Aided High School Buldana

25/10/2025

I got over 100 reactions on one of my posts last week! Thanks everyone for your support! 🎉

23/10/2025

Shout out to my newest followers! Excited to have you onboard! Yogesh Kulkarni, Rajendra Dabherao, Suresh Joshi, Deepak Awkale, Sudhakar Hiwale, Pravin Kathane, Dilip Patil, Sangita Bhandakkar, Anil Rajendra, Vinod Kannar, Snehal Kulkarni, Vaishali Akhade

23/10/2025

Big shout out to my newest top fans! 💎 Namrata Deshmukh, Subhash Magar, Bhagyashri Mahajan, Rajni Harshal Bahadarpurkar, Sonali Mahajan, Upendra Khapre, Vishweshwar Sawdekar, Arun Haribhau Ekade

Drop a comment to welcome them to our community,

17/10/2025

एडेड चे त्रिमूर्ती ए जी , पी एल आणि बी एस सर

एडेड च्या सुवर्ण काळातील साक्षीदार असणाऱ्यांना पी एल , ए जी, आणि बी एस हे माहित नाही असा एकही विद्यार्थी नसेल. एडेड ची सांस्कृतिक श्रीमंती टिकवून ठेवण्यात आणि त्याची कमान सतत चढती ठेवण्यात या तिघांचा मोलाचा वाटा होता.
आदर्श पिढी घडविण्याचे काम करतांना आपल्या विद्यार्थ्यांवर विविध प्रकारे संस्कार रुजविण्याचे काम करणारे ए जी, पी एल आणि बी एस देशपांडे यांनी विद्यार्थी आणि शाळेसाठी आयुष्य वेचले.
विद्यार्थ्यांचे चारित्र्य घडवण्यात शिक्षकाचे वर्तन महत्त्वाची भूमिका बजावते त्याप्रमाणे आपल्या पैकी अनेक जण नकळत त्या कोवळ्या वयात या त्रिमूर्ती कडून अनेक गोष्टी शिकत गेले. विद्यार्थ्याच्या झोळीत अभ्यासा व्यतिरिक्त खूप काही दर्जेदार नजराणा घातला,तो आयुष्यभर जपून.ठेवण्या सारखा आहे.
शाळेत स्नेहसंमेलनात नाटिका असो आकाशवाणी कार्यक्रम असो यामध्ये लेखक,कवी दिग्दर्शक सर्व काही हे तिन्ही शिक्षकच असायचे... ए जी सरानी एक फुलांवर संगीतिका लिहिली,त्या गाण्यावर मुलींनी केलेला सुंदर नाच..!नंतर ए जी सरानी "पंचमाचे सूरपक्षी " नावाच्या कार्यक्रमासाठी कविता लिहिल्या. शाळेतील विद्यार्थी विरुद्ध शिक्षक या कवितेच्या भेड्यांमध्ये शिक्षकांवर भेंडी लागू नये म्हणून "तू एक मुंगी मी एक मुंगी" ही कविता म्हणून वाचवलेली भेंडी सगळ्यांना आठवते. विद्यार्थांना नेहमीच आदरार्थी संबोधन देणारे ए जी सर एक उत्तम कवी आणि मराठीचे शिक्षक होते.
पी एल सरांनी शिकविलेल्या ताला सुरातील कविता, मन लाऊन शिकविलेले मराठीचे धडे अक्षरशः मराठी बद्दल ओढ निर्माण करायचे. शाळेतील खो खो ची टीम तयार करण्याचे काम पी एल सरांचे. त्यांनी कधी छडी घेऊन मुलांना मारलं नसेल पण त्यांचा शाब्दिक मारच मुलांना पुरेसा असायचा.
बी एस सर, तसे गणिताचे आणि भौतिकशास्त्र शिकविणारे असले तरी शाळेच्या स्नेहसंमेलनात त्यांनी स्वतः लिहिलेल्या आणि दिग्दर्शक केलेल्या बालनाटिका शिवाय स्नेहसंमेलन पूर्ण होत नसे. आकाशवाणी वर अनेक विद्यार्थांना नाटकात घेऊन जाण्याचे काम त्यांनी अनेक वर्ष केलं.
वर्गात गणित शिकवितांना फळ्याचे दोन भाग करून वहीवर लिहितात तसे लिहिणारे बी एस सर शिकवितांना अनेक शाब्दिक कोट्या करत शिकवायचे. त्यामुळे गणितासारखा विषयही छान वाटायचा.
आपला विद्यार्थी एक आदर्श नागरिक बनावा, एक आदर्श पालक बनावा यासाठी यांनी जे संस्कार केले त्यातून आज एक आदर्श पिढी तयार झाली.
आमची खरी संपत्ती ही आमचे विद्यार्थी अशी समज असलेले हे तिघे आज आपल्यातून निघून गेले पण आठवणींच्या रूपात अजूनही तसेच आहेत.
कधीतरी वाटते की पुन्हा या तिघांच्या वर्गात जाऊन बसावं आणि मनसोक्त शिकावं.
तीनेक वर्षापूर्वी पहिले पी एल सर,मागील वर्षी बी एस सर आणि आता ए जी सरानी या जगातून exit घेतली...आपण खरे भाग्यवान की आपल्याला तो सुवर्णकाळ अनुभवता आला, आणि आपण त्यांचे विद्यार्थी आहोत हे अभिमानाने सांगता येते.

