IOHSS Edavanna

29/11/2025

IOHS EDAVANNA

23/11/2025

23/11/2025

🔥*It's our victory day* 🙌 🎯
- 8 GOLD 🥇
- 11 SILVER 🥈
- 14 Bronze 🥉

നമ്മുടെ വിദ്യാലയത്തിന്റേയും നമ്മുടെ വിദ്യാർത്ഥികളുടേയും ചരിത്രത്തിൽ മറക്കാനാവാത്ത ഒരു ദിനമായിരുന്നു ഇന്നലെ. ലക്ഷ്യബോധത്തോടെ മുന്നേറാൻ നമ്മുടെ കുട്ടികൾക്ക് കരുത്തുണ്ടെന്നും, നിങ്ങൾ നൽകിയ അചഞ്ചലമായ പിന്തുണയും അനുഗ്രഹവും ലഭിക്കുമ്പോൾ അവരുടെ നേട്ടങ്ങൾ അതിരുകൾ ഭേദിക്കുമെന്നും അവർ തെളിയിച്ചിരിക്കുന്നു. 33 ധീരഹൃദയങ്ങൾ ഒരൊറ്റ കുടുംബമായി പോരാടി നേടിയ 8 സ്വർണവും, 11 വെള്ളിയും, 14 വെങ്കലവും —നമ്മുടെ സ്കൂളിന്റെ മാത്രം നേട്ടമല്ല , നമ്മുടെ ഓരോ മാതാപിതാക്കളുടെ സ്വപ്ന വിജയം കൂടിയാണ്.
500 ഓളം വരുന്ന മത്സരാർത്ഥികൾ അടങ്ങുന്ന അത്രയും വലിയ വേദിയിലെ സമ്മർദ്ദത്തിനുമുമ്പിൽ പോലും ഒട്ടും തളരാത്ത അവരുടെ മനസ്സ്, ദിവസങ്ങളോളം ഉള്ള അവരുടെ കഠിന പരിശ്രമം, സ്ഥിരതയും ശിഷ്ടചര്യയും തുടങ്ങിയ അനേകം കാര്യങ്ങൾ ചേർന്നാണ് അവർ ഈ മറക്കാനാവാത്ത ഗോൾഡൻ-ഡേ ഇന്നലെ രചിച്ചത്. അവർ നേടിയ ഈ മെഡലുകൾ വെറുമൊരു മെറ്റൽ കഷ്ണമല്ല, മറിച്ച്, അവരുടെ അർപ്പണബോധത്തിന്റെയും കഠിനാധ്വാനത്തിന്റെയും ജീവിക്കുന്ന തെളിവുകളാണന്ന് നമുക്ക് മനസ്സിലാക്കാം. ഇന്നലെത്തെ വിജയം അവർ ഓരോരുത്തരുടെയും ആത്മവിശ്വാസത്തെ ഉയരങ്ങളിലേക്ക് നയിക്കുന്നതിന് കാരണമായിട്ടുണ്ടെന്ന് പൂർണമായി നമുക്ക് വിശ്വസിക്കാം. കുട്ടികളുടെ ഉന്നമനത്തിനായി പൂർണമായി പിന്തുണ നൽകിയ സ്കൂൾ കമ്മിറ്റിയെയും അധ്യാപകരെയും മാതാപിതാക്കളെയും ഈ വിജയവേളയിൽ ഓർക്കാതിരിക്കുക അസാധ്യമാണ്. ഇനി മുന്നോട്ടുള്ള നമ്മുടെ കുട്ടികളുടെ യാത്രയിൽ ഇതിനേക്കാൾ മികച്ച പിന്തുണ ലഭിക്കുമെന്നതും തീർച്ചയാണ്. ഇത് നമ്മുടെ ഓരോരുത്തരുടെയും വിജയമാണ്.

*Congratulations to All of our students. Thank you for everyone and everything*😍🥳.

