DISHA BIJU Kombanalil

DISHA BIJU Kombanalil 2000000 വർഷങ്ങൾ ....മനുഷ്യ കുലത്തിന്റെ കണ്ടുപിടുത്തങ്ങളുടെ കഥകൾ, കണ്ടെത്തലുകൾ സമകാലിക സംഭവങ്

വിജയ കൂട്ട്....അഭിനന്ദനങ്ങൾ...
27/11/2025

വിജയ കൂട്ട്....
അഭിനന്ദനങ്ങൾ...

പരസ്യത്തിന്റെ ധർമ്മം എന്ന് പറയുന്നത് അത് കൂടുതൽ പരസ്യം ചെയ്യുക എന്നുള്ളത് മാത്രമാണ്.... അത് എപ്പോഴേ അത് നിർവഹിച്ചു കഴിഞ...
18/07/2025

പരസ്യത്തിന്റെ ധർമ്മം എന്ന് പറയുന്നത് അത് കൂടുതൽ പരസ്യം ചെയ്യുക എന്നുള്ളത് മാത്രമാണ്....

അത് എപ്പോഴേ അത് നിർവഹിച്ചു കഴിഞ്ഞു...

ഇഷ്ടം ❤️

മോഹൻലാൽ

പണ്ടൊക്കെ അമ്പലപ്പറമ്പിൽ പോകുന്നത് തന്നെ ഇതൊക്കെ വാങ്ങാൻ ആയിരുന്നു. ഒരു ബൈനോക്കുലർ, ഒരു ലെൻസ്, ഒരു പൊട്ടാസ് തോക്ക്, പറ്റ...
31/12/2021

പണ്ടൊക്കെ അമ്പലപ്പറമ്പിൽ പോകുന്നത് തന്നെ ഇതൊക്കെ വാങ്ങാൻ ആയിരുന്നു.

ഒരു ബൈനോക്കുലർ, ഒരു ലെൻസ്, ഒരു പൊട്ടാസ് തോക്ക്, പറ്റുമെങ്കിൽ വെള്ളത്തിലൂടെ ഓടിക്കാൻ കഴിയുന്ന ബോട്ട്...

ഇതൊക്കെ വാങ്ങണമെന്നാണ് ആഗ്രഹമെങ്കിലും,ഇതിൽ ഏതെങ്കിലും ഒക്കെ നടന്നാൽ തന്നെ വലിയ കാര്യം

ഉത്സവപ്പറമ്പിലെ പെട്ടിക്കടയിൽ ഒരു വെളുത്ത ചരടിന്റെ അറ്റത്ത് കെട്ടി തൂക്കിയിരിക്കുന്ന ബൈനോക്കുലർ വാങ്ങാൻ ഉള്ള ആഗ്രഹവുമായി അതിന്റെ അടുത്ത് പോയി നിന്ന് നോക്കും.

വില ചോദിക്കും...

പക്ഷേ വില കൂടുതലായതുകൊണ്ട് വാങ്ങാൻ പറ്റാറില്ലായിരുന്നു...

കടക്കാരന് അത് ഒരിക്കലും തന്നെ കയ്യിലേക്ക് തന്ന്, ഒരു നോക്ക് നോക്കാൻ ഉള്ള അവസരം തരാൻ വലിയ താല്പര്യം ഒന്നും ഉണ്ടാവില്ല...

ഇനി ഏതെങ്കിലും കടക്കാരൻ നോക്കാൻ തന്നാൽ തന്നെ..

അതിൽ പിടിച്ചു തിരിക്കുക ഒന്നും ചെയ്യരുത് വെറുതെ നോക്കിയാൽ മതി എന്ന നിർദ്ദേശത്തോടെ കൂടിയായിരിക്കും കയ്യിൽ തരുക...

ഉത്സവപ്പറമ്പിൽ നിന്ന് നാടകം നടക്കുന്ന വേദിയിലേക്ക് നോക്കി അവിടെ കഥാപാത്രങ്ങളായി അഭിനയിക്കുന്ന ആളുകളെ കുറച്ചുകൂടി അടുത്ത്, അടുത്ത് കാണുക എന്നുള്ളതാണ് ഒരു ലക്ഷ്യം..

പിന്നെ സുന്ദരികളായ പെൺകുട്ടികളെ കാണുക എന്നുള്ള ലക്ഷ്യം ഉണ്ടായിരുന്നില്ല എന്നൊന്നും എഴുതിയാൽ നിങ്ങൾ ഒന്നും സമ്മതിച്ചു തരില്ല അതുകൊണ്ട് അതുകൂടി എഴുതുന്നു 😄...

അങ്ങനെയുള്ള ഒരുപാട് നാളത്തെ ആഗ്രഹത്തിന്റെ സഫലീകരണം ആയിട്ടാണ് പിന്നീട് ഒരു ബൈനോക്കുലർ അവസാനം വാങ്ങാൻ പറ്റിയത്. പണ്ടത്തെ കാശ് കുടുക്ക വല്ലതും പൊട്ടിച്ചു കിട്ടിയ പൈസ ആയിരിക്കണം മൂലധനം 😊

ബൈനോക്കുലർ വാങ്ങിയതിൽ പിന്നെ വീട്ടിലുള്ള അമ്മയെ പോലും ബൈനോക്കുലറിലൂടെ മാത്രമേ നോക്കൂ.
ബൈനോക്കുലറിലൂടെ നോക്കി റോഡിലൂടെ നടന്ന് റോടരുകിലെ ഓടയിൽ തലയും കുത്തി വീണ ആളുകളും ഉണ്ടാവാം 😄..

സ്കൂൾ ടൂറിന് ഒക്കെ പോകുമ്പോൾ ബൈനോക്കുലറും ഒക്കെ ആയിട്ട് വരുന്ന അണ്ണന്മാരുടെ ജാഡ ഒന്ന് വേറെ തന്നെ ആണ്...

ആ ബൈനോക്കുലറിലൂടെ ഒന്നും നോക്കാൻ, അതൊന്നു പിടിക്കാൻ അതിലൂടെ കാഴ്ചകളൊക്കെ കണ്ട് രസിക്കാൻ എത്ര ആഗ്രഹമുള്ള ഒരു കാലഘട്ടത്തിലൂടെയാണ് നമ്മൾ ഒക്കെ കടന്നു പോയിട്ടുണ്ടാവുക അല്ലേ...

എന്തായാലും ബൈനോക്കുലർ ഒരു സംഭവം തന്നെയാണ്... ബൈനോക്കുലറിന്റെ ഒരു ഭാഗം എടുത്തുകളഞ്ഞാൽ പിന്നെ നമ്മുടെ കുഞ്ഞാലിമരയ്ക്കാർ സിനിമയിൽ മോഹൻലാൽ പിടിച്ചിട്ടുള്ള അതായി...

കാഴ്ചകളുടെ ദൂരങ്ങൾ താണ്ടാൻ ഏറെ അഭിവാഞ്ചയുള്ള ആളുകളുടെ മനസ്സിൽ നിന്ന് ഉരുത്തിരിഞ്ഞുവന്ന
കാഴ്ചകളുടെ ദൂരങ്ങൾ താണ്ടാൻ ഏറെ അഭിവാഞ്ചയുള്ള ആളുകളുടെ മനസ്സിൽ നിന്ന് ഉരുത്തിരിഞ്ഞുവന്ന ആഗ്രഹം ആയിരിക്കണം ഇത്തരത്തിലുള്ള സൃഷ്ടികളുടെ പുറകിൽ...

രണ്ടു കുട്ടികളുടെ കൗതുകത്തിൽ നിന്ന് ഉണ്ടായ ഒരു സംഭവമാണ് നമ്മുടെ ടെലസ്കോപ്പ്..

രണ്ടു കോൺകേവ് ലെൻസ്കൾ ചേർത്തുവച്ച് നോക്കി കൊണ്ടിരുന്ന കുട്ടികളുടെ കൗതുകകാഴ്ച ആണ് ഇന്ന് കാണുന്ന ടെലസ്ക്കോപ്പ്.. അങ്ങനെ ചേർത്തുവച്ച് ലെൻസിലൂടെ തൊട്ടടുത്തുള്ള ഒരു ചർച്ച് ടവർ കൂടുതൽ അടുത്തേക്ക് ആയി കാണുന്ന അനുഭവം അവരെ അത്ഭുതപരതന്ത്രരാക്കി.

ഇത് കണ്ട ആ കുട്ടികളുടെ പിതാവ് Hans Lippershey (1570-1619)
ഒരു നീളമുള്ള പൈപ്പിലേക്ക് ഫിറ്റ് ചെയ്തു കൊണ്ട് ആണ് ആദ്യത്തെ ടെലസ്കോപ്പ് നിർമ്മാണം. Telescope പിന്നെ ആദ്യ കണ്ടുപിടുത്തവുമായി ബന്ധപ്പെട്ടുഉള്ള അവകാശവാദങ്ങൾ ഒരുപാട് ചർച്ചകൾ നടന്ന ഒരു വിഷയമാണ്. ഡച്ചുകാരൻ തന്നെയായ Zacharius Janssen, Jacob Metius, ഇംഗ്ലീഷുകാരനായ Leonard Diggers എന്നിവരൊക്കെ ഇത്തരത്തിലുള്ള ചർച്ചകളിൽ പരാമർശിക്കപ്പെടുന്ന പേരുകൾ തന്നെയാണ്.

അതെന്തു തന്നെയായാലും ആളുകൾക്ക് ഉപയോഗിക്കാൻ കഴിയുന്ന തരത്തിലേക്ക് telescope മാറ്റിയതിനുള്ള എല്ലാ ബഹുമതികളും ചെന്നെത്തുക Hans Lippershey തന്നെയാണ് എന്നതിൽ യാതൊരു സംശയവുമില്ല.

ഇത്തരത്തിൽ നിർമാണം നടത്തിയ ടെലസ്കോപ്പുകൾ ഡച്ച് നാവികസേനയ്ക്ക് വിൽക്കാനുള്ള ശ്രമങ്ങളാണ് അദ്ദേഹം നടത്തിയത്. പിന്നീട് യൂറോപ്പിൽ മുഴുവൻ ഈ ഒരു ഉപകരണം "Dutch Trunks " എന്ന പേരിൽ അറിയപ്പെട്ടു.

അതിനൊക്കെ ശേഷം ഒരുപാട് നാൾ കഴിഞ്ഞാണ് ഇറ്റാലിയൻ ആസ്ട്രോണമറും, ഫിസിസ്റ്റുമായ Galileo Galilei ഈ ഒരു ഉപകരണത്തെ പറ്റി വെനീസ് സന്ദർശിക്കുന്ന വേളയിൽ അറിയുന്നത്. ഈ സംഭവം നടക്കുന്നത് മേയ് 1609 ആണ്. ഈ സംഭവം telescope പിന്നെ ജീവ ചരിത്രം തന്നെ മാറ്റി കളഞ്ഞ സംഭവമാണ്. അന്നു നിലനിന്നിരുന്ന ടെലസ്കോപ്പ് നേക്കാൾ ഇരുപത് ഇരട്ടി വലുതാക്കി കാണുന്നതിനു ശേഷിയുള്ള ടെലിസ്കോപ്പുകൾ നിർമ്മിക്കുന്നതിന് ഗലീലിയോ ഗലീലിക്ക് സാധിച്ചു.

