Smart Digital Studio

عالم اسلام کو اسلامی نیا سال(1448) مبارک ہو

مولانا توصیف رضا مظہری کا قاتل گرفتار ۔۔

ایک ویڈیو نظر سے گزری جس میں ایک نعت خواں نعت خوانی کے دوران اپنے موبائل کا بار کوڈ کھولے ہوئے تھے اور حاضرین اسی دوران اسکین کرکے رقم منتقل کر رہے تھے۔ یہ منظر دیکھ کر دل کو سخت تکلیف ہوئی۔ بلاشبہ نعت خوانی ایک مبارک عمل ہے، لیکن اس سے بھی زیادہ اہم نعتِ رسول ﷺ کا ادب اور اس کی عظمت کا خیال رکھنا ہے۔

افسوس کہ آج بعض مقامات پر نعت خوانی اور دینی اجتماعات میں ایسی صورتیں پیدا ہو رہی ہیں جن سے روحانیت کے بجائے نمائش اور تفریح کا تاثر ابھرنے لگتا ہے۔ اسٹیج پر بار کوڈ کھول کر نزرانہ وصول کرنا، دورانِ نعت اس کا اعلان یا اس کی ترغیب دینا کم از کم وقارِ محفل کے خلاف معلوم ہوتا ہے۔ نعت کا مقصد سامعین کے دلوں میں محبتِ مصطفیٰ ﷺ کو تازہ کرنا ہے، نہ کہ محفل کو مالی لین دین کا منظر بنا دینا۔

یقیناً نعت خواں حضرات کو نذرانہ دیا جا سکتا ہے اور ان کی حوصلہ افزائی بھی ہونی چاہیے، لیکن اس کے لیے بھی ایک باوقار اور مہذب طریقہ اختیار کرنا ضروری ہے۔ نعت خواں، منتظمین اور سامعین سب کی ذمہ داری ہے کہ وہ نعتِ رسول ﷺ کی محفلوں کے تقدس، سنجیدگی اور ادب کو ہر حال میں برقرار رکھیں۔
اللہ ہم سب کو عمل کی توفیق عطا فرمائے
منقول ۔۔