેબે પ્રસંગોચિત મંતવ્ય આપ્યું હતું. આ કાર્યક્રમ નું સફળ સંચાલન સેમ ૪ ની વિધાર્થીનીઓ એ કર્યું હતું.

29/01/2026

શ્રી વી. એમ. મહેતા આર્ટ્સ એન્ડ કોમર્સ કોલેજમાં ૨૬ જાન્યુઆરી – પ્રજાસત્તાક દિનની ઉજવણી 🇮🇳✨

શ્રી વી. એમ. મહેતા આર્ટ્સ એન્ડ કોમર્સ કોલેજ, જામનગર ખાતે ૨૬ જાન્યુઆરી – પ્રજાસત્તાક દિનની ઉજવણી ખૂબ જ ઉત્સાહ, દેશપ્રેમ અને રાષ્ટ્રીય ભાવનાથી કરવામાં આવી.

કાર્યક્રમની શરૂઆત NCC કેડેટ્સની શિસ્તબદ્ધ પરેડથી થઈ, ત્યારબાદ ધ્વજ વંદન, રાષ્ટ્રગાન અને માનનીય પ્રિન્સિપાલ સાહેબનું પ્રેરણાદાયક ભાષણ યોજાયું, જેમાં તેમણે દેશપ્રેમ, શિસ્ત અને સંવિધાનના મૂલ્યો વિશે મહત્વપૂર્ણ વિચાર રજૂ કર્યા.

આ પછી કોલેજના વિદ્યાર્થીઓ દ્વારા સાંસ્કૃતિક કાર્યક્રમનું સુંદર આયોજન કરવામાં આવ્યું, જેમાં નાટકની રજૂઆત તથા દેશભક્તિ ગીતોની મનોહર ગાયકી કરવામાં આવી. વિદ્યાર્થીઓની પ્રતિભા અને ઉત્સાહે સમગ્ર વાતાવરણને આનંદમય બનાવી દીધું.

આ કાર્યક્રમમાં કોલેજના તમામ સ્ટાફ સભ્યો અને વિદ્યાર્થીઓએ એકસાથે ભાગ લઈ, પ્રેમ, એકતા અને દેશભક્તિના ભાવ સાથે આ સાંજને ખૂબ જ સુંદર અને સ્મરણિય રીતે ઉજવી. 🇮🇳🌸

28/01/2026

રાજ્ય સરકારશ્રી દ્વારા અમલમાં મુકાયેલ *“વિદ્યાર્થી ઉદ્યમીતાસાહસિકતા નીતિ”* અંતર્ગત વિદ્યાર્થીઓમાં ઉદ્યોગસાહસિકતાની ભાવનાને પ્રોત્સાહન આપવાના હેતુસર એક મહત્વપૂર્ણ પહેલ હાથ ધરવામાં આવી છે. આ યોજનાના અંતર્ગત *શ્રી વી. એમ. મહેતા મ્યુનિસિપલ આર્ટ્સ અને કોમર્સ કોલેજ, જામનગરના બે તેજસ્વી અને પ્રતિભાશાળી વિદ્યાર્થીઓ — **ધોકિયા સુમિત* તથા *દોદાણી તાજુદીનને પ્રતિ વિદ્યાર્થી **રૂ. ૪૦,૦૦૦/- ની ગ્રાન્ટ* મંજૂર કરવામાં આવી છે.

આ ગ્રાન્ટના માધ્યમથી વિદ્યાર્થીઓ પોતાનું સ્વતંત્ર ઉદ્યોગસાહસ શરૂ કરી આત્મનિર્ભરતા તરફ આગળ વધી શકશે, જે “આત્મનિર્ભર ભારત”ના સંકલ્પને પણ સશક્ત બનાવે છે.

આ નોંધપાત્ર સિદ્ધિ પાછળ કોલેજના પ્રગતિશીલ આચાર્ય *શ્રી જી. બી. સિંહનું સતત પ્રોત્સાહન અને દિશાનિર્દેશન મહત્વપૂર્ણ રહ્યું છે. ઉપરાંત કોલેજના **એન્ટરપ્રેન્યોરશિપ સેલના નોડલ ઓફિસર ડો. નિતિક્ષા જે. ગેડિયા* દ્વારા આપવામાં આવેલું માર્ગદર્શન, તાલીમ અને યોગ્ય માર્ગચિંતન વિદ્યાર્થીઓ માટે પ્રેરણારૂપ સાબિત થયું છે.

