Kamarbandha Girls High School

১৪ নৱেম্বৰ, ২০২৪: কমাৰবন্ধা বালিকা উচ্চ মাধ্যমিক বিদ্যালয়ৰ চৌহদত, কমাৰবন্ধা বালিকা নিম্ন বুনিয়াদী বিদ্যালয়ৰ লগত যৌথভাৱে শিশু দিৱস উদযাপন কৰি বন্ধু-বিদ্যালয় কাৰ্য্যসূচী ৰূপায়ন কৰা হয়। দুয়োখন বিদ্যালয়ৰ ছাত্ৰ-ছাত্ৰীসকলে দিনযোৰা কাৰ্য্যসূচীৰে শিশু দিৱস উদযাপন কৰে।

১১ নৱেম্বৰ, ২০২৪: কমাৰবন্ধা বালিকা উচ্চ মাধ্যমিক বিদ্যালয়ত গণিত উৎকৰ্ষ সাধন পৰীক্ষা সুকলমে অনুষ্ঠিত হৈ যায়। ৰাজ্যিক পৰ্যায়ত অনুষ্ঠিত হোৱা এই পৰীক্ষাটিত কমাৰবন্ধা পৰীক্ষা কেন্দ্ৰত বহু সংখ্যক ছাত্র-ছাত্ৰীৰ অংশগ্রহণ আৰু অভিভাৱকৰ সঁহাৰিয়ে গণিত শিক্ষাৰ এক আশাব্যঞ্জক ছবি দাঙি ধৰে। গণিত উৎকৰ্ষ সাধনৰ লগত জড়িত বিশিষ্ট ব্যক্তিসকল ইয়াৰ বাবে নিশ্চয়কৈ কৃতজ্ঞতাৰ পাত্র।

২৬/৪/২০২৪
যোৱা জানুৱাৰী মাহত অৱসৰ গ্ৰহণ কৰা বিদ্যালয়ৰ জ্যেষ্ঠা শিক্ষয়িত্ৰী শ্ৰীযুতা পূৰ্ণিমা বৰা বাইদেউক বিদ্যালয়ৰ তৰফৰ পৰা আনুষ্ঠানিক বিদায় সম্ভাষণ জনোৱা হয়। বাইদেউৰ অৱসৰী জীৱন সুন্দৰ, সুখী আৰু সু-স্বাস্থ্যকৰ হোৱাৰ কামনাৰে শ্ৰদ্ধাৰ্ঘ জ্ঞাপন কৰা হয়।
২০২৩/২৪ বৰ্ষৰ হাইস্কুল শিক্ষান্ত পৰীক্ষাত সফলতা পোৱা ছাত্ৰীসকলকো বিদ্যালয়ৰ তৰফৰ পৰা অভিনন্দন জনোৱা হয়।

বিদ্যালয়ৰ নৱাগত আদৰণি সভা :
৯/৪/২০২৪
২০২৪- ২৫ শিক্ষাবৰ্ষৰ নামভৰ্তি প্ৰক্ৰিয়াৰ অন্তত নৱাগত আদৰণি সভা অনুষ্ঠিত কৰা হয়। সেইদিনাই ছাত্ৰীসকলে পেলনীয়া প্লাষ্টিক আৰু অন্যান্য, সামগ্ৰীৰ পৰা প্ৰস্তুত কৰা বিভিন্ন মনোমোহা সামগ্ৰীৰ এখন প্ৰদৰ্শনী মুকলি কৰা হয়। প্ৰদৰ্শনীৰ দ্বাৰ উন্মোচন কৰে কমাৰবন্ধা মণ্ডল সমল কেন্দ্ৰ সমন্বয়ক শ্ৰীযুতা মনালিছা শইকীয়াই। কমাৰবন্ধা উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ শ্ৰীযুত লোকেন বৰা , অৱসৰপ্ৰাপ্ত পশু চিকিৎসক শ্ৰীযুত পদ্মধৰ বৰাই ছাত্ৰীসকলে প্ৰস্তুত কৰা সামগ্ৰী সমূহ চাই প্ৰশংসা কৰে আৰু ছাত্ৰীসকলক উৎসাহিত কৰে।
নৱাগত আদৰণি সভাখনৰ সভাপতিত্ব কৰে ডাঃ পদ্মধৰ বৰাই । গাম্ভীৰ্যপূৰ্ণ সভাখনত উপস্থিত থাকে বিভিন্ন বিদ্যালয়ৰ আমন্ত্ৰিত প্ৰধান শিক্ষকসকল , কেইবাগৰাকী শিক্ষানুৰাগী ব্যক্তি । সভাৰ অন্তত এটি প্ৰীতি ভোজেৰে দিনটোৰ কাৰ্যসূচী সামৰণি মৰা হয়।

