Meppayur North M L P School

മികവാർന്ന വിജയത്തിന്
മികവുറ്റ വിദ്യാലയം......✊❤️

2026-27 അഡ്മിഷൻ ആരംഭിച്ചു....
Meppayur North M L P School

2022 ജൂൺ 5 പരിസ്ഥിതിദിനത്തിൽ പ്രശസ്ത പരിസ്ഥിതി പ്രവർത്തകൻ സത്യൻ മാസ്റ്റർ കുട്ടികളോടെപ്പം ചേർന്ന് സ്കൂൾ മുറ്റത്ത് ഒരു ചാമ്പ മരത്തിന്റെ തൈ നടുകയുണ്ടായി 4 വർഷങ്ങൾ പിന്നിടുമ്പോൾ ചില്ലകളിൽ ആപ്പിൾചാമ്പക്കയുമായി നിറഞ്ഞു നിൽക്കുകയാണ്. ഞങ്ങളുടെ മക്കളുടെ സ്നേഹലാളനയും കരസ്പർശവും ഏറ്റു വാങ്ങിയാണ് ചാമ്പമരം ഞങ്ങളോടെപ്പം വളർന്ന് ഊർജ്ജമായ് മാറിയത് . തന്നെ വളർത്തി വലുതാക്കിയ മക്കൾക്ക് നിറയെ സ്നേഹത്തിന്റെ കായ്കൾ സമ്മാനമായ് നൽകുകയാണ് ഇവിടെ ചാമ്പമരം.സ്കൂളിന്റെ പ്രവേശന കവാടത്തിൽ കായ്കളുമായ് നിറഞ്ഞു നിൽക്കുന്ന ചാമ്പമരം എന്നും തണലായ് ഞങ്ങളോടൊപ്പമുണ്ടാകും .....

ഒരു വിഷമം മാത്രമേ ഞങ്ങൾക്കുള്ളൂ അവധിക്കാലമായത് കൊണ്ട് ചാമ്പമരത്തിന്റെ ആ സ്നേഹം നുണയാൻ മക്കൾക്ക് കഴിഞ്ഞില്ലല്ലോ എന്നത് വളരെ പ്രയാസം തോന്നുന്നു .

Meppayur North M L P School

വിഷു ആശംസകൾ

Meppayur North M L P School

ഏവർക്കും സ്നേഹത്തിന്റെ വിഷു ആശംസകൾ❤️❤️


Meppayur North M L P School

https://youtube.com/?si=DEH3xlmkIgQMfhRz

MEPPAYUR NORTH MLP Share your videos with friends, family, and the world

*മേപ്പയ്യൂർ നോർത്ത് എം എൽ പി സ്കൂൾ "ആരവം2026" വാർഷികാഘോഷവും യാത്രയയപ്പും സംഘടിപ്പിച്ചു*

അക്ഷരവീഥിയിൽ ആയിരങ്ങളെ കൈ പിടിച്ചുയത്തിയ മേപ്പയ്യൂർ നോർത്ത് എം എൽ പി സ്കൂൾ 83 വർഷങ്ങൾ പിന്നിടുകയാണ്. പാഠ്യ-പാഠ്യേതര മേഖലകളിലെ നേട്ടങ്ങളും സ്കൂൾ കലോത്സവവേദികളിലെ ശാസ്ത്രമേളകളിലും മികച്ച വിജയങ്ങളും കൈവരിച്ചു കൊണ്ടാണ് 83 വർഷമായി ഉയർച്ചയുടെ പടവുകളിൽ എത്തിച്ചത്.

28 വർഷമായ് സ്കൂളിൽ സേവനമനുഷ്ടിച്ച് എന്നും സ്കുളിന്റെ മികവിനായ് പ്രവർത്തിച്ച പ്രധാന അധ്യാപിക ശ്രീമതി ബിന്ദു ടീച്ചർ സ്കൂളിൽ നിന്ന് വിരമിക്കുകയാണ്.

സ്കൂളിന്റെ 83ാം വാർഷികാഘോഷത്തിന്റെയും യാത്രയയപ്പിന്റെയും ഭാഗമായി കുട്ടികളുടെയും രക്ഷിതാക്കളുടെയും വിവിധ കാലാപരിപാടികൾ സംഘടിപ്പിച്ചു.

ജില്ലാ ലൈബ്രറി കൗൺസിൽ എക്സിക്യൂട്ടിവ് അംഗം അജയ് ആവള പരിപാടി ഉദ്ഘാടനം ചെയ്തു സർവ്വീസിൽ നിന്ന് വിരമിക്കുന്ന മേലടി AEO പി. അസീസ് അവർകൾക്കും സ്കൂളിൽ നിന്ന് വിരമിക്കുന്ന പ്രധാന അധ്യാപിക ബിന്ദു ടീച്ചർക്കും ഉപഹാര സമർപ്പണം നടത്തി. സ്റ്റാഫ് സെക്രട്ടറി നജ്മ ടി.പി സ്വാഗതം പറഞ്ഞ ചടങ്ങിൽ പി.ടി.എ പ്രസിഡന്റ് കെ.ഷാജി അധ്യക്ഷവഹിച്ചു. സ്കൂൾ മാനേജർ ബഹു:അബ്ദുൽ മജീദ് , പി.ടി എ വൈ: പ്രസിഡന്റ് പ്രകാശൻ പി.എം , എം.പി ടി എ ചെയർപേയ്സൺ ശ്രീമതി അശ്വതി ധനൂജ് എന്നിവർ ആശംസകൾ നേർന്നു സംസാരിച്ചു . എം പി.ടി എ വൈ പ്രസിഡന്റ് രാഖി നന്ദിയും പറഞ്ഞു.