*શ્રી વી. એમ. મહેતા મ્યુનિસિપલ આર્ટ્સ & કોમર્સ કોલેજ, જામનગર*માં કાર્યરત એન્ટરપ્રેન્યોરશિપ સેલ દ્વારા વિદ્યાર્થીઓમાં નવી વિચારધારા અને વ્યવસાયિક દૃષ્ટિકોણ વિકસાવવાની દિશામાં સતત પ્રયત્નો કરવામાં આવી રહ્યા છે, જેના પરિણામે આવી ગૌરવસભર સિદ્ધિઓ પ્રાપ્ત થઈ રહી છે.

કોલેજ પરિવાર દ્વારા બંને વિદ્યાર્થીઓને આ સિદ્ધિ બદલ અભિનંદન પાઠવવામાં આવ્યા છે તથા તેમના ઉજ્જવળ ભવિષ્ય માટે શુભેચ્છાઓ વ્યક્ત કરવામાં આવી છે.

15/01/2026

શ્રી વી. એમ. મહેતા મુનિ આર્ટ્સ એન્ડ કોમર્સ કોલેજ, જામનગર ખાતે રાષ્ટ્રીય યુવા દિવસ નિમિત્તે સ્વદેશી મેળાનું આયોજન

જામનગર | તા. 12 જાન્યુઆરી, 2026

શ્રી વી. એમ. મહેતા મુનિ આર્ટ્સ એન્ડ કોમર્સ કોલેજ, જામનગર દ્વારા 12 જાન્યુઆરી, 2026ના રોજ રાષ્ટ્રીય યુવા દિવસ નિમિત્તે સ્વામી વિવેકાનંદજીની સ્મૃતિમાં સ્વદેશી મેળાનું સફળ આયોજન કરવામાં આવ્યું હતું.

આ મેળાનો મુખ્ય હેતુ યુવાનોમાં જાહેરાત, વેચાણ, ટીમ વર્ક, માર્કેટિંગ, નાણાંકીય વ્યવસ્થાપન તથા સ્ટાર્ટ-અપ સંબંધિત વિવિધ કુશળતાઓનો વિકાસ કરવાનો હતો. સાથે સાથે સ્વામી વિવેકાનંદજીના આત્મનિર્ભરતા અને સ્વદેશી ભાવનાના વિચારોને ઉજાગર કરવાનો ઉદ્દેશ પણ હતો.

મેળામાં 14 થી 15 સ્ટોલ્સ મૂકવામાં આવ્યા હતા, જેમાં ખાદ્યપદાર્થો, વિવિધ પીણાં, રમતો, પુસ્તકો, લાઈવ પરફ્યુમ્સ, હસ્તનિર્મિત ઇમિટેશન જ્વેલરી તથા અન્ય સ્વદેશી ઉત્પાદનોનો સમાવેશ થયો હતો. દરેક સ્ટોલનું સંચાલન વિદ્યાર્થીઓ દ્વારા કરવામાં આવ્યું હતું, જેના દ્વારા તેમને વ્યવહારિક અનુભવ પ્રાપ્ત થયો.

આ કાર્યક્રમમાં 50થી વધુ વિદ્યાર્થીઓએ સક્રિય ભાગ લીધો, તેમજ કોલેજના અનેક વિદ્યાર્થીઓએ મેળાની મુલાકાત લઈને આનંદ માણ્યો. વિદ્યાર્થીઓમાં ઉત્સાહ અને સર્જનાત્મકતા સ્પષ્ટ રીતે જોવા મળી.

આ સમગ્ર કાર્યક્રમનું આયોજન કોલેજના પ્રિન્સિપાલ ડૉ. જી. બી. સિંહના માર્ગદર્શન હેઠળ કરવામાં આવ્યું હતું. આયોજન સમિતિના સભ્યો ડૉ. નયનાબેન પંડ્યા, ડૉ. દર્શિતા દવે અને ડૉ. નિતિક્ષા ગેડિયાએ અવિરત પરિશ્રમ કરીને કાર્યક્રમને સફળ બનાવ્યો. કોલેજના તમામ સ્ટાફ સભ્યોએ પણ સહયોગ અને ઉત્સાહપૂર્વક ભાગ લીધો.

આ સ્વદેશી મેળો વિશાળ સફળતા સાથે સંપન્ન થયો અને વિદ્યાર્થીઓમાં યુવા સશક્તિકરણ, ઉદ્યોગસાહસિકતા અને સ્વદેશી ભાવનાનું સશક્ત સંદેશો પ્રસરાવ્યો.

