27/04/2026
*نوجوان علما! ہوشیار رہیں!*
ـــــــــــــــــــــــــــــــــــــــ
یہ ایک تلخ حقیقت ہے کہ بعض بڑے لوگ اپنے ذاتی مفادات کے حصول کے لیے فارغینِ مدارس کو ٹشو پیپر کی طرح استعمال کرتے ہیں۔ اپنی انا کی تسکین کے لیے ذاتی جھگڑوں میں نوجوان علما کو آگے کر دیتے ہیں، اور خود پسِ پردہ تماشائی بنے رہتے ہیں۔
*اے نوجوان اہلِ علم!*
اس استحصال کا حصہ بننے سے خود کو محفوظ رکھیں۔ آپ کوئی معمولی ہستی نہیں، بلکہ علمِ نبوی ﷺ کے امین ہیں۔ اپنی صلاحیتوں کو وقتی جذبات یا دوسروں کے مفادات کی نذر نہ کریں، بلکہ انھیں علم، تحقیق اور دعوت و اصلاح کے میدان میں صرف کریں۔
اپنی قدر پہچانیں، اپنے وقار کی حفاظت کریں، اور اپنی علمی حیثیت کو برقرار رکھیں۔
*یاد رکھیں!*
آپ کا اصل منصب قوم کی رہنمائی، خدمتِ دین، اور فروغِ سنّیت ہے، نہ کہ فروغِ شخصیت ، نہ کہ کسی صاحب کے ذاتی مفادات کی بھینٹ چڑھ جانا۔
دارالقضاء ادارۂ شرعیہ اورنگ آباد