ഇത്തരത്തിലുള്ള ടെലിസ്കോപ്പുകൾ ഉപയോഗിച്ചാണ് അദ്ദേഹം സൂര്യന്റെ കളങ്കങ്ങൾ കണ്ടുപിടിച്ചതും, അതുപോലെതന്നെ ചന്ദ്ര ഉപരിതലത്തിലെ പർവ്വതങ്ങളെ ഒക്കെ തിരിച്ചറിയുകയും ഒക്കെ ചെയ്തത്. അദ്ദേഹം തല സ്കോപ്പ് ഉപയോഗിച്ച് കണ്ടുപിടിച്ച കാര്യങ്ങൾ 1610 ൽ siderius Nuncius എന്നാ പബ്ലിക്കേഷൻ ലൂടെ അദ്ദേഹം പ്രസിദ്ധീകരിച്ചു...

അതിനുശേഷം telescope ന് പിന്നെ തിരിഞ്ഞു നോക്കേണ്ടി വന്നിട്ടില്ല. ജർമ്മൻ ആസ്ട്രോണമ റായ് കെപ്ലർ, ലോകത്തിലെതന്നെ ഏറ്റവും ബുദ്ധിമാനായ മനുഷ്യൻ ആയ സർ ഐസക് ന്യൂട്ടൺ എന്നിവരെല്ലാം telescope നെ വീണ്ടും വീണ്ടും പരിഷ്കരിച്ചു..

ഇത്രയും പറഞ്ഞത് ടെലസ്കോപ്പ് ചരിത്രവുമായി ബന്ധപ്പെട്ടാണ്....

നാളെ റിലീസ് ആവുന്ന കുഞ്ഞാലിമരയ്ക്കാർ സിനിമയുമായി ബന്ധപ്പെട്ട ഒരു പോസ്റ്ററിൽ കണ്ട ചിത്രമാണ് ഇത്രയും എഴുതാൻ പ്രചോദനമായത്.

ചരിത്ര രേഖകൾ പ്രകാരം
1520 മുതൽ 1600 വരെയുള്ള പോർച്ചുഗീസുകാരുടെ കടന്നു കയറ്റത്തിനെതിരെ,അധിനിവേശത്തിനെതിരെ വളരെ മികച്ച യുദ്ധതന്ത്രങ്ങൾ കൊണ്ട് പ്രതിരോധിച്ച നാല് കുഞ്ഞാലി മരക്കാർ ഉണ്ടായിരുന്നു കേരളത്തിൽ എന്നാണ് മനസ്സിലാക്കുന്നത് .

ഇന്ത്യൻ ചരിത്രത്തിൽ നമ്മുടെ കടൽതീരത്ത് ഫലപ്രദമായ രീതിയിൽ ഒരു നാവിക പ്രതിരോധം തീർത്ത വ്യക്തികളെന്ന നിലയിൽ കുഞ്ഞാലിമരയ്ക്കാർ കുടുംബം ചരിത്രത്തിലെ തങ്ക ലിപികളാൽ എഴുതപ്പെട്ടവർ തന്നെയാണ്.

ടെലസ്ക്കോപ്പ് കണ്ടുപിടിക്കുന്നത് 1609 ൽ ആണ്. കേരളത്തിൽ അവസാന മരക്കാരുടെ സാന്നിധ്യം അവസാനിക്കുന്നത് 1600 ലുമാണ്. ചരിത്രവുമായി ബന്ധപ്പെട്ടുള്ള സിനിമകൾ ഉണ്ടാകുമ്പോൾ ഇത്തരത്തിലുള്ള സൂക്ഷ്മം ആയിട്ടുള്ള കാര്യങ്ങൾ കൂടി ശ്രദ്ധിക്കുന്നത് നല്ലതായിരിക്കും എന്ന് തോന്നുന്നു.

ഇത് ആരുടെയും ചങ്കത്ത് പൊങ്കാല ഇടാൻ വേണ്ടി ഉണ്ടാക്കിയ പോസ്റ്റ് അല്ല എന്ന് പ്രത്യേകം പരാമർശിക്കേണ്ടതില്ലല്ലോ. Telescope ഇന്റെ ചരിത്രവുമായി ബന്ധപ്പെട്ട എനിക്ക് അറിയാവുന്ന കുറച്ച് കാര്യങ്ങൾ ആണ് ഞാൻ എഴുതിയത് നിങ്ങൾക്ക് ഉള്ള അറിവ് തീർച്ചയായും പങ്കുവയ്ക്കുമല്ലോ.

കണ്ടുപിടുത്തങ്ങളുടെ
കഥകളിലൂടെ ഭാഗം 35

സ്നേഹപൂർവ്വം

ബിജു കൊമ്പനാലിൽ

കുറെ നാളുകൾക്ക് ശേഷം ആണ് കണ്ടുപിടുത്തങ്ങളുടെ കഥ വീണ്ടും എഴുതുന്നത്.... നിങ്ങളുടെ പ്രോത്സാഹനമാണ് ഈ സീരീസ് മുന്നോട്ടുകൊണ്ടുപോകാൻ സഹായിക്കുക എന്നുള്ളത് പ്രത്യേകം പറയേണ്ടതില്ലല്ലോ ❤️

മാർസെലസ്... മർസെലസ്... മർസെലസ്... എന്നും ഈ ജയ് വിളികൾ ശരീരത്തിന്റെ ഓരോ രോമകൂപങ്ങളിലും തുളച്ചു കയറി ആവേശം സൃഷ്ടിച്ചിട്ടുണ...
05/04/2019

മാർസെലസ്... മർസെലസ്... മർസെലസ്...

എന്നും ഈ ജയ് വിളികൾ ശരീരത്തിന്റെ ഓരോ രോമകൂപങ്ങളിലും തുളച്ചു കയറി ആവേശം സൃഷ്ടിച്ചിട്ടുണ്ട്. തനിക്കുണ്ടാകുന്ന ആവേശത്തെക്കാൾ ഈ ജയ് വിളികൾ എതിരാളികൾ ക്കുണ്ടാക്കുന്ന പേടി തനിക്ക് നന്നായി അറിയാം. റോമാക്കാരുടെ ബുദ്ധിയും, യുദ്ധമികവുമൊക്കെ പ്രദർശിപ്പിക്കാനുള്ള വേദി കൂടി ആണ് ഓരോ യുദ്ധവും, യുദ്ധഭൂമിയും👊💪. ഓരോ തല അറിഞ്ഞു തള്ളുബോഴും,ഓരോ കുതിര കുളമ്പടിയിലും, മൂർച്ചയേറിയ വാളുകൾ ശരീരത്തിന്റെ ആഴങ്ങളെ തേടി പോകുമ്പോഴും എന്നും കൊതിയാണ്... 🤴🏾

തന്റെ പടയാളികളിലും, തടികൊണ്ട് ഉണ്ടാക്കിയ ലോകത്തെ തന്നെ വലിയ കപ്പലുകളിലും, മികവുറ്റ ആയുധങ്ങളിലും ഒക്കെ തനിക്ക് വലിയ വിശ്വാസമായിരുന്നു, സൈറാക്യുസിനെ ആക്രമിക്കുന്നത് വരെ എന്ന് അയാൾ ഓർത്തെടുത്തു.ചോരപ്പുഴ ഒഴുകുമ്പോൾ എന്നും ആവേശത്തോടെ ചവിട്ടി മെതിച്ചു ഒരു ആനയെപോലെ 🐘🐘കടന്ന് പോയിട്ടേ ഉള്ളൂ... ശത്രുക്കൾ തന്റെ കണ്ണിൽ നിന്ന് ഓടി മറയാൻ🏃🏿‍♀🏃🏾 ശ്രെമിക്കുന്നത് എത്രയോ തവണ താൻ കണ്ടിട്ടുണ്ട്😊.

പക്ഷെ കഴിഞ്ഞ തവണ താൻ അമ്പേ പരാജയപെട്ടു...തന്റെ പട്ടാളക്കാരുടെ കരച്ചിൽ താൻ കേട്ടു. സത്യത്തിൽ താൻ വിരണ്ടു പോയി എന്ന് ആരോടെങ്കിലും പറയാൻ കഴിയുമോ? രണ്ട് ദിവസത്തോളം തന്റെ കണ്ണുകളെ താൻ ഭയപ്പെട്ടിരുന്നു എന്ന് അയാൾ ഓർത്തെടുത്തു🧐.

എന്തായാലും ഈ പ്രാവശ്യത്തെ ആക്രമണം വെറും യുദ്ധത്തിന് വേണ്ടി മാത്രമല്ല, വിജയത്തിന് വേണ്ടി മാത്രമുള്ളതുമല്ല.
സൈറാക്യുസിനെ വീണ്ടും ആക്രമിക്കുക എന്നത് തന്റെ മനസിലുണ്ടാക്കിയ ഭീതി ഒഴിവാക്കാൻ വേണ്ടി ഉള്ളതുമല്ല.

അയാളെ കാണണം... ആ ഭ്രാന്തനെ... ആ ഭ്രാന്തൻ ശാസ്ത്രജ്ഞനെ... അതെ അത് അയാൾ ഒറ്റയ്ക്ക് നേടിയ വിജയമാണ്, ലോകത്തിലെ അതി ശക്തമായ ഒരു സൈന്യത്തിനെ ഒറ്റയ്ക്ക് തകർക്കുക....😳അവിശ്വസനീയമായിട്ടാണ് അന്ന് തന്റെ ചാരന്മാർ ആ വാർത്ത തന്റെ മുന്നിൽ എത്തിച്ചത്...🤔 പക്ഷെ ആദ്യം ഉണ്ടായ അമ്പരപ്പിൽ നിന്ന് മോചിതനായപ്പോഴേയ്ക്ക് തന്നെ കാര്യങ്ങൾ താൻ കരുതിയത് പോലെ തന്നെ എന്ന് ബോധ്യമായി. അയാൾക്ക് മാത്രമേ ഈ ലോകത്ത് അങ്ങനെ ഒരു ഉറപ്പ് കൊടുക്കാൻ കഴിയൂ...

നീചൻ... അവന്റെ തല ഞങ്ങൾ എടുക്കും...🤨🤨. അത് റോമാസാമ്രാജ്യത്തിൽ കൊണ്ട് പോയി കുട്ടികൾക്ക് കളിക്കാൻ കൊടുക്കും.കൂട്ടത്തിൽ നിന്നുള്ള അലർച്ചകൾ ആണ്.

തന്റെ സൈനികരുടെ ഇത്തരം പ്രതികരണങ്ങളെ ശാസിച്ചും,ആജ്ഞഞാ പി ച്ചും നിറുത്തിയിരിക്കുക ആണ്. 😐

ഒരു തരി മണ്ണ് പോലും അദ്ദേഹത്തിന്റെ മേൽ വീഴരുത്.. ഇത് എന്റെ കൽപ്പന ആണ്..

