GSSS Wadala Granthian-Gsp

18/12/2022

ਮਿਤੀ 16 ਅਤੇ 17 ਦਸੰਬਰ ਨੂੰ ਸ.ਸ.ਸ.ਸਮਾਰਟ ਸਕੂਲ ਵਡਾਲਾ ਗ੍ਰੰਥੀਆਂ ਵਿਖੇ ਸਲਾਨਾ ਸਪੋਰਟਸ ਮੀਟ ਪ੍ਰਿੰਸੀਪਲ ਸ੍ਰੀਮਤੀ ਸੁਨੀਤਾ ਸ਼ਰਮਾ ਦੀ ਅਗਵਾਈ ਹੇਠ ਸ੍ਰੀਮਤੀ ਜਸਵਿੰਦਰ ਕੌਰ ਲੈਕ.(ਫਿਜੀਕਲ ਐਜ.)ਦੇ ਨਿਰਦੇਸ਼ਾਂ ਹੇਠ ਸਮੂਹ ਸਟਾਫ ਦੇ ਸਹਿਯੋਗ ਨਾਲ ਕਰਵਾਈ ਗਈ, ਜਿਸ ਵਿੱਚ ਮੁੱਖ ਮਹਿਮਾਨ ਜਿੱਲ੍ਹਾ ਸਿੱਖਿਆ ਅਫਸਰ (ਪ੍ਰਾ.) ਸ. ਅਮਰਜੀਤ ਸਿੰਘ ਭਾਟੀਆ ਸਨ। ਵਿਸ਼ੇਸ਼ ਮਹਿਮਾਨ ਸ.ਕੁਲਵੰਤ ਸਿੰਘ ( ਪ੍ਰਿੰਸੀਪਲ)ਅਤੇ ਸ੍ਰੀਮਤੀ ਪਰਮਜੀਤ ਕੌਰ ਪ੍ਰਿੰਸੀਪਲ ਸਸਸਸ ਸਕੂਲ ਧੁੱਪਸੜੀ ਸ਼ਾਮਲ ਹੋਏ।

