02/01/2020
#നിംഹാൻസിൽ #നഴ്സിംഗ്,
#മെഡിക്കൽ #കോഴ്സുകൾ
ബംഗളൂരു ആസ്ഥാനമായി പ്രവർത്തിക്കുന്ന കൽപ്പിത സർവകലാശാലയാണ് നാഷണൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് ആൻഡ് ന്യൂറോ സയൻസസ് (നിംഹാൻസ്). കേന്ദ്രസർക്കാരിന്റെയും കർണാടക സർക്കാരിന്റെയും സംയുക്ത സംരംഭമായ ഈ സ്ഥാപനം നാഡീവിജ്ഞാനീയ മാനസികാരോഗ്യ രംഗങ്ങളിലെ പ്രമുഖ ഗവേഷണ/പരിശീലന കേന്ദ്രമാണ്. നിംഹാൻസ് നടത്തുന്ന ബിഎസ്സി നഴ്സിംഗ്, ബിഎസ്സി റേഡിയോഗ്രാഫി ഉൾപ്പെടെ വിവിധ ബിരുദ കോഴ്സുകളിലേക്കും ഡിപ്ലോമ കോഴ്സുകളിലേക്കും അപേക്ഷ ക്ഷണിച്ചു. ബിരുദ കോഴ്സുകൾക്കു #പ്ലസ്ടുക്കാർക്ക് അപേക്ഷിക്കാം.
#നഴ്സിംഗ്, അനസ്തേഷ്യ ടെക്നോളജി, റേഡിയോഗ്രാഫി, ക്ലിനിക്കൽ ന്യൂറോസൈക്കോളജി ടെക്നോളജി ബിഎസ്സി കോഴ്സുകൾക്കു #പൊതു പ്രവേശന പരീക്ഷ നടത്തിയാണ് അഡ്മിഷൻ.
ബിരുദ കോഴ്സുകൾക്ക് #കൊച്ചി, ബംഗളൂരു, ചെന്നൈ, ഹൈദരാബാദ് എന്നിവിടങ്ങളിലും പിജി കോഴ്സുകൾക്ക് കൊച്ചി, ബംഗളൂരു, ചെന്നൈ, ഹൈദരാബാദ്, കോൽക്കത്ത, പൂന എന്നിവിടങ്ങളിലും പരീക്ഷാ കേന്ദ്രങ്ങളുണ്ട്.
ബിരുദ കോഴ്സുകൾക്ക് #ഏപ്രിൽ 19 നും ബിരുദാനന്തര ബിരുദ, ഗവേഷണ, ഡോക്ടറൽ കോഴ്സുകൾക്ക് #മാർച്ച് 28, 29 തീയതികളിലാണു പ്രവേശന പരീക്ഷ. #ഓണ്ലൈനായി 31 വരെയാണ് അപേക്ഷിക്കാവുന്നത്. 90 മിനിറ്റ് ദൈർഘ്യമുള്ളതാണു പ്രവേശന പരീക്ഷ. നെഗറ്റീവ് മാർക്ക് ഉണ്ട്. മറ്റു കോഴ്സുകൾക്ക് യോഗ്യതാപരീക്ഷയുടെ മാർക്ക് മാനദണ്ഡമാക്കും.മാതൃകാ പരീക്ഷയ്ക്കുള്ള സൗകര്യം വെബ്സൈറ്റിൽ ലഭിക്കും. ബിരുദ കോഴ്സുകൾക്ക് 2020 ജൂലൈ ഒന്നിന് 17നും 25നും മധ്യേ പ്രായമുള്ളവർക്കാണ് അപേക്ഷിക്കാവുന്നത്.
ഡിപ്ലോമ കോഴ്സുകളിൽ അഡ്മിഷൻ ലഭിക്കുന്നവർക്കു പ്രതിമാസം സ്റ്റൈപ്പൻഡ് ലഭിക്കും.
ബിഎസ്സി നഴ്സിംഗ് കോഴ്സിനു പ്രതിവർഷം 58,120 രൂപയാണു ഫീസ്. അനസ്തേഷ്യാ ടെക്നോളജി, റേഡിയോഗ്രാഫി ബിഎസ്സി കോഴ്സുകൾക്കു വാർഷിക ഫീസ് 30,140 രൂപ. www.nim hans.ac.in. ഫോണ്: +91 80 269950 13/015
#കോഴ്സുകളും #യോഗ്യതയും
#ബിഎസ്സി നഴ്സിംഗ് (77 സീറ്റ്): നാലു വർഷത്തെ കോഴ്സിനു ഫിസിക്സ്, കെമിസ്ട്രി, ബയോളജി പഠിച്ച് 45 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം.
#ബിഎസ്സി റേഡിയോ ഗ്രാഫി (10 സീറ്റ്): മൂന്നു വർഷത്തെ കോഴ്സാണ്. ഫിസിക്സ്, കെമിസ്ട്രി, ബയോളജി/ മാത്തമാറ്റിക്സ് പഠിച്ച് 45 ശതമാനം മാർക്കോടെ പ്ലസ്ടുവാണു യോഗ്യത.
ബിഎസ്സി അനസ്തേഷ്യാ ടെക്നോളജി (06 സീറ്റ്): സയൻസ് വിഷയങ്ങളിൽ 45 ശതമാനം മാർക്കോടെ പ്ല്സ്ടു. കോഴ്സ് ദൈർഘ്യം മൂന്നു വർഷം.