ഇപ്പോഴും തന്നെ വേട്ട ആടുന്നത് തന്റെ ചാരപ്രവർത്തകരുടെ അവിശ്വസനീയമായ കണ്ണുകളാണ്... 🤭

കുറെ കണ്ണാടി വച്ച് ഞാൻ avare okke കത്തിച്ചു കളഞ്ഞോളാo എന്ന് രാജാവിന് ഉറപ്പ് കൊടുത്തു പോലും.. 😩

അങ്ങനെ പറ്റുമോ? കുറെ കണ്ണാടികൾ വച്ച് നമ്മുടെ പടക്കപ്പലുകൾ മുഴുവൻ എങ്ങനെ ആണ് കത്തിക്കുക മർസെലസ്സ്... 🙂

അങ്ങനെ തന്നെ ആകും മഹാരാജൻ... എന്ന ഉത്തരം തന്റെ ഉള്ളിൽ നിന്ന് പെട്ടന്ന് തന്നെ ഉണ്ടാകാൻ കാരണം തന്റെ ഉള്ളിൽ അദേഹത്തൂടുള്ള ആദരവ് കൊണ്ടാണെന്ന് അദ്ദേഹം തിരിച്ചറിഞ്ഞുവോ ആവോ. 🤔

തന്റെ സൈന്യത്തിന്റെയും തന്നെയും പരാജയപെടുത്തിയ ഒരാളെ നേരിട്ട് കാണാനുള്ള മാർഗം കൂടി ആണ് ഈ യുദ്ധം എന്ന് തന്റെ പടയാളികളോട് തനിക്ക് പറയാൻ ആകുമോ... അയാൾ കുറെ നേരം അതേ കുറിച്ച് ആലോചിച്ചു....

ലോകത്തിന്റെ ചരിത്രത്തിൽ ആദ്യമായി ഒരു ഗണിതഭൗതിക ശാസ്ത്രജ്ഞൻ തന്റെ കണക്കുകൾ ഉപയോഗിച്ച് യുദ്ധം ചെയ്ത് മറ്റുള്ളവരുടെ കണക്കുകൾ മൊത്തം കടലിൽ ഒഴുക്കി കളഞ്ഞു.

ഇപ്പ്രാവശ്യം പെട്ടന്നുള്ള ആക്രമണമാണ്... യുദ്ധം തുടങ്ങി കഴിഞ്ഞു. ആർക്കും ആലോചിക്കാൻ പോലുമുള്ള സമയം കൊടുത്തിട്ടില്ല... ആക്രമണം ആരംഭിച്ചു കഴിഞ്ഞിരിക്കുന്നു എങ്കിലും ഓർമ്മകൾ യന്തരികമായി ഉയർന്നു പൊങ്ങുന്ന വാലിനിടയിലൂടെ ശരീരത്തിൽ വന്ന് തറയ്ക്കുക ആണ്

" ദിവി സൂര്യ സഹസ്രസ്യ "ഒരായിരം സൂര്യന്മാരുടെ🌅🌅 പ്രഭ ഒന്നിച്ചു ഒരു കപ്പലിൽ പതിച്ചാൽ എന്ത് സംഭവിക്കും എന്ന് താൻ കണ്ടതാണ്. ഓരോ കപ്പലുകൾക്കും തീ പിടിക്കുന്നതും കടലിൽ മുങ്ങി താഴുന്നതും കണ്ടു അത് എങ്ങനെ സാധ്യമായി എന്ന് അദ്ദേഹത്തെ അടുത്ത് പിടിച്ചിരുത്തി ചോദിച്ചു മനസിലാക്കണം. അദ്ദേഹത്തിന്റെ ബുദ്ധി തന്റെ രാജ്യത്തിന് വേണ്ടി പ്രയോജനപ്പെടുത്തണം എന്നൊക്കെ ആലോചിച്ചു കൊണ്ടേ ഇരിക്കെ സൈന്യം സൈറാക്യുസ് ചന്തയിലേക്ക് പ്രവേശിച്ചു...
വലിയ ആക്രമണം ഒന്നും ഇല്ലാതെ തന്നെ യുദ്ധം ഏകദേശം അവസാനിചിരിക്കുന്നു.

മാര്സെല്ലാസിന്റെ മനസ്സ് തുടിച്ചു... ചാരന്മാർ നൽകിയ സൂചനകൾ അനുസരിച്ചു അദ്ദേഹത്തെ എപ്പോൾ വേണമെങ്കിലും കണ്ട് മുട്ടാം... 😌.അയാളുടെ കണ്ണുകൾ ആയുധങ്ങളുടെ ഇടയിൽ ഒരു തലച്ചോറിനെ തേടുകയായിരുന്നു..... 💝

അതേ സമയം അൽപ്പ ദൂരെ യുദ്ധം ജയിച്ചതിന്റെ ആവേശത്തിൽ ഉന്മത്തനായ ഒരു പടയാളി തന്റെ കൈയിൽ കിട്ടിയ മദ്യമെല്ലാം വലിച്ചു കയറ്റി മുന്നോട്ട് പോകുമ്പോൾ താൻ കണ്ട ഒരു കാഴ്ച്ച സഹിക്കാൻ ആകാതെ ദേഷ്യം പിടിച്ചു ബ്രേക്ക് ഇട്ട് നിൽക്കുക ആയിരുന്നു.

മുന്നിൽ ഒരുത്തൻ നിലത്ത് കുത്തി ഇരുന്ന് പടം വരയ്ക്കുന്നു.. പുറം തിരിഞ്ഞുള്ള അവന്റെ ഇരുപ്പ് തന്നെ റോമൻ സൈന്യത്തോടുള്ള വെല്ലുവിളി ആണ് 😬😮

നീ ആരാണ്?

മറുപിടി ഇല്ല..

ചോദ്യം അയാൾ വീണ്ടും ആവർത്തിച്ചു... ആരാണ് നീ...

ഞാൻ എന്റെ ഈ ജ്യാമിതീയ ചിത്രം ഒന്ന് പൂർത്തിയാകട്ടെ സുഹൃത്തേ...

എന്ത്... ചിത്രമോ.. റോമൻ പട്ടാളത്തെ ബഹുമാനിക്കാൻ അറിയാത്ത നിന്റെ ചിത്രം ഇന്ന് തന്നെ ഞാൻ മായ്ക്കും.

അയാളുടെ കൈകൾ വാൾ പിടിയിലേക്ക് നീങ്ങുന്ന കാഴ്ച്ച മറ്റൊരാൾ ദൂരെ നിന്ന് കണ്ടു... അദ്ദഹത്തെ ഒന്നും ചെയ്യരുത്... അത് മാര്സെല്ലാസിന്റെ അതിഥി ആണ്...

അത് ആർക്കമിഡീസ് ആണ്... അദ്ദേഹത്തെ ഒന്നും ചെയ്യരുത്... പുറകിൽ നിന്ന് ഒരു സൈനിക തലവൻ ആഞ്ജാപിച്ചു. 👈🤚

പക്ഷെ അപ്പോഴേയ്ക്കും ഒരു വാൾത്തല ആർകിമിഡീസിന്റെ നെഞ്ച് തുളച്ചു പുറത്തു വന്നിരുന്നു.😪😪

കോൺകേവ് കണ്ണാടി ഉപയോഗിച്ച്, ശാസ്ത്രം ഉപയോഗിച്ച് ഒരു യുദ്ധം ജയിച്ച ആ ശാസ്ത്രജ്ഞനെ ജീവനോടെ കാണാൻ ഉള്ള മാര്സെല്ലസ്സിന്റെ ആഗ്രഹം പൂവണിഞ്ഞില്ല...😪 കണ്ണാടിയിൽ കണ്ണും നട്ടിരുന്ന നമ്മളിൽ പലരും ഇത്തരം ഒരു കഥ കേട്ടിട്ടുണ്ടാകില്ല, ഞാനും 😊.

കണ്ണാടി നോക്കുന്നതിലും ചില മാനസിക വശങ്ങൾ ഉണ്ട്. നമ്മൾ ഏറ്റവും കൂടുതൽ ശ്രദ്ധയോടെ കണ്ണാടി നോക്കിയിരുന്നത് ഏത് പ്രായത്തിലായിരിക്കും. എന്തിന് വേണ്ടി ആയിരിക്കും.. മീശ വന്നോ എന്ന് നോക്കാൻ..? മുഖകുരു പൊട്ടിക്കാൻ? തല മുടി ചീകി സ്റ്റൈൽ ആക്കാൻ......😎🤓.??

ഒരു കണ്ണാടി എന്ന് പറയുമ്പോൾ നമ്മുടെ മനസിലേക്ക് ആദ്യം ഓടി വരുന്നത് എന്തായിരിക്കും .ഗ്ളാസ്സിൽ തീർത്ത പൊട്ടിപോകാവുന്ന ഒന്ന്.എന്നാൽ മനുഷ്യൻ ആദ്യമായി കണ്ണാടി ആയി ഉപയോഗിച്ചത് എന്തായിരുന്നു എന്ന് ഊഹിക്കാൻ പറ്റുമോ ?
ഒരു പാത്രത്തിൽ ശേഖരിച്ചുവച്ച വൃത്തി ഉള്ള ജലമായിരുന്നു അത് .അതെ അതായിരുന്നു ആദ്യത്തെ കണ്ണാടി. പുതിയ രൂപത്തിൽ ഉള്ള കണ്ണാടിയുടെ നിർമാണം തുടങ്ങുന്നത് ടർക്കിയിൽ ആണ് .പണ്ട് ചെമ്പും ,ഇരുമ്പും
,സ്വർണവും,വെള്ളിയും ,സ്വർണവുമെല്ലാം കണ്ണാടികൾ നിര്മിയ്ക്കാൻ ഉപയോഗിച്ചിരുന്നു.ലോഹങ്ങൾ കൊണ്ടുള്ള കണ്ണാടികളെ പറ്റി പറയുമ്പോൾ നമ്മുടെ ആറൻമുള കണ്ണാടിയും മനസിലേക്ക് ബസ് കയറി വരും.ടർക്കിയിൽ നിന്നുള്ള കണ്ണാടിയുടെ ഉത്ഭവം അവിടെ അഗ്നി പർവതത്തിൽ നിന്ന് ലഭിച്ചിരുന്ന പാറയുടെ കഷ്ണങ്ങൾ പോളിഷ് ചെയ്ത് എടുത്താണ്. പാറക്കഷ്ണം എടുത്ത് മിനുസപ്പെടുത്തി, മിനുസപ്പെടുത്തി കണ്ണാടിയാക്കി മാറ്റിഎടുക്കുക. അവയുടെ പഴക്കം ഏകദേശം ബിസി 8000 യിൽ വരെ എത്തിനിൽക്കുന്നതാണ്. അതായത് നമ്മുടെ കണ്ണാടി നോട്ടം തുടങ്ങിയിട്ട് ഏകദേശം 10000 വർഷത്തോളമായി എന്ന്.ടർക്കിയിലെ ഈ കഥ നമ്മളോട് പറയുന്നത് Dr Jay Enouch എന്ന ശാസ്ത്രജ്ഞൻ ആണ്,പക്ഷെ അത് അദ്ദേഹത്തിന്റെ മാത്രം കുറ്റമല്ല.


ബാബിലോണിയക്കാർക്ക്,ഈജിപ്തുകാര്ക്ക് ,മീസോപ്പൊട്ടാമിയക്കാർക്ക് ഒക്കെ പണ്ട് മുതലേ ഒരു പരിപാടിയും ഇല്ലായിരുന്നു എന്ന് നമ്മൾ ഇതിനകം തന്നെ പല കഥകളിലൂടെ മനസിലാക്കി വച്ചിട്ടുണ്ടല്ലോ😎 .കണ്ണാടിയുടെ കാര്യത്തിലും കഥ അങ്ങനെ തന്നെ. കണ്ണാടിയുടെ കാര്യത്തിലും കഥ അങ്ങനെ തന്നെ.ചെമ്പിനെ കണ്ണാടി പോലെ തിളങ്ങുന്ന വരെ പോളിഷ് ചെയ്ത് എടുക്കുക എന്നത് മെസോപ്പൊട്ടാമിയയിലെ(ഇന്നത്തെ ഇറാക്ക് ) ആളുകളുടെ ഒരു കണ്ടുപിടുത്തം ആയിരുന്നു.ഈജിപ്തുകാർ ചെമ്പിനെ മാത്രമല്ല വെങ്കലത്തിനെയും,
വെള്ളിയെയും,ടിന്നിനെയും ഒക്കെ ഇത്തരത്തിൽ മിനുസപ്പെടുത്തി കണ്ണാടികൾ ഉണ്ടാക്കാം എന്ന് തെളിയിച്ചു.

