Kyara Gyaltsen

24/05/2024

བཙན་པོ་ཁྲི་ལྡེ་སྲོང་བཙན་སྐབས་ཀྱི་སྤྱི་ལོ་༨༠༨ཡན་མན་ཙམ་དུ་བོད་དམག་གིས་ཐང་གི་བྱང་ཁུལ་གྱི་ས་ཆ་ཡོངས་རྫོགས་ལ་དབང་བསྒྱུར་བྱས་པའི་ས་ཁྲ།
རྒྱའི་ཐང་རྒྱལ་རབས་ཀྱི་ས་ཁྲ་ལས་བཏུས།

17/05/2024

ཆར་སྤྲིན་གྱི་མལ་དུ་ལྷིང་འཇགས་པའི་རི་ལུང་།
པར་སྐྱ་ར།

01/04/2024

གསུམ་པའི་བཅུ་ལ་ཅི ཞིག་ཤོར་རམ།
བཞི་པའི་གཅིག་ལ་ཅི་ཞིག་འཆོར་རམ།
བོད་པ་ཚོ། གཉིད་མ་སྡོད།

24/02/2024

ཆོས་འཕྲུལ་དུས་ཆེན།
ཆོས་འཕྲུལ་དུས་ཆེན་ནི་སྟོན་པས་གཉན་ཡོད་དུ་མུ་སྟེགས་ཀྱི་སྟོན་པ་རྫོགས་བྱེད་དང༌། གནག་ལས་སྐྱེས། རྒྱལ་བ་ཅན། གཉེན་གྱི་བུ། ནོག་ཅན། སྐྲའི་ལ་བ་ཅན་དྲུག་འཁོར་དངབཅས་པ་ཆོ་འཕྲུལ་གྱིས་ཕམ་པར་མཛད་པའི་དུས་ཁྱད་པར་ཅན་དེར་ཆོ་འཕྲུལ་དུས་ཆེན་དུ་འབོད།
བདག་ཅག་གི་སྟོན་པ་མངོན་པར་རྫོགས་པའི་སངས་རྒྱས་ནས་ལྔ་སྡེ་སོགས་འགྲོ་བ་མང་པོ་ཐར་པའི་ལམ་དུ་འགོད་པར་མཛད། སྟོན་པ་འཁོར་དང་བཅས་པ་རྒྱལ་པོའི་ཁབ་ཀྱི་འོད་མའི་ཚལ་ན་བཞུགས་པའི་ཚེ། མུ་སྟེགས་ཀྱི་སྟོན་པ་རྫོགས་བྱེད་སོགས་དྲུག་པོ་ཕྲག་དོག་གིས་ཡིད་དཀྲུགས་ཏེ་སྟོན་པ་ལ་འགྲན་པར་འདོད་ཅིང་། བདུད་སྡིག་ཅན་རཉནམས་ཀྱིས་ཀྱང་མུ་སྟེགས་ཀྱི་སྟོན་པ་དྲུག་པོའི་རྒྱུད་བསྐུལ་ཏེ། སྟོན་པ་ལ་འགྲན་པའི་བསམ་པ་ཆེས་ཆེར་བསྐྱེད་པས་མུ་སྟེགས་ཀྱི་སྟོན་པ་དྲུག་པོས་རྒྱལ་པོ་གཟུགས་ཅན་སྙིང་པོའི་དྲུང་དུ་ཕྱིན་ཏེ། རྒྱལ་པོ་བདག་ཅག་དང་གཽ་ཏ་མ་གཉིས་ཀ་ཤེས་པར་སྨྲ་བ་ཡིན་ན་ལྷན་ཅིག་ཏུ་རྫུ་འཕྲུལ་འགྲན་དུ་བཞུགས་པ་རིགས་སོ་ཞེས་བརྗོད་པ་རྒྱལ་པོས་བཅོམ་ལྡན་འདས་ལ་གསོལ་བས་སྟོན་པས་མཐར་ཞག་བདུན་ནས་རྫུ་འཕྲུལ་སྟོན་པར་ཞལ་གྱིས་བཞེས།