সমল সংহতকৰণ: Resource Mobilization

কমাৰবন্ধা বালিকা উচ্চ মাধ্যমিক বিদ্যালয়ৰ শিক্ষক -শিক্ষয়িত্ৰীসকলে প্ৰতিৱেশী প্ৰাথমিক বিদ্যালয়সমূহত শিকন- শিক্ষন প্ৰক্ৰিয়াত সৌহাদ্যপূৰ্ণ অংশগ্ৰহণ আগবঢ়ায় । ইংৰাজী, গণিত বিষয়ৰ লগতে সংগীত তথা সহ- বিদ্যায়তনিক বিষয়ৰ শ্ৰেণীত ছাত্ৰ -ছাত্ৰী সকলৰ উচ্ছাস আৰু সঁহাৰিয়ে শিক্ষকসকলকো উদ্যমী আৰু গতিশীল ৰূপত আগবাঢ়িবলৈ উৎসাহিত কৰে।

শিক্ষক সদায় শিক্ষাৰ্থীৰ বাবে। বিভিন্ন সময়ত শিক্ষকৰ ভূমিকা বিভিন্ন। যদি কেতিয়াবা সহায়কাৰীৰ ৰূপত, কেতিয়াবা পৰামৰ্শদাতাৰ ৰূপত।

A teacher is always for the students. A teacher has to play different roles many a times. If sometimes he/she is a facilitator, sometimes a mentor.

MENTOR TEACHERS VISITING STUDENTS' HOME AT THEIR CRUCIAL EXAM TIME:

( Forthcoming class ten board exam , held from 16 th February, 2024 )

সৰস্বতী পূজা -২০২৪( ১৪ফেব্ৰুৱাৰী, ২০২৪)
বিদ্যা, প্ৰজ্ঞা, মনীষাৰ অধিষ্ঠাত্ৰী দেৱী সৰস্বতীৰ আৰাধনা, মন্ত্ৰোচ্চাৰণ, শিক্ষক - শিক্ষাৰ্থীসকলৰ প্ৰতি পুৰোহিতৰ এজোলোকা আশীৰ্বাদ!
এই শুভক্ষণত বিদ্যালয়ৰ অৱসৰপ্ৰাপ্ত শিক্ষকসকল, তথা শুভাকাংক্ষী সকলৰ বিদ্যালয় দৰ্শন, ন-পুৰণি শিক্ষা গুৰুসকলৰ বাৰ্তা- বিনিময়, স্মৃতিৰ জলঙাৰে অতীত সোঁৱৰণ -- এই আপুৰুগীয়া ক্ষণটিৰ বাবে সকলোৰে দেখোন উৎকণ্ঠাৰ অন্ত নাই!
বিদ্যালয়ৰ সৰস্বতী পূজা বুলিলেই শিক্ষাৰ্থীসকলৰো উলাহৰ অন্ত নাই। মনোমোহা সাজোন-কাচোন , ফটো -ছেল্ফি , শ্ৰদ্ধাৰ শিক্ষা গুৰুসকলৰ কাষত ৰোৱাৰ এটি সুন্দৰ মূহুৰ্তক ফটোত বন্দী কৰাৰ হাবিয়াস পূৰণ -- এইবোৰ পৰিকল্পনাৰে সৰস্বতী পূজাৰ দিনটো বিশেষ কৰিবলৈ বদ্ধপৰিকৰ!
আৰু অৱশেষত বিদ্যালয়ৰ পৰম্পৰা অনুসৰি বিদ্যালয় পৰিয়ালৰ সকলো একেলগে সেউজীয়া বননিত বহি , কলপাতত লুচি -ভাজি খোৱাৰ পৰ্ব। এটি সুন্দৰ দিনৰ স্মৃতি হৃদয়ত সামৰি পুনৰ আন এটি কৰ্মদিনক আদৰাৰ প্ৰস্তুতি।

বিদ্যালয়ৰ বাৰ্ষিক ক্ৰীড়া সমাৰোহ -২০২৩ ৰ উদ্বোধনী অনুষ্ঠান (২৮/১২/২০২৩ )

আমাৰ বিদ্যালয়ৰ ছাত্ৰী গীতিকা শইকীয়াৰ সাংস্কৃতিক কাৰ্যসূচীত অংশগ্ৰহণ।