G media live. Wedding. / Mela Jagrata / tournament9803601474. / 6284142542

22/10/2022

ਰੌਸ਼ਨੀਆਂ ਦਾ ਤਿਉਹਾਰ ਮਨਾਉਂਦੇ ਹੋਏ ਅਧਿਆਪਕ ਤੇ ਵਿਦਿਆਰਥੀ

22/10/2022

ਰੌਸ਼ਨੀਆਂ ਦਾ ਤਿਉਹਾਰ ਦੀਵਾਲੀ ਮਨਾਉਂਦੇ ਹੋਏ ਵਿਦਿਆਰਥੀ ਤੇ ਅਧਿਆਪਕ

19/10/2022

ਸਾਇੰਸ ਮੇਲਾ

19/10/2022

ਸਾਇੰਸ ਮੇਲਾ

19/10/2022

ਇਹ ਕੁੜੀਆਂ

ਨੰਨੀਆਂ ਮੁੰਨੀਆਂ ਹੱਸਣ ਖੇਡਣ,ਹੱਸਦੀਆਂ ਟੱਪਦੀਆਂ ਰਹਿਣ ਇਹ ਕੁੜੀਆਂ।
ਮਾਂਨਣ ਖੁਸ਼ੀਆਂ ਕਰਨ ਤਰੱਕੀਆਂ ,ਸਦਾ ਹੀ ਵੱਸਦੀਆਂ ਰਹਿਣ ਇਹ ਕੁੜੀਆਂ
ਮਾਂ ਬਾਪ ਦੀਆਂ ਲਾਡੋ ਧੀਆਂ,ਲੈ ਕੇ ਚਾਨਣ ਵਿੱਦਿਆ ਵਾਲਾ,
ਹਰ ਵਿਹੜੇ ਦੀ ਬਣ ਕੇ ਰੌਣਕ,ਹਰ ਦਮ ਜਚਦੀਆਂ ਰਹਿਣ ਇਹ ਕੁੜੀਆਂ।
ਪੁੱਤਰਾਂ ਵਾਂਗਰ ਪਾਲੀਆਂ ਧੀਆਂ,ਸੁੱਖਣਾ ਸੁੱਖਣ ਮਾਂ ਪਿਉ ਜਾਈਆਂ ,
ਦੁੱਖ ਕਦੇ ਵੀ ਨੇੜ ਨਾ ਆਵੇ,ਸਦਾ ਹੀ ਹੱਸਦੀਆਂ ਰਹਿਣ ਇਹ ਕੁੜੀਆਂ।
ਚਿੜੀਆਂ ਵਾਂਗਰ ਮਾਰ ਉਡਾਰੀ,ਕਿਸੇ ਕੋਨੇ ਤੇ ਦੂਰ ਦੁਰੇਡੇ,
ਜਿੱਥੇ ਹੋਵਣ ਸੁੱਖ ਸੁਨੇਹੇ ,ਸਦਾ ਹੀ ਪੁੱਛਦੀਆਂ ਰਹਿਣ ਇਹ ਕੁੜੀਆਂ।
ਇਹ ਧੀਆਂ ਨਾਲ ਰੌਣਕ ਵੱਖਰੀ,ਵਿਹੜਾ ਭਰਿਆ ਭਰਿਆ ਜਾਪੇ,
ਮਾਂ ਬਾਪ ਦੀ ਜਿੰਦ ਜਾਨ ਨੇ,ਰਾਹਵਾਂ ਤੱਕਦੀਆਂ ਰਹਿਣ ਇਹ ਕੁੜੀਆਂ।
ਭੋਲ਼ੀਆਂ ਭਾਲੀਆਂ ਮੈਨੂੰ ਜਾਪਣ,ਫੁੱਲਾਂ ਵਾਂਗਰ ਕੋਮਲ ਜਾਪਣ,
ਬਾਪ ਦੀ ਪੱਗ ਨੂੰ ਉੱਚੀ ਰੱਖਣਾ,ਦਿਲ ਵਿੱਚ ਰੱਖਦੀਆਂ ਰਹਿਣ ਇਹ ਕੁੜੀਆਂ।
ਧੀ,ਭੈਣ ਕਦੇ ਮਾਂ ਦਾ ਰਿਸ਼ਤਾ,ਤਿੰਨ ਪੀੜੀਆਂ ਤਾਕਰ ਤੋਰਨ,
ਕਈ ਵਾਰ ਤਾਂ ਦਿਲ ਦੀ ਗੱਲ ਵੀ,ਝੱਕਦਿਆਂ ਝੱਕਦਿਆਂ ਕਹਿਣ ਇਹ ਕੁੜੀਆਂ
ਸਦਾ ਸਲਾਮਤ ਰੱਖੀਂ ਰੱਬਾ,ਇਹ ਕੁੜੀਆਂ ਤਾਂ ਮੈਨੂੰ ਜਾਪਣ,
ਕਿਸੇ ਸ਼ਾਇਰ ਦੀ ਕਲਮ ਵਾਂਗਰਾਂ,ਇਬਾਰਤ ਲਿਖਦੀਆਂ ਰਹਿਣ ਇਹ ਕੁੜੀਆਂ।
ਸ.ਸ.ਪੱਡਾ
ਲੈਕ.ਪੰਜਾਬੀ
ਸ.ਸ.ਸ.ਸ.ਸਕੂਲ
ਵਡਾਲਾ ਗ੍ਰੰਥੀਆਂ

