15/02/2021
भारतीय क्रिकेटरची ओम विद्यानिकेतन शाळेला भेट
उमरेड :- भारतीय क्रिकेट संघाचे माजी खेळाडू श्री प्रशांत वैद्य व श्री सुबतो बॅनर्जी यांनी ओम विद्यानिकेतन व ओम पॉलिटेक्निक ला भेट देऊन ग्राउंडची पाहणी केली. प्रशांत वैद्य हे विदर्भ क्रिकेट असोशिएशचे अध्यक्ष आहेत. तसेच सुबतो बनर्जी हे भारतीय क्रिकेट संघाचे प्रशिक्षक आहेत. या प्रसंगी त्यांनी ग्रामीण भागातील खेळाडूंना चांगल्या प्रकारचे प्रशिक्षण मिळावे व हे खेळाडू राष्ट्रीय व आंतरराष्ट्रीय स्तरावर खेळावे त्याकरिता क्रिकेट अॅकॅडमी व इतरही खेळांसाठी क्रीडा अॅकॅडमी स्थापन करण्याचा मानस बोलून दाखविला व तसा श्री गुरुदेव एजुकेशनल मेमोरियल कल्चरल संस्थेमार्फत अर्ज करण्याचा सुचानादेखिल दिल्या.
याप्रसंगी संस्थेच्या अध्यक्षा वृषाली राऊत, सचिव तुषार राऊत, संचालक विकास सिर्सीकर, रोहीत कारु, उद्योजक गितेश मुत्तेमवार, ओम पॉलिटेक्निकचे प्राचार्य डॉ. प्रवेश यादव, ओम विद्यानिकेतनच्या अॅकॅडमीक इंचार्ज कांचन मुदगल, क्रिडाशिक्षक चंद्रकांत वंजारी, विलास मेंढे, राजू खांबाळकर, मिलिंद वाघमारे, आदींची प्रामुख्याने उपस्थिति होती.
