Naharani Mazgaon LP School

"গছ থাকিলেহে মানুহ থাকিব।
গছ মানুহৰ পৰম বন্ধু।"
এই বাণী আগত ৰাখি 'পৰিৱেশ দিৱস ,২০২৩' উপলক্ষে নাহৰণি মাজগাওঁ প্ৰাথমিক বিদ্যালয়ৰ সমূহ শিক্ষক-কৰ্মচাৰীৰ আহ্বানক্ৰমে বিদ্যালয়ৰ ছাত্ৰ-ছাত্ৰী তথা অভিভাৱক সকলে বহু স্থানত আম, আমলখি, বকুল, এজাৰ, জামু, কঁঠাল আদি গছপুলি ৰোপণ কৰে। লগতে ছাত্ৰ-ছাত্ৰী সকলে নিজে ৰোপণ কৰা গছপুলিটোৰ প্ৰতিপালনৰ সম্পূৰ্ণ দায়িত্ব লয়। তেওঁলোকে এই কথা বাৰুকৈয়ে উপলব্ধি কৰে যে বৃক্ষৰোপন কৰাৰ পাছত আমাৰ দায়িত্ব শেষ হৈ নাযায়, বৰঞ্চ দায়িত্ব বাঢ়িহে যায়।
আহক সকলোৱে মিলি প্ৰকৃতি ৰক্ষাৰ শপত লওঁ।

আজি ইংৰাজী ২৭/০৫/২০২৩ তাৰিখে নাহৰণি মাজগাওঁ প্ৰাথমিক বিদ্যালয়ৰ সমীপত এটা বকুল পুলি ৰোপনেৰে আগন্তুক বৃক্ষ ৰোপণ প্ৰতিযোগিতাত আমাৰ বিদ্যালয়ৰ শিক্ষক-কৰ্মচাৰী গোটে অংশগ্ৰহণৰ পঞ্জীয়ন কৰিলোঁ।

নাহৰণি মাজগাওঁৰ বিশিষ্ট কবি-সাহিত্যিক, সমাজসেৱক তথা ব্যৱসায়ী শ্ৰদ্ধাৰ Dilwar Hussain ডাঙৰীয়ালৈ আমাৰ বিদ্যালয়ৰ পৰিয়ালৰ হৈ ওপজা দিনৰ শুভকামনা জনাইছোঁ।
আপোনাৰ আগন্তুক দিনবোৰ মধুময় তথা উজ্জ্বল হওঁক। দুগুণ উৎসাহেৰে, মনৰ হেঁপাহেৰে কাম কৰি সফলতাৰ শিখৰত স্পৰ্শ কৰিবলৈ ভগৱানে আৰু অধিক শক্তি দিয়ক আপোনাক।

ধাৰাবাহিকতা অক্ষুন্ন ৰাখি ২০২৩ বৰ্ষৰ গুণোত্সৱত আমাৰ বিদ্যালয়ে পুনৰ A+ গ্ৰেড পাবলৈ সক্ষম হৈছে,,,,বিদ্যালয়ৰ লগত জড়িত সকলোলৈকে অভিনন্দন জনাইছোঁ

86.93% (A+)

আজি ইংৰাজী ০১/০৪/২০২৩ তাৰিখ শনিবাৰে ২০২৩-২৪ শিক্ষাবৰ্ষৰ বিনামূলীয়া পাঠ্যপুথি বিতৰণ কৰা হয়।

আজি ইংৰাজী ২৩/০৩/২০২৩ তাৰিখ বৃহস্পতি বাৰে নুমলীগড় তেল শোধনাগাৰৰ মহা প্ৰৱন্ধক মহোদয় আমাৰ বিদ্যালয়ত উপস্থিত হয়। বিদ্যালয় খনৰ সন্মুখৰ ৭০ মিটাৰ ৰাষ্টা পকী কৰি স্থায়ী বেৰ দিয়াৰ বাবে শ্ৰদ্ধাৰ মহাপ্ৰৱন্ধক মহোদয়ক আৱেদন জনাওঁ।

"কোনে কাক জনাব পাৰে বিদায়
বুকুত খোদিত যাৰ ঠিকনা সদায়"
আজি ইংৰাজী ০২/০৩/২০২৩ তাৰিখ বৃহস্পতি বাৰে আমাৰ বিদ্যালয়ৰ পঞ্চম শ্ৰেণীৰ ছাত্ৰ-ছাত্ৰী সকলৰ বিদায় সভা অনুষ্ঠিত কৰা হয়। এই বিদায় সভাত গোলাঘাট কেন্দ্ৰীয় শিক্ষাখণ্ডৰ খণ্ড প্ৰাথমিক শিক্ষা বিষয়া শ্ৰদ্ধাৰ নিলাক্ষী ৰাজকুমাৰী বাইদেউ বিশিষ্ট অতিথি হিচাপে উপস্থিত থাকি ছাত্ৰ-ছাত্ৰী সকলক উৎসাহিত কৰে।
পঞ্চম শ্ৰেণীৰ ১৫ জন বিদায়ী ছাত্ৰ-ছাত্ৰীলৈ ভৱিষ্যত শিক্ষা জীৱনৰ বাবে যাচিছোঁ আন্তৰিক শুভকামনা।

