Jamia Aleemia

An Islamic Institute. Jamia Aleemia is one of the greatest and most prominent Islamic Institutes of India, which is situated at Jamda Shahi, Basti, U. P.

(India) Pin-272002

15/08/2023

*دارالعلوم علیمیہ، جمدا شاہی میں 77ویں یومِ آزادی کی مناسبت سے پروگرام کا انعقاد*

(بستی) دارالعلوم علیمیہ، جمدا شاہی، بستی میں آج 77ویں یومِ آزادی کی مناسبت سے ایک عظیم الشان پروگرام کا انعقاد عمل میں آیا۔
مولوی شان محمد (متعلم دارالعلوم علیمیہ) نے تلاوتِ قرآن مجید سے محفل کا آغاز کیا۔
پھر مولوی قمر رضا خان (متعلم دارالعلوم علیمیہ) نے اپنے مخصوص انداز میں حمد کے اشعار پیش کیے۔
بعد ازاں مولوی حامد رضا (متعلم دارالعلوم علیمیہ) نے عظیم مجاہد آزادی علامہ سید کفایت علی کافی علیہ الرحمہ کا تختۂ دار پر لکھا ہوا نعتیہ کلام "کوئی گل باقی رہے گا نے چمن رہ جائے گا" پیش کرکے سماں باندھ دیا۔
بعد ازاں محمد سیف (متعلم دارالعلوم علیمیہ) نے یومِ آزادی کی مناسبت سے اردو زبان میں تقریر کی۔
پھر مولوی دلشاد رضا (متعلم دارالعلوم علیمیہ) نے ہندی زبان میں قومی پرچم کے حوالے سے معلوماتی خطاب کیا۔
بعد ازاں مولوی محمد کفیل (متعلم دارالعلوم علیمیہ) نے انگریزی زبان میں مختصر تقریر کی۔
پھر مولوی عبد الرحمٰن (متعلم دارالعلوم علیمیہ) نے اپنے دل نشیں اسلوب میں مشہور انقلابی نظم "سرفروشی کی تمنا اب ہمارے دل میں ہے" پیش کرکے سامعین کے دل موہ لیے۔
اس کے بعد مولوی محمد آصف (متعلم دارالعلوم علیمیہ) نے انگریزی زبان میں خطاب کیا۔
سوا دس بجے محترم مشاہد رضا صاحب (منیجر دارالعلوم علیمیہ)، علامہ احمد رضا بغدادی (صدر المدرسین دارالعلوم علیمیہ) اور دیگر اساتذہ، طلبہ اور آبادی کے سرکردہ افراد کی موجودگی میں قومی ترانے کی گونج میں پرچم کشائی کی گئی۔
پھر مولوی شہاب الدین احمد (متعلم دارالعلوم علیمیہ) نے اپنے سحر آگیں انداز میں "سارے جہاں سے اچھا ہندوستاں ہمارا" پیش کیا۔
بعد ازاں مولوی عزیز الرحمٰن ومولوی عبد الرحیم (طلبۂ دارالعلوم علیمیہ) نے انگریزی زبان میں دل چسپ اور معلومات افزا مکالمہ پیش کیا۔
پھر مشاعرے کا آغاز ہوا۔ مولوی غلام محی الدین وافی اور مولوی غلام محی الدین جیلانی عرشی (طلبۂ دارالعلوم علیمیہ) نے اپنے اپنے لکھے ہوئے منظوم کلام پیش کیے۔
اس موقع پر مولانا مفتی محمد طیب علیمی (استاذ دارالعلوم علیمیہ) نے یومِ آزادی کی مناسبت سے حالات حاضرہ کے تناظر میں اپنا تحریر کردہ ایک شان دار منظوم کلام پیش کیا جس پر حاضرین داد دیے بغیر نہ رہ سکے۔
پھر مولوی محمد ارشد (متعلم دارالعلوم علیمیہ) نے انگریزی زبان میں تقریر کی۔
بعد ازاں عالی جناب ماسٹر محمد احمد (استاذ دارالعلوم علیمیہ) نے ایک مختصر خطاب کیا جس سے سامعین کے معلوماتی ذخیرے میں اضافہ ہوا، انھوں نے اپنی عادت کے مطابق خطاب کے شروع میں ترنم ریزی کرکے محفل کو لالہ زار بنا دیا۔
صلوٰۃ وسلام اور مولانا مفتی محمد طیب علیمی (استاذ دارالعلوم علیمیہ) کی دعا پر مجلس کا اختتام ہوا۔ نظامت کے فرائض بھی انھوں نے ہی بحسن وخوبی انجام دیے۔
اس موقع پر طلبہ کے درمیان شیرینی بھی تقسیم کی گئی۔
واضح رہے کہ اس پروگرام میں علامہ مفتی محمد نظام الدین قادری (نائب صدر المدرسین دارالعلوم علیمیہ)، علامہ محمد شفیق الرحمٰن مصباحی، علامہ امید علی صدیقی مصباحی، علامہ محب احمد علیمی سمیت دیگر اساتذہ، ارکان، طلبہ اور علاقائی سطح کی سربرآوردہ شخصیات نے بطور خاص شرکت کی۔