23/12/2025

શ્રી.વી.એમ. મહેતા મ્યુનિસિપલ આર્ટસ અને કોમર્સ કોલેજ, જામનગરમાં તારીખ ૧૭/૧૨/૨૦૨૫ના રોજ ‘સ્વદેશી અભિયાન’ અંતર્ગત એક કાર્યક્રમનું આયોજન થયું હતું. જેમાં વિદ્યાર્થીઓને સ્વદેશી વસ્તુઓનો ઉપયોગ અને ખરીદી વિશે પ્રેરીત કરાયા હતા. જેમાં સૌ પ્રથમ સંસ્થાના આચાર્ય શ્રી ડો. જી.બી.સિંહ દ્રારા તમામ ઉપસ્થિત વક્તાઓ અને મહાનુભાવોનો પરિચય આપ્યો હતો.ત્યારબાદ જામનગર મહાનગર પાલિકાના પૂર્વ મેયર તથા જામનગર શહેરના ભાજપના શહેર પ્રમુખ શ્રી બીનાબેન કોઠારીએ આ અંગે પ્રાથમિક માહિતી આપી હતી. ત્યારબાદ મુખ્ય વક્તા તરીકે ઉપસ્થિત રહેનાર રાજકોટ મહાનગર પાલિકાના પૂર્વ મેયર શ્રી પ્રદીપભાઈ ડવે વિદ્યાર્થીઓને “ સ્વદેશી અપનાઓ,દેશ બચાવો” આ સૂત્ર પર સરળ વકતવ્ય આપીને વિદ્યાર્થીઓને પ્રોત્સાહિત કર્યા હતા. અંતમાં નિશાંતભાઈ અગારા દ્રારા સ્વદેશી વસ્તુઓ અપનાવવા અંગે સંકલ્પ લેવડાવવામાં આવ્યો હતો.

આ સમગ્ર કાર્યક્રમનું આયોજન ડો. દિલીપભાઈ નકુમ તથા ડો. નિતિક્ષાબેન ગેડિયાએ કર્યું હતું.જેનું સફળ સંચાલન વિદ્યાર્થીની દર્શના ઝાલાએ કર્યું હતું. તેમજ આભાર વિધિ ડો કિંજલબેન ભટ્ટે કરી હતી. સમગ્ર સ્ટાફગણના સહકારથી આ આયોજન સફળતા પૂર્વક પાર પડ્યું હતું. જેની પ્રેરણા અને માર્ગદર્શન આચાર્યશ્રી દ્રારા અપાયુ હતું.

10/09/2025

🎉📚 Teacher’s Day Celebration 2025 📚🎉

At Shree V. M. Mehta Arts & Commerce College, we joyfully celebrated Teacher’s Day on 5th September 2025 with great enthusiasm and respect. 🙏✨

The program was filled with heartfelt speeches, cultural performances, and a warm tribute to our beloved teachers who guide us with wisdom, inspire us with knowledge, and shape our future with dedication. 🌟👩‍🏫👨‍🏫

A big salute to all our teachers for their tireless efforts and selfless contribution in nurturing young minds. 💐❤️

28/08/2025

📌 સાંસ્કૃતિક પ્રવૃત્તિ રિપોર્ટ

અમારી સંસ્થામાં તારીખ 22 અને 23 ઑગસ્ટ, 2025 ના રોજ સાંસ્કૃતિક પ્રવૃત્તિ સપ્તાહ અંતર્ગત વિવિધ પ્રકારની કુલ 16 સ્પર્ધાઓ નું સફળ આયોજન કરવામાં આવ્યું હતું. આ કાર્યક્રમનું આયોજન અમારી સંસ્થા–ધ્યક્ષશ્રીના સર્વાંગી માર્ગદર્શન તેમજ સાંસ્કૃતિક સમિતિના સુચારુ નેતૃત્વ હેઠળ થયું હતું.

આ સ્પર્ધાઓમાં વક્તૃત્વ સ્પર્ધા, નિબંધ લેખન, કાવ્યગાન, શાસ્ત્રીય સંગીત, લઘુનાટિકા, લોકગીત, લોકનૃત્ય, ચિત્રકામ, ક્વિઝ, મીમિક્રી, શિલ્પકલાત્મક કૃતિઓ વગેરે જેવી વિવિધ સર્જનાત્મક તથા કલાત્મક સ્પર્ધાઓનો સમાવેશ કરવામાં આવ્યો હતો.

