Vivekanand Pratishthan Semi English Medium School

22/11/2024

*16 डिसेंबर रोजी जळगाव रंगणार कुमार साहित्य संमेलन....*

🌸 *प्रसिद्धी*
▪️ *दैनिक लोकमत*
▪️ *दैनिक सकाळ*
▪️ *दैनिक पुण्यनगरी*
▪️ *दैनिक दिव्यमराठी*
▪️ *दैनिक तरूण भारत*

27/10/2024

15/10/2024

*विवेकानंद प्रतिष्ठान प्राथमिक व उच्च प्राथमिक शाळा, सावखेडे, वाघनगर जळगाव.*
*गुणवत्ता विकास विभाग*
मार्गदर्शक :- *प्राचार्य डॉ संदीप माधवराव पाटील* ( प्राचार्य - श्री गुलाबराव देवकर इंजिनिअरिंग कॉलेज , जळगाव)
विषय: *अभ्यास कसा करावा या संबंधी मार्गदर्शन*
दिनांक 15 ऑक्टोबर 24 मंगळवार रोजी गुणवत्ता विकास विभाग अंतर्गत प्राचार्य डॉ संदीप माधवराव पाटील यांचं मार्गदर्शन वर्ग नववी व दहावी च्या विद्यार्थ्यांसाठी,अभ्यास कसा करावा विषयावर घेण्यात आले.या प्रसंगी मुख्याध्यापक श्री हेमराज पाटील,समन्वयिका सौ वैशाली पाटील, श्री सचिन गायकवाड उपस्थित होते.
आजच्या मार्गदर्शन सत्रात अभ्यास कसा करावा या विषयाला अनुसरून प्राचार्य डॉ संदीप माधवराव पाटील यांनी खालील मुद्दे विद्यार्थ्यांना समजावून सांगितले.
अभ्यास म्हणजे काय ? मनाला वारंवार स्वतःमध्ये प्रस्थापित होण्याच्या उद्दिष्टाकडे निर्देशित करण्याच्या प्रक्रियेला अभ्यास म्हटले जाते असे त्यांनी विविध उदाहरणे सांगून समजावले.
अभ्यास करणे अनेकदा कठीण काम वाटू शकते, परंतु योग्य दृष्टिकोनाने, ते प्रभावी आणि आनंददायक दोन्ही कसे करायचे या बाबत माहिती दिली. अभ्यासाच्या सवयी वाढवण्याची आणि शैक्षणिक उत्कृष्टता प्राप्त करण्याच्या आकांक्षा असलेल्या विद्यार्थ्यांसाठी चांगला अभ्यास कसा करायचा याबद्दल सर्वसमावेशक मार्गदर्शन त्यांनी दररोजच्या उदाहरणातून सांगितले.
विद्यार्थ्यांसाठी अभ्यासाचे वेळापत्रक विकसित करणे, आवश्यक आहे कारण ते वेळेचे व्यवस्थापन वाढवते आणि सातत्यपूर्ण अभ्यासाच्या सवयी सुनिश्चित करते. अभ्यासासाठी विशिष्ट वेळेचे वाटप करून नियोजन करावे,अभ्यास गटांमध्ये सामील होणे, विद्यार्थ्यांमधील संवाद सखोल समज वाढवतो, शंका दूर करतो आणि संवाद कौशल्य वाढवतो. अभ्यास गट प्रेरणा आणि समर्थन देखील प्रदान करतात, ज्यामुळे शिकण्याची प्रक्रिया अधिक आकर्षक बनते तसेच
दिनचर्या तयार करा,झोपेची पद्धत, खाण्याच्या सवयी, व्यायाम यांचा समतोल राखणे आवश्यक आहे. मेंदूला आराम देण्यासाठी ,उत्साही राहण्यासाठी थोडा ब्रेक घ्या आणि पुन्हा सुरुवात करा. दररोज थोडा वेळ अभ्यास करा. अभ्यासासाठी एक शांत, आरामदायक जागा शोधा. तुमची अभ्यासाची जागा दूरदर्शन, सोशल मीडिया आणि मोठा आवाज यासारख्या विचलितांपासून दूर ठेवा.पौष्टिक आहार घ्या , चांगली फळे, भाज्या, कडधान्ये शरीराचं पोषण करतात आणि मेंदूची कार्यशक्ती वाढवतात. तसेच एकाग्रता वाढविण्यासाठी योगा, मेडीटेशन, ध्यान या सारख्या गोष्टींची सवय अंगी बाळगा . अभ्यासाचा विषय जसा कळू लागेल, आकलन वाढू लागेल तशी अभ्यासाची गोडी आपोआप वाढेल.असे मार्गदर्शनात सांगितले कार्यक्रमाचे सूत्रसंचालन व आभार श्री सचिन गायकवाड यांनी केले. गुणवत्तापूर्ण विकास अंतर्गत कार्यक्रमाला मा मुख्याध्यापक श्री हेमराज पाटील यांचे मार्गदर्शन लाभले. समन्वयिका सौ वैशाली पाटील,श्री सचिन गायकवाड, श्री आकाश शिंगाने,श्री श्रीराम लोखंडे यांचे सहकार्य लाभले.

