http://www.vethathirianvethasubbiah.com/

Vetha, B6, Housing Unit, Seeranaicken Palayam, Coimbatore (2026)

27/09/2026

*மனவளக்கலையைக் கற்பிக்கும் ஞானாசிரியரின் கனிவான பார்வைக்கு----!*

*முழுமை நலவாழ்விற்கும் ஆன்மீக அறிவிற்கும் உள்ள தொடர்பு!*

உடல் நலத்தோடும், பொருள் வளத்தோடும், நட்பு நலத்தோடும் உலக இன்பங்களைத் துய்த்து போதும் என்ற மனநிறைவோடும் வாழ்வது *முழுமை நலவாழ்வு.*

ஆறாவது அறிவைக் கொண்டு அகத்தவம் செய்து புலன் கடந்து சிந்தித்து, ஆன்மாவே(மெய்ப்பொருளே) எழுச்சி பெற்று விண் முதல் மண் வரை ஐம்பூதங்களாகி,உலகங்களாகி,
நிலவுலகில் முறையாகக்கூடி ஓரறிவு தாவரம் முதல் ஆறறிவு மனிதன் வரை அனைத்து உயிர்களாக உள்ளதை அறிந்த அறிவே *ஆன்மீக அறிவு.*

ஆன்மாவை அறிந்த அறிவிற்கு, இயற்கையின் உச்சகட்ட நிகழ்ச்சியே மனித வாழ்க்கை என்பதும், இயற்கை வளங்களை வாழ்க்கை அனுபோகப் பொருட்களாக மாற்றி இயற்கையை இரசித்து இன்பமுற கடவுளே மனித சமுதாயமாக வாழும் உண்மையும் விளக்கும்.

*"ஒன்றே குலம் ஒருவனே தேவன்; யாதும் ஊரே யாவரும் கேளிர்"* என்ற உண்மையை உணர்ந்த மனிதனுக்கு,

1)சமுதாயத்திலிருந்து தன்னை தனியாகக் கருதும் *தான் என்ற அகந்தையும் தனது என்ற பற்றும் அற்றுப் போகும்.*

2)பேராசை முதலான ஆறு தீயகுணங்களும், நிறைமனம் முதலான ஆறு நற்குணங்களாக மாற்றம் பெற்று *குணநலப்பேறு கிட்டும்.*

3)அனைத்துயிரும் ஒன்றென்று அறிந்த அடிப்படையில் கடமைகளை ஆற்றும் *அன்பும் கருணையும் ஊற்றெடுக்கும்.*

4) உடல் நலம் பேணி, பொருள் வளம் பெருக்கி, நட்பு நலம் காத்து நிகழ்கால இன்பங்களைத் துய்த்து மனநிறைவு பெறும் அறிவு உள்ளுணர்வாக விளங்கும்.
"தீதும் நன்றும் பிறர் தர வாரா" என்ற *செயல் விளைவுநீதி விளங்கி விடும்.*

5)பொருள் ஈட்டும் செயலிலும், புலன் இன்பங்களைத் துய்க்கும் செயலிலும் ஒழுக்கம், கடமை, ஈகை ஆகிய இயற்கைநீதியை மதித்து அறவழியில் பொருள் ஈட்டி, தனக்கும் பிறருக்கும் துன்பம் தராமலும் பிறர் துன்பம் போக்கியும் நல்லதைச் செய்து உடல் நலத்தோடும், பொருள் வளத்தோடும், நட்பு நலத்தோடும், உலக இன்பங்களைத் துய்த்து மனநிறைவும் அமைதியும் பெற்று *பேரின்ப வாழ்க்கையை வாழ்வார்.*

*"உடல் நலத்தோடும் பொருள் புகழ் செல்வாக்கு புலனின்பம் நான்கும் போதும் என்ற நிறைவோடும் பேரின்ப வாழ்க்கையை வாழ்வதே முழுமை நலவாழ்வு."*

முழுமை நலவாழ்விற்கு உடலுக்கு உடற்பயிற்சியும், உயிருக்கு காயகல்பப் பயிற்சியும், மனத்திற்கு அகத்தவ அகத்தாய்வுப் பயிற்சியும் அளித்து ஆன்மாவை அறியும் யோகக்கலையே மனவளக்கலை (Vethathiri SKY).

ஆன்மாவை அறிய உடலுக்கும் உயிருக்கும் மனத்துக்கும் பயிற்சிகள் அளிக்கும் போதே உடல் நலம் மேம்படும். ஆன்மாவை அறிந்ததும் உடல் நலம் காக்கும் அறிவும் மனநலம் காக்கும் அறிவும் முழுமையாக விளங்கி விடும்.

