15/08/2026
আজি ডিগবৈ R.D. Senior Secondary School প্ৰাংগনত ভাৰতবৰ্ষৰ ৮০ সংখ্যক স্বাধীনতা দিৱস উদযাপন কৰা হয়। এই স্বাধীনতা দিৱসৰ ৰাষ্ট্ৰীয় পতাকা উত্তোলন কৰে বিদ্যালয়ৰ বাণিজ্য বিভাগৰ মুৰব্বী তথা জেষ্ঠ বিষয় শিক্ষয়িত্ৰী নৱনীতা শইকীয়া মেচ বাইদেৱে। সঞ্চালিকা চিমি ধানোৱাৰে বিদ্যালয়ৰ প্ৰতিষ্ঠাতা জননেতা ৰামেশ্বৰ ধানোৱাৰ দেৱলৈ শ্ৰদ্ধাঞ্জলি জ্ঞাপন কৰে। আজিৰ এই কাৰ্যসূচী ত বিদ্যালয়ৰ পৰিচালনা সমিতিৰ সদস্য, বিশিষ্ট শিক্ষাবিদ দিলীপ ভট্টাচাৰ্য্য দেৱ, ডিগবৈ মহাবিদ্যালয়ৰ প্ৰাক্তন অধ্যক্ষ মহেন্দ্ৰ ভৰালী বৰুৱা, বিশিষ্ট শিক্ষাবিদ আজমা বেগম বৰা, পৰিচালনা সমিতিৰ সদস্য বিৰাজ গগৈ আৰু অভিভাৱক শিক্ষক শিক্ষয়িত্ৰী কৰ্মচাৰী বৃন্দ উপস্থিত থাকে। আৰ.ডি. চিনিয়ৰ চেকেণ্ডেৰী স্কুলৰ সঞ্চালিকা চিমি ধানোৱাৰে ছাত্ৰ ছাত্ৰীৰ উদ্দেশ্যে বক্তব্য প্ৰদান কৰে। সভাত উপস্থিত বিশিষ্ট ব্যক্তিসকলে ছাত্ৰ ছাত্ৰীৰ উদ্দেশ্যে বক্তব্য আগবঢ়ায়। অধ্যক্ষ ড' দিব্যজ্যোতি দে ৰ লগতে প্ৰশাসনিক বিষয়া সকল, শিক্ষক শিক্ষয়িত্ৰী, ৱাৰ্ডেন, লিজী কৰ্মচাৰী, অভিভাৱক সকলৰ লগতে ছাত্ৰ ছাত্ৰীৰ উপস্থিতত দেশৰ গৌৰৱময় স্বাধীনতা দিৱস উদযাপন কৰি শ্বহীদ সকলৰ প্ৰতি শ্ৰদ্ধাঞ্জলি অৰ্পণ কৰা হয়। অনুষ্ঠানত বিদ্যালয়ৰ পৰা 2026 বৰ্ষৰ হাইস্কুল শিক্ষান্ত পৰীক্ষাত সৰ্বোচ্চ নম্বৰ লাভ কৰা প্ৰজ্ঞা স্পৃহা শইকীয়া আৰু উচ্চতৰ মাধ্যমিক চূড়ান্ত পৰীক্ষাত সৰ্বোচ্চ নম্বৰ লাভ কৰা কাশ্যপ জ্যোতি বৰা ক সম্বৰ্ধনা জ্ঞাপন কৰা হয়। অধ্যক্ষ ড' দিব্যজ্যোতি দে শলাগৰ শৰাই আগবঢ়াই সকলোকে আন্তৰিক ধন্যবাদ জ্ঞাপন কৰে।
