19/05/2026
“ကိုယ့်ကိုငဲ့ညှာတဲ့သူကိုပဲ ရွေးချယ်ပါ" ဆိုတဲ့
စကားလေး တကယ်ကိုမှန်တယ်။
ဘယ်အခြေအနေမှာဖြစ်ဖြစ်
ကိုယ့်ကိုအရင်ဆုံးငဲ့ကွက်တဲ့သူဟာ သိပ်ကိုတန်ဖိုးရှိတယ်။
ဒေါသအလျောက် စကားတွေ၊
လုပ်ရပ်တွေ မလွန်မကျွံဘူး။
ကိုယ့်စိတ်ပိုင်းဆိုင်ရာ၊ ရုပ်ပိုင်းဆိုင်ရာကို
အမြဲနားလည်ပေးနေမဲ့သူမျိုးကိုပဲ ရွေးချယ်သင့်တယ်။
လူတိုင်းဟာ စိတ်ကောင်းဝင်နေတဲ့အချိန်
ကောင်းစွာချစ်နေနိုင်ကြပေမဲ့
စိတ်အခန့်မသင့်တဲ့အချိန်၊ ဒေါသထွက်တဲ့အချိန်၊
စိတ်တွေရှုပ်ထွေးနေတဲ့အချိန်မှာတော့
စရိုက်တွေ ပေါ်လာတာပဲ။
လူတွေရဲ့ နဂိုဗီဇကို ချစ်တဲ့စိတ်နဲ့ သည်းခံရင်း
ပြုပြင်ဖို့ သွားမကြိုးစားနဲ့။ ကိုယ်ပဲ လုံးပါးပါးလိမ့်မယ်...
အဲ့ဒါကြောင့်…
ငဲ့ညှာတဲ့သူကို ရွေးပါ။
လူကြားထဲ ချစ်ပြမနေတတ်နိုင်သည့်တိုင်
နောက်ကွယ်မှာတော့ ခိုးပြီးမျက်ရည်ပေးမကျမဲ့
သူ ကိုပဲရွေးချယ်ပါ။
အချစ်လို့ ခေါင်းစဉ်တပ်ပြီး
တကိုယ်ကောင်းဆန်နေတာထက်
ကိုယ်ချင်းစာတရားရှိတဲ့ လက်တွဲဖော်
ဖြစ်ဖို့က ပိုအရေးကြီးပါတယ်။
လူတွေမှာ စာနာစိတ်ဟာ ရှားသွားပြီ။
တချိန်လုံး ပျော်မနေရရင်တောင်
အမြဲတမ်းတော့ စိတ်မဆင်းရဲရဘူး။
တကိုယ်ကောင်းဆန်ဆန်ချစ်တဲ့သူထက်
ငဲ့ညှာပြီး ချစ်ပေးတဲ့သူကိုပဲ ရွေးစေချင်ပါတယ်။
အချစ်ဟာ အားပဲဖြစ်ရမယ်...
အဆိပ်အတောက် ဆန်လာရင် ကျွန်မတို့ စွန့်လွှတ်ရမယ်...
ဒါဟာ…
ကိုယ့်ကိုယ်ကိုယ် ကောင်းစွာတန်ဖိုးထားတတ်ခြင်းပါ။💜💐
18/05/2026
အရမ်းကောင်းတဲ့ စာသားလေးပါ ဖတ်ရင်းနဲ့ တွေးပါ
အရသာက တမူထူးခြားနေပါလိမ့်မယ်
(၁) စိတ်ဓာတ်ကို မာမာထားပါ။
အပြင်ပန်းသဏ္ဍာန်ကို ပျော့ပျော့ပျောင်းပျောင်းထားပါ။
(၂) ကိုယ့်ပစ္စည်း မဟုတ်ရင် မယူပါနဲ့။
ဘယ်လောက်ပဲ နှစ်သက် နှစ်သက် လက်လွှတ်တတ်ဖို့ နားလည်ပါ။
(၃) ကိုယ့်ကိုယ်ကို လေးစားပါ။
သူတစ်ပါးကို လေးစားပါ။ လေးစားမှုကို ထိန်းပါ။
အဲဒီလေးစားမှု သုံးခုကို မှတ်ထားပါ။
(၄) ငွေဆိုတာ ရေလိုပဲ။
ငွေခမ်းရင် ငတ်သေတတ်တယ်။
ငွေမက်လွန်းရင် နစ်သေတတ်တယ်။
(၅) အရာဝတ္ထုတစ်ခုတိုင်းကို
ရှုထောင့်ပေါင်းစုံ ဘက်ပေါင်းစုံကနေ ခံစားပါ။
