Govt. Boys' High School, Unit-VIII, Bhubaneswar

Virtual Meeting On "Mo School Abhiyan"
Govt. Boys' High School, Unit- VIII, BBSR

OUR PRIDES... 💐💐💐
Congratulations to all my kids for their achivements.godbless and have a bright future.
Thank u for bringing the pride for school.
Heartfelt thanks to my teachers who have nurtured the future of school. Keep it up.
I am really greatful to all.

HEADMASTER
GOVT. BOYS' HIGH SCHOOL,
UNIT-VIII, BHUBANESWAR

ମୋର ପ୍ରିୟ ଛାତ୍ରଛାତ୍ରୀଙ୍କ ଉଦ୍ଦେଶ୍ଯରେ କୁଶଳ କାମନା

ସମ୍ଭାଵ୍ୟତା
ଏଠି ,
ନିତିଦିନ ଅଙ୍କକଷା,
ରୀତିମତ ଶୀତଳ ଯୁଦ୍ଧ,
ମନ ଓ ବିବେକର,
ତୃଷାର୍ତ୍ତ ସ୍ବପ୍ନ ଯାହା
ମରୀଚିକା ପରିବର୍ତ୍ତନ ର ll
ରୁନ୍ଧି ହୁଏ
ତାଳୁରୁ ତଳିପା ଯାଏ,
ସଂସ୍କାର ପରମ୍ପରା ର
ଅପମିଶ୍ରଣରେ,
ଅଗଣିତ ସମ୍ପର୍କ ର
ଟଣl ଓଟରାରେ,
ଜଳୁଥାଏ ଖାଲି
ସବୁ ଋତୁ ରେ
ଗ୍ରୀଷ୍ମ ର ଅସହ୍ୟ ତାତିରେ ll
ଅଥଚ ପୁଣି,
ସାଉଁଟି ବସେ
ଗୋଲାପ ବନାମ କଣ୍ଟାକୁ,
ଆହତ ଆତ୍ମା ର
ଅବଶିଷ୍ଟ ଅବଶେଷ କୁ,
ବାସ୍ତବତା ର
ବେରଙ୍ଗ ଚିତ୍ରକୁ,
ସଦ୍ୟ ଉପପlଦ୍ୟର
ରଙ୍ଗଦେଇ,
ବଂଚିବାର ଦୁର୍ବାର ବାସ୍ନାରେ ll
ଆଖିରେ,
ଆଶା ଆଲୋକର ବନ୍ୟା,
ଲଦାଖର ନୂତନ ସୂର୍ଯ୍ୟ,
ଶିଥିଳ ପ୍ରାଣରେ
ବସନ୍ତର କଁଅ ଳ ହସ,
ଆତ୍ମାର ଅନ୍ଧାରି କୋଣରୁ
ଆତ୍ମପ୍ରତ୍ୟୟ ର ନିଃଶ୍ୱାସ ll
ପୁଣି ବିଛାଏ
ବିଶ୍ୱାସ ର ଶୁଭ୍ର ପଣତ,
ପ୍ରବଞ୍ଚନାର ଜାଲରେ,
ବାରମ୍ବାର ମରି ବଞ୍ଚିବାର
ନିଖୁଣ କଳାରେ,
ଶୂନ୍ୟତାରେ
ପରିପୂର୍ଣ୍ଣତା ର ସମ୍ଭାଵ୍ୟତାରେ ll
Shailadhirajatanaya satapathy
Headmaster, govt boys high school, unit-8, bhubaneswar

ପ୍ରତୀକ୍ଷା
- - - - - - -
ସବୁଦିନ ତୁମ ପ୍ରତୀକ୍ଷାରେ
ବିଶ୍ବାସ ର ଫୁଙ୍ଗୁଳା ଛାତିରେ
ତୁମ ଅହଂ ର ତାଣ୍ଡବ
ନୀରବ ନିଶୀଥରେ ଶୁଭେ
ଅନ୍ତର୍ଦାହ ର ଆର୍ତ୍ତନାଦ l ll୧ll
ଆଜି ବି ପ୍ରତୀକ୍ଷାରେ
ସଦ୍ୟ ସିକ୍ତ ସ୍ଵପ୍ନ
ଦୁଃଖର ମୁହାଣରୁ ସାଉଁଟା ସ୍ମୃତି
କୁମାରୀତ୍ଵ ରୁ ନାରୀତ୍ବ
ଅପହଞ୍ଚ ପ୍ରତିଶ୍ରୁତି l ll୨ll
ଏବେ ବି ପ୍ରତୀକ୍ଷା ରେ
ଲୁହରେ ବତୁରା ଆଖି
ଫଗୁଣ ଫୁଲର ବାସ
ଈର୍ଷ୍ଯାଳୁ ଭୋଦୁଅ ରାତି
ପରସ୍ତ ପରସ୍ତ ଅଦୃଶ୍ୟ ବିଶ୍ୱାସର
ବହୁ ପ୍ରତୀକ୍ଷିତ ସ୍ୱୀକୃତି l ll୩ll
ଶ୍ରୀମତୀ ଶୈଳାଧିରାଜତନୟା ଶତପଥୀ(OES-II)
ପ୍ରଧାନ ଶିକ୍ଷକ
ୟୁନିଟ୍ - ୮ ସରକାରୀ ବାଳକ ଉଚ୍ଚ ବିଦ୍ୟାଳୟ l
ଭୁବନେଶ୍ବର