വട്ടത്തിലുള്ള ,പുറക് ഭാഗവും അരികും കൊത്തുപണികൾ ചെയ്ത പിടിക്കാൻ പിടി ഉള്ള കണ്ണാടികൾ മനുഷ്യകുലത്തിന് നിർമിച്ചുകൊടുത്തത് ഈജിപ്തുകാർ ആണ്.

4000 -3000 ബിസിയിൽ ആണ് ഇതൊക്കെ നടക്കുന്നത് എന്ന് നമ്മൾ ഓർക്കണം. ചൈനയിലും ഇന്ത്യയിലും ഒക്കെ കണ്ണാടികൾ വരാൻ പിന്നെയും 1000 വർഷത്തോളം വേണ്ടി വന്നു അതാകട്ടെ ചെമ്പിനെ പോളിഷ് ചെയ്താണ് ഉണ്ടാക്കിയിരുന്നത്.ഇതേ സമയം തന്നെ സൗത്ത് ആഫ്രിക്കയിൽ നിന്ന് കല്ലുകൾ മിനുസപ്പെടുത്തി കണ്ണാടികൾ നിര്മിയ്ക്കുവാനുള്ള സാങ്കേതിക വിദ്യ അവർ കരസ്ഥമാക്കിയിരുന്നു.അതായത് അവർ ഈ കണ്ടുപിടുത്തതിന്റെ കാര്യത്തിൽ ഒരുപാട് പുറകിൽ ആയിരുന്നു എന്ന്😊.

1500 ബിസിയിൽ ഗ്ലാസ് ഉണ്ടാകുന്നതിനുള്ള വൈദഗ്ധ്യം ഈജിപ്തുകാർ ആർജിച്ചിരുന്നു എങ്കിലും അത് ഒരു കണ്ണാടി ഉണ്ടാക്കാൻ പ്രയോജനപ്പെടുത്താം എന്ന ചിന്ത ഉണ്ടാകുന്നത് ഇന്നത്തെ ലെബണനിലാണ് അതായത് അന്നത്തെ sidon എന്ന സ്ഥലത്ത് ആണ് .അത് സംഭവിക്കുന്നതാകട്ടെ AD 1 -100 ന് ഇടയിൽ ആണ് എന്നത് നമ്മളിൽ അത്ഭുതം ഉണ്ടാക്കിയേക്കാം .ഗ്ലാസ് കണ്ടുപിടിച്ചിട്ട് 1500 ൽ പരം വർഷങ്ങൾക്ക് ശേഷമാണ് ഗ്ളാസിനെ ഒരു കണ്ണാടി ആയി രൂപപെടുത്താം എന്ന കണ്ടുപിടുത്തം ഉണ്ടാകുന്നത്.

കണ്ണാടിയുടെ കണ്ടുപിടിത്തത്തിന് ശേഷം റോമാക്കാർ ഗ്ലാസിന് പുറകിൽ ടിൻ ,മാറ്റ് ലോഹങ്ങൾ എന്നിവ ഉപയോഗിച്ചുള്ള ആവരണങ്ങൾ കൊടുക്കുകയും കണ്ണാടിയുടെ നിര്മാണരീതികളെ മുന്നോട്ട് കൊണ്ടുപോവുകയും ചെയ്തു .ഇങ്ങനെ ഒക്കെ ആണെങ്കിലും വളരെ കനം കുറഞ്ഞ ഗ്ലാസ്സുകൾ നിർമിയ്ക്കുന്ന വരെയും,ചൂടുള്ള ലോഹത്തിന്റെ പാളി ഗ്ലാസ്സിലേക്ക് ചേർത്തുപിടിപ്പിയ്ക്കുന്നതിനുള്ള സാങ്കേതിക വിദ്യ വളർന്നു വരാൻ എടുത്ത സമയം വരെയും ഗ്ലാസിന്റെ വിപണി ,അതിന്റെ സ്വീകാര്യത ഒക്കെ വളരെ കുറവായിരുന്നു എന്ന് വേണം നാം മനസിലാക്കാൻ👍



ഇന്ന് ഭൂമിയുടെ ഏതൊരു കോണിൽ പോയാലും ഒരു കണ്ണാടി കിട്ടാൻ പ്രയാസം ഉണ്ടാകില്ല.പക്ഷെ അത് വലിയ ഒരു അന്വേഷണയാത്രയുടെ ഫലമാണ്.

കണ്ടുപിടുത്തങ്ങളുടെ കണ്ടെത്തലുകളിലൂടെ ഭാഗം 34 🔭

ഇതിന് മുൻപുള്ള ഭാഗങ്ങൾ നിങ്ങൾക്ക് DISHA Biju Kombanalil എന്ന പേജിൽ വായിക്കാം

സ്നേഹപൂർവ്വം

ബിജു കൊമ്പനാലിൽ 🎭♥️

Ref

http://www.mirrorhistory.com/mirror-history/first-mirrors/



https://www.livescience.com/34466-who-invented-mirror.html

http://www.mirrorhistory.com/mirror-history/who-invented-mirror/

https://en.wikipedia.org/wiki/Timeline_of_Turkish_history

http://www.historyofglass.com

ശാസ്ത്ര കഥാസാഗരം

1001 inventions

ഓരോ ഡെസ്ക്കിനും എത്ര എത്ര പ്രണയ കഥകൾ പറയാനുണ്ടാകും ഒരു പേരിലൂടെ ,എനിക്ക് നിന്നെ ഇഷ്ട്ടമാണ് എന്ന ഒരു കുറിപ്പിലൂടെ🖋 ,അവളുട...
27/03/2019

ഓരോ ഡെസ്ക്കിനും എത്ര എത്ര പ്രണയ കഥകൾ പറയാനുണ്ടാകും



ഒരു പേരിലൂടെ ,എനിക്ക് നിന്നെ ഇഷ്ട്ടമാണ് എന്ന ഒരു കുറിപ്പിലൂടെ🖋 ,അവളുടെ അല്ലെങ്കിൽ അവൻ്റെ പേര് മറ്റാരും കാണാതെ എഴുതി വയ്ക്കുന്നതിലൂടെ 💘ഹ്രദയത്തിലൂടെ തുളച്ചു കയറി പോയ ഒരു അമ്പിന്റെ ചിത്രത്തിലൂടേ ഒരു വരി കവിതയിലൂടെ 🎵🎶,ഒരു സിനിമാപാട്ടിൻ്റെ വരിയിലൂടെ അങ്ങനെ അങ്ങനെ എത്ര എത്ര പ്രണയങ്ങൾ പ്രണയ രഹസ്യങ്ങൾ ഓരോ ഡെസ്ക്കിനും പറയാൻ ഉണ്ടാകും അല്ലെ ...എന്നെങ്കിലും ആ കുറിപ്പുകൾക്കുമേൽ ഒന്ന് കൈ ഓടിച്ചു നോക്കിയിട്ടുണ്ടോ ...ഒന്ന് തൊട്ടു നോക്കിയിട്ടുണ്ടോ ...അടുത്ത് നിന്ന് അതൊന്നു വായിച്ചു നോക്കിയിട്ടുണ്ടോ ....ഉണ്ടെങ്കിൽ നിങ്ങൾക്ക് ചില ഹ്രദയ തുടിപ്പുകൾ കേൾക്കാനാകും ,,,ചില പ്രണയ ഗാനങ്ങൾ ആസ്വദിക്കാനാകും ...പോകെ പോകെ നമ്മൾ അവരിൽ ഒരാളായി മാറും ...കൊന്ന ചെടിയുടെ പൂത്തുലഞ്ഞ തലമുടി പോലെ അവളുടെ മുഖ൦ / അവൻ്റെ മുഖ൦ നിങ്ങൾ കാണും ..ആ മുഖത്തിന് നിങ്ങളുടെ അതേ ഛായ ആണെന്ന് നിങ്ങൾ ചിലപ്പോൾ തിരിച്ചറിയും

ഇവിടെ ഡെസ്കിൽ ഒരു കുറിപ്പ്

മറക്കില്ലൊരിക്കലും ...
മറക്കാൻ ആകാശത്തൊരായിരം സൂര്യനുദിച്ചാലും ....🌤

എന്ന കുറിപ്പ് ഇത് എഴുതിയ അയാളിൽ നിന്നൊരുപക്ഷേ മറന്നു പോയിരിക്കാം

ഒരുപക്ഷെ അന്നത്തെ അവർ ഇന്ന് കൈകൾ ചേർത്ത് പിടിച്ചു പുഴയുടെ പൊന്നോളങ്ങളെ തഴുകി തലോടി നടന്നു പോകുന്നുണ്ടാകാം 👭👨‍👧‍👦

അല്ലെങ്കിൽ ഒരു പൂവിന്റെ തണ്ടിൽ നിന്ന് കൊഴിഞ്ഞു പോകുന്ന ദളങ്ങളെ പോലെ അവർ അൺഫ്രണ്ട്‌ ചെയ്ത് പോയിരിക്കാം 🌷🌹

ഒരു പക്ഷെ അവരെ ജാതിയുടെയും മതത്തിന്റെയും പേരിൽ ബ്ലോക്കിയിട്ടുണ്ടാകാം ...😢

ഒരു ഡെസ്‌കിന്റെ ഒരറ്റത്ത് നിന്ന് മറ്റൊരറ്റത്തേക്കുള്ള യാത്ര പലപ്പോഴും പലമനസുകളിലൂടെ ഉള്ള മുങ്ങാൻ കുഴി ഇടലാണ് ..



ഓരോ എഴുത്തും ഓരോ ഹ്രദയങ്ങൾ ❤🧡💜🖤💔💞ആണ്, പ്രഖ്യാപനങ്ങൾ ആണ് ,വെളിപ്പെടുത്തലുകൾ ആണ്,തുറന്ന് പറച്ചിലുകൾ ആണ് ,ആഗ്രഹങ്ങൾ ആണ് ...അവയൊക്കെ ഇന്ന് അടയാളപ്പെടുത്തപ്പെട്ട ചരിത്രമാണ്



ഓരോ രേഖപെടുത്തലിനും അതാത് കാലത്തെ ഉപയോഗവസ്തുക്കളുമായി, ചരിത്രവുമായി, ആളുകളുടെ സ്വഭാവസവിശേക്ഷതകളുമൊക്കെ ആയി ബന്ധപെട്ടു കിടക്കുന്നുണ്ട് .എൻ്റെ ഒക്കെ ചെറുപ്പത്തിൽ ,പ്രീഡിഗ്രി കാലഘട്ടത്തിൽ ബ്ലേഡ് ആണ് ഇത്തരം കുറിപ്പുകൾ ഉണ്ടാക്കാൻ ഉള്ള പശ്ചാത്തലം ഒരുക്കി ഇരുന്നത് .ബ്ലേഡ് രണ്ടായി ഒടിച്ചു അതുകൊണ്ട് ഡെസ്ക് ചുരണ്ടി വൃത്തി ആക്കി അല്ലെങ്കിൽ ആവശ്യമുള്ള ഭാഗങ്ങൾ മാത്രം ചുരണ്ടി എടുത്ത് അതിൽ പല നിറത്തിൽ മഷി ഉള്ള ബോൾ പേന ഉപയോഗിച്ചായിരുന്നു ഇത്തരത്തിൽ ഉള്ള അടയാളപ്പെടുത്തലുകൾ ..സിനിമയുടെ പേര് ,പ്രണയിനിയുടെ പേര് ,പ്രണയിനിയുടെയും തന്റെയും പേര് 👨‍❤‍👨,വലിയ ഹാർട്ട് സിബലുകൾ ‍❤💝‍,സ്വന്തം പേരുകൾ അങ്ങനെ പലതും ഇങ്ങനെ അടയാളപ്പെടുത്തി വയ്ക്കും.
ഇത് കൂടാതെ ഇൻസ്ട്രുമെന്റ് ബോക്സിൽ നിന്ന് കോമ്പസും,ഡിവൈഡറും ഒക്കെ സഹായത്തിനെത്തും.