আজিৰে পৰা ছাত্ৰ-ছাত্ৰী সকলৰ চতুৰ্থ মূল্যায়ন অনুষ্ঠিত হৈছে।

খুমটাই সমষ্টিৰ প্ৰতিখন গাঁও পৰিস্কাৰ, প্লাষ্টিকমুক্ত কৰি দেশৰ ভিতৰতে এখন স্বচ্ছ সমষ্টি হিচাপে গঢ় দিয়াৰ এক প্ৰচেষ্টা হাতত লৈছে খুমটাই সমষ্টিৰ মাননীয় বিধায়ক মৃণাল শইকীয়া ডাঙৰীয়াই। মাননীয় বিধায়ক ডাঙৰীয়াৰ এই প্ৰচেষ্টাৰ প্ৰতি সঁহাৰি জনাই আমিও ছাত্ৰ-ছাত্ৰী, শিক্ষক-শিক্ষয়িত্ৰী তথা বিদ্যালয় পৰিচালনা সমিতিৰ সহযোগত নিজৰ বিদ্যালয়ৰ চৌপাশ তথা স্থানীয় কিছু ঠাই পৰিষ্কাৰ কৰি ৰখাৰ ব্যৱস্থা হাতত লৈছো। আশা কৰোঁ অনাগত সময়ত আমাৰ এই কাৰ্যই সফলতা লাভ কৰিব আৰু পৰিষ্কাৰ-পৰিচন্নতাৰ দিশত আৰু বেছি আগুৱাই যাব।




Destination Khumtai

'হাতে হাত ধৰি আমি যাম আগুৱাই,
প্ৰগতিৰ জখলা বগায়'
আজি ইংৰাজী ১৪/০২/২০২৩ তাৰিখ মঙ্গল বাৰে দেৱৰাজ ৰয় মহাবিদ্যালয় প্ৰেক্ষাগৃহত সমগ্ৰ শিক্ষা গোলাঘাট জিলাৰ তৰফৰ পৰা নাহৰণি মাজগাঁও প্ৰাথমিক বিদ্যালয়ৰ পৰিচালনা সমিতিক জিলা পৰ্যায়ৰ শ্ৰেষ্ঠ বিদ্যালয় পৰিচালনা সমিতিৰ বঁটাৰে সম্বৰ্দ্ধনা জনায়। এই সুখৰ মুৰ্হুতত বিদ্যালয়ৰ উন্নতিত অংশীদাৰ হোৱা প্ৰতিজন শুভাকাংক্ষী ব্যক্তিক আন্তৰিক অভিনন্দন আৰু ধন্যবাদ জনালোঁ। অসম চৰকাৰৰ তথা শিক্ষা বিভাগৰ পৰা পোৱা এই সন্মান মাজগাঁও ৰাইজৰ আশীৰ্বাদৰ ফল।
এই সন্মান প্ৰদান কৰা বাবে সমগ্ৰ শিক্ষা গোলাঘাট জিলা, কেন্দ্ৰীয় শিক্ষা খণ্ড, আৰু ধোদাং মণ্ডল সমল কেন্দ্ৰৰ সমন্বয়ক মহোদয়ক ধন্যবাদ জনাইছোঁ। আশাকৰোঁ সকলোৰে সহযোগিতাত এনেদৰে অনুপ্ৰাণিত হৈ আগলৈ আমাৰ বিদ্যালয় খনি শৈক্ষিক তথা সামগ্ৰিক উন্নয়নত আৰু আগুৱাই যাব পাৰিব।

জৰুৰী বাৰ্তা
--///---///---///---///---///---///
ইয়াৰ দ্বাৰা সকলোকে জনোৱা হয় যে আগন্তুক ২০২৩-২৪ শিক্ষাবৰ্ষ অহা এপ্ৰিল মাহৰ ১ তাৰিখৰ পৰা আৰম্ভ হ'ব। আন বিদ্যালয়ৰ দৰে আমিও সাজু হৈ উঠিছো নতুনক আদৰণি জনাবৰ বাবে। আগন্তুক শিক্ষাবৰ্ষৰ বাবে নামভৰ্তিৰ প্ৰ-পত্ৰ অহা সোমাবাৰৰ পৰা আমাৰ বিদ্যালয়ৰ কাৰ্যালয়ত দিয়া হ'ব । সেয়েহে ইচ্ছুক অভিভাৱক সকলে নিজৰ সন্তানটিৰ নামভৰ্তি কৰিবলৈ আগ্ৰহ প্ৰকাশ কৰিলে আমাৰ বিদ্যালয় কৰ্তৃপক্ষৰ লগত যোগাযোগ কৰিব পাৰিব।

ইচ্ছুক ছাত্ৰ-ছাত্ৰীয়ে 'ক' শ্ৰেণীৰ পৰা পঞ্চম শ্ৰেণীৰ যিকোনো শ্ৰেণীত নামভৰ্তি কৰিব পাৰিব।

ধন্যবাদেৰে
বিদ্যালয় কৰ্তৃপক্ষ
নাহৰণি মাজগাওঁ প্ৰাথমিক বিদ্যালয়

গুণোত্সৱ ২০২৩
বিদ্যালয়ৰ প্ৰাচীৰ পত্ৰিকা ' ৰ'দ কাঁচিয়লি' উন্মোচন কৰি বহিঃ মূল্যায়ক বাইদেউৱে ছাত্ৰ-ছাত্ৰী তথা অভিভাৱক-অভিভাৱিকা সকলৰ জ্ঞাতাৰ্থে কিছু কথা কয়।
বহিঃ মূল্যায়ক বাইদেউৰ সন্মুখত ৰাভা সংগীত পৰিৱেশন কৰে আমাৰ কণমানি ছাত্ৰী তথা বিদ্যালয়ৰ প্ৰধান শিক্ষক প্ৰণৱজ্যোতি ছাৰৰ ছোৱালী আৰাধ্যা ৰাজখোৱাই।