15/10/2023
🌸🔹🎈🌸🔹🎈🌸🔹🎈🌸🔹🎈🌸🔹🎈🌸🔹🎈
डियर विद्द्यार्थीहरु ,
नमस्कार अनि मिठो सम्झना |
आज यो वर्षको बडादशैं शुरु हुदैछ | बिहानै उठेर नुहाइ धुवाइ गरेर घटस्थापना गर्ने काममा बुबाआमालाई सघाउनु होला अनि नवरात्रीको बारेमा जान्ने बुझ्ने प्रयास गर्नुहोला | दुर्गाभवानीको नौ वटा रुपहरुलाई नौ दिनसम्म उपासना गर्नुलाई नवदुर्गाभवानीको व्रत र उपासना भन्ने गरिन्छ | यस अवधिमा देवीभगवतीलाई गरिने उपासनाबाट हामी सबैलाई शारीरिक , मानसिक र आध्यात्मिक शक्ति प्राप्त हुन्छ | यहि शक्तिको बलमा हाम्रो पढाइलेखाइ , बुद्दि र विवेक , आचरण तथा अनुशासन जस्ता कुरामा प्रशस्त सुधार हुन्छ र हुनेछ |
दशैको विदामा सरहरुले थुप्रै होमवर्क दिनुभएकै होला | त्यो होमवर्कलाई बोझ नसम्झिनु , पढाइ र सिकाइ भनेको निरन्तर भैरहने काम हो | चाडबाड मनाउने हो भन्दैमा हामीले आफ्नो निरन्तर गर्नुपर्ने कामलाई एकातिर पन्छाउन मिल्दैन | दशै हरेक वर्ष आउछ तर तिम्रो लागि यो वर्ष हरेक वर्ष हुनसक्दैन | अर्थात तिमीले अर्को वर्ष पनि यस्तै दशै मनाउने हो तर अहिले पढिरहेको कक्षा र किताब अर्को वर्ष पढ्ने होइन | अर्को वर्ष अर्कै कोर्स पढ्ने हो |
आफ्नो होमवर्कलाई थोरैथोरै गर्दै दिनदिनै गर्नु | किताब कापी , नोटबुक , रेफेरेन्स बुक , म्यानुयल , क्वैश्चन बैंक फर्काइरहनु | साथीहरुसङ्ग सम्पर्क गर्दै गर्नु | सरम्यामहरु सङ्ग सोधपुछ गर्दै गर्नु | समकालीन घटनाक्रम , गतिविधी , खेलकुद बारे जानकार रहनु | खेतीपातीको सिजन भएको हुनाले घरमा सघाउनु | मोबाइल र ल्यापटपमा धेरै नझुण्डिनु |
सप्तमी तिथि पछि दशैले झ्याप्पै छोप्छ , अनावश्यक शपिङ्गको दवाब आमाबुबालाई नदिनु , चाडबाड तिमीहरुलाई आएको हो ; घरमूलीलाई आएको होइन | साथीभाइ , छरछिमेकी र आफन्तसङ्ग रमाउनु | टिका लगाउदा पाएको दक्षिणा जम्मा गरेर राख्नु | सबै आफन्तको घरमा पुग्नु | कुनै आफन्तले थोरै पैसा दिन्छन भनेर त्यता जान्न नभन्नु | पैसाभन्दा आशिर्वाद ठूलो हो भन्ने कुरा नबिर्सिनु |
खानपिनमा ध्यान दिनु , माछामासु कम खानु , फलफूल धेरै खानु | चटपट , मम , चाउमिन , दालमोठ , पानीपुरी , आइसक्रिम खादै नखानु | सबैको दशै शुभ रहोस , माता दुर्गाले सबैको मनोकामना पुरा गरिदेउन भन्ने कामना गर्द्छु |
सम्पूर्ण विद्द्यार्थी एवम् अभिभावकज्यूहरुलाई बडादशैको उपलक्ष्यमा हार्दिक मङ्गलमय शुभकामना l
©न्यु मोडर्न बोडिङ स्कुल परिवार गल्फै