(၆) သူတစ်ပါးကို ထိခိုက်နာကျင်မှုမျိုးနဲ့
ကိုယ့်အပြစ် ကိုယ့်ဆိုးကျိုးကို ဖုံးကွယ်တတ်တဲ့
လူလောက် ရှက်ဖို့ကောင်းတာ မရှိဘူး။
(၇) လောဘမကြီးနဲ့။
ကောင်းတဲ့အရာတွေက ဘယ်တော့မှ တာရှည်မခံဘူး။
(၈) သူငယ်ချင်းအတွက် အနစ်နာခံတဲ့ အလုပ်က ခက်ခဲတဲ့အလုပ်တော့ မဟုတ်ဘူး။ ခက်တာက အနစ်နာခံရလောက်တဲ့ သူငယ်ချင်းမျိုး ရှိဖို့ပဲလိုတယ်။
(၉) ကိုယ့်အတွက်လို့ စဉ်းစားမိတာနဲ့ တစ်ပြိုက်နက် တစ်ဖက်လူရဲ့ ခံစားချက်ကိုလည်း ထည့်တွက်သင့်တယ်။ သူ့အတွက် ပိုစဉ်းစားသင့်တယ်။ ဒါတွေက အကြင်နာ ယဉ်ကျေးတဲ့အပြင် တစ်ဖက်လူကို လေးစားရာလည်း ရောက်တယ်။
(၁၀) လူတွေ သိနိုင်တဲ့အမှားမျိုးက တကယ့်အမှား မဟုတ်သေးဘူး။ တခြားလူ လုသွားနိုင်တဲ့ ချစ်သူမျိုးက တကယ့်ချစ်သူ မဟုတ်သေးဘူး။
(၁၁) ကိုယ့်ဆုံးဖြတ်ချက် ကိုယ်ချပါ။ ဖြစ်လာသမျှ ခံယူဖို့ပြင်ဆင်ပါ။
စမလုပ်ခင် လောကကြီးမှာ နောင်တကုဆေးဆိုတာ မရှိကြောင်း
ကိုယ့်ကိုယ်ကိုယ် သတိပေးပါ
(၁၂) သင်ယူခြင်းက တခဏအတွက် မဟုတ်ဘူး။
တစ်ဘဝအတွက် ဖြစ်တယ်။ ဒါကြောင့် သင်ယူခြင်းမှာ မငြီးငွေ့ပါနဲ့။
(၁၃) ဘယ်အချိန်မှာ စတင်ခဲ့တာဖြစ်ဖြစ် အရေးကြီးတာက စတင်ပြီးနောက် မရပ်နားဖို့ပါပဲ။ ဘယ်အချိန်မှာ အဆုံးသတ်တာပဲဖြစ်ဖြစ် အရေးကြီးတာက အဆုံးသတ်ပြီးနောက် နောင်တမရဖို့ပါပဲ။
(၁၄) ကံမကောင်းခြင်းဆိုတာ စာရင်းသွင်းစရာ မလိုဘဲ
လူတိုင်းတတ်ရတဲ့ ကျောင်းဖြစ်တယ်။ ဒီကျောင်းကို အောင်နိုင်သူက သန်မာထက်မြက်သူဖြစ်တယ်။
(၁၅) အချစ်ခံချင်ရင် အချစ်ခံထိုက်တဲ့ လူတစ်ယောက်ဖြစ်အောင် အရင်လုပ်ပါ။ လူတွေကို ချစ်ချင်ရင် ချစ်တတ်တဲ့ အရည်အချင်းရှိအောင် အရင်လုပ်ပါ။ ကောင်းကွက်ကိုလည်း လက်မခံ ဆိုးကွက်ကိုလည်း နားလည်မှုမပေးရင် ဒီသံယောဇဉ် ဘယ်လောက်တာရှည်နိုင်မလဲ။
(၁၆) အပြစ်ရှာ ညည်းတွားတတ်တဲ့ လူတွေဟာ စိတ်သဘောထား မကောင်းသူတွေ မဟုတ်ပေမယ့် လူတွေ အမြဲနှစ်သက်သူတော့ မဟုတ်ခဲ့ဘူး။
(၁၇) ဦးနှောက်ခြောက် စိတ်ရှုပ်တာတွေက မနက်ဖြန်ရဲ့ဝန်ကို ပေါ့သွားစေမှာ မဟုတ်ဘူး။ ဒါပေမယ့် ဒီကနေ့ရဲ့ ပျော်ရွှင်ခြင်းကိုတော့
ဆုံးရှုံးသွားစေမှာ။
