26/02/2013
ಏಳು ಉಪಗ್ರಹ ಉಡಾವಣೆ
ಭಾರತ ಮತ್ತು ಫ್ರಾನ್ಸ್ ಸಹಭಾಗಿತ್ವದಲ್ಲಿ ನಿರ್ಮಿಸಿರುವ `ಸರಳ್' ಸೇರಿದಂತೆ ಇತರ ದೇಶಗಳ ಸಣ್ಣ ಹಾಗೂ ಅತಿ ಸಣ್ಣ ಏಳು ಉಪಗ್ರಹಗಳನ್ನು ಹೊತ್ತ ಇಸ್ರೊದ ಪಿಎಸ್ಎಲ್ವಿ-ಸಿ20 ರಾಕೆಟ್ ಬಾಹ್ಯಾಕಾಶಕ್ಕೆ ಯಶಸ್ವಿಯಾಗಿ ಉಡಾವಣೆಗೊಂಡಿದೆ. ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ಮೊದಲ ಉಡ್ಡಯನ ಕೇಂದ್ರದಿಂದ ಸಂಜೆ 6.01 ನಿಮಿಷಕ್ಕೆ ಉಡಾವಣೆಯಾದ ಪಿಎಸ್ಎಲ್ವಿ 22 ನಿಮಿಷಗಳ ಬಳಿಕ ಯಶಸ್ವಿಯಾಗಿ ಕಕ್ಷೆ ಸೇರಿತು.
ಸಾಗರದ ಆಳ ಅಧ್ಯಯನಕ್ಕಾಗಿ ಉಡಾವಣೆ ಮಾಡಲಾಗಿರುವ 410 ಕೆ.ಜಿ ತೂಕದ `ಸರಳ್' ಉಪಗ್ರಹದೊಂದಿಗೆ ಫ್ರಾನ್ಸ್, ಆಸ್ಟ್ರಿಯಾ, ಡೆನ್ಮಾರ್ಕ್, ಬ್ರಿಟನ್ನ ದೇಶದ ಉಪಗ್ರಹಗಳೂ ಜೊತೆಗೂಡಿದವು.
ಒಟ್ಟು 23 ಉಡಾವಣೆಗಳ ಪೈಕಿ 22 ಬಾರಿ ಯಶಸ್ವಿ ಉಡಾವಣೆ ಕಂಡಿರುವ ಪಿಎಸ್ಎಲ್ವಿ ಮತ್ತೊಮ್ಮೆ ತನ್ನ ಸಾಮರ್ಥ್ಯವನ್ನು ಸಾಬೀತು ಮಾಡಿದೆ.
ಬಾಹ್ಯಾಕಾಶದಲ್ಲಿ ನಿರಂತರ ಸಾಧನೆ ಮಾಡುತ್ತಿರುವ ನಮ್ಮ ವಿಜ್ಞಾನಿಗಳಿಗೆ ನಮ್ಮ ಅನಂತ ಕೃತಜ್ಞತೆಗಳು.
