What are the opening hours?

Monday 7am - 6pm Tuesday 7am - 6pm Wednesday 7am - 6pm Thursday 7am - 6pm Friday 7am - 6pm Saturday 7am - 6pm

https://www.facebook.com/1936251923288889/

Shree Sahjanand High School, Akwada, Bhavnagar (2026)

11/05/2026

સફળતાનું શિખર - ધોરણ ૧૨ પરિણામ ૨૦૨૬
શ્રી સહજાનંદ હાઈસ્કૂલના તેજસ્વી વિદ્યાર્થીઓએ બોર્ડ પરીક્ષામાં મેળવી ભવ્ય સફળતા!
🔹 સાયન્સ, કોમર્સ અને આર્ટસ ત્રણેય પ્રવાહમાં વિદ્યાર્થીઓનો દબદબો.

🔹 ઉત્કૃષ્ટ પર્સન્ટાઈલ રેન્ક સાથે મેદાન મારનાર તમામ વિદ્યાર્થીઓને ખૂબ ખૂબ અભિનંદન.

તમારા સ્વપ્નો સાકાર થાય અને તમે પ્રગતિના પંથે આગળ વધો તેવી સંસ્થા પરિવાર તરફથી અનેકગણી શુભેચ્છાઓ.

શ્રી સહજાનંદ હાઈસ્કૂલ
📞 પ્રવેશ માટે સંપર્ક: 9727936060
(બાલમંદિર થી ધોરણ 12 - સાયન્સ/કોમર્સ/આર્ટસ)

07/05/2026

શ્રી સહજાનંદ હાઈસ્કૂલનું ગૌરવ
SSC બોર્ડ-2026 નું ઝળહળતું પરિણામ!

અમને જણાવતા અત્યંત આનંદ અને ગૌરવ થાય છે કે 'શ્રી સહજાનંદ હાઈસ્કૂલ' ના વિદ્યાર્થીઓએ SSC બોર્ડ પરીક્ષા 2026માં શાનદાર પ્રદર્શન કરી શાળા અને પરિવારનું નામ રોશન કર્યું છે. વિદ્યાર્થીઓની સફળતા એ શિક્ષકો અને વિદ્યાર્થીઓની મહેનત તેમજ વાલીના સહકારનું સહિયારું પરિણામ છે.

વિશેષ સિદ્ધિ:
A1 ગ્રેડ મેળવનાર તમામ 5 તેજસ્વી તારલાઓને ખૂબ ખૂબ અભિનંદન!

A2 ગ્રેડ પ્રાપ્ત કરનાર તમામ વિદ્યાર્થીઓની મહેનતને સલામ!

શાળા પરિવાર તરફથી તમામ વિદ્યાર્થીઓને તેમના ઉજ્જવળ ભવિષ્ય માટે અનેકગણી શુભેચ્છાઓ. તમે આવી જ રીતે પ્રગતિના શિખરો સર કરતા રહો તેવી શુભેચ્છા...

"શિક્ષણ એ જ સંસ્કાર અને પ્રગતિનો સાચો આધાર"

શ્રી સહજાનંદ હાઈસ્કૂલ
📞 પ્રવેશ માટે સંપર્ક: 9727936060
(બાલમંદિર થી ધોરણ 12 - સાયન્સ/કોમર્સ/આર્ટસ)

04/05/2026

અમારી સંસ્થામાં સમગ્ર વર્ષ દરમ્યાન એકાગ્રતાથી મહેનત કરનાર, પોતાની પ્રામાણિકતા અને વિવિધ કાર્યમાં સક્રિયતા દર્શાવનાર વિદ્યાર્થીઓ માટે વાર્ષિક સન્માન સમારોહનું આયોજન કરવામાં આવેલ. જેમાં,

તારીખ - 01/05/2026, શુક્રવારના રોજ બાલમંદિર થી ધોરણ - 4 ના વિદ્યાર્થીઓ માટે ઈનામ વિતરણનું આયોજન કરેલ જેમાં મુખ્ય મહેમાન તરીકે ડૉ. હરેશભાઈ પંડ્યા ઉપસ્થિત રહ્યા હતા. તેમણે વાલીઓને આધુનિક બાળ ઉછેર પર વક્તવ્ય આપ્યું હતું.

તારીખ - 02/05/2026, શનિવારના રોજ ધોરણ - 5 થી 9 ના વિદ્યાર્થીઓ માટે કાર્યક્રમનું આયોજન કરેલ જેમાં મુખ્ય વક્તા તરીકે પરેશભાઈ ત્રિવેદી ઉપસ્થિત રહ્યા હતા. તેમણે વાલી અને વિદ્યાર્થીઓને વિદ્યાર્થી અવસ્થામાં ધ્યાનમાં લેવાની બાબતો વિશે માહિતગાર કરેલ.