അക്ഷരവീഥികളിൽ ആയിരങ്ങളെ കൈ പിടിച്ചുയർത്തിയ പുണ്യഭാവനമായ ഈ കലാലയം ഇന്ന് 83 വർഷങ്ങൾ പിന്നിടുകയാണ്.
നടന്നു കയറിയ വഴികളിലേക്ക് തിരിഞ്ഞു നോക്കുമ്പോൾ ഈ വിദ്യാലയത്തിന് പറയാൻ കഥകൾ ഏറെയുണ്ട് ഉയർച്ചയുടെയും താഴ്ചയുടെയും ഓർമ്മകളുണ്ട്.
വലിയ നേട്ടങ്ങളുടെയും പ്രതിസന്ധിഘട്ടങ്ങളുടെയും കഥകളുണ്ട്. ഒരുപാട്പേരെ ജീവിതവിജയത്തിന്റെ ഉയരത്തിലേക്ക് കൈ പിടിച്ചുയർത്തിയ ചാരിതാർത്ഥ്യമുണ്ട്. പാഠ്യ-പാഠ്യേതരമേഖലകളിലെ നേട്ടങ്ങൾ ഈ വിദ്യാലയത്തിന്റെ തിളക്കം കൂട്ടുകയും ജനശ്രദ്ധ ആകർഷിക്കുകയും ചെയ്തിട്ടുണ്ട്.

പഠനമികവിനോടൊപ്പം സ്കൂൾ കലോത്സവ വേദികളിലും ശാസ്ത്ര കലോത്സവവേദികളിലും സാനിധ്യമറിയിക്കുകയും മികച്ച വിജയം കൈവരിക്കുകയും ചെയ്തിട്ടുണ്ട്.
സാമൂഹ്യ പ്രവർത്തനങ്ങളും ദിനാചരണങ്ങളും കുട്ടികളിൽ സാമൂഹിക ബോധം ഉറപ്പ് വരുത്താൻ സഹായിച്ചിട്ടുണ്ട് .നാട്ടുകാരുടെയും രക്ഷിതാക്കളുടെയും പി ടി എ യുടെയും പിന്തുണ എന്നും സ്കൂളിന്റെ പ്രവർത്തനത്തെ മികവുറ്റതാക്കിയിട്ടുണ്ട് അതു തന്നെയാണ് 83 വർഷങ്ങളായി ഉയർച്ചയുടെ പടവുകളിൽ ഞങ്ങളെ എത്തിച്ചത്.

28 വർഷമായ് സ്കൂളിൽ സേവനമനുഷ്ടിച്ച പ്രധാന അധ്യാപിക ശ്രീമതി ബിന്ദു ടീച്ചർ ഈ അക്ഷര മുറ്റത്തുനിന്ന് ഇന്ന് യാത്ര പറയുകയാണ് .
സ്കൂളിന്റെ ഇന്നത്തെ മികവിന് വളരെയധികം പ്രയഗ്നിച്ച അധ്യാപിക...
ഒരു അമ്മയുടെ കരുതലും സ്നേഹവും കുട്ടികൾക്ക് പകർന്നുനൽകിയ അവരുടെ പ്രിയപ്പെട്ട ടീച്ചർ.....
ഏതൊരു പ്രവർത്തനത്തെയും ഏറ്റെടുത്ത് ഏകോപിപ്പിച്ച് നടപ്പിലാക്കാൻ കഴിവുള്ള ഇച്ഛാശക്തിയുള്ള പ്രധാനഅധ്യാപിക ....
എല്ലാവരെയും ചേർത്ത് നിർത്തികൊണ്ട് ഒരു വിദ്യാലയത്തിന്റെ മികവിന്റെ ഉയരങ്ങളിൽ എത്തിച്ചു കൊണ്ടാണ് ടീച്ചറുടെ ഈ യാത്ര പറയൽ .....
നാളിതുവരെ ഈ വിദ്യാലയത്തിലൂടെ കടന്നുപോയ ഓരോ അധ്യാപകരും തങ്ങളുടെതായ ഒരു ഏട് അടയാളപ്പെടുത്തിയിട്ടാണ് നടന്നുനീങ്ങിയത് എന്നും അവരുടെ സ്നേഹവും സാനിധ്യവും ഞങ്ങളോടൊപ്പമുണ്ട് അതാണ് ഞങ്ങളെ മുന്നോട്ട് നയിക്കുന്ന കരുത്ത് ......