વિદ્યાર્થીઓએ ઉત્સાહપૂર્વક મોટી સંખ્યામાં ભાગ લીધો હતો. તેમના પ્રતિભાશાળી પ્રદર્શન દ્વારા સ્પર્ધાઓને જીવંતતા મળી. કોઈએ પોતાના સ્વરથી સૌને મંત્રમુગ્ધ કર્યા, કોઈએ કલા અને રંગોની માયા ફેલાવી, તો કોઈએ વાણી અને વક્તૃત્વના કૌશલ્યથી પ્રેક્ષકોને પ્રભાવિત કર્યા.

દરેક સ્પર્ધા દરમ્યાન વિદ્યાર્થીઓએ પોતાના સ્વપ્રતિભાના ઝળહળતા કામણો પાથર્યા અને તેમના સર્જનાત્મક વિચારો તથા કૌશલ્ય દ્વારા સંસ્થાનું ગૌરવ વધાર્યું. આ કાર્યક્રમ દ્વારા વિદ્યાર્થીઓને આત્મવિશ્વાસ, સ્પર્ધાત્મકતા, સંગઠનશક્તિ અને મંચ પર પોતાની જાતને વ્યક્ત કરવાની તક મળી.

આ તમામ પ્રવૃત્તિઓનો હેતુ માત્ર સ્પર્ધા સુધી મર્યાદિત ન હતો, પરંતુ વિદ્યાર્થીઓના સર્વાંગી વિકાસ, સંસ્કારમય વ્યક્તિત્વ નિર્માણ અને સામૂહિક ભાવના મજબૂત કરવો હતો.

22/08/2025

જામનગર સ્થિત શ્રી વી. એમ. મેહતા મ્યુનિસિપલ આર્ટ્સ એન્ડ કોમર્સ કોલેજમાં ઇનોવેશન ક્લબ દ્વારા World Entrepreneurs' Day ઉજવાયો હતો. આ કાર્યક્રમનું સફળ આયોજન ઇનોવેશન ક્લબ ના કોઓર્ડિનેટર ડૉ. દર્શિતા દવે અને કો કોઓર્ડિનેટર ડૉ. નિતિક્ષા ગેડિયાએ કર્યું હતું તથા સમગ્ર આયોજન પ્રિન્સીપાલ ડૉ. જી.બી. સિંહના માર્ગદર્શન હેઠળ થયું હતું.

આ પ્રસંગે લેસર સ્ટુડિયોના સ્થાપક શ્રી સાવન સોલંકી મુખ્ય વક્તા તરીકે ઉપસ્થિત રહ્યા હતા. તેમણે પોતાના જીવનપ્રવાસની વાત કરતાં કહ્યું કે વિચારને જો દૃઢ સંકલ્પ સાથે આગળ ધપાવાય તો તે હકીકત બની શકે છે. તેમની પ્રેરણાદાયી વાતોથી વિદ્યાર્થીઓમાં ઉદ્યોગસાહસિક બનવાની નવી ઉર્જા ફૂંકાઈ હતી.

કાર્યક્રમમાં અંદાજે ૬૦ જેટલા વિદ્યાર્થીઓએ ભાગ લીધો હતો. કાર્યક્રમનું સંચાલન વિદ્યાર્થિની દર્શના જાલાએ કર્યું હતું, જ્યારે અંતે ઇનોવેશન ક્લબ ના કોઓર્ડિનેટર ડૉ. દર્શિતા દવેએ આભાર વ્યક્ત કર્યો હતો.

આ કાર્યક્રમથી વિદ્યાર્થીઓમાં પોતાનું સપનું સાકાર કરવાની પ્રેરણા જગાઈ હતી

20/08/2025

શ્રી વી.એમ.મહેતા મ્યુનિસિપલ આર્ટ્સ એન્ડ કોમર્સ કોલેજ, જામનગર ખાતે આજે "હર ઘર તિરંગા" ના સંદર્ભમાં એક સુંદર રંગોળી સ્પર્ધા યોજાઇ તા.૧૩/૦૮/૨૦૨૫ જેમાં ઉત્સાહ સભર બહોળા પ્રમાણમાં વિધાર્થીની બહેનોએ ભાગ લીધો હતો.પ્રિન્સિપાલશ્રી જી.બી.સિંહ સાહેબ ના નેતૃત્વ હેઠળ પ્રો.ડૉ.(CTO) પંકજભાઈ શીંગરખીયા તથા નિર્ણાયકો શ્રી ડૉ. યુ.એન.ઝાલા,ડૉ.એલ.પી.ચૌધરી,ડૉ.એન.બી.પંડયા એ પોતાની ફરજ ખંતપૂર્વક નિભાવી હતી.(N.S.S) Oficer પ્રો એચ.બી.પરમાર હાજર રહ્યા હતા.દરેક સટાફ મિત્રોએ પણ પોતાનું પ્રતિનિધિત્વ કર્યું હતું

