26/01/2021
✍️रानि दैमारि
आं रावबो खनथाइगिरि नंङा
आं रावबो रायथायगिरि नंङा
लैथोमानि गोथौथि बादि सोदोब
नागिरना खनथाइ सुजुनो,
मिथिंगायारि समायना नुथायखौ।
लाना सानस्रि बेरखांहोनो
आं सासे नंगुबै सुबुंसो
मोगथांआव मा मा जाथाय जायो
बेफोरखौ लानानैसो
गावनि मोनदांथिखौ फोरमायनो
रेबगननि साहारा लायो
मानोना बेनो आंनि थार लोगो
जेराव आं गोसोनि दुखु -सुखु,
रागा गासिखौबो लाना
सुजुयो,गोसोनि फंनैसो राव।