27/09/2024

विवेकानंद प्रतिष्ठान संचलित प्राथमिक शाळा वाघ नगर जळगाव दिनांक २७/०९/२०२४ वार शुक्रवार रोजी स्कूल बस सुरक्षितता समिती सभा, बैठक घेण्यात आली. या सभेला शहर वाहतूक शाखा जळगाव प्रतिनिधी म्हणून मा.मेघना जोशी उपस्थित होत्या , तसेच, सेमी विभागाचे मुख्याध्यापक श्री हेमराज पाटील ,इंग्लिश मिडिअम शाळेचे प्राचार्य श्री ज्ञानेश्वर वाघ, काशिनाथ पलोड चे प्राचार्य श्री प्रवीण सोनावणे, प्रशासकीय अधिकारी श्री दिनेश ठाकरे , ग्राम पंचायत सदस्य सौ रीता रोहित पवार , समन्वयीका सौ वैशाली पाटील , श्री संतोष चौधरी उपस्थित होते.
मागील सभेचे इतिवृत्त वाचन श्री सचिन गायकवाड यांनी केले .या सभेमध्ये शहरातील विविध भागातून येणाऱ्या विद्यार्थ्यांच्या सुरक्षितता व वाहतुकी संदर्भात चर्चा व निर्णय करून संबंधित वाहन चालक यांची आवश्यक प्रमाणपत्रांची तसेच प्रथम उपचार पेटी, अग्निशमन व्यवस्था , स्पीड गव्हर्नर बाबत शासकीय नियमानुसार आवश्यक बाबींची पूर्तता कशी असली पाहिजे या विषयी चर्चा करण्यात आली. तसेच मा.मेघना जोशी यांनी व्हॅनमध्ये असणाऱ्या विद्यार्थ्यांचा व्हाट्सएप ग्रुप करावा आणि बदली ड्रायव्हर असल्यास त्याची सूचना द्यावी असे मांडले. तसेच पालकांनी शाळा सुटल्यावर मुलांच्या ऍक्टिव्हिटी साठी व्हॅन व्यवस्था करावी,त्यांच्या बॅग ठेण्यासाठी व्हॅन वर कॅरिंग ची परवानगी आरटीओ विभागातून घ्यावी असे मत व्यक्त केले तसेच या शैक्षणिक वर्षात एरियानुसार व्हॅन भाडे निश्चित करावे त्यांचे 1 ते 3 किमी,3ते 6 किमी,7 ते 9किमी,10 ते 13 किमी असे टप्पे करून पुढील वर्षी या निकषानुसार व्हॅन भाडे निश्चित करावे असे ठरले. विद्यार्थी बसचालक , सहाय्यक यांच्या प्रथमोपचार तसेच वाहतूक नियमा संदर्भात देखील त्यांची ज्ञानाची उजळणी करणे यासाठी विविध प्रशिक्षण घेतले जातात यावर चर्चा झाली. सुरक्षितेच्या दृष्टीने आपत्कालीन व्यवस्थेसाठी शाळेचा नंबर तसेच व सहायता वाहन विभाग यांच्याशी संपर्क करावा असे सांगण्यात आले.
स्कूल बस सुरक्षितता समिती सभेचे सूत्रसंचालन व आभार प्रदर्शन श्री हेमराज पाटील यांनी केले व सर्व विषयांवर चर्चा व उपयोजनात्मक निर्णय देऊन सभेची सांगता करण्यात आली