31/10/2025

03/09/2025

*🌟🌟🌟🌟🌟പുഞ്ചിരിച്ച് സ്വർഗം നേടിയ ഹനീൻ.....*
🌟🌟🌟🌟🌟
🌹പ്രിയപ്പെട്ട ഹനീൻ........
🌹നിൻ്റെ നിഷ്കളങ്ക ചിരി കൺ മുന്നിൽ നിന്ന് മാഞ്ഞുവെന്ന് വിശ്വസിക്കാൻ
ഞങ്ങൾക്ക് കഴിയുന്നില്ല.
🌹കഴിഞ്ഞ ദിവസം നാട്ടിൽ വന്ന് നീ വിളിച്ചെന്നെ സമയങ്ങളോളം സംസാരിച്ചിട്ടും നിൻ്റെ പുഞ്ചിരിക്ക് ഇത്ര മേൽ മാസ്മരികതയുണ്ടെന്ന് ഞാൻ തിരിച്ചറിഞ്ഞില്ല.
🌹സ്വർഗീയ മാലാഖമാർ നിൻ്റെ മുഖത്തിലെ അകമഴിഞ്ഞ മന്ദസ്മിതത്തിനായി ഇത്ര മേൽ കാത്തിരിക്കുന്നതായും എനിക്ക് തോന്നിയില്ല.
🌹ട്രിപ്പ് പോണ്ടേ സർ നമുക്ക് .... അടിപൊളിയാക്കണ്ടേ..
എന്ന് നിഷ്കളങ്ക ചിരിയിൽ നീ മൊഴിഞ്ഞപ്പോഴും നിൻ്റെ സാന്നിധ്യത്തിനായി ദൈവം ഇത്രയുമടുത്ത് മറഞ്ഞിരുന്ന് നിന്നെ കാത്തിരിക്കുന്നതായും എനിക്ക് തോന്നിയില്ല.
🌹ഫസ്റ്റ് ഇയറിൽ അത്യാവശ്യം മാർക്കുണ്ട് സാറെ .....
ഞാൻ
മാർക്ക് വാങ്ങും.....
ഇങ്ങള് പേടിക്കേണ്ടാ.....എന്ന് നിറയഴകിൻ്റെ പുഞ്ചിരിയിൽ ഉള്ള് തുറന്ന് പറഞ്ഞപ്പോഴും
നിൻ്റെ ചിരിയഴകിൻ്റെ മൃദു മന്ദഹാസത്തിനായി അപ്സരസ്സുകൾ ഇമ ചിമ്മാതെ ഇത്ര മേൽ കൊതിച്ചിരിക്കുന്നതായും ഞാൻ കണ്ടില്ല ....
🌹ഉമ്മയോട് നിൻ്റെ കാര്യങ്ങൾ ഷെയർ ചെയ്യുമ്പോഴും ബ്രദർ നിൻ്റെ കാര്യങ്ങളിൽ വലിയ ശ്രദ്ധ തരുമ്പോഴും ഞങ്ങളെ ഇത്ര പെട്ടെന്ന് തനിച്ചാക്കി പോകുമെന്നതോർത്തതേ ഇല്ല ....
🌹സുകൃത ജൻമം ചെയ്ത കുടുംബമാണെന്നും നിൻ്റെ ഉമ്മയാണ് നിൻ്റെ വിജയ നിദാനമെന്നും പറഞ്ഞറിയിക്കുമ്പോഴും പറഞ്ഞതിൽ നൂറിൻ്റെ ശരി പുഞ്ചിരിയായി നീ തന്നില്ലേ...
🌹കരിയറിനെ കുറിച്ചറിയിച്ചപ്പോൾ കൺഫ്യൂഷൻ ബാക്കിയാണ് സർ നിങ്ങളൊക്കെ ഇവിടെ ഉണ്ടല്ലോ.... മാർക്ക് വാങ്ങട്ടെ.... എന്ന അർദ്ധവിരാമത്തിനും പുഞ്ചിരിയായിരുന്നു പ്രത്യുത്തരമായ് നീ സമ്മാനിച്ചത്.......
