22/10/2025
*വടംവലി മത്സരം മേരിഗിരി ഹൈസ്കൂൾ വിജയഗാഥ തുടരുന്നു*
മരഞ്ചാട്ടി ∶ കാരശേരി പഞ്ചായത്ത് മേളയിൽ നടന്ന വടംവലി മത്സരത്തിൽ ഒന്നാം സ്ഥാനവും മുക്കം സബ്ജില്ലാ കായിക മത്സരത്തിൽ ഒന്നാം സ്ഥാനവും കോഴിക്കോട് റവന്യൂ ജില്ല കായിക മത്സരത്തിൽ മികച്ച പ്രകടനവും മേരിഗിരി ഹൈസ്കൂളിലെ കുട്ടികൾ കാഴ്ചവച്ചു .
ഇന്നലെ സ്കൂളിൽ നടന്നചടങ്ങിൽ വിജയികൾക്ക് സമ്മാനങ്ങൾ
വിതരണം ചെയ്തു. 2003-ലെ എസ്.എസ്.എൽ.സി ബാച്ച്
മുൻവിദ്യാർത്ഥികളായിരുന്നു ഈ ചടങ്ങിന്റെ മുഖ്യ പിന്തുണ. 2003 എസ്.എസ്.എൽ.സി ബാച്ച് കൂട്ടായ്മയുടെ പ്രസിഡന്റ് സുബിൻ വെള്ളപ്ലാക്കൽ, സെക്രട്ടറി മനോജ് മാത്യു, ഖജാൻജി അഖിൽ പി എസ് എന്നിവർ അടങ്ങിയ ടീം കുട്ടികൾക്ക് സമ്മാനങ്ങൾ വിതരണം ചെയ്തു
വിജയിച്ച കുട്ടികളെ സ്കൂൾ ഹെഡ്മിസ്ട്രസ് സീന റോസ് , അധ്യാപകർ, രക്ഷിതാക്കൾ എന്നിവർ അഭിനന്ദിച്ചു.
സ്കൂൾ മാനേജർ റവ. ഫാ. ജോർജ് നരിവേലിൽ നൽകിയ മാർഗ്ഗനിർദ്ദേശവും നേതൃത്വവുമാണ് കുട്ടികളെ ഈ വിജയത്തിലേക്ക് നയിച്ചതെന്ന് പൂർവ്വ വിദ്യാർത്ഥികൾ നന്ദിയോടെ അനുസ്മരിച്ചു.