11/10/2022

ਅੱਜ ਸ੍ਰੀ ਗੁਰੂ ਰਾਮਦਾਸ ਜੀ ਦੇ ਪ੍ਰਕਾਸ਼ ਦਿਵਸ ਦੇ ਅਵਸਰ ਤੇ ਵਿਦਿਆਰਥੀਆਂ ਨੂੰ ਗੁਰੂ ਸਾਹਿਬ ਦੇ ਜੀਵਨ ਤੇ ਪੰਜਾਬੀ ਲੈਕਚਰਾਰ ਸੁਖਵਿੰਦਰ ਸਿੰਘ ਪੱਡਾ ਅਤੇ +2 ਦੀ ਵਿਦਿਆਰਥਣ ਸਿਮਰਨਜੋਤ ਵੱਲੋਂ ਵਿਚਾਰ ਪੇਸ਼ ਕੀਤੇ ਗਏ,ਉਪਰੰਤ ਸਮੂਹ ਵਿਦਿਆਰਥੀਆਂ ਨੂੰ ਗੁਰੂ ਕਾ ਲੰਗਰ,ਪ੍ਰਸ਼ਾਦ ਅਤੇ ਲੱਡੂ ਵਰਤਾਏ ਗਏ।🙏🏻🙏🏻

07/10/2022

ਕੁਝ ਹਲਕਾ ਫੁਲਕਾ…………….

ਹੱਸਦੇ ਅਤੇ ਹਸਾਉਂਦੇ ਲੋਕ,
ਵੇਖੇ ਕੁਝ ਕੁਰਲਾਉਂਦੇ ਲੋਕ
ਰੁੱਸਿਆਂ ਨੂੰ ਮਨਾਉਂਦੇ ਲੋਕ
ਹੱਥੀ ਵੀ ਮਰਵਾਉਂਦੇ ਲੋਕ
ਮਤਲਬ ਲਈ ਬੁਲਾਉਂਦੇ ਲੋਕ
ਵੇਖੇ ਰਾਹ ਦਰਸਾਉਂਦੇ ਲੋਕ
ਆਪਣੇ ਵੀ ਭੁਲਾਉਂਦੇ ਲੋਕ
ਗਲ ਨਾਲ ਵੇਖੇ ਲਾਉਂਦੇ ਲੋਕ
ਬੇੜਾ ਪਾਰ ਲਗਾਉਂਦੇ ਲੋਕ
ਵੇਖੇ ਦਗਾ ਕਮਾਉਂਦੇ ਲੋਕ
ਚੰਗੀ ਗੱਲ ਸਿਖਾਉਂਦੇ ਲੋਕ
ਪੁੱਠੇ ਰਾਹੇ ਪਾਉਂਦੇ ਲੋਕ
ਵੇਖੇ ਕਈ ਸਤਾਉਂਦੇ ਲੋਕ
ਵੇਖੇ ਨੇ ਭਰਮਾਉਂਦੇ ਲੋਕ
ਸੱਚੀ ਗੱਲ ਸੁਣਾਉਂਦੇ ਲੋਕ
ਝੂਠੀਆਂ ਬਾਤਾਂ ਪਾਉਂਦੇ ਲੋਕ
ਆਪਣਾ ਟੌਹਰ ਦਿਖਾਉਂਦੇ ਲੋਕ
ਆਪਣਾ ਆਪ ਛੁਪਾਉਂਦੇ ਲੋਕ
ਮੱਥੇਵੱਟ ਨੇ ਪਾਉਂਦੇ ਲੋਕ
ਆਪਣਿਆਂ ਨੂੰ ਢਾਉਂਦੇ ਲੋਕ
ਚੂਰੀ ਕੁੱਟ ਖੁਆਉਂਦੇ ਲੋਕ
ਵੇਖੇ ਕੁੱਟ ਪੁਆਉਂਦੇ ਲੋਕ
ਵੇਖੇ ਕੁੱਝ ਸ਼ਰਮਾਉਂਦੇ ਲੋਕ
ਨਿੱਤ ਪੁਆੜੇ ਪਾਉਂਦੇ ਲੋਕ
ਝੂਠੇ ਲਾਰੇ ਲਾਉਂਦੇ ਲੋਕ
ਸੱਚ ਦਾ ਸਬਕ ਪੜ੍ਹਾਉਂਦੇ ਲੋਕ
ਦਿਲ ਨਾਲ ਦਿਲ ਮਿਲਾਉਂਦੇ ਲੋਕ
ਚੱਕਰਾਂ ਦੇ ਵਿੱਚ ਪਾਉਂਦੇ ਲੋਕ
ਜਾਂਦੇ ਕਈ ਤੇ ਆਉਂਦੇ ਲੋਕ
ਆਪਣਾ ਰੋਲ ਨਿਭਾਉਂਦੇ ਲੋਕ।
ਸ.ਸ.ਪੱਡਾ