🌹അന്നൊരു ദിനം നേരം വൈകി വന്നപ്പോൾ ഇനി ഇതാവർത്തിക്കില്ല സാർ എന്നറിയിച്ചപ്പോഴും എന്നെന്നേക്കുമായുള്ള നിൻ്റെ വൈകലാണെന്ന് ഞാൻ ഒട്ടും ഓർത്തില്ല
ഹനീൻ...
🌹ക്ലാസ് ലീഡറാകാൻ എല്ലാവരും നിൻ്റെ പേര് നിർദ്ദേശിച്ചപ്പോൾ രാത്രി എനിക്ക് വിളിച്ച് ഭയമാണ് സർ..... എന്നെ മാറ്റണമെന്ന് ഹൃദയം തൊട്ട് പറഞ്ഞപ്പോഴും ഇത്ര പെട്ടെന്ന് നീ മാഞ്ഞ് പോകുമെന്ന് ഞാനറിഞ്ഞില്ല .....
🌹NSS ൻ്റെ ക്യാമ്പുകളിൽ നിൻ്റെ സജീവതയിൽ വർണ വസന്തം പെയ്തു തീർക്കുമ്പോഴും വസന്തത്തിലെ ഇത്ര വലിയ കൂരിരുട്ട് ഞാൻ തിരിച്ചറിഞ്ഞില്ല ....
🌹ഫ്രഷേഴ്സ് ഡേയിൽ നിൻ്റെ സാന്നിധ്യം എല്ലായിടങ്ങളിലും അരങ്ങു വാണപ്പോഴും ഇത്ര പെട്ടെന്ന് അരങ്ങൊഴിയുമെന്നും ഞാനറിഞ്ഞില്ല ....
🌹ഓണാഘോഷത്തിന് പൂക്കളം തീർക്കാൻ ആരുമില്ലാതായപ്പോൾ നമുക്ക് നല്ലൊരു പൂക്കളം ഒരുക്കണമെന്നും പറഞ്ഞ് നീ ഞൊടിയിടയിൽ പൂക്കളുമായ് വന്നപ്പോഴും ഇനി ഒരു പൂവിളി കേൾക്കാൻ നീ ഉണ്ടാകില്ലെന്ന് ഞാൻ കരുതിയില്ല .....
🌹വരാന്തകളിലെ നിറ സുഗന്ധമായ് നിറഞ്ഞ് നിന്ന നിൻ്റെ പുഞ്ചിരി ഇനി നിത്യതയിലേക്കലിഞ്ഞ് ചേരുമ്പോൾ
ചുറ്റും ഇരുട്ട് വ്യാപിച്ച പോലെ ...
🌹പ്രിയപ്പെട്ട ഹനിൻ
നീ ഇരിക്കുന്ന ബെഞ്ചിലേക്ക് ഞാനെങ്ങനെ നോക്കും-...
🌹നിൻ്റെ റോൾ നമ്പറിൽ ഞാനെങ്ങനെ നീ ഇല്ലെന്നിടും.....
🥲കനവിലെ കനലായി .....
🥲കനിവിലെ നിനവായി ...
നിൻ്റെ ചിരിയലകൾ ഓറിയൻ്റോളങ്ങൾക്ക് മിഴിവേകാൻ പകരമൊരു ഹനീൻ ഇനി വരുകില്ലെന്നറിയാം...🥲
എങ്കിലും ഹനീൻ.....
നീ നിത്യതയുടെ ദീപ്ത നാളമായ് .....🔥
സ്വർഗീയതയുടെ ദിവ്യ പ്രകാശത്തിൽ
ഒളി മങ്ങാത്ത പ്രകാശ നാളമായ് നിൻ മുഖം
ഞങ്ങളിൽ ജീവിക്കും....
സ്വർഗം ....🤲
സ്വസ്തി...🤲
സായൂജ്യം....🤲
*മുസ്തഫ മാസ്റ്റർ*
ക്ലാസ് ടീച്ചർ C2B

15/08/2025