ഡെസ്കിൽ നിന്ന് മൂത്രപ്പുരയിലേക്ക് എത്തിയാൽ എഴുത്തിന്റെ ശൈലിയും, സ്വഭാവവും ഒക്കെ മാറും... അങ്ങനെ ഓരോ എഴുത്തുകളും ഓരോ പുസ്തകങ്ങൾ ആണ്... 📚വായിക്കാൻ രസമുള്ള പുസ്തകങ്ങൾ.... വായിക്കാൻ ഇഷ്ട്ട പെടുന്ന മനസുകളുടെ കുറിപ്പുകൾ..... 🖋🖋



ഇന്ന് അടയാളപ്പെടുത്തൽ സ്ഥാനത്ത് കൂടുതലും വൈറ്റ്നർ ആണ് ഉപയോഗിച്ച് കാണുന്നത് പിന്നെ പല നിറത്തിൽ ഉള്ള സ്കെച്ച് പേനകൾ .മനുഷ്യന്റെ ഇത്തരത്തിൽ ഉള്ള അടയാളപ്പെടുത്തലുകൾക്ക് ഒരുപാട് ചരിത്രം ഉണ്ട് .പണ്ട് വളരെ പണ്ട് മരത്തിലും പാറകളിലും കല്ലുകളിലും ഒക്കെ മനുഷ്യൻ പലതും അടയാളപ്പെടുത്തി വച്ചു .അതിന് അവനെ സഹായിച്ച പലതരത്തിലുമുള്ള ആയുധങ്ങൾ ഉണ്ട് ,ഉപകരണങ്ങൾ ഉണ്ട് .കല്ലും,മരവും,എല്ലും ,പിന്നീട് ലോഹവുമൊക്കെ എങ്ങനെ ഉപയോഗപ്പെടുത്തി എന്നതിനെ കുറിച്ച് ഇതിനകം എഴുതിയത് കൊണ്ട് അതിലേക്ക് ഈ കുറിപ്പ് നീളുന്നില്ല .പക്ഷെ ഇതെല്ലാം മനുഷ്യന് കൃത്യമായി പ്രയോഗിക്കാൻ സഹായിച്ച മറ്റൊരു ഉപകരണം ഉണ്ട് .നിങ്ങൾക്ക് ഏവർക്കും ഒരുപാട് പരിചയം ഉള്ള ഒരു ഉപകരണം .നമ്മളിൽ പലരും അത് ഉപയോഗിച്ചിട്ടുണ്ടാകും ,അല്ലെങ്കിൽ ഉപയോഗിക്കുന്നത് കണ്ടിട്ടുണ്ടാകും.😎.നല്ല കലാസൃഷ്ടിയ്ക്ക്, കൃത്യതയ്ക്ക്, സൂക്ഷ്മതയ്ക്ക്, സുരക്ഷിതത്വത്തിന് അത് ആവശ്യമാണ്..

അതെ കൊടിൽ ..മലയാളത്തിൽ .ചവണ,കങ്കമുഖം , ഇറക്കു ചവണ എന്ന പേരിലൊക്കെ അറിയപെടുന്ന PLIERS ആണ് ഇന്ന് നമ്മുടെ കഥാപാത്രം.വളരെ ചെറിയ ലിവറുകൾ ആണ് ഇവർ.വളരെ ചെറിയ സ്ഥലത്തു അതിസൂക്ഷ്മമായ കൊത്തുപണികൾ ചെയ്യുന്നതിന് വേണ്ടി മാത്രമല്ല ഇവരെ ഉപയോഗിക്കുന്നത് .ആദ്യകാലങ്ങളിൽ മനുഷ്യൻ ഏറ്റവും കൂടുതൽ ഉപയോഗിച്ചിരുന്ന ഒന്നാണ് ചവണകൾ വലിക്കുവാനും ,അടയാളപ്പെടുത്താനും,മുറിക്കാനും ഒക്കെ പല ഉപകരണങ്ങളും പിടിക്കാൻ ഉള്ള സഹായി ആയി പ്രവര്ത്തിച്ച് വിജയിച്ച ചരിത്രമാണ് കവണകൾക്ക് ഉള്ളത്

ഇവ എന്ന് മുതൽ ഉപയോഗിച്ച് തുടങ്ങി എന്ന അന്വേഷണം നമ്മെ കുറെ പുറകോട്ട് കൊണ്ട് പോകും ..പുറകോട്ട് ഉള്ള യാത്രകൾ പലരും പല കാരണങ്ങൾ കൊണ്ട് ഇഷ്ട്ടപെടാറില്ല .അത് എന്തെങ്കിലും ആകട്ടെ നമുക്ക് പക്ഷെ പുറകോട്ട് പോയേ പറ്റൂ 👍🏿

ചൂടുള്ള സാധനങ്ങൾ കൈകാര്യം ചെയ്യാൻ ഉള്ള ആവശ്യത്തെ കുറയ്ക്കാൻ വേണ്ടി ആയിരുന്നു കൊടിലുകളുടെ ജനനം .സ്വഭാവികമായും മരത്തിൽ തന്നെ ആയിരുന്നു ആദ്യകൊടിലുകൾ ഉണ്ടാക്കിയിരുന്നത് .അന്നൊക്കെ പാചകത്തിന് എന്തെങ്കിലും ഒക്കെ ചൂട് പിടിപ്പിയ്ക്കുന്നതിന് ഏക ആശ്രയം കൽക്കരി,മരം എന്നിവ ആയിരുന്നു....ചൂടുള്ള സാധനങ്ങളെ മാറ്റാൻ മരം കൊണ്ടുള്ള ഒരു ഉപകരണം അവർ ഉണ്ടാക്കി എടുത്തു .പക്ഷെ ആര് എപ്പോൾ എവിടെ എന്ന് ഉണ്ടാക്കി എന്നതിന് ഒരു തെളിവും ഇതുവരെ ഇല്ല പക്ഷെ അത്തരം ഉപകരണങ്ങൾ 3000 ബിസി യ്ക്ക് മുന്പും മനുഷ്യർ ഉപയോഗിച്ചിരുന്നു എന്നുള്ളത് ഒരു സത്യവുമാണ്.വെങ്കലയുഗത്തിലേക്കുള്ള മനുഷ്യന്റെ പ്രവേശനം സ്വഭാവികമായി പുതിയ മാറ്റം കൊണ്ടുവന്നു .മനുഷ്യൻ കവണകളും മാറ്റ് ഉപകരണങ്ങളെ പോലെ വെങ്കലത്തിൽ നിര്മിയ്ക്കാൻ തുടങ്ങി.പുതിയ രൂപത്തിലേക്കുള്ള മാറ്റവും വെങ്കലത്തിലേക്കുള്ള മാറ്റവുമൊക്കെ മികച്ച രീതിയിൽ മുന്നോട്ട് പോയത് റോമൻ ചക്രവർത്തിമാരുടെ കാലത്താണ്🤴🏾🤴🏾🤴🏾 .അവിടന്ന് ഇങ്ങോട്ട് ചവണകളുടെ രൂപത്തിന് വലിയ മാറ്റങ്ങൾ ഒന്നും ഉണ്ടായിട്ടില്ല.ഇങ്ങനെ ഉള്ള ഉപകരണങ്ങളുടെ പ്രാധാന്യം കുറെ കൂടി സാധാരണക്കാർക് പ്രയോജനപ്പെടുന്ന തരത്തിൽ പൊതുവൽക്കരിക്കാൻ പക്ഷെ നമുക്ക് ആർക്കമിഡീസിന്റെ കാലം വരെ കാത്തിരിക്കേണ്ടി വന്നു. നമ്മൾ കൊടുക്കുന്ന ബലത്തിന്റെ ദിശ ഒരു ചെറിയ ഉപകരണം ഉപയോഗിച്ച് മാറ്റാം എന്നുള്ളത് വലിയ ഒരു അറിവായിരുന്നു. പക്ഷെ അത് പൊതുവൽക്കരിക്കാൻ 3000 വര്ഷത്തിൽ കൂടുതൽ വേണ്ടി വന്നു എന്ന് ഒരു പക്ഷെ നമ്മെ ഇന്ന് അത്ഭുദപ്പെടുത്തുന്നുണ്ടാകും .എന്തായാലും ആ കാര്യത്തിൽ നമ്മുക്ക് ഗ്രീസിൽ 287 ബിസിയിൽ ജനിച്ച ആർക്കമിഡീസിന് നന്ദി പറയാം 🙏

ഇന്ന് നമ്മൾ ഉപയോഗിക്കുന്ന കട്ടിങ് പ്ലേയർ ,നോസ് പ്ലേയർ ,കോമ്പിനേഷൻ പ്ലയെർ എന്നിങ്ങനെ 32 ൽ പരം കവണകൾ ഉണ്ട് ...ആധുനിക പ്ലെയറുകൾ എല്ലാം പഴയ മരക്കഷ്ണങ്ങളുടെ പിന്മുറക്കാരാണ് .പണ്ട് ബ്ലേഡ് പിടിച്ചു ഡെസ്കിൽ ഓരോ രൂപങ്ങൾ കണ്ടെടുക്കുമ്പോൾ കൈവിരലുകളിൽ ബ്ലേഡ് ഉണ്ടാക്കുന്ന ചില ചെറിയ മുറിപ്പാടുകൾ ഉണ്ട്.ഒരു ചവണപിടിച്ചു കൈകാര്യം ചെയ്യാവുന്ന ഉപകാരണമായിരുന്നു എങ്കിൽ പാടുകൾ ഉണ്ടാകുമായിരുന്നില്ല .കൈകളിലെ പാടുകൾ, അവ കാലം മാച്ചുകളയും അപ്പോഴും നമ്മുടെ അടയാളപ്പെടുത്തലുകൾ, നമ്മുടെ കഥ ഈ ലോകത്തോട് പല തരത്തിൽ ഉള്ള അടയാളങ്ങളിലൂടെ ,അടയാളപ്പെടുത്തലുകളിലൂടെ എന്നും പറഞ്ഞു കൊണ്ടേ ഇരിക്കും

കണ്ടു പിടുത്തങ്ങളുടെ കണ്ടെത്തുകളിലൂടെ ഭാഗം🔭 33


റെഫെറെൻസ്

https://www.eio.com/info/get-a-grip-history-and-variations-in-pliers/

https://www.kleintools.com/blog/klein-s-legacy-tells-history-lineman-s-pliers-0

https://www.wonkeedonkeetools.co.uk/combination-pliers/a-brief-history-of-combination-pliers/

http://theinventors.org/library/inventors/blpliers.htm

https://en.wikipedia.org/wiki/Archimedes

https://en.wikipedia.org/wiki/Pliers

1001 ഇൻവെൻഷൻസ്

ഇതിന് മുൻപ് എഴുതിയ ഭാഗത്തേക്ക് എത്തിച്ചേരാൻ ഉള്ള ലിങ്ക്

https://www.facebook.com/420752151430552/posts/1094222017416892/

ഇതിനു മുന്നേ ഉള്ള എല്ലാ ഭാഗങ്ങളും വായിക്കാൻ DISHA Biju Kombanalil എന്ന പേജിൽ എത്തി ചേരുക... എത്രയും വേഗം

സ്നേഹപൂർവ്വം

Biju Kombanalil

ചാടെടാ....നീ ചാടിയാലേ എനിക്ക് ചാടാൻ പറ്റൂ... എനിക്കും.... പുറകിൽ നിൽക്കുന്നവനും നയം വ്യക്തമാക്കി... ഫസ്റ്റ് ഗ്രൂപ്പിന്റെ...
20/03/2019

ചാടെടാ....
നീ ചാടിയാലേ എനിക്ക് ചാടാൻ പറ്റൂ... എനിക്കും.... പുറകിൽ നിൽക്കുന്നവനും നയം വ്യക്തമാക്കി... ഫസ്റ്റ് ഗ്രൂപ്പിന്റെ ഫോർവേഡ് കളിക്കാരൻ ആയ അബ്രാഹമാണ് മതിലിൽ അള്ളി പിടിച്ചു തൂങ്ങി കിടക്കുന്നത്..😁.