'વિદ્યાર્થી વાર્ષિક સન્માન સમારોહ'ના બંને દિવસે કાર્યક્રમના અંતે મુખ્ય મહેમાનશ્રી, હાઇસ્કૂલ વિભાગના આચાર્યશ્રી પ્રિયંકાબેન અને પ્રાથમિક વિભાગના આચાર્યશ્રી દર્શનભાઈના તેમજ સમગ્ર સ્ટાફના હસ્તે ટોપ 3માં સ્થાન પ્રાપ્ત કરનાર વિદ્યાર્થી, પ્રામાણિક વિદ્યાર્થી અને એક્ટિવ સ્ટુડન્ટસને ટ્રોફી અને મેડલ આપીને સન્માનિત કરેલ. કાર્યક્રમના બંને દિવસ વાલીશ્રી અને વિદ્યાર્થીઓ બહોળી સંખ્યામાં હાજર રહ્યા હતા.

25/04/2026

સમર કૅમ્પ
Day 3
કલા, રમત-ગમત, જમ્પિંગ, સ્મૃતિ ભેટ વિતરણ અને સમાપન સમારોહ

સમર કૅમ્પનો ત્રીજો દિવસ બાળકો માટે મનોરંજન અને પ્રોત્સાહનથી ભરપૂર રહ્યો હતો.

સેશન 1
• બાલમંદિર થી ધોરણ - 4 (સર્જનાત્મકતા)
નાના ભૂલકાઓએ ડ્રોઈંગ વર્ક દ્વારા કાગળ પર પોતાની કલ્પનાના રંગો પૂર્યા હતા. ત્યારબાદ જમ્પિંગ જેવી પ્રવૃત્તિઓ કરાવીને બાળકોને શારીરિક રીતે સક્રિય રાખવામાં આવ્યા હતા.

• ધોરણ 5 થી 8 ( આઉટડોર ગેમ )
મોટા બાળકો માટે આપણી પરંપરાગત રમત 'નારગેલ'નું આયોજન કરવામાં આવ્યું હતું. આ આઉટડોર ગેમમાં બાળકોએ ટીમવર્ક અને એકાગ્રતાના પાઠ શીખ્યા હતા.

સેશન 2
બાળગીત, અભિનય ગીત

જાણીતા વાર્તાકાર શ્રી મહાવીરસિંહ ગોહિલ કે જે બાલાનંદી બાપુ તરીકે જાણીતા છે, તેમના દ્વારા બાળકોને પ્રેરણાદાયી અને રમુજી બાળગીત અને અભિનય ગીત સંભળાવવામાં આવ્યા હતા.આ સેશનમાં બાળકો અને વાલીશ્રી પણ ઉપસ્થિત રહ્યા હતા જેમાં સૌ મંત્રમુગ્ધ બની ગયા હતા.

સેશન 3
ક્લોઝિંગ સેરેમની (સમાપન સમારોહ)

ત્રણ દિવસીય સમર કૅમ્પના અંતે એક ભવ્ય સમાપન સમારોહ યોજાયો હતો જેમાં અતિથિ વિશેષ તરીકે શ્રી સહજાનંદ ગ્રૂપ ઓફ ઇન્સ્ટિટ્યૂટના સંસ્થાપક પૂજ્યશ્રી વિષ્ણુસ્વરૂપદાસજી સ્વામીજી અને વાર્તાકાર શ્રી મહાવીરસિંહ ગોહિલ ખાસ ઉપસ્થિત રહ્યા હતા. આ કાર્યક્રમમાં ભાગ લેનાર દરેક બાળકોને મહેમાનોના હસ્તે સ્મૃતિ ભેટ આપીને પ્રોત્સાહિત કરવામાં આવ્યા હતા.

24/04/2026

સમર કૅમ્પ
Day - 2
ઝૂમ્બા ડાન્સ, માટીના રમકડાંની બનાવટ, આઉટડોર ગેમ, રેન ડાન્સ

સમર કૅમ્પના બીજા દિવસે બાળકોમાં અનેરો ઉત્સાહ જોવા મળ્યો હતો. આજના દિવસનું આયોજન શારીરિક સ્ફૂર્તિ અને કલાત્મક કૌશલ્યોને ધ્યાનમાં રાખીને કરવામાં આવ્યું હતું.