နည်းနည်းသည်းခံလိုက်
နည်းနည်းတောင့်ခံလိုက် …
တစ်နေ့နေ့မှာ သင်သည်းခံခဲ့တဲ့ နာကျင်မှုက
သင့်ကို ပြန်အထောက်အကူ ပြုလိမ့်မယ်။
(၁၈) ဘဝမှာ ပျော်ရွှင်စရာတွေက အများကြီး သင့်ရဲ့အာရုံနဲ့အကြည့်ကို အဲဒီမပျော်ရွှင်တဲ့ အရာတွေပေါ်မှာပဲ စူးစိုက်မထားပါနဲ့။
(၁၉) တစ်ယောက်ထဲ နေတဲ့အခါ တစ်ယောက်ထဲ နေတတ်အောင် သင်ယူတယ်။ နှစ်ယောက်ဖြစ်သွားတဲ့အခါ ချစ်ခင်ပေါင်းသင်းတတ်အောင် သင်ယူတယ်။ သုံးယောက်ဖြစ်သွားတဲ့အခါ နောက်ဆုတ်
နှုတ်ထွက်တတ်အောင် သင်ယူပါတယ်။
(၂၀) တစ်ကိုယ်တည်းသမားလို့ ဆိုတိုင်း အချစ်ကို နားမလည်သူလို့ မထင်လိုက်ပါနဲ့။ တကယ်တော့ တစ်ကိုယ်တည်းသမားဆိုတာ
ချစ်သူရည်းစားရှိလျက်နဲ့ နာကျင်ဝမ်းနည်း နေရသူတွေထက် စာရင် ပိုအမြော်အမြင်ရှိတယ်လို့ ဆိုရမယ်။
အခုလို အချိန်ပေးပြီ ဖက်ပေးတဲ့သူအားလုံးကို ကျေးဇူးတင်ပါတယ်
Page လေးကို Like & Share လုပ်ပေးပါအုံးနေား Thanks You 😘
17/05/2026
ယောက်ျားတွေ” ရှိန် ”ကြတဲ့
အမျိုးသမီးတစ်ယောက်ရဲ့
အမူအကျင့်များးးးးး🌷
၁။🌷 ယောက်ျားတွေရဲ့ အာရုံစိုက်ခံရဖို့
မကြိုးစားဘဲ ရှိရင်းစွဲအတိုင်း
ပြုမူပြောဆိုဆက်ဆံတာ။
၂။🌷 ကိုယ်လိုချင်တာကို ရအောင်ယူတတ်တဲ့
စိတ်အားထက်သန်မှုတွေရှိတာ။
၃။🌷 ကိုယ့်အားကိုယ်ကိုး လိုစိတ်ရှိတာ။
၄။🌷 လုပ်သမျှကို အကောင်းဆုံး
လုပ်ဆောင်တတ်တာ။ ဘက်စုံထူးချွန်တာ။
၅။🌷 မှန်ကန်တဲ့ဆုံးဖြတ်ချက်တွေကိုချမှတ်နိုင်တာ။
၆။🌷 အခြားလူတွေရဲ့ ချစ်ခြင်းမုန်းခြင်းကို
ဂရုမစိုက်ဘဲ ကိုယ်လုပ်ရမယ့်အရာတွေကိုပဲ
အာရုံစိုက်ပြီးလုပ်တာ။
၇။🌷 မိတ်ဆွေသူငယ်ချင်းတွေကို ကူညီဖို့
အမြဲတမ်းအဆင်သင့်ဖြစ်နေတတ်တာ။
၈။🌷 မှားနေတဲ့အခါ ဝန်ချတောင်းပန်ရဲတာ။
၉။🌷 ကိုယ့်အပေါ်မကောင်းတဲ့သူတွေကို
ပြတ်ပြတ်သားသားလမ်းခွဲရဲတာ။
၁ဝ။🌷 ငွေကြေးဥစ္စာတွေ၊
ရာထူးဂုဏ်သိမ်တွေကို မမက်မောတတ်တာ။
၁၁။🌷 ရဲရင့်ထက်မြက်တာ။
၁၂။🌷 စိတ်ပိုင်းဆိုင်ရာသန်စွမ်းတာ။
၁၃။🌷 အသစ်တွေကိုသင်ယူဖို့
စိတ်အားထက်သန်နေတာ။
၁၄။🌷 ယောက်ျားတွေကို တွယ်ကပ်မနေတတ်တာ။
၁၅။🌷 ရည်မှန်းချက် ပြင်းပျလွန်းတာ။