06/10/2022

ਲੱਭੀਏ ਰੁੱਤ ਗਵਾਚੀ

ਪਤਝੜ ਰੁੱਤੇ ਕਿੱਥੋਂ ਲੱਭਦਾਂ,ਸੰਘਣੇ ਰੁੱਖ ਦੀ ਛਾਂ।
ਰੁੱਸਿਆ ਹੋਇਆ ਅੰਬਰ ਜਾਪੇ,ਰੁੱਸੀ ਧਰਤੀ ਮਾਂ।
ਬੰਜਰ ਧਰਤੀ ਵਿੱਚੋਂ ਕਿੱਥੇ,ਲੱਭਦੇ ਹੀਰੇ ਮੋਤੀ,
ਹੰਸ ਤਾਂ ਹੀਰੇ ਮੋਤੀ ਚੁਗਦੇ,ਗੀਟੇ ਚੁਗਦੇ ਕਾਂ।
ਘੁੱਪ ਹਨੇਰੇ ਵਿੱਚੋਂ,ਚਾਨਣ ਲੱਭਣਾ ਔਖਾ ਏ,
ਦੂਰ ਕਰਨ ਲਈ ਚਿੰਤਾ ਤੂੰ ਵੀ,ਲੱਭ ਲੈ ਐਸੀ ਥਾਂ।
ਨਾ ਹੀ ਲੱਭਣ ਬਸੰਤ ਬਹਾਰਾਂ,ਨਾ ਲੱਭਦਾ ਏ ਚੈਨ,
ਨਾ ਲੱਭਦੇ ਉਹ ਰੈਣ ਬਸੇਰੇ,ਨਾ ਹੀ ਉਹ ਗਿਰਾਂ।
ਉੱਜੜੇ ਬਾਗ ਦੇ ਵਿੱਚੋਂ ਹੁਣ ਤਾਂ,ਪੌਣ ਸੁਗੰਧੀਆਂ ਦੇਵੇ ਨਾ
ਮਿੱਠੀ ਮਿੱਠੀ ਕੋਇਲ ਦੀ ਹੁਣ,ਸੁਰ ਵੀ ਸੁਣਦੀ ਨਾ।
ਧੁਖਦੀ ਅੱਗ ਦੇ ਵਿੱਚੋਂ ਹੁਣ ਤਾਂ,ਇੱਕ ਚਿੰਗਾਰੀ ਚਮਕ ਰਹੀ,
ਖਬਰੇ ਇਹ ਹੀ ਬਣੇ ਰੌਸ਼ਨੀ,ਚਮਕੇ ਵਿੱਚ ਜਹਾਂ।
ਸ.ਸ.ਪੱਡਾ ਲੈਕ.ਪੰਜਾਬੀ

29/09/2022

29/09/2022

ਸ਼ਹੀਦ ਭਗਤ ਸਿੰਘ ਜੀ ਦੇ 115 ਵੇਂ ਜਨਮ ਦਿਵਸ ਤੇ ਵਿਦਿਆਰਥੀਆਂ ਵੱਲੋਂ ਖੇਡਿਆ ਨਾਟਕ

29/09/2022

ਸ਼ਹੀਦ ਭਗਤ ਸਿੰਘ ਜੀ ਦੇ 115 ਵੇਂ ਜਨਮ ਦਿਵਸ ਦੀਆਂ ਝਲਕੀਆਂ