Khankha e Quadria Ibrahimia Official

21/09/2026

Glimpse yesterday Jalse Faizan e Ghouse Azam (R. Z.) Wo islahe Moushera

under the Guardianship Sufi ba Safa Shaik Kareemuddin Ali Shah Quadri Al Azhari

at Sanathnagar, Masjid e Jafferi, Hyderabad

11/08/2026

In view of 1501 Jashne Milad un Nabi ﷺ Two days Islahi Tarbiyati Ijtema @ Masjid Jahangir Khan, Near Metro Station Check Post, Yousufgufa, Hyderabad

06/08/2026

05/08/2026

Today After Namaze Isha Azeem o Shan Jashne Amad e Rasool ﷺ
@ Masjid e Maa Saheba, Adoni, Kurnool District, Andhra Pradesh

03/07/2026

🌹 فقر کی انتہا... کائنات کا تصرف
تصوف کی دنیا میں منزلِ مقصود صرف تسبیح کے دانوں کا الٹنا نہیں، بلکہ اپنی ہستی کو مٹا کر "ہستیِ مطلق" میں گم ہو جانے کا نام ہے۔ حضرت غوث الثقلین شیخ عبد القادر جیلانیؒ کا کلامِ معرفت بتاتا ہے کہ جب بندہ اسباب کے بت توڑ کر اور اپنی صلاحیتوں کے زعم سے نکل کر خالصتاً اللّٰـــــــــــہ کا ہو رہتا ہے، تو کائنات کے تمام دروزاے اس پر وا کر دیے جاتے ہیں۔

سفر کا آغاز 'فنا' سے ہوتا ہے۔ یہ وہ مقام ہے جہاں انسان کی اپنی مرادیں، اس کی خواہشیں اور اس کی تمنائیں رضائے الٰہی کے سمندر میں ڈوب جاتی ہیں۔ جب دل کی بستی غیر اللّٰـــــــــــہ سے خالی ہوتی ہے، تو وہاں انوارِ الٰہی کا نزول ہوتا ہے۔ یہی وہ 'بقا' ہے جہاں بندے کا یقین ہمالیہ سے بلند اور سینہ نورِ معرفت سے منور ہو جاتا ہے۔ یہاں پہنچ کر انسان محض گوشت پوست کا پتلا نہیں رہتا، بلکہ اللّٰـــــــــــہ کے اسرار کا امین بن جاتا ہے۔

حقیقت یہ ہے کہ کائنات پر حقیقی حکمرانی صرف اسی وحدہ لاشریک کی ہے، مگر جب بندہ بندگی کی معراج پر پہنچتا ہے، تو قدرت اس کے ارادے میں اپنی جھلک دکھانے لگتی ہے۔ اللّٰـــــــــــہ اسے کائنات میں تصرف کی وہ قوت عطا فرماتا ہے کہ اس کی زبان سے نکلے الفاظ تقدیر کا فیصلہ بن جاتے ہیں۔ یہ "کن فیکون" کی صفت کا وہ پرتُو ہے جو اللّٰـــــــــــہ اپنے برگزیدہ بندوں کو عطا فرماتا ہے، وہ بندے جو رب کے ہو گئے، تو رب نے کائنات ان کی کر دی۔

جان رکھیں کہ تصرفِ کائنات دراصل صلہ ہے اس بے غرض بندگی کا، جہاں بندہ اپنی 'خودی' کو مٹا کر خالق کی 'مشیت' کا حصہ بن جاتا ہے۔ اللّٰـــــــــــہ رب العزت! ہمیں حضرت غوثِ اعظم رَضِی اللّٰـــــــــــہ عَنْہُ کے نقشِ قدم پر چلتے ہوئے اتباعِ سنت اور کسبِ حلال کی توفیق دے، اور ہمیں ان نفوسِ قدسیہ میں شامل فرما لے جن پر وہ اپنا فضل و کرم فرماتا ہے اور جنہیں اپنی معرفت کے اسرار سے نوازتا ہے۔ اور ہمیں اپنی رضا کے تابع کر کے وہ یقینِ محکم عطا فرما دے جو سینوں کو منور اور روح کو بیدار کر دیتا ہے۔ اٰمِیْن

مآخذ: فتوح الغیب: مقالہ 16(سیدنا شیخ عبدالقادر جِیلَانِیؓ)