၁၆။🌷 မိသားစုရဲ့ ရှေ့တန်းတိုက်စစ်မှူးဖြစ်နေတာ။
၁၇။🌷 ကိုယ့်တန်ဖိုးကိုယ် အကောင်းဆုံး
တည်ဆောက်ထားနိုင်တာ။
ယောက်ျားလေးတွေက
ဒီလိုအရည်အသွေးရှိတဲ့ အမျိုးသမီးတွေကို
(ရှိန်) နေတတ်ကြတယ်တဲ့လေ ။
သင့်တို့ကော အခြားလူတွေက
ဘာ့ကြောင့်( ရှိန် )နေတယ်လို့
ထင် ကြ လဲ....❓
.🌷
.🌷
.🌷
ဤဆောင်းပါးကို ဂန္ထဝင်မဂ္ဂဇင်းမှ
ရေးသား တင်ဆက်ထားပါသည် ။
#ဓမ္မသုတရသ_ခွန်အားဖြည့်စာပေ
#မူရင်းရေးသားသူအားလေးစားစွာဖြင့်
#မေတ္တာဖြင့်ပြန်လည်မျှဝေပါသည်။
17/05/2026
ငယ်ငယ်တုန်းက အဖိုးပြောခဲ့တဲ့ စကားတစ်ခွန်းရှိတယ်၊ အဲ့ဒီတုန်းကတော့ ကျွန်တော် သိပ်နားမလည်ခဲ့ဘူး။ အဖိုးက ပြောတယ် -
"မိုးရွာတဲ့အချိန်ကျမှ ပေါ်လာတတ်တဲ့လူမျိုးကို မင်းရဲ့ထီးကို ငှားမပေးပါနဲ့" တဲ့။
အဲ့ဒီတုန်းကတော့ ဒါဟာ ရိုးရိုးရှင်းရှင်း စကားလေးတစ်ခွန်းပဲလို့ ထင်ပြီး ပြုံးပြုံးလေးနဲ့ပဲ ကျော်ဖြတ်ခဲ့မိတယ်။ ဒါပေမဲ့ အသက်ကြီးလာတာနဲ့အမျှ ဘဝသင်ခန်းစာတွေက အဲ့ဒီစကားရဲ့ အဓိပ္ပာယ်ကို တဖြည်းဖြည်းချင်း ဖွင့်ပြလာခဲ့ပါတယ်။
ကျွန်တော် သတိထားမိလာတဲ့ အချက်အလက်တချို့
တချို့လူတွေဟာ ဒုက္ခရောက်တဲ့အချိန်မှသာ ကျွန်တော့်ဆီ ရောက်လာတတ်ကြတယ်။
သူတို့ တစ်ခုခုဖြစ်နေပြီဆိုရင် ကျွန်တော့်ကို သတိရကြတယ်။
ဖုန်းဆက်လာတတ်တယ်။
လူနေကောင်းလား လာမေးတတ်တယ်။
ကျွန်တော့်ကို မှီခွါးအသုံးချတတ်ကြတယ်။
ဒါပေမဲ့ သူတို့ရဲ့ ကောင်းကင်ယံက ပြန်ကြည်လင်သွားပြီ၊ အခက်အခဲတွေ ပြီးဆုံးသွားပြီဆိုရင်တော့ ကျွန်တော်ဆိုတဲ့လူဟာ ကမ္ဘာပေါ်မှာ မရှိခဲ့သလိုမျိုးပဲ ပျောက်ကွယ်သွားကြပြန်ရော။
ခံစားချက်နဲ့ သင်ခန်းစာ
ဒါဟာ တကယ်တော့ နာကျင်ရပါတယ်။ တစ်ခုခု ပြန်ရဖို့ မျှော်လင့်ခဲ့လို့ မဟုတ်ပါဘူး။ ကိုယ်ဟာ သူတို့အတွက် တကယ်တန်ဖိုးထားရတဲ့သူ မဟုတ်ဘဲ၊ မိုးခိုစရာ နေရာတစ်ခုသက်သက်ပဲ ဖြစ်ခဲ့ရလို့ပါ။
အခုဆိုရင် တစ်ယောက်ယောက်က သူတို့ရဲ့ မုန်တိုင်းထန်နေတဲ့ အချိန်မှာ ကျွန်တော့်ဆီ ပြန်ရောက်လာတိုင်း ကိုယ့်ကိုယ်ကိုယ် ပြန်မေးမိတယ် -
"နေသာတဲ့နေ့ကျရင်ကော သူတို့ ငါ့ကို မှတ်မိနေပါဦးမလား?"
ဘာလို့လဲဆိုတော့...
