06/07/2024
"അറസ്റ്റ് ചെയ്യൂ, അറസ്റ്റെയ്യൂ...."
ജോലി കഴിഞ്ഞ് വീട്ടിൽ കയറിയതെ ഉണ്ടായിരുന്നുള്ളൂ.
മൂന്ന് വയസ്സായ മോളുടെ വകയാണ് ബഹളം.
ഇടക്ക് കയ്യൊക്കെ മുകളിലേക്ക് ആക്കി പിടിക്കുന്നുണ്ട്.
കാര്യം എന്താണെന്ന് പിടികിട്ടാതെ ഞാനങ്ങനെ സോഫയിലിരുന്നു.
കുറെ ദിവസമായി നേരത്തെ പോയി വൈകിയാണ് വീട്ടിലെത്താറ്. ഇനിയിപ്പോ അക്കാരണത്തിന് രണ്ട് ദിവസം എന്നെ വീട്ടിൽ പൂട്ടിയിടാൻ ആണോ ഈ അറസ്റ്റ് ചെയ്യൽ നാടകം. ചിന്തകൾ അങ്ങനെ പലവഴിക്ക് പോവുകയാണ്.
മോളെൻ്റെ അടുത്ത് വന്ന് ഇതാവർത്തിക്കുന്നുമുണ്ട്. കാര്യം അറിയാതെ ഞാൻ കുഴങ്ങി.
അപ്പോഴേക്കും കുടിക്കാൻ ചായയുമായി ഭാര്യ എത്തി. ഞാൻ സംശയം അവതരിപ്പിച്ചു. എന്താപ്പോ ഇവള് പറയുന്നത്?
ആരെ അറസ്റ്റ് ചെയ്യുന്ന കാര്യമാണ്??
മോള് വീണ്ടും അത് ആവർത്തിച്ചു. അത് കേട്ടതും ചിരി നിറുത്താതെ അവളങ്ങിനെ ഇരുന്നു.
പിന്നെ ചോദിച്ചു.
"എൻ്റെ മനുഷ്യാ, കുറച്ച് ദിവസായിട്ട് ഇവിടെ spelling പഠനം അല്ലേ നടക്കുന്നത്?? "
'' അതേ... ''
(അത് ശരിയാണ്. കുറച്ച് ദിവസമായി ഇംഗ്ലീഷ് അക്ഷരമാല പാടി നടക്കലാണ് മോൾക്ക് പണി. വീട്ടിൽ എത്തുമ്പോൾ 'ഈ..യ്യെ..ഫ്..ജീ....' ഇങ്ങനെ പഠിച്ച വാക്കുകൾ പാടി നടക്കുന്നുണ്ടാകും.)
ഞാൻ ചോദിച്ചു. "അത് ശരിയാണ്. പക്ഷേ അതും ഇതും തമ്മിലെന്ത് ബന്ധം??"
അവള് പറയാണ്....
രണ്ട് ദിവസമായി മോള് പഠിക്കുന്നത് " ഓ..പ്പീ..ക്യൂവാ.." അങ്ങനെയാണ്.
അതിൻ്റെ ബാക്കി പാടി നടക്കുന്നതിനിടക്കാണ് ഞാൻ വീട്ടിൽ കേറി ചെന്നതെന്ന്.
കാര്യം പിടികിട്ടാൻ കുറച്ച് നേരം കൂടെ ആലോചിക്കേണ്ടി വന്നു.
മനസ്സിലാകാത്തവർ comments പോയി നോക്കിം.
"നുറുങ്ങുകൾ"
സുഹൈൽ മാങ്ങാളി