അവനെ പറഞ്ഞിട്ട് കാര്യമില്ല 3ആൾ പൊക്കമുള്ള മതിലല്ലേ എന്ന ആശ്വാസ ഡയലോഗ് ബാബു പറയാൻ ഇനിയും കുറെ സമയം ഉണ്ട്...

ഇപ്പോൾ പുറകിൽ നിന്ന് വരുന്നതിന് കൊടുങ്ങല്ലൂർ ഭാഗത്തുനിന്ന് ഇടയ്ക്ക് കേൾക്കുന്ന ഉണർത്തു പാട്ടിന്റെ അതേ താള ഭംഗി ആണ്... 🙂അത് സ്പോൺസർ ചെയ്ത് അവതരിപ്പിക്കുന്നത് നമ്മുടെ സുഭാഷും

പല്ലിൽ കമ്പി കെട്ടി മതിൽ തീർത്ത അബ്രാഹം മികച്ച പന്ത് കളിക്കാരൻ ആണ് എന്ന് പറഞ്ഞിട്ടെന്താ കാര്യം, പന്തുമായി⚽ ഗോളടിക്കാൻ അപ്പുറത്തെ ഗോൾ പോസ്റ്റിലേക്ക് 🥅ഒരു ചാട്ടുളി പോലെ പാഞ്ഞു കയറുന്നതിനിടയിൽ സ്റ്റോപ്പർ ബാക്കും ഗോളിയും തന്റെ വരവ് കണ്ട് ഓടിക്കളഞ്ഞു😃.ഗോളിയില്ലാത്ത പോസ്റ്റിൽ 🥅ഗോളടിക്കാനോ 🏃🏿‍♂🏃🏿‍♂എന്ന ചിന്ത അധികം നീണ്ടില്ല.

ഓടിക്കോടാ.... എന്ന അലറി വിളി അതിന് സമ്മതിച്ചില്ല...

അച്ഛനും ഗൂർക്കയും വരുന്നുണ്ട്.... ഓടിക്കോ.... 😳

തേർഡ് ഗ്രൂപ്പിലെ നൗഷാദിന്റെ വിളിച്ചു പറയലാണ്.... ഈ സമയത്തൊക്കെ എന്ത് ഗ്രൂപ്പ്.... കേൾക്കേണ്ട താമസം എലിവാണം പോലെ കോളേജുകുമാരന്മാർ നാല് പാടും പാഞ്ഞു... 🏃🏿‍♂🏃🏿‍♂🏃🏿‍♂

മാന്യമായി കോളേജ് ഗ്രൗണ്ടിൽ ഒരു ഫുട്ബോൾ ടൂർണമെന്റ്⚽ വയ്ക്കട്ടെ എന്ന ചോദ്യത്തിന് വേണ്ട അതൊന്നും നടക്കില്ല എന്ന ഒറ്റ വാക്കിൽ ഉള്ള ഒരു ഉത്തരം മാത്രം നൽകിയ കോളേജ് പ്രിൻസിപ്പാൾ അച്ഛനുള്ള മറുപടി ആണ് പല വർണങ്ങളിലുള്ള ജേഴ്സിയുമണിഞ്ഞു കോളേജ് ഗ്രൗണ്ടിൽ നിരന്നു നിന്നത്...🚶🏿‍♂🚶🏿‍♂

വിജയകരമായി നടത്തിയ ടൂർണമെന്റിന്റെ സെമി ഫൈനൽ ദിനം ക്ലാസ്സുകളിൽ കേറാതെ പിള്ളേരെല്ലാം ഗ്രൗണ്ടിൽ വന്നത് കളിയുടെ വിജയമാണ് എന്ന് കളി തുടങ്ങുന്നതിന് മുന്നേ ചോദിച്ച അതേ നാവ് കൊണ്ട് അത് നമ്മുടെ കുറ്റമാണോ അളിയാ എന്ന് ബാബു ചോദിക്കുന്നത് റാഫിയുടെ കടയിൽ എത്തിയിട്ട് ചായ രണ്ട് സിപ്പ് കുടിചിട്ടാണ്... അവനിപ്പോൾ കോളേജിന് പുറകിലുള്ള തേക്കിൻ തോട്ടത്തിലൂടെ പുറത്തേക്കുള്ള വഴി തേടി ഒരു ഭ്രാന്തനെ പോലെ ഓടുക ആയിരിക്കും.

ഇതെല്ലാം നടക്കുന്ന റാഫിയുടെ കടയിലേക്കുള്ള പ്രയാണത്തിന് വിലങ്ങു തടി ആയി തൂങ്ങി കിടക്കുന്നത് പല്ലിൽ മതില് കെട്ടിയ അബ്രാഹം ആണ്.😢.

നീ ചാടിയില്ലെങ്കിൽ ഞാൻ നിന്റെ തലയിലേക്ക് ചാടും നാസർ അലറി...അബ്രാഹാമിന്റെ നിലയിൽ മാറ്റമില്ല എന്ന് കണ്ട നാസർ അവന്റെ കൈയിൽ ആഞ്ഞു ചവിട്ടി...😢

പിടിവിട്ട് അവൻ താഴേയ്ക്ക് വീഴുന്നതിന് മുന്നേ നാസർ അവന്റെ മുകളിലേക്ക് ചാടിക്കഴിഞ്ഞു....

രണ്ട് പേർക്ക് ശേക്ഷം ചാടാൻ റെഡി ആയി നിന്ന സുബാഷ് ഒന്ന് പാളി നോക്കി... 🤨

കണ്ണുകളെ ഒന്ന് കൂടി തുറന്നടച്ചു ആ കാഴ്ച്ച ഉറപ്പ് വരുത്തി... ☹

അതെ അച്ഛനും ഗൂർക്കയും തിരിഞ്ഞു നടക്കുകയാണ് പക്ഷെ ഒരു ഉന്തു വണ്ടിയിൽ ഗ്രൗണ്ടിനോട് ചേർന്ന് ഊരി വച്ചിരുന്ന ബാഗുകളും,ഊരി മാറ്റിയ പാന്റ്സും ഷർട്ടും ഒക്കെ എടുത്ത് ജേതാവിനെ പോലെ ആണ് അച്ഛന്റെയും ഗൂർക്കയുടെയും മടക്കം ... എന്തര് പോക്കാണ്...

ഇതിപ്പോ ആകെ പണി ആയല്ലോ...🤔 ഓടിയവന്മാർക്ക് ഈ കഥ അറിയില്ലല്ലോ... അവിടെ റാഫിയുടെ കടയിൽ അകേഷ്യ തോട്ടം വഴി ഓടിയ ജിബിൻ ഇപ്പോൾ തള്ളി മറിക്കുക ആയിരിക്കും

പിന്നെ അച്ഛനല്ല... സാക്ഷാൽ മാർപാപ്പ വന്നാൽ പോലും എന്റെ രോമത്തിൽ പോലും തൊടുകേല... എന്ന സ്ഥിരം ഡയലോഗ് അടിച്ചു പൈലിച്ചേട്ടൻ അടിച്ചു കൊടുത്ത കടുപ്പത്തിലുള്ള ചായ മോന്തുകയായിരിക്കുമവനിപ്പോൾ

അവനിന്ന് പാന്റും ഷർട്ടും ഇല്ലാതെ നിക്കറിട്ട് ഫോർട്ടു കൊച്ചി വരെ പോകുന്ന കാര്യം ഓർത്തിട്ട് ചിരി വന്നിട്ട് പാടില്ല 🤭എങ്കിലും വിജയൻ ചിരിച്ചില്ല... നേരെ റാഫിയുടെ കടയിലേക്ക് പാഞ്ഞു

അവിടെ അബ്രാഹാമിനെ ചീത്ത വിളിക്കുന്ന നാസറിനോട് ബാബു 3ആൾ പൊക്കമുള്ള മതിലിന്റെ മുകളിൽ നിന്ന് പൊക്കകുറവുള്ള അബ്രാഹം ചാടുന്നതിന്റെ ബുദ്ധിമുട്ട് ചരിതവും, താഥ്വിക അവലോകനവും പൊടി പൊടിക്കുന്നുണ്ട്

ഇതിലും വലിയ മതിലുകൾ ചാടി കടന്നവനാണീ കെ കെ ജോസഫ് എന്ന ഡയലോഗ് എന്ന സ്ഥിരം ഡയലോഗ് അടിച്ചു ആശ്വാസപൂർവം ലിനോജ്‌ തല ഉയർത്തി നോക്കിയത് പുതിയ റിപ്പോർട്ടുമായി എത്തിയ സുഭാഷിന്റെ മുഖത്തേക്ക് ആണ്. 😊

അതേ സംഭവം പ്രശ്നമാണ്... നമ്മുടെ ബാഗ് എല്ലാം അച്ഛൻ എടുത്തോണ്ട് പോയി...
ബാഗ് മാത്രമല്ല പാന്റ്സും ഷർട്ടും ഒക്കെ ഓഫീസിന്റെ അകത്തു വച്ച് പൂട്ടിയിരിക്കുകയാ..

അപ്പൊ നിന്റെ ബാഗോ.. 🖕

അത് പിന്നെ എന്റെ കൈയിൽ തന്നെ അല്ലായിരുന്നോ? ☺

ഇനി ഇപ്പോൾ ഞാൻ എന്തോ ചെയ്യും.. ലിനോജ്‌ ആലോചനയിൽ മുഴങ്ങി..