மனவளக்கலையைக் கற்று ஆன்மாவை அறிந்து அறவழியில் கடமைகளை ஆற்றி முழுமை நலவாழ்க்கையை வாழ, அருகிலுள்ள அறிவுத்திருக்கோயிலை தொடர்பு கொள்வீர்!
அன்பர்களே வாரீர்!
வாழ்க வேதாத்திரியம் வாழ்க வளமுடன்

உதவிக்கு அலைபேசி எண்:
79044 02887
70109 55300

21/09/2026

*யார் ஞானாசிரியர்?*

*1)தெய்வத்தையும்,
உடல்நலப் பிரச்சனை, பொருள்ப் பிரச்சனை,உறவுப் பிரச்சனை, மன நிறைவுப் பிரச்சனை ஆகிய வாழ்க்கைப் பிரச்சனைகளைத் தீர்க்கும் தெய்வநீதியையும் தெளிவாக அறிந்த அறிஞரே ஞானாசிரியர்!*

*தெய்வத்தையும் ,ஒழுக்கம், கடமை, ஈகை ஆகிய தெய்வநீதியையும் தெளிவாக அறிந்த அறிவின் ஒளியில் கடமைகளை ஆற்றி, உடல் நலத்தோடும், பொருள் வளத்தோடும், நட்பு நலத்தோடும் உலக இன்பங்களைத் துய்த்து மனநிறைவும் அமைதியும் பெற்று நலமாக வாழ்பவரே ஞானாசிரியர்.*
வாழ்க வேதாத்திரியம்
வாழ்க வளமுடன்

21/09/2026

*துன்பமில்லாத(இன்ப) வாழ்விற்கு வாழ்க்கைக் கல்வி!*

உடலில் தணியாத நோயோடும், மனதில் தணியாத பொருள், புகழ், அதிகாரம் ,புலனின்ப ஆசைகளோடும்வாழ்வது *துன்பவாழ்வு.*

ஆறாவது அறிவைக் கொண்டு சிந்தித்து, நான் யார்?; எங்கிருந்து வந்தேன்?; எப்படி வந்தேன்?;ஏன் வாழ்கின்றேன்? என்பதை விளங்கிக் கொண்டு வாழ்பவரே மனிதவாழ்வின் நோக்கத்தையும் வாழும் முறையையும் விளங்கிக் கொண்டு அறவழியில் பொருள் ஈட்டி, புலன் இன்பங்களை அளவோடு துய்த்து, எல்லோரும் இன்புற்று வாழ உதவி *உடல் மன துன்பமில்லாமல் வாழ்வார்.*

*"வாழ்க்கையை விளங்கிக் கொண்டு வாழ்பவரே வாழ்வாங்கு வாழ்ந்து இறைநிலையை (பிறப்பும் இறப்பும் இல்லாத நிலையை)அடைவார்."*
--வேதாத்திரியம்

வாழ்க்கையை விளங்கிக் கொண்டு வாழ்பவரே,
1)வாழ்க்கைக்குத் தேவையான பொருட்களை சமுதாயத்தோடு இணைந்து திட்டமிட்டு அறவழியில் ஈட்டிப் பகிர்ந்து பொருள் வளத்தோடும்,

2)பொருளைக் கொண்டு உடலியக்கத் தேவைகளை நிறைவு செய்து உடலில் உயிர்ச்சக்தியின் இருப்பை சீராகப் பராமரித்து உடல் நலம் காத்தும்,

3)வாழ்க்கைத் துணையோடு ஐம்பூதங்களையும் (இயற்கையை) தொட்டு, சுவைத்து முகர்ந்து, பார்த்து கேட்டு இரசித்து இன்புற்றும்,

4) உலக மக்கள் அனைவரும் நானே என்பதை அறிந்த அன்பின் அடிப்படையில் எல்லோரும் இன்புற்று வாழ உதவியும் வாழ்பவரே, *உடல் நலத்தோடும் பொருள், புகழ், செல்வாக்கு, புலனின்பம், நான்கும் போதும் என்ற மனநிறைவும் அமைதியும் பெற்று துன்பமில்லாமல் (இன்புற்று) வாழ்வார்.*

*"தன்னை அறிய தனக்கொரு கேடில்லை."*
--திருமூலர்

தன்னை அறிந்து துன்பமில்லாமல் (இன்புற்று) வாழும் வாழ்க்கைக் கல்வியே மனவளக்கலை (Vethathiri SKY).

