Govt. Boys High School Garala Sudhnoti

مورخہ 20/12/2025 ادارہ میں داخلی امتحانات کے نتائج کا اعلان کیا گیا جس میں عوام علاقہ بچوں کے والدین نے بھرپور شرکت کی
پروگرام کا آغاز تلاوت قران پاک سے کیا گیا حمد و نعت کے بعد بچوں نے مختلف موضوعات پر مبنی
ٹیبلو پیش کیے جس کو حاضرین مجلس نے خوب سراہا
تقریب سے گفتگو کرتے ہوئے وائس چیئرمین یونین کونسل گوراہ گڑالہ ممتاز صاحب نے کہا کہ ہماری خوش قسمتی ہے کہ ہمیں ایک اچھا ادارہ اور اس میں موجود قابل ترین اساتذہ دستیاب ہیں۔انھوں نے والدین سے مخاطب ہوتے ہوئے کہا کہ بچے چند گھنٹے اسکول میں اساتذہ کے پاس ہوتے ہیں اور باقی سارا وقت وہ والدین کی سرپرستی میں رہتے ہیں لہذا اساتذہ کے ساتھ ساتھ والدین کی بھی بھرپور ذمہ داری بنتی ہے کہ وہ بچوں کی تعلیم کے حوالے سے بچوں کی نگرانی کریں اور اساتذہ سے کمیونیکیٹ کریں
حاضرین سے خطاب کرتے ہوئے صدر معلم ادارہ ہذا محترم جناب طارق یاسین صاحب نے کہا کہ اس وقت ادارہ ہذا میں موجود ٹیچنگ سٹاف کسی بھی دوسرے ادارے کے مقابلے میں ایک بہترین سٹاف ہے اساتذہ کرام تو اپنی ذمہ داری بھرپور نبھا رہے ہیں اب یہ والدین کی بھی ذمہ داری بنتی ہے کہ وہ بچوں کی تعلیم کے حوالے سے سنجیدہ رہیں گھر میں بھی بچوں کو نگرانی میں سکول کا کام کروائیں اور اساتذہ کرام سے بھی مسلسل رابطے میں رہا کریں آخر میں پوزیشن ہولڈرز بچوں میں انعامات تقسیم کیے گئے اور دعا کے ساتھ اس پروگرام کا اختتام
ہوا ۔

بوائز ہائی سکول گڑالہ کا ایک اور اعزاز

ہمیشہ کی طرح ایک بار پھر

محکمہ تعلیم کے زیرِ اہتمام نعت خوانی کے مقابلہ میں ادارہ کے طالبِ علم سیف اللہ منظور نے ضلع سدھنوتی میں پہلی جب کہ پونچھ ڈویژن میں تیسری پوزیشن حاصل کی۔
یقیناً یہ ادراہ اور علاقہ گڑالہ کے لیے بہت بڑے اعزاز کی بات ہے۔

الحمد للہ

گورنمنٹ سکولز کے مابین نعتیہ مقابلے میں گورنمنٹ بوائز ہائی سکول گڑالہ کے طالبِ علم سیف اللہ منظور کی ضلع سدھنوتی میں پہلی پوزیشن

Staff

الحمد للہ بہترین، قابل ترین اور مکمل سٹاف آپ کے ادارے کو بہتر سے بہترین بنانے میں ہمہ وقت کوشاں

گورنمنٹ بوائز ہائی سکول گڑالہ کے ہونہار سابق طالبِ علم احتشام ریاض کو میجر رینک میں پروموٹ ہونے پر ادارہ کی جانب سے مبارک باد

گورنمنٹ بوائز ہائی سکول گڑالہ کے سابق طالبِ علم صائم ندیم کی حادثاتی موت پر جملہ سٹاف اور طلبا ادارہ ہذا غم کی اس گھڑی میں اہلِ خانہ اور جملہ لواحقین کے ساتھ اظہارِ تعزیت کرتے ہیں۔
اللہ رب العزت پسماندگان کو صبرِ جمیل عطا فرمائیں۔

اتحاد ویلفیئر گڑالہ کے زیرِ اہتمام ادارہ ہذا کے بیسیوں مستحق بچوں میں کاپیاں مفت تقسیم کی گئیں۔