དེ་ནས་རྒྱལ་པོས་ཞག་བདུན་བར་མཉན་ཡོད་དང་རྒྱལ་བྱེད་ཚལ་བར་ཆོ་འཕྲུལ་གྱི་འདུ་ཁང་ཆེན་པོ་ལྷའི་ཁང་བཟང་ལྟ་བུ་བྱས། གསེར་གྱི་སེངྒེའི་ཁྲི་བཤམས། མུ་སྟེགས་པས་ཀྱང་འདུ་ཁང་དྲུག་དང་གདན་ཁྲི་བཤམས་སོ། །དེ་ལྟར་ཞག་བདུན་འདས་པའི་ནང་པར་བཅོམ་འདས་འཁོར་བཅས་སྤྱན་འདྲེན་པར་བྲམ་ཟེའི་ཁྱིའུ་བླ་མ་ཞེས་པ་བཏང་བས། ༧དགུན་ཟླ་ཐ་ཆུང་གི་ཡར་ངོའི་ཚེས་གཅིག་ལ་བཅོམ་ལྡན་འདས་བྱ་ངང་པའི་རྒྱལ་པོ་ལྟར་མཁའ་ལས་ཆོ་འཕྲུལ་གྱིས་གནས་དེར་གཤེགས། བཅོམ་ལྡན་འདས་མེའི་ཁམས་ལ་སྙོམས་པར་བཞུགས་པས་སྒོ་གསེབ་ནས་མེ་འོད་བྱུང་སྟེ་ཆོ་འཕྲུལ་འདུ་ཁང་གི་ཕྱི་ནང་ཐམས་ཅད་དུ་མེ་དཔུང་འབར་བར་གྱུར་པ་སྤྲུལ་པ་མཛད་དང༌། ༧ཚེས་གཉིས་ལ་རི་མཐོ་ལྗོན་ཤིང་འབྲས་བུས་གང་བ་སྤྲུལ། ༧ཚེས་གསུམ་ལ་རིན་པོ་ཆེའི་རྫིང་བུ་དཔག་ཚད་ཉིས་བརྒྱ་པདྨས་བརྒྱན་པ་སྤྲུལ། ༧ཚེས་བཞི་ལ་རིན་པོ་ཆེའི་རྫིང་གི་ཕྱོགས་བཞིའི་ཡུར་བ་ལས་ཆུ་འབབ་པ་ལས་ཆོས་ཀྱི་སྒྲ་ཕྱུང་ནས་ཕྱིར་རྫིང་ཉིད་དུ་འབབ་པ་སྤྲུལ། ༧ཚེས་ལྔ་ལ་བཅོམ་ལྡན་འདས་ཀྱི་ཞལ་ནས་གསེར་གྱི་འོད་བཀྱེ་བས་སྟོང་གསུམ་འཇིག་རྟེན་གྱི་ཁམས་ཐམས་ཅད་སྣང་བར་སྤྲུལ། ༧ཚེས་དྲུག་ལ་འཁོར་ཁྲི་སྟོང་མང་པོ་དག་གཅིག་གི་བསམ་པ་གཅིག་གིས་ཤེས་ཤིང༌། སོ་སོའི་དགེ་སྡིག་གི་ལས་ཀྱང་རྟོགས་པར་མཛད། ༧ཚེས་བདུན་ལ་འཁོར་དེ་དག་སོ་སོ་འཁོར་ལོས་བསྒྱུར་བའི་རྒྱལ་པོར་གྱུར་ཏེ་རིན་པོ་ཆེ་སྣ་བདུན་དང་ལྡན་ཞིང༌། རྒྱལ་ཕྲན་དང་བློན་པོ་རྣམས་ཀྱི་བསྟི་སྟངས་བྱེད་པར་མཐོང་བས་སྤྲོ་བ་སྐྱེས་པར་མཛད། ༧ཚེས་བརྒྱད་ལ་བརྒྱ་བྱིན་གྱིས་སྤྱན་དྲངས་ཏེ་བཅོམ་ལྡན་འདས་ཀྱིས་ཞབས་གཡས་པ་དྲི་གཙང་ཁང་གི་ནང་དུ་བསྣུན་མ་ཐག་ས་གཡོས་པས་སྟོན་པ་དྲུག་པོས་བཅོམ་ལྡན་འདས་ཀྱི་སྐུ་ལས་འོད་ཟེར་བཀྱེ་བས་དེ་རྣམས་ཀྱིས་བཅོམ་ལྡན་འདས་ཉི་མ་ལྟར་མཛེས་པ་མཐོང་ནས་དད་པས་རབ་ཏུ་བྱུང་ནས་དགྲ་བཅོམ་པའི་སར་འགོད། ༧ཚེས་དགུ་ལ་ཚངས་པས་བསྙེན་བཀུར་བ་ན་བཅོམ་ལྡན་འདས་ཀྱི་སྐུ་ཚངས་གནས་ལ་ཐུག་གི་བར་དུ་མཐོ་བ་འོད་