17/09/2024

विवेकानंद प्रतिष्ठान सेमी व इंग्लिश मिडीयम शाळेतील गणपतीची विसर्जनाच्या वेळी उपस्थित शिक्षक,प्रशासकीय अधिकारी श्री दिनेश ठाकरे सर,मुख्याध्यापक श्री. हेमराज पाटील ,प्राचार्य श्री ज्ञानेश्वर वाघ

17/09/2024

विवेकानंद प्रतिष्ठान सेमी व इंग्लिश मिडीयम शाळेतील गणपतीची विसर्जनाच्या वेळी उपस्थित शिक्षक,प्रशासकीय अधिकारी श्री दिनेश ठाकरे सर,मुख्याध्यापक श्री. हेमराज पाटील ,प्राचार्य श्री ज्ञानेश्वर वाघ

16/09/2024

हस्तलिखित ,seed bank,चे उदघाटन करतांना माजी शिक्षण अधिकारी श्री नीलकंठ गायकवाड ,आमदार सुरेश भोळे ,विवेकानंद प्रतिष्ठान चे सचिव श्री रत्नाकर गोरे,प्रशासकीय अधिकारी श्री दिनेश ठाकरे सर,मुख्याध्यापक श्री. हेमराज पाटील ,प्राचार्य श्री ज्ञानेश्वर वाघ,उपप्राचार्य सौ हर्षा खडके ,सौ वैशाली पाटील ,जयश्री वंडोळे,सौ रत्नमाला पाटील उपस्थित होते.

09/09/2024

*विवेकानंद प्रतिष्ठान प्राथमिक व उच्च प्राथमिक शाळा वाघ नगर*

*गणेशोत्सव 2024-25*

श्री गणेशाच्या स्थापनेचा आजचा तिसरा दिवस विवेकानंद प्रतिष्ठान प्राथमिक व उच्च प्राथमिक शाळा वाघ नगर विभागात मान्यवरांच्या शुभहस्ते आरती करुन संपन्न झाला या आरतीचे आजचे सन्मानीय अतिथी होते.
*व्यवस्थापन मंडळातील सदस्य मा.श्री नंदकुमार जी प्रदीप जंगले सर*
*केशव स्मृती प्रतिष्ठानच्या थॅलेसिमिया मुक्त समाज या प्रकल्पाच्या प्रमुख डॉ. सौ सई नेमाडे*
*सन्मानीय पालक*
*मा.श्री. व सौ. राहुल वारुडकर*
*मा.श्री. व सौ.संदिप पाटील*
*मा.श्री. व सौ.जितेंद्र पाटील* *मा.श्री. व सौ.उमाकांत पाटील* *सौ किरण पवार*
यांच्या हस्ते आजची आरती संपन्न झाली.तसेच या आरतीला प्रतिष्ठान चे प्रशासकीय अधिकारी *मा.श्री.दिनेश जी ठाकरे सर व शाळेचे मुख्याध्यापक मा.श्री. हेमराज पाटील सर तसेच काशिनाथ पलोड पब्लिक स्कूल चे प्राचार्य मा. श्री प्रविण सोनावणे सर यांची उपस्थिती होती .*

