Karmayogi shankarrao patil vidhyalay kuravali

21/08/2026

🏃‍♂️🏃‍♂️मा.श्री.हर्षवर्धनजी पाटील साहेब यांच्या वाढदिवसानिमित्त कुरवलीत मॅरेथॉन स्पर्धा🏃🏃‍♂️

कुरवली:- कर्मयोगी शंकरराव पाटील प्राथमिक, माध्यमिक व उच्च माध्यमिक विद्यालय कुरवली येथे मा.श्री हर्षवर्धनजी पाटील साहेब यांच्या वाढदिवसानिमित्त मॅरेथॉन स्पर्धेचे आयोजन करण्यात आले होते. चिखली ते कुरवली या सुमारे तीन किलोमीटर अंतरापर्यंत विद्यार्थ्यांनी उत्साहात धाव घेत जवळपास ४५० विद्यार्थ्यांनी या मॅरेथॉन स्पर्धेत सहभाग नोंदविला.

कार्यक्रमाची सुरुवात इंदापूर दूधगंगाचे संचालक अभिजीत काका माने, सामाजिक कार्यकर्ते नितीन पार्लेकर, तायाप्पा पवार, जाधव साहेब, पोलीस पाटील विलास कणसे मामा या मान्यवरांच्या हस्ते मॅरेथॉन स्पर्धेला हिरवा झेंडा दाखवून सुरुवात करण्यात आली.

विद्यार्थ्यांमध्ये शारीरिक तंदुरुस्ती, क्रीडा भावना, आत्मविश्वास व स्पर्धात्मक वृत्ती निर्माण व्हावी तसेच आरोग्याविषयी जागरूकता वाढावी हा या स्पर्धेचा मुख्य उद्देश होता. याच दरम्यान प्राथमिक विभागाच्या विद्यार्थ्यांनी रॅम्प वॉक स्पर्धा घेऊन कार्यक्रमाची रंगत वाढवली. चिमुकल्या विद्यार्थ्यांनी विविध वेशभूषा परिधान करून आपल्या कलागुणांचे सादरीकरण केले.
दरम्यान लगेच स्पर्धेचा बक्षीस वितरण समारंभ विद्यालयाच्या प्रांगणात पार पडला. या बक्षीस वितरण कार्यक्रमाच्या अध्यक्षस्थानी मेसाई दूध संस्थेचे चेअरमन हरी तात्या माने उपस्थित होते. मा.श्री हर्षवर्धनजी पाटील साहेब यांच्या वाढदिवसाचे औचित्य साधून सामान्य ज्ञान स्पर्धा, ग्रीटिंग कार्ड तयार करणे स्पर्धा घेण्यात आली होती. या सर्व स्पर्धेतील विजेत्या विद्यार्थ्यांना मान्यवरांच्या हस्ते रोख रक्कम, ट्रॉफी व प्रमाणपत्र देऊन गौरविण्यात आले.

यावेळी छत्रपती सहकारी साखर कारखान्याचे संचालक एडवोकेट शरद जामदार, कुरवली गावचे सरपंच राहुल चव्हाण, प्रगतशील बागायतदार अविनाश कदम, ग्रामपंचायत सदस्य संतोष कदम, विजय पवार, राजेंद्र वाघ, अर्जुन चव्हाण, प्रमोद सपकळ, खोमणे साहेब, निकम अण्णा, रणजीत यादव, प्रताप धायगुडे, तसेच विद्यालयाचे प्राचार्य गणेश घोरपडे, पालक वर्ग, महिला भगिनी मोठ्या संख्येने उपस्थित होते.

कार्यक्रमाचे सूत्रसंचालन प्राध्यापक संदीप पवार यांनी केले तर आभार प्रदर्शन अभिमन्यू चव्हाण यांनी केले

21/08/2026

KSP marathon -2026

20/07/2026

20/07/2026

🍁कुरवली विद्यालयात भरला बालवैष्णवांचा मेळा🍁

श्री संतराज महाराज यांच्या पालखी सोहळ्याचे औचित्य साधून कर्मयोगी शंकरराव पाटील प्राथमिक, माध्यमिक व उच्च माध्यमिक विद्यालय, कुरवली (ता. इंदापूर, जि. पुणे) यांच्या वतीने भव्य दिंडी सोहळ्याचे आयोजन करण्यात आले. या दिंडीत वारकऱ्यांच्या पारंपरिक वेशभूषेत ७५० हून अधिक विद्यार्थ्यांनी उत्स्फूर्त सहभाग घेतला.

"ज्ञानोबा-तुकाराम"च्या अखंड जयघोषात विद्यालयातून निघालेली दिंडी कुरवली गावातून मार्गक्रमण करत असताना ग्रामस्थांनी ठिकठिकाणी आकर्षक रांगोळ्या काढून व पुष्पवृष्टी करून तिचे उत्स्फूर्त स्वागत केले. यावेळी कुरवलीचे सरपंच राहुल चव्हाण, दूधगंगा संस्थेचे संचालक अभिजीत माने, ग्रामपंचायत सदस्य संतोष कदम, बाळासाहेब चव्हाण आणि दत्तात्रय दणाणे यांच्या हस्ते श्री विठ्ठल-रुक्मिणीची विधिवत पूजा करण्यात आली.

दिंडीत संत ज्ञानेश्वर, संत तुकाराम महाराज, निवृत्तीनाथ, मुक्ताई, सोपानकाका, वासुदेव तसेच विठ्ठल-रुक्मिणी यांच्या वेशभूषेतील विद्यार्थ्यांनी उपस्थितांचे विशेष लक्ष वेधून घेतले. त्यांच्या आकर्षक वेशभूषेमुळे दिंडीला पारंपरिक वारकरी संप्रदायाचे स्वरूप प्राप्त झाले.
यावेळी श्रावणी निंबाळकर, श्रेया यादव, ओम साळुंखे, श्रेयश पवार, प्रणव मोहिते, राघव निंबाळकर, सार्थक पवार, आर्यन यादव, दर्शन मोरे, विघ्नेश साळुंखे, आर्यन सोनवले आणि पार्थ यादव या विद्यार्थ्यांनी स्वतः हार्मोनियम, मृदंग व टाळ यांच्या साथीने सादर केलेल्या भजनाने संपूर्ण वातावरण भक्तिमय केले. तसेच विद्यार्थिनींनी सादर केलेल्या दिंडी नृत्याने उपस्थितांची मने जिंकली.

संतांच्या वेशभूषेतील विद्यार्थी तसेच श्री विठ्ठल-रुक्मिणी यांची ग्रामस्थांच्या वतीने पाद्यपूजा करण्यात आली. विद्यालयातील विद्यार्थिनी, शिक्षक, शिक्षिका आणि ग्रामस्थ महिलांनी पारंपरिक फुगडी खेळत उत्सवाचा आनंद लुटला. टाळकरी व पताका हातात घेतलेल्या विद्यार्थ्यांनी विठुरायाच्या नामघोषात पालखी नाचवत छोटेखानी रिंगण साकारले. त्यामुळे संपूर्ण गाव वारकरी संप्रदायाच्या भक्तिरसाने भारावून गेले.

या प्रसंगी नाना महाराज पवार, उद्धव पवळ गुरुजी, चंद्रकांत आबा माने, बापूराव चव्हाण पाटील, आनंदराव दादा माने, भगवान माने, धनंजय माने यांच्यासह अनेक मान्यवर, ग्रामस्थ, पालक तसेच विद्यालयातील शिक्षक व शिक्षकेतर कर्मचारी मोठ्या संख्येने उपस्थित होते.