மனவளக்கலையைக் கற்று எந்நாளும் இன்புற்று வாழ, அருகிலுள்ள அறிவுத்திருக்கோயிலை தொடர்பு கொள்வீர்!
வாழ்க
வேதாத்திரியம்
வாழ்க வளமுடன்

தொகுத்தவர்:
முதுநிலை பேராசிரியர், அருள்நிதி. வேதசுப்பையா.
அலைபேசி எண்:
70109 55300

17/09/2026

*இறைநிலையை அடைவதே மனிதப்பிறவியின் நோக்கம்.*

எல்லாம் வல்ல, யாவும் அறிந்த,எங்கும் நிறைந்த மெய்ப்பொருள் ஒன்றே, விண் முதல் மண் வரை ஐம்பூதங்களாகி, அண்டங்களாகி,முறையாகக்கூடி ஓரறிவு தாவரம் முதல் ஆறறிவு மனிதன் வரை அனைத்து உயிர்களாக உள்ளதை உணர்ந்த அறிவும் அன்பும் உடையாரே,

உடலோம்பல், பொருள் ஈட்டல், புலன் இன்பங்களைத் துய்த்தல், பிறர்க்கு உதவுதல் ஆகிய அன்றாடக் கடமைகளை,
ஒழுக்கம், கடமை, ஈகை ஆகிய அறிவழியில் ஆற்றி,

*உடல் நலத்தோடும்,பொருள் வளத்தோடும், உதவும் உறவுகளோடும் உலக இன்பங்களை அளவோடு துய்த்து மனநிறைவும் அமைதியும் அடைந்து வாழ்வாங்கு வாழ்ந்து இறைநிலையை(பிறவாதநிலையை) அடைவார்.*
வாழ்க வேதாத்திரியம்
வாழ்க வளமுடன்

15/09/2026

*நலவாழ்விற்கு தன்னை அறிந்த அறிவு.*

தன்னை அறியும் ஆறாவது அறிவோடு பிறந்திருப்பவனே மனிதன்.

ஆறாவது அறிவைக் கொண்டு புலன் கடந்து அகத்தவம் செய்து மெய்ப்பொளை உணர்ந்து, நான் யார் என்ற கேள்வியை எழுப்பிச் சிந்திப்பவர்க்கு, எல்லாம் வல்ல யாவும் அறிந்த எங்கும் நிறைந்த மெய்ப்பொருளே விண் முதல் மண் வரை ஐம்பூதங்களாகி, உலகங்களாகி,நிலவுலகில் முறையாகக் கூடி தாவரம் முதல் கால்நடைகள் வரை ஐயறிவு சீவன்களாகி, இயற்கை வளங்களை வாழ்க்கை அனுபோகப் பொருட்களாக மாற்றி,இயற்கை இன்பங்களைத் துய்க்கும் மனித சமுதாயமாக வாழ்வது விளங்கி விடும்.

வாழ்வின் நோக்கத்தை விளங்கிக் கொண்ட மனிதன்,
1)சமுதாயத்தோடு இணைந்து வாழ்க்கைக்குத் தேவையான பொருட்களை அறவழியில் பொருள் ஈட்டிப் பகிர்ந்து *பொருள் வளத்தோடு வாழ்வான்.*

2)யாருக்கும் துன்பம் தராமலும் பிறர் துன்பம் போக்கியும் *நட்பு நலத்தோடு வாழ்வான்.*

3)உலக இன்பங்களைத் துய்க்கும் நான் ஆன்மா.எனக்கு அழிவில்லை.நான் எந்நாளும் வாழ்கின்றேன் என்பதை அறிந்து நிகழ்கால புலன் இன்பங்களை அளவோடு அனுபவித்து உடல் நலத்தோடும் மன நிறைவோடும் (மன அமைதி )துன்பமில்லாமல் வாழ்வான்.*உடல் மன துன்பமில்லாத வாழ்வே நலவாழ்வு.*

*"தன்னை அறிய தனக்கொரு கேடில்லை."*
--திருமூலர்
*"மெய்ப்பொருளை அறிந்த அறிவுடையாரே துன்பமில்லாமல் வாழ்வார்."*
--திருவள்ளுவர்

*மனிதன் தன்னை மெய்ப்பொருளாக அறிந்து துன்பமில்லாமல் வாழ, தத்துவஞானி வேதாத்திரி மகரிஷி அவர்களால் வடிவமைக்கப்பட்டுள்ள வாழ்க்கைக் கல்வியே மனவளக்கலை (Vethathiri SKY).*
வாழ்க வேதாத்திரியம்
வாழ்க வளமுடன்

தொகுத்தவர்:
முதுநிலை பேராசிரியர், அருள்நிதி. வேதசுப்பையா.
அலைபேசி எண்:
70109 55300

14/09/2026

*வினாயகர் சதுர்த்தி!*

பிரணவமும் (மெய்ப்பொருள்) ஐம்பூதங்களும் இயற்கை.இயற்கையே கடவுள். *இயற்கை எனும் நந்தவனத்தில் இறுதியாக பூத்த மலரே மனிதன்.* --வேதாத்திரியம்

தன்னையும் பிறரையும் கடவுளாக அறிந்த அன்புள்ள மனிதனே தனக்கும் பிறர்க்கும் நல்லதைச் செய்து, தீவினைப் பதிவுகளைப் போக்கி துன்பமில்லாத பேரின்பத்தில் வாழ்வான் என்பதை உணர்த்துவதே வினாயகர் சதுர்த்தி விழா.

