05/08/2026
#ସପ୍ତମୁଖୀହନୁମତ୍କବଚ
#ଶ୍ରୀଗଣେଶାୟ ନମଃ ।
ଓଁ ଅସ୍ୟ #ଶ୍ରୀସପ୍ତମୁଖୀବୀରହନୁମତ୍କବଚସ୍ତୋତ୍ରମନ୍ତ୍ରସ୍ୟ,
ନାରଦଋଷିଃ, ଅନୁଷ୍ଟୁପ୍ଛନ୍ଦଃ,ଶ୍ରୀସପ୍ତମୁଖୀକପିଃ ପରମାତ୍ମାଦେବତା,
ହ୍ରାଂ ବୀଜମ୍, ହ୍ରୀଂ ଶକ୍ତିଃ, ହ୍ରୂଂ କୀଲକମ୍,ମମ ସର୍ୱାଭୀଷ୍ଟସିଦ୍ଧ୍ୟର୍ଥେ ଜପେ #ବିନିଯୋଗଃ ॥
#କରନ୍ୟାସଃ -
ଓଁ ହ୍ରାଂ ଅଙ୍ଗୁଷ୍ଠାଭ୍ୟାଂ ନମଃ ।
ଓଁ ହ୍ରୀଂ ତର୍ଜନୀଭ୍ୟାଂ ନମଃ ।
ଓଁ ହ୍ରୂଂ ମଧ୍ୟମାଭ୍ୟାଂ ନମଃ ।
ଓଁ ହ୍ରୈଂ ଅନାମିକାଭ୍ୟାଂ ନମଃ ।
ଓଁ ହ୍ରୌଂ କନିଷ୍ଠିକାଭ୍ୟାଂ ନମଃ ।
ଓଁ ହ୍ରଃ କରତଳକରପୃଷ୍ଠାଭ୍ୟାଂ ନମଃ ॥
#ଅଙ୍ଗନ୍ୟାସଃ -
ଓଁ ହ୍ରାଂ ହୃଦୟାୟ ନମଃ ।
ଓଁ ହ୍ରୀଂ ଶିରସେ ସ୍ୱାହା ।
ଓଁ ହ୍ରୂଂ ଶିଖାୟୈ ବଷଟ୍ ।
ଓଁ ହ୍ରୈଂ କବଚାୟ ହୁଂ ।
ଓଁ ହ୍ରୌଂ ନେତ୍ରତ୍ରୟାୟ ବୌଷଟ୍ ।
ଓଁ ହ୍ରଃ ଅସ୍ତ୍ରାୟ ଫଟ୍ ॥
ଅଥ #ଧ୍ୟାନମ୍ ।
ବନ୍ଦେବାନରସିଂହସର୍ପରିପୁବାରାହାଶ୍ୱଗୋମାନୁଷୈର୍ୟୁକ୍ତଂ
ସପ୍ତମୁଖୈଃ କରୈର୍ଦ୍ରୁମଗିରିଂ ଚକ୍ରଂ ଗଦାଂ ଖେଟକମ୍ ।
ଖଟ୍ୱାଙ୍ଗଂ ହଳମଙ୍କୁଶଂ ଫଣିସୁଧାକୁମ୍ଭୌ ଶରାବ୍ଜାଭୟାନ୍
ଶୂଳଂ ସପ୍ତଶିଖଂ ଦଧାନମମରୈଃ ସେବ୍ୟଂ କପିଂ କାମଦମ୍ ॥
ବ୍ରହ୍ମୋବାଚ ।
ସପ୍ତଶୀର୍ଷ୍ଣଃ ପ୍ରବକ୍ଷ୍ୟାମି କବଚଂ ସର୍ୱସିଦ୍ଧିଦମ୍ ।
ଜପ୍ତ୍ୱା ହନୁମତୋ ନିତ୍ୟଂ ସର୍ୱପାପୈଃ ପ୍ରମୁଚ୍ୟତେ ॥ ୧॥
ସପ୍ତସ୍ୱର୍ଗପତିଃ ପାୟାଚ୍ଛିଖାଂ ମେ ମାରୁତାତ୍ମଜଃ ।
ସପ୍ତମୂର୍ଧା ଶିରୋଽବ୍ୟାନ୍ମେ ସପ୍ତାର୍ଚିର୍ଭାଲଦେଶକମ୍ ॥ ୨॥