12/08/2025

"તારીખ 01-08-2025 ના રોજ અમારી કોલેજમાં શ્રાવણી પૂર્ણિમા નિમિત્તે સંસ્કૃત સપ્તાહ અંતર્ગત 'સંસ્કૃત દિવસ'નું ભવ્ય આયોજન કરવામાં આવ્યું હતું. આ કાર્યક્રમમાં વિદ્યાર્થીઓએ ઉત્સાહપૂર્વક પ્રાર્થના, સ્તોત્રગાન, વાર્તાઓ, કથાઓ, કર્તવ્યપાઠ, સંવાદ, વ્યાકરણ ક્રીડા તેમજ 'સંસ્કૃતની આવશ્યકતા અને ભારતીયતાનું સંરક્ષણ' જેવા મહત્વપૂર્ણ વિષયો સંસ્કૃત ભાષામાં સુંદર રીતે રજૂ કર્યા હતા.
આ અવસર પર સંસ્કૃત ભાષાની મહત્તા, તેની પ્રાચીન વૈભવશાળી પરંપરા અને આજના સમયમાં તેની પ્રાસંગિકતા પર પ્રકાશ પાડવામાં આવ્યો.
કાર્યક્રમને વધુ રસપ્રદ બનાવવા માટે વિદ્યાર્થીઓએ સર્જનાત્મકતા અને અભિવ્યક્તિ શક્તિનું પ્રદર્શન કર્યું, જેના કારણે શ્રોતાઓ મંત્રમુગ્ધ થઈ ગયા.
આખો કાર્યક્રમ સંસ્કૃત વિભાગના આયોજન હેઠળ, સંસ્થાધ્યક્ષની મંજૂરી અને માર્ગદર્શન સાથે સફળતાપૂર્વક ઉજવાયો."

21/07/2025

***Two-Day Workshop on "Mindful Listening: The Secret to Smarter Communication"
Organized by English Club, Shree V.M. Mehta Muni Arts & Commerce College, Jamnagar**

The English Club of the English Department at Shree V.M. Mehta Muni Arts & Commerce College, Jamnagar, successfully organized a dynamic two-day workshop titled "Mindful Listening: The Secret to Smarter Communication" on 18th and 19th July 2025. The event witnessed enthusiastic participation from around 130 students, including invitees from D.K.V. College and A.K. Doshi Girls’ College, Jamnagar.
The workshop was graciously inaugurated by the Principal, Dr. G.B. Singh Sir, in the presence of faculty members and students from all three participating institutions. The sessions were an engaging blend of informative talks, interactive activities, fun games, and collaborative learning experiences. The focus remained on enhancing effective communication skills, with a special emphasis on developing active listening abilities.
The two-day event proved to be an enriching experience for the students, fostering both learning and enjoyment. Participants expressed their enthusiastic appreciation during the concluding feedback session, acknowledging the practical insights and value the workshop added to their academic and personal growth.
The success of the workshop was made possible by the visionary guidance and constant encouragement of Principal Dr. G.B. Singh Sir. The program was meticulously planned and executed under the leadership of Dr. Darsh*ta Dave, Head of the English Department, with the dedicated support of Dr. Pankaj Shingrakhiya and Dr. Gopal Chhatrodiya. Their seamless teamwork and commitment were instrumental in making the workshop a memorable and impactful event.
The college staff members also extended their moral support by attending the inauguration and encouraging the participants. Such initiatives highlight the department’s commitment to holistic education and fostering 21st-century skills among students.

Shree V M Mehta Muni Arts & Comm College

23/03/2026

25/02/2026

29/01/2026

28/01/2026

15/01/2026

23/12/2025

10/09/2025

28/08/2025

22/08/2025

20/08/2025

12/08/2025

21/07/2025

Address

Opening Hours

Website

Alerts

Shortcuts

Share

Category

Listing takedown request

Monday	8am - 1pm
Tuesday	8am - 1pm
Wednesday	8am - 1pm
Thursday	8am - 1pm
Friday	8am - 1pm
Saturday	8am - 1pm