*கடவுள் பக்தர்களே!*
*சிந்தித்து செயல்டுவீர்!*
வாழ்க வேதாத்திரியம்

13/09/2026

வேதாத்திரியன் வேதசுப்பையா அவர்களின் ஆன்மீக வாழ்வு 5 நாள் ஆன்லைன் வக...

12/09/2026

*நோயற்ற வாழ்வே குறைவற்ற செல்வம்!*

சிவமே(GOD) சீவனாக உள்ளதை உணர்ந்து, ரத்தத்தில் சீவ இரசாயனங்களையும்(Bio chemicals), உடலில் சீவகாந்தசக்தியின்(Biomagnetism) இருப்பு மற்றும் ஓட்டத்தையும் சீராகப் பராமரிக்கும் அறிவுடையாரே உடல் நலம் காத்து நோயற்ற வாழ்க்கையை வாழ்வார்.
*நோயற்று வாழும் முறையை (Method of living)அறிய அருகிலுள்ள அறிவுத்திருக்கோயிலை தொடர்பு கொள்வீர்!*
வாழ்க வேதாத்திரியம் வாழ்க வளமுடன்

அன்புடன் அழைக்கும் முதுநிலை பேராசிரியர், அருள்நிதி. வேதசுப்பையா.
அலைபேசி எண்:
70109 55300

11/09/2026

*கடவுளை அறிந்த அன்புடையாரே நலமாக வாழ்வார்.*
*தீதும் நன்றும் பிறர் தர வாரா.*

*ஆறாவது அறிவைக் கொண்டு சிந்தித்து மெய்ப்பொருள் முதல் மனித மனம் வரை இயற்கையை கடவுளாக அறிந்த அன்புடையாரே, இயற்கையை மதித்து அறவழியில் பொருள் ஈட்டி, தனக்கும் பிறர்க்கும் நல்லதைச் செய்து உடல் நலத்தோடும், பொருள் வளத்தோடும், நட்பு நலத்தோடும், இயற்கை இன்பங்களைத் துய்த்து மனநிறைவு (அமைதி) பெற்று நலமாக வாழ்வார்.*

இயற்கையை கடவுளாக அறியும் யோகக்கலையே மனவளக்கலை (Vethathiri SKY) யோகா.
வாழ்க வேதாத்திரியம்
வாழ்க வளமுடன்

10/09/2026

*தன்னையோ கடவுளையோ அறிந்தவரே துன்பமில்லாமல் வாழ்வார்!*

ஆறாவது அறிவைக் கொண்டு அகத்தவம் செய்து சிந்தித்து, இயற்கை இன்பங்களைத் துய்க்கும் நான் யார்? இயற்கை இன்பங்களாக உள்ளது எது? என்ற வினாக்களை எழுப்பி, நான் மெய்ப்பொருள்(ஆன்மா)!மெய்ப்பொருளே கடவுள்(ஆன்மா ).அதுவே இயற்கை இன்பங்களாக உள்ளதைதை தெளிவாக அறிந்த அறிவுடையாரே,நிகழ்கால இயற்கை இன்பங்களை அளவோடு அனுபவித்தும், பொருள், புகழ், செல்வாக்கு, புலனின்பம் நான்கும் போதும் என்ற மனநிறைவும் பெற்று *உடல் மன துன்பமில்லாமல் வாழ்வார்!*

*"எப்பொருள் எத்தன்மைத் தாயினும் அப்பொருள் மெய்ப்பொருள் காண்பது அறிவு."*மா
--திருவள்ளுவர்

*கடவுளே இயற்கை இன்பங்களாகவும் அதைத் துய்க்கும் மனிதனாகவும் வாழ்வதை அறிந்து நிலைத்த இன்பத்தில் வாழும் முறையை அறிய அருகிலுள்ள அறிவுத்திருக்கோயிலை தொடர்பு கொள்வீர்!*
வாழ்க வேதாத்திரியம் வாழ்க வளமுடன்

அன்புடன் அழைக்கும்
முதுநிலை பேராசிரியர், அருள்நிதி. வேதசுப்பையா.
அலைபேசி எண்:
70109 55300

Vetha

27/09/2026

21/09/2026

21/09/2026

17/09/2026

15/09/2026

14/09/2026

13/09/2026

12/09/2026

11/09/2026

10/09/2026

Address

Telephone

Website

Alerts

Contact The School

Shortcuts

Share

Category

Listing takedown request