ကြင်နာတတ်ခြင်းဆိုတာ အနင်းခံ ဖျာတစ်ချပ်ဖြစ်ဖို့ မဟုတ်ပါဘူး။
ကူညီပေးတယ်ဆိုတာ သူတို့အတွက် မိုးရွာတိုင်း ကိုယ့်ကိုယ်ကိုယ် မီးရှို့ဖျက်ဆီးပြနေဖို့ မဟုတ်ပါဘူး။
အခုတော့ ကျွန်တော် ဘယ်သူ့ကို ထီးငှားရမလဲဆိုတာ သေချာရွေးချယ်တတ်နေပါပြီ။
16/05/2026
ခွင့်လွှတ်ပေးတက်သူဖြစ်တာအကောင်းဆုံးပါ ဒါပေမဲ့
အဲ့ဒီခွင့်လွှတ်လိုက်ရမှုကပေးတဲ့ အကြောင်းအရာကိုတော့
ဘယ်တော့မှ မမေ့ပါနဲ့ ခွင့်လွှတ်တတ်တဲ့ စိတ်ထားရှိဖို့
လိုသလို ကိုယ့်ရဲ့ တန်ဖိုးကို ထိန်းသိမ်းဖို့အတွက် အမှတ်
ရှိဖို့လည်း လိုအပ်ပါတယ်
ခွင့်လွှတ်တယ်ဆိုတာ ကိုယ့်စိတ်အေးချမ်းဖို့အတွက်ဖြစ်
ပြီး အမှတ်ရှိတယ်ဆိုတာကတော့ ကိုယ့်ကိုယ်ကိုယ် ထပ်
အနာမခံတော့ဖို့အတွက်ပါ နှလုံးသားကို ဖြူစင်အောင်
ထားပါ ဒါပေမဲ့ ဦးနှောက်ကိုတော့ သတိရှိရှိ အသုံးချပါ
ခွင့်လွှတ်ခြင်းက သင့်ကို လူတော်တစ်ယောက် ဖြစ်စေပြီး
အမှတ်ရှိခြင်းက သင့်ကို လူအ တစ်ယောက် မဖြစ်အောင်
ကာကွယ်ပေးပါလိမ့်မယ်
ခွင့်လွှတ်ခြင်းမှာ အသိဉာဏ်ပါပါစေ 🧠
စိတ်ထားကောင်းပါ ဒါပေမဲ့ အသုံးချမခံပါနဲ့
ခွင့်လွှတ်ပေးလိုက်တာဟာ နောက်တစ်ကြိမ် အမှားလုပ်ဖို့
ခွင့်ပြုချက်ပေးလိုက်တာ မဟုတ်ပါဘူး
14/05/2026
(ဘဝပြောင်းချင်ရင် စိတ်ကို အရင် ပြောင်းပါ)
ဘဝက တစ်ခါတစ်ရံ အခက်အခဲတွေနဲ့ အနက်ရောင်မိုးတိမ်တွေနဲ့ လုံလောက်စွာ ဖုံးလွှမ်းသွားနိုင်ပါတယ်။
အဲဒီအချိန်မှာ အနာဂတ်က ------
အလင်း တစ်စက်ပဲမပေါ်တော့သလို
ထွက်ပေါက် မရှိတဲ့ ဝင်္ကပါထဲ ညှပ်ထားသလို ခံစားရတတ်ပါတယ်။
ဒါပေမယ့်
အမှန်တရားကတော့
ဘဝထဲမှာ အဖြေမရှိတဲ့ ပြဿနာဆိုတာ မရှိပါ။
ဘဝဟာ အမြဲတမ်း မျှော်လင့်ချက်တစ်စင်းပါပဲ
နောက်တစ်လမ်းလေးကို ထားပေးထားပါတယ်။
လမ်းမတွေ့တော့ဘူး၊
အဖြေပျောက် သွားပြီးလို့ ထင်သည့်အချိန်တောင်
မင်းကို အဲ့ဒီနေရာကို လှမ်းပို့ခဲ့တဲ့သူက အခြားသူမဟုတ်ဘဲ မင်းရဲ့ အတွေးတွေ ဖြစ်ကြောင်း သတိရဖို့လိုပါတယ်မိတ်ဆွေ။
အဲဒီကြောင့် မင်းဘဝကို ပြောင်းချင်တယ်ဆိုရင်
အရင်ဆုံးစိတ်ထဲက မကောင်းတဲ့အတွေး တွေကို
ထိန်းချုပ်နိုင်ဖို့ ကြိုးစားပါ။
စိတ်ကို ပိုင်နိုင်တဲ့သူက ဘဝကိုလည်း ပိုင်နိုင်မယ်။
မင်းကိုယ်မင်း သိလာတဲ့အခါ၊
ကိုယ့်အတွေးတွေကို သေချာ စမ်းသပ်ကြည့်နိုင်တဲ့အခါ
အဲ့ဒီအချိန်ကစပြီး မင်းဘဝဟာ
တစ်စစ်ချိုး ပြောင်းလဲသွားမယ်။
စိန်တစ်လုံးဟာ ဖိအားအောက်မှာသာ ဖွားထွက်လာနိုင်တဲ့ ကျောက်မီးသွေး တစ်ပိုင်းပဲ ဆိုတာကို