07/09/2024

*विवेकानंद प्रतिष्ठान प्राथमिक व उच्च प्राथमिक शाळा वाघ नगर जळगाव*
येथे दिनांक 7/9/24 शनिवार रोजी गणेश स्थापना करण्यात आली. विवेकानंद प्रतिष्ठान प्राथमिक व उच्च प्राथमिक शाळा वाघ नगर आणि इंग्लिश मिडीयम स्कुल,वाघनगर शाळेचे मुख्याध्यापक , विद्यार्थी, शिक्षक वृंद,पालक तसेच शिक्षकेतर कर्मचारी उपस्थित होते. या आरास सजावट शाळेतील कला शिक्षक श्री स्वप्नील पाटील,श्री दत्तात्रय गंधे यांनी केली. गणपती सजावट आणि पोस्टर चा विषय अष्टविनायक- तंत्रज्ञान, खगोलशास्त्र, अर्थशास्त्र, संगीत, पर्यावरण, वैद्यकीय शैक्षणिक, आयुर्वेद अशा आठ विषयांना अनुसरून या आठ रूपातील गणपतींचे विशेष आरास करण्यात आली होती . तसेच विद्यार्थ्यांनी गणपतीवर स्वरचित कविता आणि वैज्ञानिक दृष्टिकोनातून गणेशोत्सवाचे महत्त्व फक्त लिखित तयार केले. विद्यार्थ्यांची पोस्टर प्रदर्शनी मांडण्यात आली. ढोल आणि ताशाच्या गजरात गणपती बाप्पाचे आगमन करण्यात आले. शाळेतील शिक्षक श्री श्रीराम लोखंडे व सौ प्रिया लोखंडे यांच्या हस्ते गणपती बाप्पाची स्थापना करण्यात आली. आनंदाने आणि उत्साहाने गणेशोत्सवास सुरुवात झाली. गणेशोत्सवा दरम्यान स्पर्धांचे आयोजन करण्यात आलेले आहे. हस्तलिखित हे अष्टविनायक, गणपती ची गाणी , गोष्टी , माहिती तसेच गणपती उत्सवादरम्यान वाहिल्या जाणाऱ्या दुर्वा , मोदक यांचे वैज्ञानिक महत्व या विषयावर तयार केले . आहेत.कार्यक्रमाच्या यशस्वीतेसाठी प्रशासकीय अधिकारी श्री दिनेश ठाकरे सर, सेमी भागाचे मुख्याध्यापक श्री हेमराज पाटील , इंग्लिश मीडियम स्कुलचे मुख्याध्यापक श्री ज्ञानेश्वर वाघ , वाणिज्य व विज्ञान महाविद्यालयाचे कॉलेज चे प्राचार्य श्री किशोर पाठक, समन्वयिका सौ. वैशाली पाटील, सौ जयश्री वंडोळे दीदी यांचे मार्गदर्शन लाभले. कार्यक्रमाचे नियोजन सौ. मीना मोहकर दीदी यांनी केले. तसेच सर्व शिक्षकेतर बंधू-भगिनींचे सहकार्य लाभले.

14/03/2024

महाशिवरात्र - बातमी
विवेकानंद प्रतिष्ठान प्राथमिक व उच्च प्राथमिक शाळा वाघ नगर जळगाव येथील पूर्व - प्राथमिक विभागात दि . ०७ -०३ - २०२४ गुरुवार रोजी महाशिवरात्री चा कार्यक्रम मोठ्या उत्साहात साजरा करण्यात आला.
या वेळी कार्यक्रम प्रमुख सौ सुनीता दिदींनी विद्यार्थ्यांना समजेल अशा सोप्या भाषेत माहिती सांगितली. महाशिवरात्र का साजरी करतात ?, या दिवशी उपवास का करतात ? अशी माहिती देण्यात आली .
विद्यार्थ्यांना वाघ नगर येथील विश्वनाथ महादेव मंदिर येथे नेण्यात आले , या मंदिरातील महादेवाची पिंड व मंदिरातील साहित्य विद्यार्थ्यांना दाखविण्यात आली व त्याबद्दल माहिती सांगण्यात आली. यावेळी सोबत आणलेली फुले आणि बेलाची पाने वाहण्यात आली. नंतर तेथून जवळच असणाऱ्या गणपती मंदिरात नेण्यात आले. त्याठिकाणी विद्यार्थ्यांनी गणपतीचे दर्शन घेतले . मंदिराच्या परिसरात गणपती स्त्रोत्र म्हणण्यात आले. "डोक्यावरी चांदोबा आणि गंगा", "ओम जटाधराय, ओम सोमेश्वराय", इ भजन म्हणण्यात आले.
नंतर हर हर महादेव, श्री शिवाय नमस्तुभं, बम बम भोले असे म्हणत सर्व विद्यार्थी परत शाळेत आले.
या कार्यक्रमासाठी नर्सरी,ज्युनियर , सिनियर के.जी वर्गातील विद्यार्थ्यांनी शंकर,पार्वती,गणपती,
कार्तिक स्वामी, अशोकसुंदरी विठ्ठल,रुक्मिणी, कृष्ण,राधा, अशा विविध देवतांची वेशभूषा केली होती.
आजच्या कार्यक्रमास मुख्याध्यापक श्री . हेमराज पाटील सरांचे मार्गदर्शन लाभले तसेच शिक्षक व शिक्षकेतर कर्मचारी यांचे सहकार्य लाभले.