ତ୍ରିଃସପ୍ତନେତ୍ରୋ ନେତ୍ରେଽବ୍ୟାତ୍ସପ୍ତସ୍ୱରଗତିଃ ଶ୍ରୁତୀ ।
ନାସାଂ ସପ୍ତପଦାର୍ଥୋଽବ୍ୟାନ୍ମୁଖଂ ସପ୍ତମୁଖୋଽବତୁ ॥ ୩॥
ସପ୍ତଜିହ୍ୱସ୍ତୁ ରସନାଂ ରଦାନ୍ସପ୍ତହୟୋଽବତୁ ।
ସପ୍ତଚ୍ଛନ୍ଦୋ ହରିଃ ପାତୁ କଣ୍ଠଂ ବାହୂ ଗିରିସ୍ଥିତଃ ॥ ୪॥
କରୌ ଚତୁର୍ଦଶକରୋ ଭୂଧରୋଽବ୍ୟାନ୍ମମାଙ୍ଗୁଲୀଃ ।
ସପ୍ତର୍ଷିଧ୍ୟାତୋ ହୃଦୟମୁଦରଂ କୁକ୍ଷିସାଗରଃ ॥ ୫॥
ସପ୍ତଦ୍ୱୀପପତିଶ୍ଚିତ୍ତଂ ସପ୍ତବ୍ୟାହୃତିରୂପବାନ୍ ।
କଟିଂ ମେ ସପ୍ତସଂସ୍ଥାର୍ଥଦାୟକଃ ସକ୍ଥିନୀ ମମ ॥ ୬॥
ସପ୍ତଗ୍ରହସ୍ୱରୂପୀ ମେ ଜାନୁନୀ ଜଙ୍ଘୟୋସ୍ତଥା ।
ସପ୍ତଧାନ୍ୟପ୍ରିୟଃ ପାଦୌ ସପ୍ତପାତାଳଧାରକଃ ॥ ୭॥
ପଶୂନ୍ଧନଂ ଚ ଧାନ୍ୟଂ ଚ ଲକ୍ଷ୍ମୀଂ ଲକ୍ଷ୍ମୀପ୍ରଦୋଽବତୁ ।
ଦାରାନ୍ ପୁତ୍ରାଂଶ୍ଚ କନ୍ୟାଶ୍ଚ କୁଟୁମ୍ବଂ ବିଶ୍ୱପାଳକଃ ॥ ୮॥
ଅନୁକ୍ତସ୍ଥାନମପି ମେ ପାୟାଦ୍ୱାୟୁସୁତଃ ସଦା ।
ଚୌରେଭ୍ୟୋ ବ୍ୟାଲଦଂଷ୍ଟ୍ରିଭ୍ୟଃ ଶୃଙ୍ଗିଭ୍ୟୋ ଭୂତରାକ୍ଷସାତ୍ ॥ ୯॥
ଦୈତ୍ୟେଭ୍ୟୋଽପ୍ୟଥ ଯକ୍ଷେଭ୍ୟୋ ବ୍ରହ୍ମରାକ୍ଷସଜାଦ୍ଭୟାତ୍ ।
ଦଂଷ୍ଟ୍ରାକରାଳବଦନୋ ହନୁମାନ୍ ମାଂ ସଦାଽବତୁ ॥ ୧୦॥
ପରଶସ୍ତ୍ରମନ୍ତ୍ରତନ୍ତ୍ରୟନ୍ତ୍ରାଗ୍ନିଜଲବିଦ୍ୟୁତଃ ।
ରୁଦ୍ରାଂଶଃ ଶତ୍ରୁସଙ୍ଗ୍ରାମାତ୍ସର୍ୱାବସ୍ଥାସୁ ସର୍ୱଭୃତ୍ ॥ ୧୧॥
ଓଁ ନମୋ ଭଗବତେ ସପ୍ତବଦନାୟ ଆଦ୍ୟକପିମୁଖାୟ ବୀରହନୁମତେ
ସର୍ୱଶତ୍ରୁସଂହାରଣାୟ ଠଣ୍ଠଣ୍ଠଣ୍ଠଣ୍ଠଣ୍ଠଣ୍ଠଂ ଓଁ ନମଃ ସ୍ୱାହା ॥ ୧୨॥
ଓଁ ନମୋ ଭଗବତେ ସପ୍ତବଦନାୟ ଦ୍ୱୀତୀୟନାରସିଂହାସ୍ୟାୟ ଅତ୍ୟୁଗ୍ରତେଜୋବପୁଷେ
ଭୀଷଣାୟ ଭୟନାଶନାୟ ହଂହଂହଂହଂହଂହଂହଂ ଓଁ ନମଃ ସ୍ୱାହା ॥ ୧୩॥
ଓଁ ନମୋ ଭଗବତେ ସପ୍ତବଦନାୟ ତୃତୀୟଗରୁଡବକ୍ତ୍ରାୟ ବଜ୍ରଦଂଷ୍ଟ୍ରାୟ
ମହାବଲାୟ ସର୍ୱରୋଗବିନାଶାୟ ମଂମଂମଂମଂମଂମଂମଂ ଓଁ ନମଃ ସ୍ୱାହା ॥ ୧୪॥
ଓଁ ନମୋ ଭଗବତେ ସପ୍ତବଦନାୟ ଚତୁର୍ଥକ୍ରୋଡତୁଣ୍ଡାୟ ସୌମିତ୍ରିରକ୍ଷକାୟ
ପୁତ୍ରାଦ୍ୟଭିବୃଦ୍ଧିକରାୟ ଲଂଲଂଲଂଲଂଲଂଲଂଲଂ ଓଁ ନମଃ ସ୍ୱାହା ॥ ୧୫॥
ଓଁ ନମୋ ଭଗବତେ ସପ୍ତବଦନାୟ ପଞ୍ଚମାଶ୍ୱବଦନାୟ ରୁଦ୍ରମୂର୍ତୟେ ସର୍ୱ-
ବଶୀକରଣାୟ ସର୍ୱନିଗମସ୍ୱରୂପାୟ ରୁଂରୁଂରୁଂରୁଂରୁଂରୁଂରୁଂ ଓଁ ନମଃ ସ୍ୱାହା ॥ ୧୬॥
ଓଁ ନମୋ ଭଗବତେ ସପ୍ତବଦନାୟ ଷଷ୍ଠଗୋମୁଖାୟ ସୂର୍ୟସ୍ୱରୂପାୟ
ସର୍ୱରୋଗହରାୟ ମୁକ୍ତିଦାତ୍ରେ ଓଁଓଁଓଁଓଁଓଁଓଁଓଁ ଓଁ ନମଃ ସ୍ୱାହା ॥ ୧୭॥
ଓଁ ନମୋ ଭଗବତେ ସପ୍ତବଦନାୟ ସପ୍ତମମାନୁଷମୁଖାୟ ରୁଦ୍ରାବତାରାୟ ଅଞ୍ଜନାସୁତାୟ ସକଳଦିଗ୍ୟଶୋବିସ୍ତାରକାୟ ବଜ୍ରଦେହାୟ ସୁଗ୍ରୀବସାହ୍ୟକରାୟ ଉଦଧିଲଙ୍ଘନାୟ ସୀତାଶୁଦ୍ଧିକରାୟ ଲଙ୍କାଦହନାୟ ଅନେକରାକ୍ଷସାନ୍ତକାୟ ରାମାନନ୍ଦଦାୟକାୟ ଅନେକପର୍ୱତୋତ୍ପାଟକାୟ ସେତୁବନ୍ଧକାୟ କପିସୈନ୍ୟନାୟକାୟ ରାବଣାନ୍ତକାୟ ବ୍ରହ୍ମଚର୍ୟାଶ୍ରମିଣେ କୌପୀନବ୍ରହ୍ମସୂତ୍ରଧାରକାୟ ରାମହୃଦୟାୟ ସର୍ୱଦୁଷ୍ଟଗ୍ରହନିବାରଣାୟ ଶାକିନୀଡାକିନୀବେତାଲବ୍ରହ୍ମରାକ୍ଷସଭୈରବଗ୍ରହ- ଯକ୍ଷଗ୍ରହପିଶାଚଗ୍ରହବ୍ରହ୍ମଗ୍ରହକ୍ଷତ୍ରିୟଗ୍ରହବୈଶ୍ୟଗ୍ରହ- ଶୂଦ୍ରଗ୍ରହାନ୍ତ୍ୟଜଗ୍ରହମ୍ଲେଚ୍ଛଗ୍ରହସର୍ପଗ୍ରହୋଚ୍ଚାଟକାୟ ମମ ସର୍ୱ କାର୍ୟସାଧକାୟ ସର୍ୱଶତ୍ରୁସଂହାରକାୟ ସିଂହବ୍ୟାଘ୍ରାଦିଦୁଷ୍ଟସତ୍ୱାକର୍ଷକାୟୈ କାହିକାଦିବିବିଧଜ୍ୱରଚ୍ଛେଦକାୟ ପରୟନ୍ତ୍ରମନ୍ତ୍ରତନ୍ତ୍ରନାଶକାୟ ସର୍ୱବ୍ୟାଧିନିକୃନ୍ତକାୟ ସର୍ପାଦିସର୍ୱସ୍ଥାବରଜଙ୍ଗମବିଷସ୍ତମ୍ଭନକରାୟ ସର୍ୱରାଜଭୟଚୋରଭୟାଽଗ୍ନିଭୟପ୍ରଶମନାୟାଽଽଧ୍ୟାତ୍ମିକାଽଽଧି- ଦୈବିକାଧିଭୌତିକତାପତ୍ରୟନିବାରଣାୟସର୍ୱବିଦ୍ୟାସର୍ୱସମ୍ପତ୍ସର୍ୱପୁରୁଷାର୍ଥ- ଦାୟକାୟାଽସାଧ୍ୟକାର୍ୟସାଧକାୟ ସର୍ୱବରପ୍ରଦାୟସର୍ୱାଽଭୀଷ୍ଟକରାୟ
ଓଁ ହ୍ରାଂ ହ୍ରୀଂ ହ୍ରୂଂ ହ୍ରୈଂ ହ୍ରୌଂ ହ୍ରଃ ଓଁ ନମଃ ସ୍ୱାହା ॥ ୧୮॥
ଯ ଇଦଂ କବଚଂ ନିତ୍ୟଂ ସପ୍ତାସ୍ୟସ୍ୟ ହନୁମତଃ ।
ତ୍ରିସନ୍ଧ୍ୟଂ ଜପତେ ନିତ୍ୟଂ ସର୍ୱଶତ୍ରୁବିନାଶନମ୍ ॥ ୧୯॥
ପୁତ୍ରପୌତ୍ରପ୍ରଦଂ ସର୍ୱଂ ସମ୍ପଦ୍ରାଜ୍ୟପ୍ରଦଂ ପରମ୍ ।
ସର୍ୱରୋଗହରଂ ଚାଽଽୟୁଃକୀର୍ତ୍ତିଦଂ ପୁଣ୍ୟବର୍ଧନମ୍ ॥ ୨୦॥
ରାଜାନଂ ସ ବଶଂ ନୀତ୍ୱା ତ୍ରୈଲୋକ୍ୟବିଜୟୀ ଭବେତ୍ ।
ଇଦଂ ହି ପରମଂ ଗୋପ୍ୟଂ ଦେୟଂ ଭକ୍ତିୟୁତାୟ ଚ ॥ ୨୧॥
ନ ଦେୟଂ ଭକ୍ତିହୀନାୟ ଦତ୍ୱା ସ ନିରୟଂ ବ୍ରଜେତ୍ ॥ ୨୨॥
ନାମାନିସର୍ୱାଣ୍ୟପବର୍ଗଦାନି ରୂପାଣି ବିଶ୍ୱାନି ଚ ଯସ୍ୟ ସନ୍ତି ।
କର୍ମାଣି ଦେବୈରପି ଦୁର୍ଘଟାନି ତଂ ମାରୁତିଂ ସପ୍ତମୁଖଂ ପ୍ରପଦ୍ୟେ॥ ୨୩॥
॥ ଇତି #ଶ୍ରୀଅଥର୍ୱଣରହସ୍ୟେସପ୍ତମୁଖୀହନୁମତ୍କବଚଂ ସମ୍ପୂର୍ଣମ୍ ॥
