02/03/2015
ചെമ്പയില് മമ്മതാക്ക എന്ന അന്നത്തെ ഒരു പുരോഗമനവാദി കല്ലായിപുഴയുടെ പരിസരത്ത്, പഴയ മട്ടിലുള്ള ഓത്തുപള്ളിയില്നിന്ന് ഭിന്നമായ രീതിയില് നടത്തി വന്നിരുന്ന ഒരു മതപാഠശാലയുടെ വാര്ഷികാഘോഷത്തില് പട്ടണത്തിലെ പ്രമുഖ മുസ്ലിംപ്രമാണികളെല്ലാം പങ്കെടുത്തിരുന്നു. വാര്ഷികം കഴിഞ്ഞ തിരിച്ച് വരവേ, കാമാക്കന്റെകത്ത് കുഞ്ഞഹമ്മദ്കോയഹാജിയുടെയും, വലിയകത്ത്അലിബറാമിയുടെയും മനസ്സില് ഈ പിന്നോക്കപ്രദേശത്ത് വിപുലമായ ഒരു മദ്രസ്സ ആരംഭിക്കേണ്ടതിനെക്കുറിച്ചുള്ള ചില ആശയങ്ങള് ഉദയം ചെയ്തു. മദ്രസത്തുല് മുഹമ്മദിയ്യയുടെ പിറവിക്ക് പ്രചോദനം അതായിരുന്നു.
കുഞ്ഞഹമ്മദ് ഹാജിയും ആലിബറാമിയും കൊയപ്പത്തൊടി മുഹമ്മദ്കുട്ടി ഹാജി അധികാരിയും ചേര്ന്ന് മദ്രസ്സ സ്ഥാപിക്കുന്നതിനെ കുറിച്ച് ആലോചിച്ച് തീരുമാനിക്കുകയും ഒരു ലക്ഷം രൂപ മൂലധനം മൂവരും ഇതിലേക്കായി വകയിരുയ്ത്തുകയും ചെയ്തു.
1918 ആഗസ്റ്റ്18ന് രജിസ്റ്റര്ചെയ്ത 'അന്സാറുല്ഇസ്ലാം ബി-തഅലീമുല്അനാം' എന്ന കമ്മിറ്റിയുടെ കീഴിലാണ് മദ്രസത്തുല് മുഹമ്മദിയ്യ സ്കൂള്ആരംഭിച്ചത്. ഫ്രാന്സിസ്റോഡില്, കോഴിക്കോട്ടെ പഴക്കം ചെന്ന ഒരു തറവാടായ ഇടിയാനം വീടിനു തൊട്ടു പടിഞ്ഞാറ് ശാദുലി പള്ളിയുടെ മുന്വശത്തെ വെളിമ്പറമ്പാണ് മദ്രസ്സാ കെട്ടിടത്തിനുള്ള സ്ഥലമായി തെരഞ്ഞെടുത്തത്. ഇടിയങ്ങര ശൈഖിന്റെ പള്ളിയില് ആണ്ടുതോറും നടക്കാറുള്ള നേര്ച്ചക്ക് വരുന്ന അപ്പവാണിഭാക്കാരുടെ സങ്കേതമായിരുന്നു ഈ പറമ്പ്.
ഒറ്റയില് ഇമ്പിച്ചമ്മദാക്കയുടെ മേല്നോട്ടത്തില്, ഏതാനും മാസങ്ങള്ക്കുള്ളില്തന്നെ കെട്ടിട നിര്മാണം പൂര്ത്തീകരിക്കുകയും 1918 ഒക്ടോബര്5ന് അന്നത്തെ മദ്രാസ്ഹൈക്കോടതി ജഡ്ജി സര്അബ്ദുറഹീം 'സ്വര്ണത്താക്കോല്' കൊണ്ട് തുറന്നു കൊണ്ട് ഉല്ഘാടനം നിര്വഹിക്കുകയും ചെയ്തു.
ഒമ്പത് വിദ്യാര്ഥികളും രണ്ടധ്യാപകരുമായിട്ട് ആരംഭിച്ച സ്കൂളില്പത്തു വര്ഷം പൂര്ത്തിയായപ്പോള്17 അധ്യാപകരും 430 വിദ്യാര്ഥികളുമായി.