29/02/2024

विवेकानंद प्रतिष्ठान संचलित प्राथमिक व उच्च प्राथमिक शाळा वाघ नगर जळगाव येथे दिनांक 28फेब्रुवारी 2024 वार बुधवार रोजी विद्यार्थ्यांच्या कलागुणांना वाव देण्यासाठी त्यांच्यातील सुप्त गुणविकसित करण्यासाठी "*अभ्यासाचे* *सप्तरंग*" हा उपक्रम आयोजित करण्यात आला या उपक्रमांतर्गत सर्व विषयांचा समावेश करण्यात आला .यात मराठी या विषयासाठी भाषिक खेळ गमतीजमती कविता शब्दकोडे इत्यादी विषयक माहिती विद्यार्थ्यांनी सादर केली .इंग्रजी या विषयासाठी साहित्यिक व्याकरण विषयक खेळ कविता सादरीकरण करण्यात आले विज्ञान या विषयासाठी वेगवेगळ्या गुणधर्मावर आधारित प्रकल्प प्रयोग प्रतिकृती विद्यार्थ्यांनी प्रदर्शनाद्वारे सादर केले .भूगोल या विषयासाठी पृथ्वीगोल पृथ्वीचे अंतरंग आकाशगंगा नकाशावर आधारित वेगवेगळ्या पद्धतीचे खेळ तसेच विद्यार्थ्यांच्या कलेला विकसित करण्यासाठी स्मरण चित्र संकल्पचित्र मृदा चित्र स्केच ड्रॉईंग या कलेचा समावेश करण्यात आला शिवरायांचा इतिहास प्रशासन व्यवस्था इतिहासातील घटना किल्ले या विषयी माहिती विद्यार्थ्यांनी सादर केली .संस्कृत या विषयासाठी विद्यार्थ्यांनी बनवलेल्या वेगवेगळ्या पाककृती मराठी शब्दांचे संस्कृत भाषेत भाषांतर संस्कृत संभाषण यांचा समावेश करण्यात आला गणित या विषयासाठी गणितीय खेळ गणितातील गमती जमती कोडे सूत्र याद्वारे विद्यार्थ्यांनी एक आगळावेगळा प्रकल्प सादर केला . या प्रकल्पात एकूण २९७ विद्यार्थ्यांनी सहभाग नोंदवला होता. प्रकल्पासाठी शाळेचे मुख्याध्यापक मा. श्री हेमराज पाटील समन्वयिका सौ वैशाली पाटील यांचे मार्गदर्शन लाभले .मराठी भाषेचे प्रभुत्व सचिन गायकवाड इतिहास आकाश शिंगणे इंग्रजी भारती पाटील गणित हर्षाली सोनार विज्ञान सुजाता पाटील व पूनम खर्चाने कला स्वप्निल पाटील भूगोल श्रीराम लोखंडे या सर्व शिक्षकांनी आपापल्या विषयानुसार प्रदर्शन मांडले कार्यक्रमाचे नियोजन सौ . रूपाली पाटील व सौ दिपाली कापडणे यांनी केले .सदर प्रकल्पासाठी सर्व शिक्षक व शिक्षकेतर कर्मचारी यांचे सहकार्य लाभले .