Rajgarh Junior College

ৰাজগড় ব্যৱসায়ী সন্থাই বিগত কিছুবছৰধৰি আমাৰ মহাবিদ্যালয়ৰ চাৰি-পাঁচগৰাকী ছাত্ৰ-ছাত্ৰীলৈ বিশেষ জলপানি আগবঢ়াই আহিছে। ২০২৪-২০২৫-২০২৬ বৰ্ষত এই জলপানি পাবলৈ সক্ষম হোৱা তিনিগৰাকী প্ৰতিভাশালী ছাত্ৰ-ছাত্ৰীৰ উন্নত ফলাফলে আমাক সকলোকে গৌৰৱান্বিত কৰিছে। ৰাজগড় ব্যৱসায়ী সন্থাৰ প্ৰতিও এই ছেগতে কৃতজ্ঞতা প্ৰকাশ কৰিলোঁ।

অভিনন্দন। ৰাজগড় কনিষ্ঠ মহাবিদ্যালয়ৰ পৰা উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হৈ উত্তীৰ্ণ হোৱা প্ৰতিগৰাকী ছাত্ৰ-ছাত্ৰীলৈ হিয়াভৰা শুভেচ্ছা জ্ঞাপন কৰিলোঁ। তোমালোকৰ এই ফলাফলে আজি প্ৰমাণ কৰিলে যে ৰাজগড় কনিষ্ঠ মহাবিদ্যালয়ৰ ধাৰাবাহিক উন্নত প্ৰদৰ্শন শিক্ষানুষ্ঠানখনৰ নিজা পৰীক্ষাকেন্দ্ৰৰ বাবে নহয়, বৰঞ্চ ছাত্ৰ-ছাত্ৰীৰ কঠোৰ পৰিশ্ৰম আৰু শিক্ষক-শিক্ষয়িত্ৰীসকলৰ যত্নৰ বাবেহে প্ৰতিবছৰে সম্ভৱ হয়। শিক্ষা বিভাগৰ নিৰ্দেশনা অনুসৰি এইবছৰ আমাৰ পৰীক্ষাকেন্দ্ৰ নাছিল আৰু আমাৰ কোনো শিক্ষকে পৰীক্ষাকেন্দ্ৰত কোনো দায়িত্ব পালন কৰাও নাছিল। তদুপৰি মহাবিদ্যালয়ৰ ৰূপালী জয়ন্তী বৰ্ষৰ সামৰণী অনুষ্ঠানৰ বাবেও পাঠদান যথেষ্ট ব্যহত হৈছিল। ১০০ নম্বৰৰ প্ৰস্তুতি পৰীক্ষা এটাও পাতিব পৰা নহ'ল। ডিচেম্বৰ মাহত ৰূপালী জয়ন্তী বৰ্ষৰ সামৰণী অনুষ্ঠানত তোমালোকে অংশগ্ৰহণ কৰিবলগীয়া হোৱা বাবে তোমালোকৰ পঢ়া সময়ো ক্ষতি হ'ল। তৎসত্ত্বেও তোমালোকে শিক্ষানুষ্ঠানখনৰ গৰিমা অবনমিত নোহোৱাকৈ এটা সুন্দৰ ফলাফলেৰে আমাক সকলোকে গৌৰৱান্বিত কৰিলা। পুনৰ তোমালোকক অশেষ অভিনন্দন জনাইছোঁ আৰু আমি নিশ্চিত যে অনাগত দিনত অধিক সফলতাৰে তোমালোক উজলি উঠিবা..... শুভেচ্ছা থাকিল...

কলা শাখাত অধ্যয়ন কৰিব বিচৰা ছাত্ৰ-ছাত্ৰীসকলক আদৰিছোঁ ....

23rd December, 2025....

Career awareness program on the occasion of Silver Jubilee Celebration.....
Resource person: Mr. Jyotirmoy Hazarika, President, Society for Promotion of Education, Assam Region.
Organised by Mr. Jogyajyoti Changmai, ex-student; Proprietor, Life Bridge Coaching Centre .....