മദ്രസയുടെ മൂലധനം ഒരു ലക്ഷം രൂപയും ഉല്ഘാടനദിവസം പിരിഞ്ഞു കിട്ടിയ മുപ്പതിനായിരം രൂപയും കൂടി മൊത്തം ഒരു ലക്ഷത്തി മുപ്പതിനായിരം രൂപയില് നാല്പതിനായിരം രൂപ പ്രധാന കെട്ടിടത്തിനു ചെലവഴിക്കുകയും ബാക്കി തോണ്ണൂറായിരം രൂപക്ക് പട്ടണത്തിന്റെ പ്രധാന ഭാഗങ്ങളില് സ്വത്ത് വാങ്ങി സ്ഥിരം വരുമാനം കണ്ടെത്തി. സ്കൂള് ഒരു ഹൈസ്കൂള് ആക്കി ഉയര്ത്തുന്നതിനും ഒരു ഹോസ്റ്റല് പണിയുന്നതിനും ആവശ്യമായ സാമ്പത്തിക സഹായത്തിനു 1923ല്ഹൈദരാബാദ് നൈസാമിനെ സമീപിച്ചു. നൈസാം അനുവദിച്ച ഒരു ലക്ഷം രൂപ കോഴിക്കോട്ടെ മുസ്ലിംകളുടെ ഭാഗപ്പോരില് മദ്രസത്തുല് മുഹമ്മദിയ്യക്ക് നഷ്ടപ്പെട്ടു.
സ്രാമ്പിക്കല് മാളിയേക്കല് മൊയ്തീന്കോയ, മേലെക്കാണ്ടി മൊയ്തു, മൊയ്തീന്വീട്ടില് മമ്മദ്ഹാജി, കെ.പി.മൂസ ബറാമി തുടങ്ങിയവര് മദ്രസയെ സാമ്പത്തികമായി സഹായിച്ച പ്രമുഖരാണ്. ഒരു മിഡില് സ്കൂള് ആയി പ്രവര്ത്തനമാരംഭിച്ച ഈ സ്ഥാപനം 1947ല്പൂര്ണ ഹൈസ്കൂളായി. 1995ല് വൊക്കേഷണല് സ്കൂള് ആയും 2000ല് ഹയര്സെക്കണ്ടറി സ്കൂള്ആയും ഉയര്ന്ന. എം.എം വൊക്കേഷണല് ഹയര് സെക്കണ്ടറി സ്കൂളില്ല് നിലവില് 135ഓളം സ്റ്റാഫും 3000ല്അധികം വിദ്യാര്ഥികളുമുണ്ട്.
സ്കൂളിന്റെ അമ്പതാം വാര്ഷികം പ്രമാണിച്ച് 1969ല് എം.എം ജൂബിലി പ്രിപറേറ്ററി സ്കൂള് എന്ന പ്രൈമറി വിദ്യാഭ്യാസ സ്ഥാപനം സ്ഥാപിച്ചു. മലബാറിലെ ഏറ്റവും വലിയ വിദ്യാഭ്യാസ സ്ഥാപനമായിരുന്ന മദ്രസത്തുല് മുഹമ്മദിയ്യ ഏറനാട് വള്ളുവനാട് താലൂക്കുകളുടെ വിവിധ ഭാഗങ്ങളില്നിന്നും മുക്കം, കാരശ്ശേരി തുടങ്ങിയ മലയോരപ്രദേശങ്ങളില് നിന്നും ലക്ഷദ്വീപില് നിന്നും ധാരാളം കുട്ടികള് ഇവിടെ വന്നു പഠിച്ചിരുന്നു. സമൂഹത്തിലെ ഒട്ടനവധി പ്രതിഭകളെ ഈ സ്ഥാപനം സംഭാവന ചെയ്തിട്ടുണ്ട്. അത് പോലെ പ്രഗല്ഭരായ ഒട്ടേറെ അധ്യാപകരുടെ സേവനം കൊണ്ടും ഈ സ്ഥാപനം അനുഗ്രഹീതമായിരുന്നു. എ.കെ.ഗോപാലന്(എ.കെ.ജി.), പി.ആര് നമ്പ്യാര്, എ.കെ ശേഖരപ്പിശാരടി, പാരോള് ഹുസൈന്മൌലവി, സയ്യിദ് അഹമദ്കോയ തങ്ങള്, കെ.രാഘവ്ജി, ടി.ആലിക്കോയ, എ.വി.ശേഷനാരായണഅയ്യര്, കെ.പി മുഹമ്മദ്കോയ, പി.അഹമദ്കോയ, കെ. അഹ്മെദ് കോയ, മധുരവനം.സി കൃഷ്ണകുറുപ്പ്, വക്കം അബ്ദുള്ഖാദര്, ബി.മുഹമ്മദ്, ഹസന്വാടിയില്, എം.സി.സി മൌലവി, പി.കെ.മൂസ മൌലവി തുടങ്ങിയവര് ഇവിടെ സേവനമനുഷ്ടിച്ച്ഛവരില് പ്രമുഖരാണ്.
കോയസ്സന്കോയ വീട്ടില്മാമുക്കോയ ഹാജി ആയിരുന്നു സ്കൂളിന്റെ ആദ്യ മാനേജര്. പി.കെ അബ്ദുല്അസീസ്പ്രസിഡന്റും കെ.വി കുഞ്ഞഹമ്മദ്കോയ സെക്രടറിയുമായ മാനേജ്മെന്റ് കമ്മിറ്റിക്ക് കീഴിലാണ് നിലവില് സ്കൂള് പ്രവര്ത്തിക്കുന്നത്.
