Maulana mohammad tahseen raza misbahi

احساس انسان کی فطرت کا وہ بنیادی جوہر ہے جو اسے حیوان سے ممتاز کرتا ہے۔ عقل اور شعور کے ساتھ ساتھ جب دل میں احساس بھی زندہ ہو تو انسان حقیقی معنی میں انسانیت کے درجے پر فائز ہوتا ہے . احساس دراصل اپنے وجود کے دائرے کو دوسروں تک پھیلانے کا نام ہے، یعنی اپنی راحت کو دوسروں کی راحت میں تلاش کرنا اور اپنی تکلیف کو دوسروں کی تکلیف کے ساتھ مربوط کرنا .
احساس کی کمی ہی ظلم، استحصال، بے حسی اور رشتوں کی ٹوٹ پھوٹ کی جڑ ہے۔ جب انسان اپنی ذات سے اوپر اٹھ کر دوسروں کے جذبات کو محسوس کرتا ہے تو معاشرہ عدل، رحمت اور امن کا گہوارہ بن جاتا ہے۔
یوں کہا جا سکتا ہے کہ احساس کے بغیر علم بے اثر ہے، دولت بے مصرف ہے اور عبادت بے روح ہے . احساس ہی عبادت کو نور بخشتا ہے، علم کو عمل سے جوڑتا ہے اور دولت کو خیرات و انفاق کی طرف لے جاتا ہے۔

محمد تحسین رضا قادری مصباحی
جامعہ فاطمۃ الزہرا
دونار چوک دربھنگہ

If u want to do something