30/09/2022
ਜਿੱਲ੍ਹਾ ਫੁੱਟਬਾਲ ਚੈਂਪੀਅਨ ਬਣਿਆ ਦੋਆਬਾ ਖਾਲਸਾ ਸਕੂਲ
14 -19 ਸਾਲਾ ਵਰਗ ਦਾ ਜੇਤੂ ਬਣ ਕੀਤੀ ਫੁੱਟਬਾਲ 'ਚ ਸਰਦਾਰੀ ਕਾਇਮ
ਜਾਵੇਦ,ਸੁਮਿਤ,ਅੱਖਤਰ,ਪ੍ਰੀਆਂਸ਼ੂ,
ਪੁਨੀਤ ਵਧੀਆ ਖਿਡਾਰੀ ਵਜੋਂ ਸਨਮਾਨਿਤ
ਜਲੰਧਰ 30 ਸਤੰਬਰ ( ਅਮਰਿੰਦਰ ਸਿੱਧੂ ) ਸਿਖਿਆ ਵਿਭਾਗ ਦੀਆਂ ਹਿਦਾਇਤਾਂ ਅਨੁਸਾਰ ਖੇਡਾਂ ਨੂੰ ਪ੍ਰਫੁਲਿਤ ਕਰਨ ਦੇ ਮਨਸੁਬੇ ਨਾਲ ਜਿੱਲ੍ਹਾ ਸਿਖਿਆ ਅਫਸਰ ਤੇ ਟੂਰਨਾਮੈਂਟ ਕਮੇਟੀ ਵਲੋਂ ਉਲੀਕੇ ਪ੍ਰੋਗਰਾਮ ਤਹਿਤ ਵੱਖ- ਵੱਖ ਖੇਡਾਂ ਦੇ ਜਿੱਲ੍ਹਾ ਪੱਧਰੀ ਮੁਕਾਬਲੇ ਕਰਵਾਏ ਗਏ।
ਜਿੱਲ੍ਹਾ ਫੁੱਟਬਾਲ ਚੈਂਪੀਅਨ ਬਣਿਆ ਮੇਜਬਾਨ ਦੋਆਬਾ ਖਾਲਸਾ ਸੀਂ.ਸੈਂ.ਸਕੂਲ । ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਖੇਡ ਕਨਵੀਨਰ ਪ੍ਰਿੰਸੀਪਲ ਹਰਮਿੰਦਰ ਸਿੰਘ ਅੱਟਵਾਲ ਨੇ ਦਸਿਆ ਕਿ 14 ਤੇ 19 ਸਾਲ ਵਰਗ ਦੀਆਂ ਟੀਮਾਂ ਜੋਨ ਨੰ:2 ਦੀ ਨੁਮਾਇੰਦਗੀ ਕਰਦਿਆਂ ਜਿੱਲ੍ਹਾ ਜੇਤੂ ਬਣ ਫੁੱਟਬਾਲ ਖੇਡ ਵਿਚ ਵੀ ਆਪਣੀ ਸਰਦਾਰੀ ਕਾਇਮ ਕਰਨ ਵਿਚ ਕਾਮਯਾਬ ਹੋਈਆਂ ਹਨ। ਜਦਕਿ 17 ਸਾਲ ਵਰਗ ਵਿਚ ਟੀਮ ਤੀਸਰੇ ਸਥਾਨ ਤੇ ਰਹਿਣ ਵਿਚ ਸਫਲ ਰਹੀ ।
ਉਕਤ ਗੱਲ ਦਾ ਜਿਕਰ ਸੰਸਥਾ ਮੁੱਖੀ ਪ੍ਰਿੰਸੀਪਲ ਹਰਮਿੰਦਰ ਸਿੰਘ ਅੱਟਵਾਲ ਵਲੋਂ ਜੇਤੂ ਰਹੇ ਖਿਡਾਰੀਆਂ ਦਾ ਸਵੇਰੇ ਅਸੰਬਲੀ ਮੋਕੇ ਸਨਮਾਨਿਤ ਕਰਨ ਮੋਕੇ ਕੀਤਾ ਗਿਆ। ਉਨ੍ਹਾਂ ਵਲੋਂ ਅੱਜ ਸਕੂਲ ਦਾ ਨਾਮ ਰੌਸ਼ਨ ਵਾਲੇ ਖਿਡਾਰੀਆਂ ਨੂੰ ਸਨਮਾਨਿਤ ਕਰਦਿਆਂ ਸੰਸਥਾ ਦੇ ਪੁਰਾਣੇ ਵਿਦਿਆਰਥੀ ਟੀਮ ਕੋਚ ਭੁਪਿੰਦਰ ਸਿੰਘ ( ਏ. ਐਸ. ਆਈ. ) ਵਲੋਂ ਖੇਡ ਪ੍ਰਫੁਲਿਤਾ ਕੀਤੇ ਜਾਂਦੇ ਉਪਰਾਲਿਆਂ ਦੀ ਭਰਪੂਰ ਸਲਾਘਾ ਕਰਦਿਆਂ ,ਵਧਾਈ ਦੇ ਪਾਤਰ ਦਸਿਆ ਜਿਨ੍ਹਾਂ ਦੀ ਸੱਖਤ ਮਿਹਨਤ ਤੇ ਯੋਗ ਅਗਵਾਈ ਵਿਚ ਸਕੂਲ ਨਿਤ ਨਵੀਂ ਉਲਾਂਘ ਪੁੱਟਦਾ ਆ ਰਿਹਾ ਹੈ।
ਪ੍ਰਿੰਸੀਪਲ ਹਰਮਿੰਦਰ ਸਿੰਘ ਅੱਟਵਾਲ ਵਲੋਂ ਉਪ ਪ੍ਰਿੰਸੀਪਲ ਹਰਿੰਦਰਪਾਲ ਸਿੰਘ ਮੱਕੜ , ਖੇਡ ਮੁੱਖੀ ਅਮਰਿੰਦਰ ਜੀਤ ਸਿੰਘ ਸਿੱਧੂ ਤੇ ਟੀਮ ਕੋਚ ਭੁਪਿੰਦਰ ਸਿੰਘ ਨਾਲ ਮਿਲ ਖਿਡਾਰੀਆਂ ਨੂੰ ਸਨਮਾਨਿਤ ਕਰਨ ਮਗਰੋਂ ਸਮੂਹ ਸਟਾਫ ਮੈਂਬਰਾਂ ਸਮੇਤ ਯਾਦਗਾਰੀ ਤਸਵੀਰਾਂ ਵੀ ਕਰਵਾਈ ਗਈ।
ਇਸ ਮੋਕੇ ਜਾਵੇਦ , ਸੁਮਿਤ, ਪ੍ਰੀਆਂਸ਼ੂ, ਅੱਖਤਰ ਤੇ ਪੁਨੀਤ ਖਿਡਾਰੀਆਂ ਦਾ ਟੀਮ ਕੋਚ ਵਲੋਂ ਟੀਮ ਲਈ ਵਧੀਆ ਖੇਡ ਪ੍ਰਦਰਸ਼ਨ ਕਰਨ ਲਈ ਕਿਟਾਂ ਦੁਆ ਵਧੀਆ ਖਿਡਾਰੀ ਵਜੋਂ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ।
ਸਨਮਾਨ ਸਮਾਰੋਹ ਦੇ ਅੰਤ ਵਿਚ ਸਕੂਲ ਮੁੱਖੀ ਹਰਮਿੰਦਰ ਸਿੰਘ ਅੱਟਵਾਲ ਨੇ ਸਕੂਲ ਪ੍ਰਬੰਧਕੀ ਕਮੇਟੀ , ਅਧਿਆਪਕਾਂ , ਕੋਚ ਸਾਹਿਬਾਨ ਤੇ ਆਪਣੇ ਵੱਲੋਂ ਸਕੂਲ ਦਾ ਨਾਂ ਰੋਸ਼ਨ ਕਰਨ ਵਾਲੇ ਪਿਆਰੇ ਖਿਡਾਰੀਆਂ ਨੂੰ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਬਹੁਤ ਬਹੁਤ ਮੁਬਾਰਕਾਂ ਵੀ ਦਿੰਦਿਆਂ ਹੋਰ ਬੁਲੰਦੀਆਂ ਨੂੰ ਛੂਹਣ ਲਈ ਪ੍ਰੇਰਿਤ ਕੀਤਾ ਗਿਆ ।
14/08/2022
22/12/2017
11/09/2017
11/09/2017
11/09/2017
08/09/2017
24/08/2017