17/10/2025

महेश भालेराव यांनी पाठवलेल्या आठवणी

पी एल, बी एस आणि ए जी , हे देशपांडे शिक्षक त्रिमूर्ती ! आमच्या एडेड शाळेचे परम वैभव..! आमच्या शाळेच्या सांस्कृतिक श्रीमंतीची कमान या तिन्ही शिक्षकांनी सतत चढती ठेवली ..नाटिका, आकाशवाणी कार्यक्रम,शाळेचे स्नेह संमेलन यामध्ये लेखक,कवी दिग्दर्शक सर्व काही हे तिन्ही शिक्षकच असायचे... ए जी सरानी एक फुलांवर संगीतिका लिहिली,ती संगीतबद्ध केली स्व अण्णासाहेब बर्दापूरकर यांनी, सर्व गाणी वेगवेगळ्या रागात होती,अप्रतिम काव्य आणि सुंदर चाली....आणि प्रत्येक गाण्यावर मुलींनी केलेला सुंदर नाच..!नंतर ए जी सरानी "पंचमाचे सूरपक्षी " नावाच्या कार्यक्रमासाठी कविता लिहिल्या, संहिताही लिहिली,आणि त्या कविता स्वरबद्ध केल्या बर्दापूरकर पिता पुत्रांनी(अण्णासाहेब आणि सुनील ), आनंद दादा साबदे अप्रतिम तबला संगत करत होता,सर्व गायक गायिका शास्त्रीय संगीत निपुण,हा कार्यक्रम खूप.उच्च दर्जाचा होता ,आणि त्याचे प्रयोग खुप ठिकाणी झालेत,मी.बासरी नुकतीच हातात घेतली होती आणि संगीताची समज तेवढी नव्हती आलेली,पण तरीही ती गाणी अजूनही कानात रुंजी घालतात,दुर्दैवाने त्याचे रेकॉर्डिंग उपलब्ध नाही,त्यावेळेस ती साधनेही नव्हती...लाइव्ह रेकॉर्डिंग साठी...सरांकडे बघितल्यावर असे वाटत असे.की कुठल्यातरी सुंदर कवितेचे सृजन चालू आहे...त्या तंद्रीत खूप.वेळ असायचे सर...
तीनेक वर्षापूर्वी पहिले पी एल सर,मागील वर्षी बी एस सर आणि आता ए जी सरानी या जगातून exit घेतली...आम्हा विद्यार्थ्याच्या झोळीत अभ्यासा व्यतिरिक्त खूप काही दर्जेदार नजराणा घातला,तो आयुष्यभर जपून.ठेवण्या सारखा आहे, अत्यंत विद्यार्थी प्रिय देशपांडे शिक्षक त्रयी पैकी शेवटचा ताराही निखळला...सराना साश्रू नयनांनी आदरांजली🌺🙏🌺🙏🌺🙏

17/10/2025

काल ए जी सर गेले पण ते आठवणीच्या स्वरूपात आजही आपल्या सगळ्यांमध्ये आहेत त्यांचा हा दुर्मिळ व्हिडिओ त्याचे सुपुत्र डॉक्टर आनंद देशपांडे यांनी आपल्यासाठी शेअर केला आहे आणि त्यांना या कठीण प्रसंगी आपण पाठवलेल्या संवेदना चा स्वीकार करतांना खालील मेसेज पाठवला आहे.

सर्व संवेदना साठी खूप खूप हृद्य धन्यवाद
आपल्या संवेदना आणि आपण दिलेला धीर या दुःखात खूप खूप अमूल्य!
आपला कृतज्ञ
आनंद अरविंद देशपांडे

ते कवी होते

त्यांसाठी ही माझी कविता त्यांस समर्पित......
आणि श्रद्धांजली सुद्धा!!!