အခက်အခဲတွေ၊ ဖိအားတွေကို
မိမိကိုယ်ပိုင် စိတ်ဓာတ်နဲ့ ကြုံမယ်ဆိုရင်
အလင်းတန်းထွက်တဲ့ တန်ဖိုးရှိတဲ့ မင်းဘဝတစ်ခု ဖြစ်ပေါ်လာမယ်။
ဘဝမပြောင်းခင် စိတ်ကို အရင်ပြောင်းပါမိတ်ဆွေ။
ဒါဟာ အကြီးမားဆုံး ရွေးချယ်စရာလမ်းပဲဖြစ်တယ်။
ဖိအားကြောင့် စိန်တတုံး ဖြစ်လာတာပါ။
သင်ဟာ
ကျောက်မီးသွေးမဟုတ်ပါ
သင်ဟာ အဖိုးတန်သော စိန်တလုံးဖြစ်ပါတယ်။
သင်ဟာ တန်ဖိုးရှိတဲ့လူတစ်ယောက်ဖြစ်ကြောင်း
သင်ကိုယ်တိုင် သက်သေပြရပါလိမ့်မယ်။
14/05/2026
အလုပ်တစ်ခုကို ငါ... မလုပ်နိူင်ပါဘူးလို့ ဘယ်တော့မှ မ တွေးလိုက်ပါနဲ့..။
ကိုယ့်ကို... စွန့်ခွာသွားသူတစ်ယောက်ကို ငါမမေ့နိူင်ပါ ဘူးလို့ မတွေးပါနဲ့။
သူများအလုပ် …လုပ်ကိုင်နေရလို့ ငါလုပ်ငန်းရှင်တစ် ယောက် ….ဖြစ်မလာနိူင်ပါဘူးလို့ မတွေးပါနဲ့။
ကိုယ့်မှာ... တီးတိုးဖော်မရှိတော့လို့ ငါ တစ်ယောက်တည်း မနေနိူင်ပါဘူးလို့ မတွေးပါနဲ့။
ကိုယ်တန်ဖိုးထားရသူတွေ... ဆုံးရှုံးသွားလို့ ငါ့ဘဝက.. အဓိပ္ပါယ်မဲ့သွားပီလို့ မတွေးလိုက်ပါနဲ့။
ရှုံးနိမ့်ခြင်းတွေ …. ကြုံနေရလို့ ကိုယ့်ကိုယ်ကို အသုံးမကျ တဲ့သူပါလားလို့ မတွေးပါနဲ့။
ကြမ္မာဆိုး တွေမွှေနှောက်ခံရတိုင်း ငါ့ဘဝက ဘယ်တော့ မှ …ကံမကောင်းနိူင်ပါဘူးလို့ မတွေးလိုက်ပါနဲ့။
ရောဂါဝေဒနာတွေ… ခံစားရလွန်းလို့ ငါ့ဘဝက ဇာတ် သိမ်းခန်းရောက်ပီလို့ ..မတွေးလိုက်ပါနဲ့။
အဲ့ဒီလို တွေးလိုက်မိပီဆိုတာနဲ့ သင့်ဘဝက တစ်ဝက်သေ သွားတာ သေချာသွားပီလေ။
ပိုးစုန်းကြူးလို သူတို့မှာရှိနေတဲ့ ကိုယ်ပိုင်အလင်းရောင်နဲ့ လောကကြီးကို ..အကောင်သေးသေးလေးတွေတောင် အလင်းရောင် ပေးစွမ်းနေကြတယ်….။
အဆင်မပြေမှုတွေ ၊ နှလုံးသားရဲ့ ခံစားမှူတွေ ဖိစီး နှိပ်စက်ခံရတိုင်း... ဘဝကို ရေစုန်မျောနေမိရင် လောက ကြီးက မင်းကို ကောင်းချီးပေးမှာ မဟုတ်ဘူးလေ။
သူငယ်ချင်း..ကိုယ့်ကိုယ်ကို အထင်သေးတဲ့တစ်နေ့ မင်း ဟာ တန်ဖိုးမဲ့ လူသားတစ်ယောက်ဖြစ်မှန်း မသိဖြစ်လာ ပီး လူ့လောကကို လက်ကမ်းကြိုဆိုခဲ့..တဲ့ မိဘမျက်နှာကို အိုးမဲသုတ်လိုက် သလိုပါပဲ။
ငါမလုပ်နိူင်ဘူး ၊... မဖြစ်နိူင်ဘူးလို့ တွေးတဲ့နေ့က မင်း သေသွားတဲ့နေ့ပဲ ဖြစ်သင့်တယ်။
ခံစားချက်တွေ များလွန်းလို့ မခံမရပ်နိူင်ဖြစ်နေရင် တစ် ရက်တော့ ငိုပါ ပီးရင်တော့ ပြုံးနိူင်အောင် ကြိုးစားပါ။
14/05/2026
ကြောက်စရာကောင်းတဲ့လူ ...