1. ઝૂમ્બા ડાન્સ

દિવસની શરૂઆત મ્યુઝિક અને મસ્તી સાથે થઈ. ઝૂમ્બા ડાન્સમાં બાળકોએ તાલબદ્ધ સ્ટેપ્સ દ્વારા કસરત કરી હતી. ફાસ્ટ મ્યુઝિક પર ડાન્સ કરવાથી બાળકોમાં આખો દિવસ જળવાઈ રહે તેવી ઉર્જાનો સંચાર થયો હતો.

2. સર્જનાત્મકતા અને રમત-ગમત
આ સેશનને વયજૂથ મુજબ બે ભાગમાં વહેંચવામાં આવ્યું હતું.

• બાલમંદિર થી ધોરણ ૪ (માટીના રમકડાં)

નાના બાળકોએ માટી સાથે દોસ્તી કરી હતી. ભીની માટીમાંથી ગણપતિજી, ફળો, કાર્ટૂન, પક્ષીઓ અને વિવિધ આકારો બનાવીને બાળકોએ પોતાની કલા રજૂ કરી હતી. આ પ્રવૃત્તિથી બાળકોના આંગળાની પકડ મજબૂત બને છે અને તેમની કલ્પનાશક્તિ ખીલે છે.

• ધોરણ ૫ થી ૮ (આઉટડોર ગેમ્સ)
મોટા બાળકો માટે મેદાનમાં વિવિધ રમતોનું આયોજન હતું. જેમાં ટીમવર્ક અને સ્પોર્ટ્સમેન સ્પિરિટ કેળવાય તેવી રમતો રમાડવામાં આવી હતી. શારીરિક શ્રમની સાથે બાળકોએ મેદાનમાં ખૂબ આનંદ કર્યો હતો.

3. રેન ડાન્સ
બીજા દિવસના અંતિમ ચરણમાં બાળકો માટે 'રેન ડાન્સ' રાખવામાં આવ્યો હતો. ઉનાળાની ગરમીમાં કૃત્રિમ વરસાદના ફુવારા નીચે સંગીતની લહેરો પર બાળકો મન મૂકીને નાચ્યા હતા. ઠંડા પાણીમાં પલળવાનો અને મિત્રો સાથે ડાન્સ કરવાનો આનંદ બાળકોના ચહેરા પર સ્પષ્ટ દેખાતો હતો.

આજનો દિવસ બાળકો માટે શારીરિક કસરત, માટીની સુગંધ અને પાણીની ઠંડકનો અનોખો સંગમ સાબિત થયો.

23/04/2026

સમર કૅમ્પ
Day - 1
ટેડી ડાન્સ, ક્રાફ્ટ અને પપેટ શો

સમર કૅમ્પમાં આજના પ્રથમ દિવસની શરૂઆત ખૂબ જ ઉત્સાહ અને ઉમંગ સાથે કરવામાં આવી. બાળકો માટે આજે વિશેષ મનોરંજન અને સર્જનાત્મક પ્રવૃત્તિઓનું આયોજન કરવામાં આવ્યું.

૧. ટેડી ડાન્સ
પહેલા સેશનમાં બાળકોના પ્રિય 'ટેડી'ના ડ્રેસમાં કલાકારોએ એન્ટ્રી કરી ત્યારે બાળકોના ચહેરા ખીલી ઉઠ્યા હતા. ટેડી સાથે ડાન્સ કરી બાળકોએ સવારને આનંદમય બનાવી હતી.

૨. ક્રાફ્ટ વર્ક
બીજા સેશનમાં સર્જનાત્મક પ્રવૃત્તિઓ કરાવવામાં આવી. જેમાં બાળકોએ રંગીન કાગળ અને ગુંદરની મદદથી આઈસ્ક્રીમ કોન, કપ કોન, કેન્ડી, સ્ટ્રોબેરી જેવા વિવિધ આકારો બનાવ્યા.આ સેશનમાં દરેક બાળકે પોતાની કલ્પનાશક્તિનો ઉપયોગ કરીને અવનવી વસ્તુઓ તૈયાર કરી, જેનાથી તેમની એકાગ્રતા અને સર્જનાત્મકતામાં વધારો થયો.

૩. પપેટ શો
આજના દિવસનું મુખ્ય આકર્ષણ 'પપેટ શો' એટલે કે કઠપૂતળીનો ખેલ હતો. પપેટ શો દ્વારા બાળકોને ઐતિહાસિક પાત્રો મહારાણા પ્રતાપ, શિવાજી મહારાજ, ઝાંસીની રાણી લક્ષ્મીબાઈ વગેરે પાત્રો વિશે માહિતી આપવા આવી હતી. બાળકો આ અનોખા અંદાજમાં ઐતિહાસિક પાત્રોની વાર્તા સાંભળીને મંત્રમુગ્ધ થઈ ગયા હતા.