କେତେଦୂର
ପଚାରନି ଆଉ
ଏ କାଳରାତିର ବୟସ କେତେ?
ଅନ୍ଧାରରୁ ଆଲୁଅର ଦୂରତା କେତେ?
ଜୀବନଠୁ ମୃତ୍ୟୁର ବାରତା କେତେ?
କେତେଦୂର ଆଉ ଜୀବଜୀବନ ର ଆଶା,
ନୀରବ ନିଶୀଥରୁ ସୂର୍ଯ୍ୟସ୍ନାତ ଦିଶା?
କେତେଦୂରେ ଅଛି ତୁମ ପାରିଲା ପଣ?
ନିଷିଦ୍ଧ ସ୍ପର୍ଶ ରେ ସବୁକିଛି ନିଷ୍ଫଳ l
କେତେଦୂରେ ଅଛି ଉଠିପଡି ଧାଉଁଥିବା ଆସ୍ଥା
ସାରା ବିଶ୍ୱ ରେ ଯେ ବିଭୀଷିକାମୟ ଲମ୍ବା ଚିଠା l
ପ୍ରତିକ୍ଷଣେ ଆଖିଠାର ମାରି 'ମୁଁ' ତ୍ୱ କୁ,
ନିଭୃତ ଅଳିନ୍ଦେ ଆଜି ଜୀବନର 'କିନ୍ତୁ ' l
କେତେଦୂରେ ଆଉ ପ୍ରକୃତି ର ମଧୁମୟ ଉପସ୍ଥାନ,
ଫେରିବ କି ଆଉ ଉଲ୍ଲାସ ର ଉତ୍ତାଳ ତାନ l
ସତେ କି ପିନ୍ଧିଛି ଆଜି ଅଶ୍ରୁ ର ଅମ୍ଲାନ ବସ୍ତ୍ର,
ସଗର୍ବେ ଅଟ୍ଟହାସ୍ୟ କରେ ଜୈବିକ ଅସ୍ତ୍ର l
ଅହରହ ଦୁଃଖରେ କରେ ନିଆରା ଶୃଙ୍ଗାର
ଏକ ମନ ହୋଇ ଏକାନ୍ତ ବାସେ ଆଶ୍ରାକର l
କେତେଦିନ ଆଉ ଅଜ୍ଞାତ ଗୁପ୍ତବାସ ?
କେବେ ଫିଟିବ ଗୁମର ଏ ଅଜ୍ଞାତ ରହସ୍ୟ ?
କେତେଦିନ ଆଉ ଭୟ ଆତଙ୍କରେ ବ୍ୟାପ୍ତ କ୍ଳାନ୍ତି
କେତେଦୂରେ ଆଉ ସ୍ନିଗ୍ଧ ଆବେଗରେ ସମ୍ପୂର୍ଣ୍ଣା ପୃଥିବୀ?
କେତେଦୂରେ ଅଛି ବାକି ଜୀବନ ର କୁହୁକ ସ୍ପର୍ଶ,
ହେ ଈଶ୍ଵର ! କେତେଦୂର ଆଉ ବିଶ୍ବାସ ର ବତୀଘର l
ମୁକ୍ତି ର ଅମିୟ ପରଶ ???
Regards
ଶ୍ରୀମତୀ ଶୈଳାଧିରାଜତନୟା ଶତପଥୀ । (OES-ll)
Headmaster
Unit-8 Boys High school.
BHUBANESWAR

Congratulations Boys

Congratulations to all my kids for their achivements.godbless and have a bright future.thank u for bringing the pride for school.heartfelt thanks to my teachers who have nurtured the future of school.keep it up.i am really greatful to all.