သူ့ အိမ်က
ပိုကောင်းတယ်လို့
ပင့်ကူ အချင်းချင်း မတွေးကြဘူး။
သူ့ အသံက
ပိုချိုတယ်လို့
ဥဩ အချင်းချင်း မတွေးကြဘူး။
သူ့ အတောင်ပံက
ပိုလှတယ်လို့
လိပ်ပြာ အချင်းချင်း မတွေးကြဘူး။
သူ့ အရောင်က
ပိုလင်းတယ်လို့
ကြယ် အချင်းချင်း မတွေးကြဘူး။
သူက အမှတ်ပိုများတယ်
သူက အလုပ်ပိုကောင်းတယ်
သူက ရာထူးပိုမြင့်တယ်
သူက နာမည်ပိုကြီးတယ်
သူက ပိုသာတယ်
သူက ပိုတော်တယ်
သူက ပိုတယ်
လူအချင်းချင်း တွေး
လူအချင်းချင်း တွန်း
လူအချင်းချင်း တိုက်ကြတယ်။
ကူ မလိုနဲ့ ယူ
ထူ မလိုနဲ့ ခြူ
ခြေထိုး ပြီးမှ ရှေ့တိုးတက်တာ လူ။
လျှာဖျားမှာ မေတ္တာတရား
နှလုံးသားက မစ္ဆရိယပွားတာ လူ။
ဆင်းရဲတာကြားရင် အားရ၊
မျက်ရည်ကျတာမြင်ရင် ပျော်ကြတာ လူ။
ပင်လယ်ရေကို မောင်ပိုင်စီး
ဝန်တိုလောင်မီးနဲ့
မနာလိုစိတ်ကြီးတာ လူ။
လူ လူ လူ
ကြောက်စရာကောင်းတဲ့ လူ။
ဪမေ့လို့
"ငါ"ဆိုတဲ့ကောင်ကလည်း
အဲဒီလူတွေထဲက "လူ"
အဲ့လို လူ မဖြစ်အောင်
ဆင်ခြင်နေရတဲ့ ငါ့လိုလူ
#ဦးအောင်သင်းစာပေ_hein_ဟိဏ်း
12/05/2026
ဘဝမှာ အေးချမ်းစွာ နေချင်ရင်
“ပုံကြီးမချဲ့နဲ့” ✨
လူတစ်ယောက်ရဲ့ စိတ်ပင်ပန်းမှု အများစုဟာ
ပြဿနာကြီးလို့ မဟုတ်ဘူး…
အဲဒီပြဿနာကို ကိုယ်က
ဘယ်လောက်ထိ “အတွေးတွေနဲ့ ဆွဲကြီးထားသလဲ” ဆိုတာကြောင့် ဖြစ်တာများတယ်။
ရေဖန်ခွက်တစ်ခွက်ကို
ခဏလောက် ကိုင်ထားရင် မလေးဘူး။
ဒါပေမဲ့…
မချဘဲ ဆက်ကိုင်ထားလေလေ
လက်တွေ ညောင်းလာပြီး နာကျင်လာသလို
ဘဝရဲ့ စိတ်ဒဏ်ရာတွေလည်း
မလွှတ်ဘဲ ဆက်တွေးနေမယ်ဆိုရင်
စိတ်ကို ပိုပြီး ပင်ပန်းစေတတ်တယ်။
တချို့စကားတွေဟာ
ကြားပြီးသွားတဲ့ ခဏမှာပဲ ပြီးသင့်တာ။
ဒါပေမဲ့
ပြန်တွေး… ပြန်ခံစား…
ပုံကြီးချဲ့နေမယ်ဆိုရင်
ကိုယ့်နှလုံးသားကို ကိုယ်တိုင် နာကျင်စေတာပဲ ဖြစ်တယ်။
အေးချမ်းမှုဆိုတာ
ပြဿနာမရှိတာ မဟုတ်ဘူး။
ရှိနေတဲ့ ပြဿနာကို
“ဘယ်လောက်ပေါ့ပေါ့ပါးပါး ကိုင်တွယ်တတ်သလဲ” ဆိုတာပဲ။
တခါတလေ…
အရာရာကို မှန်ဘီလူးနဲ့ ကြည့်မနေဘဲ
သေးတဲ့အရာကို သေးသလိုပဲ မြင်တတ်ဖို့ လိုတယ်။
အချိန်တန်ရင်
