06/07/2023
പാഠപുസ്തകങ്ങളിലെ അറിവുകൾക്കപ്പുറം, ഓരോ വിദ്യാർത്ഥിയും ചിന്തിക്കുമ്പോൾ, പ്രവർത്തിക്കുമ്പോൾ ഞങ്ങൾ അഭിമാനിക്കുന്നു..... കൃത്യസമയത്ത് ധീരമായ പ്രവർത്തനത്തിലൂടെ കോഴിക്കോട് റൂറലിലെ പാലോറ എച്ച് എസ്സ് എസ്സിലെ ഒൻപതാം ക്ലാസ് കുട്ടിപ്പോലീസുകാരൻ
അനുവിന്ദ്.എസ്.ഡി.
ഏതൊരു പ്രവർത്തനത്തിലും ആദ്യം നേതൃത്വമേൽപ്പിക്കുക സ്കൂളിലെ സ്റ്റുഡന്റ് പോലീസ് കേഡറ്റുകളെയാണ്. 04/07/2023 ചൊവ്വാഴ്ച സ്കൂൾ വിട്ടതിനു ശേഷം ക്ലാസ് ലൈബ്രറി, ക്ലീനിംഗ്, അറേഞ്ച്മെന്റ് എന്നീ ഡ്യൂട്ടികൾ കേഡറ്റുകൾ ഏറ്റെടുത്തു. അതിനാൽ പതിവിലും കുറച്ച് വൈകി ആണ് അന്ന് സ്കൂളിൽ നിന്ന് പോയത്. പോകുന്ന വഴിയിൽ നാറാത്ത് എന്ന ഭാഗത്ത് മഴ കാരണം വെള്ളം ശക്തിയായി ഒഴുകുന്നുണ്ടായിരുന്നു. 5-ാം ക്ലാസിലെ ഒരു വിദ്യാർഥി സ്കൂളിൽ നിന്നും സൈക്കിളിൽ വീട്ടിലേക്കു പോവുകയായിരുന്നു. സൈക്കിൾ വളച്ച സമയം തെന്നി ഈ പറഞ്ഞ ഓടയിലേക്ക് വീഴുകയും ചെയ്തു, ബാഗും ചുമലിലുണ്ടായിരുന്നു. വശങ്ങളിലൊന്നും പിടിക്കാനാകാതെ ഒലിച്ചു പോകാമെന്ന ഘട്ടമെത്തി. ഈ സമയത്താണ് കേഡറ്റ് അനുവിന്ദ് അവിടെയെത്തുന്നത്. മറ്റു കുട്ടികൾ പേടിച്ചു നോക്കി നിൽക്കുകയായിരുന്നു. അനുവിന്ദ് ഉടനെ ബാഗു ഊരിമാറ്റി ഓടയിലേക്ക് ചാടി. പിടിക്കാനൊരു താങ്ങ് കിട്ടുകയും, അവിടെ ചവിട്ടി നിന്നു കൊണ്ട് ഈ വിദ്യാർഥിയെ ഒഴുക്കിൽ നിന്നും തടയുകയും ചെയ്തു. തുടർന്ന് ആദ്യം അവന്റെ ബേഗ് ഊരിയെടുത്ത് പുറത്തേക്ക് വെച്ചു. കുറച്ച് കഷ്ടപ്പെട്ടാണെങ്കിലും ഈ കുട്ടിയേയും പുറത്തേക്ക് വലിച്ചു കയറ്റി.
30/04/2022
19/02/2022
19/02/2022
01/12/2021
27/11/2021