ཟེར་གྱིས་གནམ་ས་གསལ་བར་མཛད་དེ་ཆོས་བསྟན། ༧ཚེས་བཅུ་ལ་རྒྱལ་ཆེན་བཞིས་བསྙེན་བཀུར་བ་ན་སྲིད་པའི་རྩེ་ལ་ཐུག་གི་བར་གྱི་སྐུ་ལས་འོད་ཟེར་འབར་བར་འགྱུར་བར་མཛད། ༧ཚེས་བཅུ་གཅིག་ལ་ཁྱིམ་བདག་མགོན་མེད་ཟས་སྦྱིན་གྱིས་བསྙེན་བཀུར་བ་ན་སེངྒེའི་ཁྲི་ལ་བཞུགས་བཞིན་དུ་སྐུ་མི་སྣང་བར་མཛད་ནས་འོད་བཀྱེ་སྟེ་ཆོས་བསྟན། ༧ཚེས་བཅུ་གཉིས་ལ་ཁྱིམ་བདག་ཙི་ཏས་བསྙེན་བཀུར་བ་ན་བཅོམ་ལྡན་འདས་བྱམས་པའི་ཏིང་ངེ་འཛིན་ལ་གནས་པར་མཛད། ༧ཚེས་བཅུ་གསུམ་ལ་རྒྱལ་པོ་ཤུན་ཙི་ད་ལས་བསྙེན་བཀུར་བ་ན་སྟོན་པ་སེངྒེའི་ཁྲི་ལ་བཞུགས་པའི་སྐུའི་ལྟེ་བ་ནས་འོད་ཟེར་གཉིས་བྱུང་ཞིང༌། དེ་གཉིས་ལས་ཀྱང་འོད་ཟེར་བྱུང་བས་སྟོང་ཆེན་པོའི་འཇིག་རྟེན་གང་བར་སྤྲུལ། ༧ཚེས་བཅུ་བཞི་ལ་རྒྱལ་པོ་ཨུ་ཏྲཱ་ཡ་ནས་བསྙེན་བཀུར་བ་ན་དེས་མེ་ཏོག་གཏོར་བ་དེ་དག་ཚངས་པའི་འཇིག་རྟེན་ལ་ཐུག་པའི་ནོར་བུ་རིན་པོ་ཆེས་སྤྲས་པ་སྟོང་ཉིས་བརྒྱ་ལྔ་བཅུར་གྱུར་ཅིང༌། དེ་རེ་རེའི་སྟེང་དུ་སྤྲུལ་པའི་སངས་རྒྱས་རེ་རེ་བཞུགས་ཏེ་འོད་ཀྱིས་སྟོང་གསུམ་མཐོང་བར་མཛད། ༧ཚེས་བཅོ་ལྔ་ལ་རྒྱལ་པོ་གཟུགས་ཅན་སྙིང་པོས་བསྙེན་བཀུར་བ་ན་སྣོད་ཐམས་ཅད་ཟས་རོ་བརྒྱ་དང་ལྡན་པས་གང་སྟེ་ཆོ་འཕྲུལ་ལྟ་བའི་འཁོར་ཐམས་ཅད་ཚིམས་པ་སོགས་རྫུ་འཕྲུལ་སྣ་ཚོགས་འགྲན་ཟླ་བྲལ་བ་སྟོན་པར་མཛད་པས་མུ་སྟེགས་པའི་སྟོན་པ་དྲུག་འཁོར་བཅས་པ་ཆོ་འཕྲུལ་གྱིས་མཛད་པས་ཕམ་པར་མཛད།
དེ་ལྟར་བོད་ཟླ་དང་པོའི་ཚེས་གཅིག་ནས་བཅོ་ལྔའི་བར་ཉིན་རེར་ཆོ་འཕྲུལ་མི་འདྲ་བ་རེ་རེ་བསྟན་ཏེ་ཕྱི་ནང་གི་གདུལ་བྱ་བགྲང་ལས་འདས་པ་༸ར་པའི་ལམ་ལ་འགོད་པར་མཛད་དོ།།

22/02/2024

人是漂泊的小船，
家是温柔的港湾。
儿是船上的游客；
妈是雄伟的船长。

Man is a drifting boat,
Home is a gentle harbor.
Children are tourists on board;
Mom's a majestic captain.

04/11/2023