നിക്കറിട്ട് വീട്ടിൽ പോകാൻ കുഴപ്പമില്ല... പക്ഷെ ബാഗ്

അത് നിനക്ക്.... ഞാൻ എങ്ങനെ പോകും നിനക്ക് സൈക്കിളിൽ കേറി പോയാൽ മതി.. എനിക്കോ ബസിന് പോകണം.. നിക്കർ ഇട്ട് ബസിൽ എങ്ങനെ ബസിൽ പോകും... ഐഡന്റിറ്റി കാർഡും പൈസയും ഒക്കെ ബാഗിൽ അല്ലെ... 😢

ആലോചനകൾ കൊടുമ്പിരി കൊണ്ടു... റാഫിയുടെ ചായക്കടയിൽ ആലോചനയുടെ പുകച്ചുരുളുകൾ തമ്മിൽ ഇണ ചേർന്നു... പൈലി ചേട്ടന്റെ കരവിരുതിൽ സമോവറിൽ നിന്ന് ചൂടുവെള്ളം പല നിറത്തിലുള്ള ചായകളായി മാറി...🥛🥛🍵 ലോകത്ത് മെസ്സിയ്ക്കോ നെയ്മർക്കൊ ക്രിസ്ടിയാണോ റൊണാൾഡോയ്‌ക്കോ പോലും ഇങ്ങനെ ഒരു പ്രതിസന്ധി നേരിടേണ്ടതായി വന്നിട്ടില്ല... അങ്ങനെ ഒരു ചരിത്ര പുസ്തകത്തിലും എഴുതി വയ്ക്കപ്പെട്ടിട്ടില്ല...

അങ്ങനെ ഉള്ള ആ പ്രതിസന്ധിയിൽ നിന്ന് അച്ഛന്റെ കാല് പിടിക്കുക ഒരു പ്രശ്നപരിഹാരമല്ലാതെ മറ്റൊന്നും അബ്രാഹാമിനും കൂട്ടുകാർക്കും ആ ചായക്കടയുടെ ചായമടിക്കാത്ത ചുമരുകളിൽ നിന്ന് കണ്ടെത്താൻ ആയില്ല... 😢

പരിഹാരമാർഗം തെളിഞ്ഞ ഉടനെ തന്നെ ലിനോജ്‌ നേരെ റാഫിയുടെ അടുക്കളയിലേക്ക് കേറി..

റാഫി ഇക്കാ... ഉള്ളി എവിടാ ഇക്ക ഇട്ടിരിക്കുന്നത്, ഇവിടന്ന് മാറ്റിയോ ... 🤔

ആ അത് ഞാൻ എടുത്ത് മാറ്റി... ഇതിപ്പോ സ്ഥിരം പരിപാടിയാ....😏

അടുത്ത 5 മിനിറ്റിനുള്ളിൽ റാഫിയുടെ കാല് പിടിച്ചു സംഘടിപ്പിച്ച ഉണങ്ങി തുടങ്ങിയ ഉള്ളികളുമായി അബ്രാഹവും, ബാബുവും,ലിനോജ്ഉം കൂട്ടരും 50 പേരുടെ സംഘമായി അച്ഛന്റെ കാല് പിടിക്കാൻ ആയി സ്റ്റെപ്പുകൾ കയറും.. സ്റ്റെപ്പുകൾ കയറുന്നതിനിടയിൽ മുൻകൂട്ടി തീരുമാനിച്ച പോലെ കൈയിൽ കരുതിയ ഉള്ളി തൊലി കളഞ്ഞു അവരിൽ മൂന്നു പേർ കണ്ണിൽ തൂക്കും... ധാര ധാര ആയി ഒഴുകുന്ന കണ്ണുകളുമായി അവർ ആ വാതിലുകൾ തുറക്കും.. 😢

പക്ഷെ എത്ര കരഞ്ഞു പറഞ്ഞിട്ടും കിളവൻ പാന്റ്സും ഷർട്ടും മാത്രമേ തന്നൂള്ളൂ എന്നും തിങ്കളാഴ്ച്ച 😄ഒർജിനൽ 916 അച്ഛനെയും അമ്മയെയും കൂട്ടി കൊണ്ട് വന്നാൽ മാത്രമേ ബാഗും ഐഡന്റിറ്റി കാർഡും തരികയുള്ളൂ എന്നും ചായ കടക്കാരൻ റാഫിയോട് ബാബു പറയും പക്ഷെ അതിനൊക്കെ ഇനിയും വളരെ സംഭവ ബഹുലമായ 1മണിക്കൂർ കഴിയണം... 😁

ജീവിതത്തിൽ ഇത് പോലെ ഉള്ള എത്ര എത്ര പ്രതിസന്ധികൾ ആണ് നമ്മൾ ഓരോ ദിവസവും ചാടി കടക്കുന്നത്.... ഓരോ പ്രതിസന്ധികളും ഓരോ മതിലുകളിലാണ്.. ചിലവ നമ്മൾ പഴക്കം നോക്കാതെ പൊളിച്ചു മാറ്റും മറ്റ് ചിലത് നമ്മൾ ചാടി കടക്കും ചില മതിലുകൾ നമ്മൾ പുതിയതായി പണിതെടുക്കും👍🏿

ഇന്ന് നമ്മുടെ യാത്ര മതിലുകളുടെ ചരിത്രം തേടി ആണ്.. മതിലുകൾ കണ്ട് പിടിച്ച മനുഷ്യൻ... ✌

ഇതുവരെ ഉള്ള കണക്കനുസരിച്ച് ഏറ്റവും പഴക്കമുള്ള മതിൽ കണ്ടെത്തിയിട്ടുള്ളത് ഒരു ക്ഷേത്രത്തിൽ ആണ് Gobekli Tepe എന്ന പേരുള്ള ഈ ക്ഷേത്രം🕍 ഇപ്പോൾ സ്ഥിതി ചെയുന്നത് തുർക്കിയിലെ Urfa എന്ന സ്ഥലത്താണ്. മെസോപ്പൊട്ടാമിയൻ സംസ്ക്കാരത്തിന്റെ ഭാഗമായിരുന്ന ഈ നിർമിതിയ്‌ക്ക് ഏകദേശം 11500 വര്ഷം പഴക്കമാണ് ക്ഷേത്രത്തിന് ഒപ്പം കണക്കാക്കി പോരുന്നത് .മനുഷ്യൻ എന്തുക്കൊണ്ട് മതിലുകൾ നിർമിചു എന്ന് നമുക്ക് ചിന്തിയ്ക്കാതിരിക്കാൻ ആവില്ലല്ലോ? സുരക്ഷ ,സ്വകാര്യത ,പ്രതിരോധം എന്നിവ ആയിരുന്നു ഓരോ മതിലുകൾക്കും പിന്നിൽ ഉണ്ടായിരുന്ന ഏറ്റവും അടിസ്ഥാനമായ ആവശ്യങ്ങൾ.കഥയിലെ അബ്രാഹവും ,ബാബുവും ,നാസറുമൊക്കെ ചാടികടന്നത് ഇതിൽ ഏത് മതിലായിരുന്നു എന്ന് ചോദിക്കരുത്😆 .പട്ടണങ്ങൾക്ക് ചുറ്റും കൂറ്റൻ മതിലുകൾ ഉണ്ടാകുക എന്നത് അന്നൊക്ക പ്രതിരോധത്തിനും സുരക്ഷയ്ക്കും വേണ്ടി നിർമ്മിച്ചിരുന്നവയാണ് അത്തരത്തിൽ ഒന്ന് പത്താം നൂറ്റാണ്ടിൽ JERIJO (ഇന്നത്തെ വെസ്റ്റ് ബാങ്ക് പ്രദേശം)എന്ന പട്ടണത്തിലും പിന്നീട് സുമേറിയൻ പട്ടണമായ URUK എന്ന സ്ഥലത്തും കണ്ടുപിടിയ്ക്കപ്പെട്ടിട്ടുണ്ട് .ലോകത്തിലെ ആദ്യത്തെ പട്ടണങ്ങൾ എന്ന് അറിയപ്പെടുന്നത് ഇവ ആണ് എന്ന് നമ്മൾ മനസ്സിലാക്കുമ്പോൾ തന്നെ മതിലുകളുടെ പ്രാധാന്യവും എത്രത്തോളം ആയിരുന്നു എന്ന് നമ്മൾ ഊഹിച്ചെടുക്കേണ്ടതുണ്ട് .ഇതിൽ ഉറക്ക് നിർമിച്ചത് GILGAMESH എന്ന പ്രസിദ്ധനായ രാജാവാണ്🤴🏾 .

പട്ടണങ്ങൾ ഉണ്ടാകുന്നതോട് കൂടി മതിലുകളും പല ഇടങ്ങളിലായി പൊങ്ങി വന്നു എന്ന് വേണം മനസിലാക്കുവാൻ.🎋🌴കാട്ടിൽ കിടന്ന മനുഷ്യന് കാത്തു വയ്ക്കാനോ പാത്തുവയ്ക്കാനോ ഒന്നും ഉണ്ടായിരുന്നില്ല .കാട്ടിൽ നിന്ന് ....നദീതീരങ്ങളിലേക്ക് അവിടെ നിന്ന് രൂപാന്തരപ്പെട്ട നഗരവൽക്കരണത്തിലേക്ക് അങ്ങനെ ഒരുപാട് കാലങ്ങൾ കൊണ്ടാണ് മനുഷ്യമതിലുകളുടെ പിറവി .

മെസോപ്പൊട്ടാമിയയുടെ മടിത്തട്ടുകളിൽ മതിലുകൾ പൊങ്ങാൻ തുടങ്ങുന്നത് 4500 ബിസി യിൽ ആണ് .
പിന്നീട് മതിലുകൾക്ക് കാവൽക്കാരും മതിലുകൾക്ക് ഗേറ്റുകളും അത് കൂടാതെ വാച്ച് ടവറുകളും,അതിന് ചുറ്റും ആഴമേറിയ കുഴികളും,തോടുകളും അതിൽ വെള്ളവും💧 മുതലയും 🐊ഒക്കെ പിന്നീട് എത്തുകയുണ്ടായി.ആര് എന്തൊക്കെ പറഞ്ഞാലും തെളിവുകളുടെ അടിസ്ഥാനത്തിൽ മതിലുകൾ നിര്മിച്ചതിനുള്ള,കണ്ടുപിടിച്ചതിനുള്ള അംഗീകാരം നമ്മൾ കൊടുക്കേണ്ടത് മെസോപ്പൊട്ടാമിയയിൽ ജീവിച്ചിരുന്നവർക്കാണ്🙏 .

