25/06/2018
*രണ്ട് അന്ധ സുഹൃത്തുക്കൾ*
*അറബിക്കഥ*
അന്ധന്മാരായി രണ്ട് സുഹൃത്തുക്കൾ എല്ലാദിവസവും രാജ്ഞിയുടെ വാതിൽപ്പടിക്കൽ ഭിക്ഷ ലഭിക്കാനായി ഇരിക്കാറുണ്ടായിരുന്നു. അതിലൊരാൾ എല്ലാ ദിവസവും ഇങ്ങനെ പറയാറുണ്ടായിരുന്നു. "രാജ്ഞിയുടെ മഹത്വം കൊണ്ട് എനിക്ക് സമ്പത്ത് ലഭിക്കട്ടെ". രണ്ടാമത്തെ എല്ലാദിവസവും ഇങ്ങനെയായിരുന്നു പറഞ്ഞിരുന്നത്. "എനിക്ക് അല്ലാഹുവിൻറെ മഹത്വം കൊണ്ട് സമ്പത്ത് ലഭിക്കണേ".
രാജ്ഞിയുടെ പേര് പറയുന്ന ആൾക്ക് എല്ലാദിവസവും 10 സ്വർണ്ണനാണയം ഉള്ളിൽ വെച്ച് പൊരിച്ച കോഴി രാജ്ഞി നൽകിക്കൊണ്ടിരുന്നു. അല്ലാഹുവിനെ പ്രാർത്ഥിച്ചയാൾക്ക് രണ്ട് വെള്ളി നാണയം നൽകി. 10 ദിവസം ആയിട്ടും വീണ്ടും സ്വർണനാണയം കിട്ടിയവനെ വാതിൽക്കൽ കണ്ടപ്പോൾ രാജ്ഞി ചോദിച്ചു നിനക്ക് ഇനിയും സന്പത്ത് മതിയായില്ലേ. അയാൾ പറഞ്ഞു. എനിക്ക് വളരെ കുറച്ച് മാത്രമാണ് ലഭിച്ചത്. അപ്പോൾ ഞാൻ നിനക്ക് തന്ന കോഴി ഇനി എന്തു ചെയ്തു. അയാൾ പറഞ്ഞു ഞാൻ രണ്ട് വെള്ളി നാണയത്തിന് മറ്റേ അന്ധനായ മനുഷ്യന് വിറ്റു അതുകേട്ട് രാജ്ഞി പറഞ്ഞു:" അല്ലാഹുവിനോട് ചോദിച്ചവന് കിട്ടേണ്ടത് കിട്ടി".