એક રીતે જોતા આજનો દિવસ બાળકો માટે મનોરંજનની સાથે સાથે કંઈક નવું શીખવાનો રહ્યો. શારીરિક પ્રવૃત્તિ, માનસિક કૌશલ્ય અને નૈતિક બોધના સમન્વયથી બાળકોએ ખૂબ જ આનંદ મેળવ્યો હતો.

15/04/2026

શ્રી નીલકંઠવર્ણી બાલમંદિરમાં બાળકોને માઈન્ડ ગેમ રમાડવામાં આવી. જેમાં બાળકોએ રંગીન પથ્થર દ્વારા શબ્દ લખ્યા, અને રેતીમાં અંગ્રેજી મૂળાક્ષરો,ગુજરાતી મુળાક્ષરો લખ્યા.માઈન્ડ ગેમ્સ એ એવી રમતો અથવા પ્રવૃત્તિઓ છે જે આપણા મગજને તેજ બનાવે છે, વિચાર શક્તિ વધારે છે , ધ્યાન કેન્દ્રિત કરવાની ક્ષમતા સુધારે અને સમસ્યા ઉકેલવાની કૌશલ્ય વિકસે છે.

15/04/2026

શાળાનો છેલ્લો દિવસ આપણને નવી શરૂઆત માટે તૈયાર કરે છે. આ દિવસ આપણને શીખવે છે કે જીવનમાં આગળ વધવું જરૂરી છે, પરંતુ જૂની યાદોને હંમેશાં દિલમાં સાચવી રાખવી જોઈએ.

15/04/2026

Admission open 2026/27

30/03/2026

શ્રી નિલકંઠવર્ણી બાલમંદિરમાં "મહાભારત" થીમ નાટકનું સુંદર આયોજન કરવામાં આવ્યું હતું. આ પ્રવૃત્તિનો મુખ્ય હેતુ બાળકોને ભારતીય સંસ્કૃતિ અને પૌરાણિક કથાઓ વિશે સરળ અને રસપ્રદ રીતે જાણકારી આપવાનો હતો. નાટકમાં બાળકોને મહાભારતના મુખ્ય પાત્રો જેમ કે શ્રીકૃષ્ણ, અર્જુન, ભીષ્મ પિતામહ,દ્રૌપદી, દુર્યોધન,ગાંધારી,ધૃતરાષ્ટ્રના વેશમાં રજૂ કરવામાં આવ્યા હતાં અને રસપ્રદ દ્રશ્યો દ્વારા સારા સંસ્કાર, સત્ય અને ધર્મ ના મહત્વ વિશે સમજાવવામાં આવ્યું સુંદર વેશભૂષા અને સજાવટથી સમગ્ર વાતાવરણ આનંદમય બની ગયું હતું શિક્ષકોએ બાળકોના પ્રદર્શન ની ખૂબ પ્રશંસા કરી હતી.

27/03/2026

શ્રીનીલકંઠવર્ણી બાલમંદિરમાં નાના બાળકોની સર્જનાત્મકતા અને સૂક્ષ્મ કૌશલ્ય વિકસાવવા માટે ફિંગર પ્રિન્ટ પ્રવૃત્તિ યોજાઈ હતી. આ પ્રવૃતિ દરમિયાન બાળકોને વિવિધ રંગો આપવામાં આવ્યા અને તેમને પોતાના આંગળીઓથી કાગળ પર છાપ મૂકવા માટે પ્રોત્સાહિત કરવામાં આવ્યા હતા. બાળકોએ ખૂબ ઉત્સાહ સાથે ફૂલ, પ્રાણી, પંખી અને વિવિધ આકારો બનાવ્યા હતા.
આ ફિંગર પ્રિન્ટ પ્રવૃત્તિ દરમિયાન ખૂબ આનંદિત રહ્યા અને નવી વસ્તુઓ શીખવાનો સારો અનુભવ મેળવ્યો.

Shree Sahjanand High School

11/05/2026

07/05/2026

04/05/2026

25/04/2026

24/04/2026

23/04/2026

15/04/2026

15/04/2026

15/04/2026

30/03/2026

27/03/2026

Address

Opening Hours

Website

Alerts

Contact The School

Shortcuts

Share

Category

Listing takedown request

Monday	7am - 6pm
Tuesday	7am - 6pm
Wednesday	7am - 6pm
Thursday	7am - 6pm
Friday	7am - 6pm
Saturday	7am - 6pm