လွှတ်ချသင့်တဲ့အရာကို လွှတ်ချနိုင်မှ
ဘဝဟာ ပိုပြီး ပေါ့ပါးလာမယ်။
လောကကြီးမှာ
အရာရာကို ပုံကြီးချဲ့မနေဘဲ
လွှတ်ချတတ်တဲ့သူတွေကသာ
တကယ် အေးချမ်းစွာ နေနိုင်ကြတာပါ…။ 🌿
ကံကောင်း ✍
#ကံကောင်းစာပေမှမေတ္တာဖြင့်မျှဝေသည်
08/05/2026
စိတ်မကြည်နေတဲ့အချိန်မှာ
ဒီစကား (၅) ခွန်းကို သတိရပါ။
နံပါတ် (၁)
အရာအားလုံး
အချိန်တန်ရင် ပြီးသွားမှာပါ။
နံပါတ် (၂)
အရာအားလုံးက အကောင်းအတွက်
ဖြစ်တည်လာတာပါ။
နံပါတ် (၃)
ငါ ပင်ပန်းနေရုံလေးပါ
တစ်ရေးလောက် အိပ်လိုက်ရင်
ကောင်းသွားမှာပါ။
နံပါတ် (၄)
ငါက ငါပဲ
သာလွန်နေတဲ့လူ မဟုတ်သလို
ညံ့လွန်းတဲ့လူလည်း မဟုတ်ပါဘူး။
နံပါတ် (၅)
ကိုယ့်ဥစ္စာမှန်ရင်
နောက်ဆုံးထိ ကိုယ့်ဥစ္စာပါပဲ။
ကိုယ့်ဥစ္စာမမှန်ရင်
လုပ်ယူလို့လည်း မရပါဘူး။
08/05/2026
ဘဝကို ပိုမိုပေါ့ပါးပြီး အဓိပ္ပာယ်ရှိစေဖို့ ဒီ "သော့ချက် ၃ ခု" ကို အမြဲဆောင်ထားပါ
၁။ လက်ခံပါ
အရာအားလုံးဟာ ကိုယ်ဖြစ်ချင်သလို ဖြစ်မလာနိုင်ပါဘူး။ အခြေအနေတစ်ခုကို အရှိအတိုင်း အေးအေးချမ်းချမ်း လက်ခံနိုင်ဖို့ သင်ယူရပါမယ်။
၂။ ပြောင်းလဲပါ
အခြေအနေတစ်ခုကို သင်လက်မခံနိုင်ဘူးဆိုရင် ငြိမ်ခံမနေပါနဲ့။ ကိုယ့်ရဲ့ အရည်အချင်း၊ ကိုယ့်ရဲ့ အတွေးအခေါ်နဲ့ လုပ်ဆောင်ချက်တွေကို ပြောင်းလဲပြီး အဖြေရှာကြည့်ပါ။
၃။ လွှတ်ချပါ
အကောင်းဆုံး ကြိုးစားကြည့်ပြီးလို့မှ ပြောင်းလဲလို့မရတော့တဲ့အရာတွေကိုတော့ ဆုပ်ကိုင်မထားပါနဲ့တော့။ အတင်းအကျပ် ဆုပ်ကိုင်ထားတဲ့အခါ ကိုယ်ပဲ နာကျင်ရတတ်လို့ ညင်သာစွာ လွှတ်ချလိုက်ဖို့ လိုပါတယ်။
"လက်မခံနိုင်ရင် ပြောင်းလဲလိုက်ပါ၊ ပြောင်းလဲလို့မရရင် လွှတ်ချလိုက်ပါ"
ရှင်သန်ခြင်းဆိုတာ အစဉ်တစိုက် သင်ယူရင့်ကျက်နေရခြင်းဖြစ်ပြီး အဲဒီလို ရင့်ကျက်လာခြင်းကပဲ လူ့ဘဝရဲ့ တကယ့်အနှစ်သာရပါ။ ဒီနေ့ကစပြီး စိုးရိမ်ပူပန်မှုတွေကို လွှတ်ချပြီး ပေါ့ပေါ့ပါးပါးလေး ဖြတ်သန်းကြည့်ရအောင်လားဗျာ။ 😊
#စိတ်ခွန်အားဖြည့်စာစုများ
14/05/2026
14/05/2026
14/05/2026
12/05/2026
08/05/2026
08/05/2026