#പോസ്റ്റ് ബേസിക് ഡിപ്ലോമ ഇൻ സൈക്യാട്രിക്/ മെന്റൽ ഹെൽത്ത് നഴ്സിംഗ് (45 സീറ്റ്), പോസ്റ്റ് ബേസിക് ഡിപ്ലോമ ഇൻ ന്യൂറോ സയൻസ് നഴ്സിംഗ് (09 സീറ്റ്): നഴ്സിംഗ് രംഗത്ത് ഒരു വർഷത്തെ പരിചയമുള്ളവർക്ക് അപേക്ഷിക്കാം.
#ഡിപ്ലോമ ഇൻ ക്ലിനിക്കൽ ന്യൂറോ ഫിസിയോളജി (06 സീറ്റ്): ഫിസിക്സ്, ഇലക്ട്രോണിക്സ്, കംപ്യൂട്ടർ സയൻസ് എന്നിവയിൽ രണ്ടാം ക്ലാസ് ബിരുദമോ ഇലക്ട്രോണിക്സ്, ഇലക്ട്രിക്കൽ, ഇൻസ്ട്രുമെന്റേഷൻ, കംപ്യൂട്ടർ സയൻസ് എന്നിവയിൽ എൻജിനിയറിംഗ് ഡിപ്ലോമയോ ഉള്ളവർക്ക് അപേക്ഷിക്കാം. കോഴ്സിന്റെ കാലാവധി രണ്ടു വർഷം.
#സർട്ടിഫിക്കറ്റ് കോഴ്സ് ഇൻ ന്യൂറോപതോളജി ടെക്നോളജി: ഒരു വർഷമാണു കോഴ്സിന്റെ കാലാവധി. ബിഎസ്സി എംഎൽടി, ബിഎസ്സി ലൈഫ്സയൻസ്, ഡിഎംഎൽടി 50 ശതമാനം മാർക്കോടെ പാസായവർക്ക് അപേക്ഷിക്കാം.
#പിജി കോഴ്സുകൾ: മാസ്റ്റർ ഓഫ് പബ്ലിക് ഹെൽത്ത്. ബയോസ്റ്റാറ്റിസ്റ്റിക്സ്, നഴ്സിംഗ് എംഎസ്സി കോഴ്സുകൾ.
#പിഎച്ച്ഡി കോഴ്സുകൾ: ക്ലിനിക്കൽ സൈക്കോളജി, ന്യൂറോ സൈക്കോളജി, സൈക്യാട്രിക് സോഷ്യൽ വർക്ക്, സ്പീച്ച് പത്തോളജി ആൻഡ് ഓഡിയോളജി, ബയോസ്റ്റാറ്റിസ്റ്റിക്സ്, ക്ലിനിക്കൽ ന്യൂറോ സയൻസ്, ബയോസ്റ്റാറ്റിക്സ്, ചൈൽഡ് അഡോളസന്റ് സൈക്യാട്രി, ക്ലിനിക്കൽ സൈക്കോളജി, ഹ്യൂമൻ ജെനിറ്റിക്സ്, ന്യൂറോകെമിസ്ട്രി, ന്യൂറോഇമേജിംഗ്, ഇന്റർവെൻഷണൽ റേഡിയോളജി, ന്യൂറോളജിക്കൽ റീഹാബിലിറ്റേഷൻ, ന്യൂറോമൈക്രോബയോളജി, ന്യൂറോ പത്തോളജി, ന്യൂറോസൈക്കോളജി, ന്യൂറോവൈറോളജി, നഴ്സിംഗ്, സൈക്കോ ഫാർമക്കോളജി.
#സൂപ്പർ സ്പെഷാലിറ്റി കോഴ്സസ്: ന്യൂറോ ഇമേജിംഗ് ആൻഡ് ഇന്റർവെൻഷണൽ റേഡിയോളജി, ന്യൂറോളജി, ചൈൽഡ് ആൻഡ് അഡോളസന്റ് സൈക്യാട്രി, അഡിക്ഷൻ സൈക്യാട്രി, ന്യൂറോഅനസ്തേഷ്യ, ന്യൂറോപത്തോളജി, ന്യൂറോ സർജറി.
#പിജി ഡിപ്ലോമ: സൈക്യാട്രി, സൈക്കോളജിക്കൽ സപ്പോർട്ട് ഇൻ ഡിസാസ്റ്റർ മാനേജ്മെന്റ്, സൈക്യാട്രിക് റിഹാബിലിറ്റേഷൻ, ക്ലിനിക്കൽ സൈക്കോളജി, ന്യൂറോഫിസിയോളജി, ബയോഫിസിക്സ്, ന്യൂറോസയൻസ്, പബ്ലിക് ഹെൽത്ത്, സൈക്യാട്രിക് നഴ്സിംഗ്.
#പോസ്റ്റ് ഡോക്ടറൽ ഫെലോഷിപ്: ചൈൽഡ് ആൻഡ് അഡോളസന്റ് സൈക്യാട്രി, ന്യൂറോ അനസ്തേഷ്യ, ന്യൂറോക്രിറ്റിക്കൽ കെയർ, ന്യൂറോഇൻഫെക്ഷൻ, ഹോസ്പിറ്റൽ ഇൻഫെക്ഷൻ കണ്ട്രോൾ, ന്യൂറോളജി, ന്യൂറോപത്തോളജി, സൈക്യാട്രി.