رپورٹ: غلام غوث علیمی
دارالعلوم علیمیہ، جمدا شاہی، بستی
15-08-2023

08/07/2023

29/10/2022

جامعہ علیمیہ، جمدا شاہی، بستی کے علمی وادبی ترجمان ماہ نامہ "المشاہد" (عربی) کا تازہ ترین شمارہ (اکتوبر 2022ء) منظرِ عام پر آ چکا ہے، جن حضرات کو اس کی پی ڈی ایف فائل مطلوب ہو وہ درج ذیل موبائل نمبر پر بہ ذریعہ واٹس ایپ رابطہ فرمائیں:
+918795404164

18/08/2022

حضرت علامہ تفسیر القادری قیامی علیہ الرحمہ کی رحلت پر دارالعلوم علیمیہ میں ایصالِ ثواب اور تعزیتی مجلس کا انعقاد

(بستی) انتہائی افسوس کا مقام ہے کہ جماعت اہل سنت کی قد آور شخصیت، نامور عالم دین حضرت علامہ الحاج محمد تفسیر القادری قیامی (سابق کارگزار صدر المدرسین دارالعلوم علیمیہ) گزشتہ شب اس دار فانی سے کوچ کر گئے۔ ان کے انتقال کی خبر سے دارالعلوم علیمیہ کے ارکان، اساتذہ، طلبہ اور وابستگان میں غم واندوہ کی لہر دوڑ گئی۔

حضرت قیامی صاحب قبلہ کے ایصال ثواب کے لیے آج دن میں دس بجے دارالعلوم علیمیہ میں قرآن خوانی کا اہتمام کیا گیا، اور اس کے بعد نورانی مسجد (دارالعلوم علیمیہ) میں ایک تعزیتی نشست کا اہتمام کیا گیا۔

حضرت علامہ مفتی محمد نظام الدین قادری صاحب قبلہ (نائب صدر المدرسین دارالعلوم علیمیہ) نے حاضرین سے خطاب کرتے ہوئے انتہائی جامع ومانع اسلوب میں حضرت قیامی صاحب قبلہ کی حیات وخدمات پر روشنی ڈالی۔

انھوں نے بتایا کہ آپ حد درجہ مخلص تھے اور دین متین کی خدمت کا جذبۂ بے کراں رکھتے تھے۔ فراغت کے بعد مہراج گنج (قدیم گورکھپور) کے ایک مدرسے میں تقریباً چار ماہ تک بلا تنخواہ تدریسی خدمات انجام دیتے رہے، پھر معمولی تنخواہ ملنے لگی۔ آج سے تقریباً 44 سال قبل تدریسی خدمات کی انجام دہی کے لیے دارالعلوم علیمیہ تشریف لائے اور اس وقت سے ریٹائرمنٹ (2009ء) تک مسلسل دارالعلوم علیمیہ میں خدمات انجام دیتے رہے، 2009ء میں ریٹائر ہونے کے بعد سے 2011ء تک دارالعلوم علیمیہ نسواں میں شیخ الحدیث کے منصب پر فائز رہے۔ دارالعلوم علیمیہ اور دارالعلوم علیمیہ نسواں میں آپ کا تدریسی سفر تقریباً 34 سال پر محیط ہے۔ اس دوران آپ نے متعدد بار عبوری طور پر صدر المدرسین کے بھی فرائض انجام دیے۔ عام لوگوں کو بھی آپ وقت دیتے تھے، دعا تعویذ وغیرہ کے ذریعہ خوب خدمت خلق کرتے تھے۔ آپ کی رحلت جماعت اہل سنت کا بہت بڑا خسارہ ہے۔

پھر قل شریف اور حضرت علامہ مفتی محمد نظام الدین قادری (نائب صدر المدرسین دارالعلوم علیمیہ) کی دعا پر مجلس کا اختتام ہوا۔

اس پروگرام میں حضرت علامہ امید علی صدیقی، حضرت مولانا محمد احمد رضا نورانی بغدادی، حضرت مولانا حافظ محمد منصور عالم علیمی علیگ، حضرت مولانا محب احمد علیمی، حضرت مولانا محمد فاروق علیمی، حضرت قاری محمد ہاشم علیمی، مولانا احمد رضا علیمی علیگ، قاری امیر حسن علیمی، مولانا حافظ محمد اسحاق علیمی اور دارالعلوم علیمیہ کے طلبہ شریک ہوئے۔

رپورٹ: غلام غوث علیمی
دارالعلوم علیمیہ، جمدا شاہی، بستی
18/08/2022