Ramganj, Sangipur Pratapgarh U.P 72, ramganj ghuisarnath dham, Bela Pratapgarh (2026)

23/02/2020

28/09/2019

पिछले कुछ दिनन से ऐतिहासिक बारिश होत ब। अइसन बारिश हमार वाली नई पीढ़ी शायद ही देखे होइ, या फिर शायद ही केहूँ क याद होये. जब बड़े बजुर्गन से सुनत रहे कि पहिले अइसन बारिश होत रही कि ओरौनी के बूनी नाइ टूटत रही, हफ़्तन ले घाम नाइ देखात रहा, तब विश्वास नाइ होत रहा। पर अबकी बेमौसम बरसात में हम सब देखि लिहे। अब हमहूँ सब अपने लड़िकन के ई बात बताउब..!

फिलहाल ई लेख यह लिए नाइ अहइ...

यंह बारिश में हम आप त कच्चे-पक्के घरे में कउनो तरह आपन सुरक्षा करत अही, लेकिन उ जीव-जन्तु जेकर घर ही खुले आसमान के नीचे रहा, जवन साँप-बिच्छू या अन्य जीव बिल में या पेड़ेन के खोड़र में रहत रहेन अब सब जगह पानी के कारण वो सब भी सुरक्षित स्थान के खोज में निकलत अहाँ... उनसी आपन अ खुद से उनकर सुरक्षा दुइनो के जिम्मेदारी हमरै सब के अहय, अँधेरे में निकलत समय टॉर्च लय के निकलत जा, अगर कहूँ साँप बिच्छु या कउनो विषैला जानवर देखाय त ओका मारय से पहिले भगावै के कोशिश करत जा. जइसे हमका सबके आपन जान प्यारी ब वइसे वनहुँ सब के अपने प्राण के चिन्ता होथ, वो तबै केहुँ के नुकसान पहुँचावथेन जब ओनका अपने जान पे खतरा देखाथा।
यंह समय सबसे ज्यादा आवश्यकता गोरु बछरू के लिए चारा अउर छाया करय के लिए अहय. बारिश में हर जगह पानी रहथे अउर अइसने में सब सोचथेन चला एक दिन भीगे द एक दिन में कुछ न होये, ई लापरवाही उनके लिए घातक होइ सकथे...

ई बारिश धरती के लिए बहुत फायदेमंद अहय, तेज वाली बारिश में पानी सब बहि जाथ, लेकिन धीमी बरसात में पानी धरती के अंदर जायके वाटर लेवल सुधारे...

बस इहइ कहब-- सावधान रहिए, सुरक्षित रहिए...

आपके आपन- #टीम_प्रतापगढ़_UP72

फ़ोटो- सई नदी