पोपटराव किसनराव थोरात महाविद्यालय, खुटबाव

17/02/2022

भैरवनाथ शिक्षण मंडळाच्या सर्व शाखांमधील शिक्षक - शिक्षकेतरांना कळविण्यात येते की , आपल्या संस्थेचे चेअरमन मा.रमेशअप्पा थोरात आणि त्यांच्या सुविद्य पत्नी सौ. मंगलताई थोरात ह्यांची प्रकट मुलाखत प्राचार्य डॉ. अविनाश सांगोलेकर हे उद्या शुक्रवार, दि.१८ फेब्रु. २०२२ रोजी सकाळी ९ वाजता खुटबाव येथील पोपटराव किसनराव थोरात महाविद्यालयाच्या प्रांगणात घेणार आहेत.
तरी ज्यांना शक्य आहे , अशा शिक्षक - शिक्षकेतरांनी ह्या कार्यक्रमास उपस्थित राहावे.ज्यांना शक्य नाही , अशांनी हा कार्यक्रम https://www.facebook.com/PKTCK.IN/
ह्या फेसबुक लिंकवर पाहावा.शिवाय आपापल्या शाखेतील विद्यार्थी - विद्यार्थिनींना हा कार्यक्रम पाहण्याची सोय करता आल्यास तसा प्रयत्न करावा.
- भाऊसाहेब ढमढेरे,
व्हा.चेअरमन,
भैरवनाथ शिक्षण मंडळ, खुटबाव

05/10/2021

भैरवनाथ शिक्षण मंडळ व पोपटराव किसनराव थोरात महाविद्यालय, खुटबाव आयोजित, संस्थापक चेअरमन कै. पोपटराव थोरात ह्यांचा व्दितीय स्मृतिदिन, भैरवनाथ विज्ञान महाविद्यालयाचा पोपटराव किसनराव थोरात महाविद्यालय नामांतर सोहळा, महाविद्यालयाची दशकपूर्ती आणि महाविद्यालयाच्या *संतुलन* या वार्षिकाचे प्रकाशन
यूट्यूब लाईव्ह सकाळी १०:३० वा
👇🏻

पोपटराव किसनराव थोरात महाविद्यालय नामांतरण सोहळा खुटबाव

04/10/2021

पोपटराव किसनराव थोरात महाविद्यालय नामांकन सोहळा आणि महाविद्यालयाचा दशकपूर्ती सोहळा, महाविद्यालयाचा वार्षिक अंक संतुलन प्रकाशन

10/07/2021

पत्रकारांसाठीचा ' कोरोनायोद्धा ' सन्मान प्रदान समारंभ , तसेच विद्यार्थ्यांसाठीचा' सहजयोग ' प्रमाणपत्र प्रदान समारंभ लवकरच लाईव्ह करत आहोत.

20/06/2021

05/06/2021

आज दि. ०५/०६/२०२१ रोजी भैरवनाथ शिक्षण मंडळाच्या भैरवनाथ विज्ञान महाविद्यालय, खुटबाव येथे भूगोल विभाग, अंतर्गत गुणवत्ता हमी कक्ष व राष्ट्रीय सेवा योजना यांच्या संयुक्त विद्यमाने 'जागतिक पर्यावरण दिनानिमित्त' व्याख्यान आयोजित करण्यात आले. या कार्यक्रमाला वक्ते म्हणून केडगाव येथील 'एक मित्र, एक वृक्ष ' चळवळीचे श्री. प्रशांत मुथा लाभले होते. या कार्यक्रमाचे स्वागत व प्रास्ताविक सा.प्रा. मणिशा देशमुख यांनी केले.
केडगाव व परिसरातील गावांमध्ये वृक्ष लागवड व संवर्धनाचे काम मोठ्या प्रमाणावर उभं करण्याच काम या चळवळीच्या माध्यमातुन केले आहे. आपल्या मित्राच्या नावानं एक तरी वृक्ष लावून त्याच संगोपन करण्याची एक अफलातून कृती व या माध्यमातुन हजारो वृक्ष लागवडीचे काम या माध्यमातुन उभे राहीले. तसेच 'आईचं बन' हि देखिल संकल्पना आपल्या आईची आठवण जपण्यासाठी एक वृक्ष लावून त्याची निगा राखणे होय. पक्षांसाठी ज्युसबार च्या माध्यमातुन देशी वृक्षांची लागवड व त्यामाध्यमातुन वृक्ष संवर्धनाचा धडा त्यांनी समाजाला दिला आहे. या कामात त्यांनी अनेक व्यापारी, डाॅक्टर्स, शिक्षक, विद्यार्थी, कामगार अशा सर्वानाच सामावुन घेत हि चळवळ उभी केली आहे.
या कार्यक्रमाच्या निमित्ताने त्यांनी या सर्व गोष्टींवर भरभरून प्रकाश टाकला. कार्यक्रमात भैरवनाथ शिक्षण मंडळाचे व्हा.चेअरमन श्री. भाऊसाहेब ढमढेरे, सह- सचिव सूर्यकांत खैरे व संचालक श्री. अरूण थोरात यांनी या चळवळीत सहभागी होऊन काम करण्याची तयारी दर्शविली. त्याच प्रमाणे त्यांनी या क्षेत्रात केलेल्या कामाचे अनुभव देखिल सांगितले. प्राचार्य डॉ.अविनाश सांगोलेकर यांनी आपले अध्यक्षीय भाषण करताना भैरवनाथ विज्ञान महाविद्यालयाच्या माध्यमातुन हि संकल्पना पुढे घेऊन जाण्यासाठी शिक्षक व विद्यार्थी आणखी मोठ्या प्रमाणात सहभाग घेतील असे सांगितले.
या कार्यक्रमात प्रश्न विचारलेल्या विविध प्रश्नांवर श्री. प्रशांत मुथा सरांनी सखोल मार्गदर्शन केले. या चळवळीतील मुथा यांचे सहकारी तसेच आमचे मार्गदर्शक डाॅ. संदीप देशमुख देखिल या कार्यक्रमात आवर्जून उपस्थित होते. या निमित्ताने चिपको आंदोलनाचे प्रणेते गांधीवादी पद्मभूषण, पद्मविभूषण डाॅ. सुंदरलाल बहुगुणा यांना देखिल आदरांजली अर्पण करण्यात आली. या कार्यक्रमाचे सूत्रसंचालन सा. प्रा. आरती सुतार यांनी केले तर आभार सा. प्रा. अनिल सोनवणे यांनी यांनी केले.