ഇന്ന് നിർമിയ്ക്കപ്പെട്ട ആവശ്യങ്ങൾക്കനുസരിച്ചു താരം തിരിക്കുക ആണെങ്കിൽ ചൈന വന്മതിൽ പ്രതിരോധത്തിന് (DEFENSE )ന് വേണ്ടി ഉണ്ടാക്കപ്പെട്ട മതിലുകളിൽ ഒന്നാണ് എന്ന് മനസിലാക്കാം .അങ്ങൊട് വരുന്നതിന് മുന്നേ നമ്മൾ ബാബിലോണിയ വരെ പോയി വരേണ്ടതുണ്ട് ,അവിടെ ബാബിലോണിയൻ പട്ടണത്തിന് ചുറ്റും വലിയ മതിൽ പണിതെടുത്ത Hammurabi എന്ന രാജാവ് നമ്മെ കാത്തു നിൽപ്പുണ്ട്.1792 ബിസിയിൽ ആണ് സംഭവം പക്ഷെ അദ്ദേഹം നിർമിച്ച മനോഹരമായ മതിലിനെ നിഷ്പ്രഭമാക്കിക്കൊണ്ടാണ് 634 -562 ബിസിയിൽ ജീവിച്ചിരുന്ന Nebuchadnezzar IIവിന്റെ വരവ്. ലോകത്തിന്റെ ചരിത്രത്തിൽ ഇടം പിടിക്കാൻ ആയിരുന്നു അദ്ദേഹത്തിന്റെ വരവ് ..ചിലർ അങ്ങനെ ആണ് ...അവരുടെ പ്രവർത്തികൾ അവർ അറിയാതെ തന്നെ അവരെ ചരിത്രപുസ്തകത്തിന്റെ താളുകളിലേക്ക് കൂട്ടികൊണ്ടു പോകും .👍..എപ്പോൾ എവിടെ ആരിൽ നിന്ന് ജനിച്ചു എന്നല്ല എങ്ങനെ ജീവിച്ചു ,എന്ത് ചിന്തിച്ചു,എന്തിന് വേണ്ടി നിലനിന്നു ,എന്ത് ചെയ്തു എന്നൊക്കെ ആണ് ലോകം വിലയിരുത്തുന്നത് .അത് ആരുടേയും കുറ്റമൊന്നുമല്ല

Nebuchadnezzar II അത്തരത്തിൽ ഉള്ള ഒരു രാജാവ് ആയിരുന്നു ,തൻ്റെ പ്രജകൾ കൂടുതൽ സുരക്ഷിതർ ആയിരിക്കണം എന്ന് അദ്ദേഹം ചിന്തിച്ചതിൽ എന്താണ് തെറ്റ് ,അതിനു വേണ്ടി മൂന്ന് നിരകൾ ഉള്ള ഒരു മതിൽ ബാബിലോൺ പട്ടണത്തിന് ചുറ്റും ഉണ്ടാക്കിയതും അതിനു മുകളിലൂടെ കുതിരവണ്ടികൾക്കു വരെ🐎🐎 സഞ്ചരിക്കാവുന്ന തരത്തിൽ മതിലിനു മുകളിൽ ഒരു റോഡ് ഉണ്ടാക്കയതും ഒരു തെറ്റാണോ ?തെറ്റാണെങ്കിൽ
Ishtar Gate എന്ന പേരിൽ ഒരു വലിയ ഗേറ്റ് ഉണ്ടാക്കി 90 കിലോമീറ്റര് നീളവും 80 അടി വണ്ണവും 97 മീറ്റർ പൊക്കവുമുള്ള മതിലിന് മുന്നിൽ പിടിപ്പിച്ചു വച്ചതും വലിയ തെറ്റ് തന്നെ ആണ് .ഞാൻ പറഞ്ഞില്ലേ ചിലർ അങ്ങനെ തന്നെ ആണ് വെറുതെ ഓരോന്ന് നിർമിച്ചു വയ്ക്കും വെറുതെ ആളുകളെ കൊണ്ട് പറയിപ്പിക്കാൻ 😁.

അല്ലെങ്കിൽ Herodotus നെ പോലുള്ള ഗ്രീക്ക് ചരിത്രകാരൻ ബാബിലോൺ നഗരം മറ്റേത് പട്ടണങ്ങളെയും വിസ്മയിപ്പിക്കുന്ന ഒന്നായിരുന്നു എന്ന് എഴുതി വയ്ക്കുമോ 🙂?

ഒരു പട്ടണത്തിന് ചുറ്റുമല്ലാതെ നിർമിയ്ക്കപ്പെട്ട മറ്റൊരു മതിലിനെ പറ്റി എഴുതാതെ പോകാൻ തോന്നുന്നേ ഇല്ല ..ചില ആളുകളൊക്കെ അധികം നാൾ ജീവിച്ചിരിക്കാറില്ല അത് പലപ്പോഴും അവരുടെ കുറ്റവുമല്ല ...SHULGI അത്തരത്തിൽ ഉള്ള ഒരാളാണ് ലോകചരിത്രത്തിൽ ആദ്യമായിവഴിയാത്രക്കാർക്ക് വിശ്രമിക്കുന്നതിനും വെള്ളം കുടിക്കുന്നതിനും ഒരു സത്രം നിർമിച്ചതോ,സ്കൂൾ കരിക്കുലം എന്ന ആശയം മുന്നോട്ട് വച്ചതോ ഒന്നുമല്ല അദ്ദേഹത്തെ ഇവിടെ കുറിക്കാൻ ഉള്ള കാരണം. 250 കിലോ മീറ്റർ നീളം ഉള്ള ഒരു മതിൽ Tigris എന്ന നദി മുതൽ Euphrates നദി വരെ ...വെള്ളം കെട്ടി നിർത്താനോ നടപ്പാതയായി ഉപയോഗിക്കാനോ അല്ല ..കടക്കൂ പുറത്ത് എന്ന് പറയാനാണ്😎.

തൻ്റെ രാജ്യത്തു നുഴഞ്ഞു കയറി പ്രശ്നങ്ങളുണ്ടാകുന്നവര്ക്ക് വിലക്ക് കൽപ്പിക്കാൻ ,അവരെ മാറ്റി നിർത്താൻ ഇതാണ് എൻ്റെ രാജ്യത്തിൻറെ അതിര് എന്ന് പറയാൻ നിർമിച്ച ആദ്യത്തെ മതിൽ അതുകൊണ്ടാണ് അതിവിടെ കുറിക്കേണ്ടത് ആയി വരുന്നത് .അത് പക്ഷെ ആ രാജ്യത്തെ മുഴുവനായി പൊതിഞ്ഞിരുന്നില്ല ഒരു പ്രദേശത്തുള്ളവരെ അകറ്റി നിറുത്തുക ..ചില നല്ലവരായ അയൽപക്കക്കാർ അങ്ങനെ ആണ് ...അദ്ദേഹം 47 വയസ്സ് വരെ മാത്രമേ ജീവിച്ചിരുന്നുള്ളൂ 💐

മതിലുകളുടെ ചരിത്രത്തെ പറ്റി എഴുതുക എന്നത് അത്ര എളുപ്പം ഉള്ള പണി അല്ല കുറെ മതിലുകൾ എന്നെ പാട്ടി കൂടി എഴുതൂ പ്ളീസ് എന്ന ആർത്തനാദത്തിൽ ഞാൻ മതിൽ കെട്ടിതിരിച്ച എന്റെ മനസിന്റെ ഒരു ഭാഗത്തു വലിയ ബഹളമാണ് ..ചൈനാ വൻമതിലിന്റെ കുറിച്ചുകൂടി എഴുതി ഈ ലേഖനം അവസാനിപ്പിക്കാം എന്ന് കരുതുന്നു ☺


21000 കിലോമീറ്റര് ...ഒരു ചെറിയ ദൂരം ആണൊ ?കന്യകുമാരി മുതൽ ജമ്മുകാശ്മീർ വരെ എത്താൻ 2856 കിലോമീറ്ററുകൾ ആണ് വേണ്ടത് !! ചൈന വൻമതിലിന്റെ ദൂരമാണ് 21000 കിലോമീറ്റര്... 😳

ഇനി ചുമ്മാ അതിന്റെ നീളത്തെ പറ്റിയും അത് ഉണ്ടാക്കിയ കാലഘട്ടത്തെ പറ്റിയും ഒക്കെ പറയാം ...30 വര്ഷം മുൻപ് Robert Ripley പറഞ്ഞ ഒരു കാര്യം ഉണ്ട് .Believe it OR Not എന്ന പ്രോഗ്രാമിൽ ആയിരുന്നു അത് .ചന്ദ്രനിൽ ചെന്ന് ഭൂമിയിലേക്ക് നോക്കിയാൽ മനുഷ്യനിർമിതമായ് ഒരേ ഒരു സൃഷ്ട്ടി മാത്രമേ നമുക്ക് ഭൂമിയിൽ കാണാൻ കഴിയൂ അത് ചൈനാ വന്മതിൽ ആണ് ....എന്താ അല്ലെ ...എന്തൊരു തള്ളാന്ന് ഓരോരുത്തര് തള്ളി വിടുന്നത് ...ഇത് വരെ ഒരു തെളിവും ഇല്ലാത്ത ഒരു കാര്യം നമ്മൾ പലരും ഇപ്പോഴും വിശ്വസിച്ചു പോരുന്നു 😆.അത് പോട്ടെ നമ്മൾ കരുതുന്നത് പോലെ ഒരു നിര ആയി നിൽക്കുന്ന ഒന്നല്ല ചൈന വന്മതിൽ ചില ഇടങ്ങളിൽ ഒരു നിര മറ്റു ചിലയിടത്ത് അത് രണ്ടും മൂന്നും നാലും നിരകൾ ആയി മാറും.ചുടു കട്ടകളും കല്ലും തടിയും ഒക്കെ ഇതിന്റെ നിർമാണത്തിനായി ഉപയോഗിച്ചിട്ടുണ്ട് .771 മുതൽ 476 ബിസി വരെ പല പ്രദേശങ്ങളിൽ ആയി നിർമിയ്ക്കപ്പെട്ട മതിലുകൾ Qin Shi Huang, എന്ന പ്രഥമ ചൈനീസ് ചക്രവർത്തി പിന്നീട് കൂട്ടി ചേർക്കപ്പെടുകയാണ് ഉണ്ടായത്.കൂടുതൽ ചികഞ്ഞു നോക്കിയാൽ 7 ആം നൂറ്റാണ്ടിൽ തുടങ്ങിയ മതിൽ പണി പല ഘട്ടങ്ങളിൽ ആയി1878 വരെ നീണ്ടു പോയ ഒന്നാണ് !!!! ....

മതിലിന്റെ വായനയുമായി ബന്ധപ്പെട്ട് ഒട്ടേറെ കാര്യങ്ങൾ നമുക്ക് തുടർന്നും വായിക്കാൻ ആകും അതിലേക്കുള്ള ലിങ്കുകളിലൂടെ റോമാക്കാരിലേക്കും ഈജിപ്റ്റിലേക്കും യൂറോപ്പിലേക്കുംഒക്കെ നമുക്ക് യാത്രചെയ്യാം

കണ്ടുപിടുത്തങ്ങളുടെ കണ്ടെത്തലുകളിലൂടെ ഭാഗം 32🔭

വായിക്കാൻ താൽപ്പര്യമുള്ളവർ സമാനചിന്തകരായിട്ടുള്ള നിങ്ങളുടെ കൂട്ടുകാരെ ഈ പേജിലേക്ക് കൂട്ടി കോണ്ടു വരാൻ അഭ്യർത്ഥിക്കുന്നു ....

സ്നേഹപൂർവ്വം 💝

ബിജു കൊമ്പനാലിൽ

ഇതിന് മുന്നേ എഴുതിയ ഭാഗത്തിന്റെ ലിങ്ക്

https://www.facebook.com/420752151430552/posts/1069049206600840/

മറ്റു ഭാഗങ്ങൾ വായിക്കാൻ DISHA biju kombanalil എന്ന ഫേസ് ബുക്ക് പേജ് സന്ദർശിക്കുക

https://www.historyextra.com/period/ancient-history/great-wall-china-facts-history-length-why-built-from-space/

https://www.ancient.eu/wall/

https://en.wikipedia.org/wiki/History_of_the_Great_Wall_of_China

https://www.quora.com/What-is-the-most-important-invention-in-human-history #

https://en.wikipedia.org/wiki/History_of_the_Great_Wall_of_China

https://www.travelchinaguide.com/china_great_wall/facts/when-built.htm

1001 inventions

ശാസ്ത്രകഥാസാഗരം

Address

Kombanalil, East Morakkala
Ernakulam

Website

Alerts

Be the first to know and let us send you an email when DISHA BIJU Kombanalil posts news and promotions. Your email address will not be used for any other purpose, and you can unsubscribe at any time.

Shortcuts

Share

Category