Seva Bharati Purbanchal Yoga Department

🙏

অৰুণোদয় উন্নয়ন সমিতিৰ মহিলা শাখাৰ উদ্যোগত আৰু সেৱা ভাৰতী পূৰ্বাঞ্চলৰ সহযোগত যোৱা ২২ এপ্ৰিল তাৰিখে এটি যোগ প্ৰশিক্ষণ অনুষ্ঠান আৰম্ভ হয়। এই অনুষ্ঠানটি ডিব্ৰুগড় জিলাৰ সেৱা ভাৰতী পূৰ্বাঞ্চলৰ জেষ্ঠ যোগ শিক্ষয়ত্ৰী তথা লাচিত যোগ কেন্দ্ৰৰ শিক্ষয়ত্ৰী বিচিত্ৰা বাইদেউৰ তত্বাৱধানত সুচাৰুৰূপে অনুষ্ঠিত হৈ আছে। উক্ত অনুষ্ঠানত মুখ্য অতিথি হিচাপে উপস্থিত থাকি সেৱা ভাৰতী পূৰ্বাঞ্চলৰ জেষ্ঠ যোগ শিক্ষক শশাঙ্ক জ্যোতি শৰ্মা দেৱে যোগৰ প্ৰয়োজনীয়তা আৰু স্বাস্থ্যকৰ জীৱন গঢ়াৰ ক্ষেত্ৰত ইয়াৰ গুৰুত্ব সম্পৰ্কে উপস্থিত সকলোকে সুস্পষ্ট মাৰ্গদৰ্শন প্ৰদান কৰে। তেখেতক অনুষ্ঠানটোৰ সন্মানীয় অতিথি হিচাপে যথাযোগ্য সন্মান জনোৱা হয়।

এই অনুষ্ঠানত স্থানীয় ৰাইজৰ উৎসাহজনক আৰু সক্ৰিয় অংশগ্ৰহণ লক্ষ্য কৰা যায়। ৰাইজৰ আন্তৰিক সহযোগিতা আৰু আগ্ৰহে অনুষ্ঠানটোক অধিক সাফল্যমণ্ডিত কৰি তুলিছে। এই ধৰণৰ সাৰ্থক উদ্যোগে সমাজত স্বাস্থ্য সচেতনতা বৃদ্ধি কৰাৰ লগতে যোগাভ্যাসৰ প্ৰতি ৰাইজৰ আগ্ৰহ অধিক বঢ়াব বুলি আশা প্ৰকাশ কৰা হয়।
🙏🙏🙏

নমস্কাৰ,
ভোগালী বিহুৱে আপোনাৰ জীৱনলৈ সুখ-সমৃদ্ধি কঢ়িয়াই আনক, লগতে ভাতৃত্ববোধৰ এনাজৰীডাল আৰু অধিক সুদৃঢ় কৰক। মেজিৰ জুইকুৰাই যেন সকলো অপায়-অমংগল, হিংসা-বিদ্বেষ পুৰি নষ্ট কৰি অনাবিল আনন্দ কঢ়িয়াই আনে।

এই শুভ কামনাৰে সেৱা ভাৰতী পূৰ্বাঞ্চল ( #যোগ_বিভাগ) ৰ তৰফৰ পৰা আপোনাক আৰু আপোনাৰ পৰিয়াললৈ #ভোগালী_বিহুৰ হিয়াভৰা আন্তৰিক শুভেচ্ছা জনালোঁ।
🙏🙏🙏