26/05/2021

दि. २५/०५/२०२१ रोजी भैरवनाथ विज्ञान महाविद्यालय खुटबाव येथे ऑनलाईन स्वरूपात 'गप्पा कलाकाराशी' या कार्यक्रमाचे आयोजन मराठी विभाग व राष्ट्रीय सेवा योजना यांच्या वतीने करण्यात आले. या कार्यक्रमात सिनेसृष्टीतील प्रसिद्ध अभिनेते जयवंत वाडकर हे पाहुणे म्हणून लाभले होते.
भैरवनाथ विज्ञान महाविद्यालयातील विद्यार्थ्यांबरोबर त्यांनी विविध विषयांवर गप्पा मारल्या 'सकारात्मक दृष्टीने माणुस मोठा होतो' असे प्रतिपादन केले. सिनेमा, समाज, समाजिक बांधिलकी या विषयांवर भरभरून बोलत. त्यांनी प्रसिद्ध दिवंगत अभिनेते इरफान खान यांच्या आठवणींना त्यांनी उजाळा दिला. या कार्यक्रमात भैरवनाथ शिक्षण मंडळाचे व्हा. चेअरमन श्री. भाऊसाहेब ढमढेरे, सह- सचिव श्री. सूर्यकांत खैरे, संचालक अरूण थोरात, भैरवनाथ विज्ञान महाविद्यालयाचे प्राचार्य डॉ.अविनाश सांगोलेकर, राष्ट्रीय सेवा योजनेचे समन्वयक सा.प्रा. धनंजय भिसे, महाविद्यालयाचे विद्यार्थी, शिक्षक व शिक्षकेतर कर्मचारी उपस्थित होते.

बातमी : सकारात्मक दृष्टीने माणूस मोठा होतो; चित्रपट अभिनेते जयवंत वाडकर यांचे खुटबाव येथील महाविद्यालय कार्यक्रमात प्रतिपादन https://public.app/s/QS6c5

22/05/2021

आज २२ मे २०२१ , शनिवार रोजी सकाळी ११ ते दुपारी १ ह्या वेळेत खूटबाव ( ता.दौंड , जि.पुणे ) येथील भैरवनाथ शिक्षण मंडळाच्या भैरवनाथ विज्ञान महाविद्यालयाने मराठी विभाग , मराठी वाड़मय मंडळ शाणि अंतर्गत गुणवत्ता हमी कक्ष ह्यांच्या संयुक्त विद्यमाने नामवंत कवी अरुण म्हात्रे ( ठाणे ) ह्यांचा ' जाऊ कवितेच्या गावा ' हा लोकप्रिय कार्यक्रम ऑनलाईन स्वरूपात आयोजित केला होता. अध्यक्षस्थानी महाविद्यालयाचे प्राचार्य डॉ. अविनाश सांगोलेकर हे होते. संस्थेचे पदाधिकारी भाऊसाहेब ढमढेरे ( व्हाईस चेअरमन ) आणि अरुण थोरात (सर) ह्यांची प्रमुख उपस्थिती ह्या प्रसंगी होती.

'"ज्यांना मनुष्यत्वाचा वारा लागलेला असतो,त्यांना कवितेचा वारा लागलेला असतो ,"असे उद्गार ह्या प्रसंगी अरुण म्हात्रे ह्यांनी काढले. या कार्यक्रमात त्यांनी मंगेश पाडगावकर , विंदा करंदीकर , ग्रेस, शांता शेळके,ना.धों.महानोर, सुरेश भट , महेश केळुसकर अशा अनेक कवींच्या गाजलेल्या कविता त्या त्या कवींच्या शैलीत सादर केल्या. अलीकडेच ज्यांचं निधन झालं , ते प्रसिद्ध गझलकार इलाही जमादार ह्यांना आदरांजली अर्पण करत त्यांनी ' अंदाज आरशाचा वाटे कसा असावा....' ह्या गझलेचं गायन केलं. तसेच सुरेश भटांसोबतच्या अनेक आठवणींना उजाळाही त्यांनी ह्या कार्यक्रमाच्या निमित्तानं दिला. ग्रामीण कविता, कामगारांवरच्या कविता , ह्याबरोबरच तुमच्या माझ्या आयुष्यात घडणार्‍या अनेक घटनांमधून कविता कशी जन्म घेते , ह्याचाही उलगडा त्यांनी ह्या कार्यक्रमात केला.

प्रारंभी मराठी विभागाचे आणि मराठी वाड्मय मंडळाचे समन्वयक सा. प्रा. धनंजय भिसे ह्यांनीनी स्वागत आणि प्रास्ताविक केले , तर शेवटी अंतर्गत गुणवत्ता हमी कक्षाचे समन्वयक , शारीरिक शिक्षण संचालक सा. प्रा. अनिल सोनवणे ह्यांनी आभारप्रदर्शन केले. सूत्रसंचालन अंतर्गत गुणवत्ता हमी कक्षाचे एक सदस्य सा.प्रा.निखिल होले ह्यांनी केले.