06/09/2025

शिक्षक दिनानिमित्त सेवानिवृत्त होणाऱ्या शिक्षकांना कै. भालचंद्र देशपांडे यांनी सुरू केलेल्या सेवाव्रती अध्यापक अध्यापिका पुरस्कार , मानपत्र ,शाल ,श्रीफळ आज देण्यात आले.
बुलढाणा एज्युकेशन सोसायटी अंतर्गत 'कै. शंकर प्रल्हाद देशपांडे आणि शतायुषी कै. प्रमिला शंकर देशपांडे आणि कै भालचंद्र शंकर देशपांडे स्मृती सेवावृत्ती अध्यापक आणि अध्यापिका पुरस्कार' प्रदान करण्यात आले.

बुलढाणा: बुलढाणा एज्युकेशन सोसायटी संचालित शिक्षण संस्थेतील शिक्षकांच्या योगदानाला गौरव देण्यासाठी आणि त्यांना प्रोत्साहित करण्याच्या उद्देशाने कै. शंकर प्रल्हाद देशपांडे आणि शतायुषी कै. प्रमिला शंकर देशपांडे, कै. भालचंद्र शंकर देशपांडे स्मृती सेवाव्रती अध्यापक आणि अध्यापिका पुरस्कार' वितरण समारंभ नुकताच उत्साहात पार पडला.
या कार्यक्रमात श्री काळे सर, श्री येरवाळ सर,उपमुख्याध्यापक श्री जोशी सर व श्री माळी सर या सर्व शिक्षकांना त्यांच्या शैक्षणिक कार्याबद्दल सन्मानित करण्यात आले. शिक्षकांनी विद्यार्थी घडवण्यासोबतच समाजासाठी दिलेल्या योगदानाचा गौरव करणे हा या पुरस्कारामागील मुख्य उद्देश होता.

कार्यक्रमाच्या अध्यक्षस्थानी बुलढाणा एज्युकेशन सोसायटीचे उपाध्यक्ष मा.ॲड तुषारजी महाजन साहेब, संस्थेचे सदस्य मा.ॲड.आनंदजी चेकेटकर साहेब,मा. श्री तो.सी. उबरहंडे सर,मा. मुख्याध्यापक श्री किंबहुनेसर , पर्यवेक्षिका सौ निकाळजे मॅडम तर प्रमुख पाहुणे श्री काळे सर, श्री येरवाळ सर,उपमुख्याध्यापक श्री जोशी सर व श्री माळी सर* उपस्थित होते.

कार्यक्रमाचे प्रास्ताविक श्री अयाचित सर यांनी केले. सौ. पत्कीमॅडम यांनी संस्कृत भाषेत आपले मनोगत व्यक्त केले. संस्थेतील सदस्य मा. तो.सी.उबरहंडे सर* यांनी शिक्षक हे समाजाला दिशा देणारे आहेत.त्यामुळे शिक्षकांचा सन्मान होने महत्वाचे आहे. याप्रसंगी मागील शालेय आठवणीला सरांनी उजाळा दिला. संस्थेचे सन्माननीय सदस्य ॲड मा श्री आनंदजी चेकेटकर साहेबांनी शिक्षकांचे महत्त्व आपल्या भाषणातून सांगितले. व सर्व शिक्षकांचे अभिनंदन केले.

*बुलढाणा एज्युकेशन सोसायटीचे उपाध्यक्ष मा.ॲड. तुषार जी महाजन साहेबांनी* आपल्या भाषणात शिक्षकांचे महत्त्व आणि त्यांचे समर्पण अधोरेखित केले. ते म्हणाले की, "शिक्षक हे केवळ ज्ञान देत नाहीत, तर ते विद्यार्थ्यांमध्ये नैतिक मूल्ये आणि सामाजिक जाणीव निर्माण करतात. देशाच्या उज्ज्वल भविष्याची पायाभरणी करण्याचे कार्य शिक्षकच करत असतात."
पुरस्कार प्राप्त *उपमुख्याध्यापक श्री जोशी सर, श्री माळी सर,श्री येरवाळ सर, श्री काळे सर* या शिक्षकांनी आपले मनोगत व्यक्त करताना आभार मानले आणि भविष्यातही अधिक निष्ठेने काम करण्याची ग्वाही दिली. या पुरस्काराने त्यांच्या कार्याला नवी प्रेरणा मिळाली असल्याचे त्यांनी सांगितले.
हा कार्यक्रम संस्थेच्या शिक्षकांप्रती असलेल्या आदराचे आणि कृतज्ञतेचे प्रतिक ठरला.कार्यक्रमाचे यशस्वी आयोजन एडेड हायस्कूल बुलढाणा शालेय प्रशासन व श्रीकांत देशपांडे आणि कुटुंबीय यांनी केले.
कार्यक्रमानंतर मंचावरील मान्यवरांच्या हस्ते हरीत सेने अंतर्गत वृक्षारोपण करण्यात आले

