मायड़ भाषा राजस्थानी

23/08/2026

15/08/2026

🙏जान न्यौछावर वैईजा 🙏
😊💪🇮🇳👁️💪😊
जदी म्हूँ लेराता लका,
तिरंगा झंडा ने देखूँ,
म्हारी आँखा मा अपने-आप,
तेज वाळो तेज आईजा।

जदी म्हूँ तिरंगा झंडा ने,
म्हारा हाथ ऊं छूवूँ,
म्हारों हाथ अपने-आप,
सैल्यूट करवां लागी जा।

जदी म्हूँ तिरंगा झंडा ने,
म्हारा होठा ऊं चूमूँ
म्हारे होठा पे अपने-आप,
भारत माता रो नाम आईजा।

जदी म्हूँ तिरंगा झंडा ने
म्हारी छाती ऊं लपाऊँ,
म्हारी छाती अपने-आप,
फूल न छप्पन इंची वैईजा।

जदी म्हूँ तिरंगा झंडा ने,
म्हारा माथा ऊं लगाऊँ,
म्हारों माथो अपने-आप,
दुनियाँ मा ऊँचों वैईजा।

जदी म्हूँ तिरंगा झंडा पे,
राजन आँच आवती देखूँ,
म्हारी जान अपने-आप,
अणी पे न्यौछावर वैईजा।
अणी पे न्यौछावर वैईजा।।

स्वतंत्रता दिवस री हंगळा
भाई-बेना ने घणी-घणी
बधाई सा। 🙏🙏
राजेन्द्र सनाढ्य राजन
वाइस प्रिंसिपल
रा उ मा वि नमाना
नि-कोठारिया, जि-राजसमंद
( राजस्थान)

13/08/2026

प्रेम करो तो सच्चो करो, दिखावो नां करो,
दिल मांय बसाओ जिखै नें, कदी परायो मती करो।