कार्यक्रमाचे सूत्रसंचालन श्री दिवाने सर यांनी केले व आभार प्रदर्शन श्री ताम्हण सर यांनी केले

26/06/2025

14/05/2025

*एडेड हायस्कूल व उच्च माध्यमिक विद्यालय, बुलढाणा*
*माध्यमिक परीक्षा मार्च २०२५ निकाल*

*एडेड हायस्कूल, बुलडाणा उत्कृष्ट निकालाची परंपरा कायम*

फेब्रु - मार्च २०२५ मध्ये घेण्यात आलेल्या इयत्ता १० वी च्या (S.S.C) परीक्षेत एडेड हायस्कूल, बुलढाणाच्या विद्यार्थांनी उत्कृष्ट निकालाची परंपरा कायम ठेवली आहे.
*एडेड हायस्कूलचा SSC मार्च २०२५ चा निकाल ९८.३० %* लागलेला आहे.

*९०.०० % वर ६ विद्यार्थ्यांनी गुण प्राप्त* केलेले आहेत.

*६३ विद्यार्थी प्राविण्य श्रेणित उत्तीर्ण* झालेले आहेत.

*क्षृतिका सुहास कह्हाळे या विद्यार्थिनीला गणित या विषयात शंभर पैकी 100 गुण मिळून ती गणित विषयात बोर्डात प्रथम आलेली आहे.संस्कृत विषयात तेजस विजय वाघमारे या विद्यार्थ्याला ९९ गुण प्राप्त* झालेले आहे तर *गणित या विषयात कृष्णा स्वामिनाथ साळोख या विद्यार्थ्याला ९९ गुण प्राप्त* झालेले आहेत.

*तेजस विजय वाघमारे हा ९४.२० % गुण घेऊन शाळेतून प्रथम* आलेला आहे तर *कृष्णा स्वामिनाथ साळोख ९३.६० % गुण घेऊन द्वितीय* आलेला आहे. *वेदांत विजय भागवत हा ९१.०० % घेऊन तृतीय* आलेला आहे. *आयन रमेश गुसिंगे हा ९०.६० % गुण घेऊन चौथ* आलेला आहे. *नंदिनी श्याम खंदारे ९०.०० % घेऊन पाचवी* आलेली आहे.
*मराठी माध्यमातून प्रथम*
*कु. अक्षरा श्रीकांत खरे* हिला *७९.६०%* मिळाले
या *सर्व यशस्वी विद्यार्थ्याचे अभिनंदन* संस्थेचे अध्यक्ष मा.डॉ श्री. विदयानंद देशपांडे, शाळा समिती अध्यक्ष मा.डॉ श्री. प्रमोदजी देशपांडे, संस्थेचे उपाध्यक्ष मा.अॅड श्री. तुषार महाजन, संस्थेचे सचिव मा.अॅड श्री. रामानंद कविमंडन, सदस्य मा.अॅड. आनंद चेकेटकर, मा.श्री.तो.सि. उबरहंडे क.म.वि.चे. मुख्याध्यापक मा.श्री.ध.म. किबंहुने, उप मुख्याध्यापक मा.श्री.स.भा.जोशी, पर्यवेक्षिका मा. सौ. उषा निकाळजे व सर्व शिक्षक व शिक्षकेत्तर कर्मचारीवृंद यांनी केले आहे.

दि. 13.5.2025
बुलढाणा

21/02/2025

शालांत परीक्षेच्या सर्व विद्यार्थ्यांना परीक्षेसाठी मनःपूर्वक शुभेच्छा 👍

11/02/2025

आजपासून बारावी बोर्डाची परीक्षा सुरू होत आहे. 12वी बोर्डाच्या अंतिम परीक्षेला बसलेल्या सर्व विद्यार्थ्यांना आमच्या हार्दिक शुभेच्छा.
तुम्ही वर्षभर अभ्यास केला आहे आणि आम्हाला खात्री आहे की तुम्ही सर्वोत्तम कामगिरी कराल. शुभेच्छा. 💐👍🏻😊