Byaskuchi High School ব্যাসকুছি হাইস্কুল

এনেকুৱাই আছিল কিজানি জুবিন দাৰ মায়াবিনী ৰাতি! শত শত বন্তিৰ জ্যোতিৰে ব্যাসকুছি হাইস্কুল বাকৰিত জুবিন দালৈ শ্ৰদ্ধা নিবেদন অঞ্চলবাসীৰ । জুবিন গাৰ্গ আমাৰ মাজত অমৰ হৈ থাকিব ।

প্ৰতিজন অসমীয়াৰ হিয়াৰ আমঠু জুবিন গাৰ্গ লৈ ব্যাসকুছি হাইস্কুল পৰিয়ালৰ শ্ৰদ্ধাঞ্জলি🙏🙏🙏
Zubeen Garg

ব্যাসকুছি হাইস্কুলৰ সহকাৰী শিক্ষক তথা ব্যাসকুছি বালক প্ৰাথমিক বিদ্যালয়ৰ প্ৰাক্তন প্ৰধান শিক্ষক শ্ৰীযুত অনন্ত বৰ্মন মহোদয়ে আজি চাকৰি জীৱনৰ পৰা অৱসৰ গ্ৰহণ কৰে । কামৰূপী লোকগীতৰ বিশিষ্ট শিল্পী শ্ৰীযুত বৰ্মন ডাঙৰীয়াৰ পৰা ব্যাসকুছি হাইস্কুলৰ শিক্ষাৰ্থীসকলে অনাগত দিনতো বিদ্যায়তনিক আৰু সহ:বিদ্যায়তনিক ক্ষেত্ৰত মাগদৰ্শন পাই থাকিব বুলি আশা ৰাখিলোঁ । বিদ্যালয় পৰিয়ালবৰ্গৰ ফালৰ পৰা তেখেতৰ সুস্বাস্থ্য তথা দীৰ্ঘায়ু কামনা কৰিলোঁ । 🙏

আজি গৰীয়া-মৰিয়া-দেশী জাতীয় পৰিষদ, ক্ষুদ্রফালাদি আঞ্চলিক সমিতি তথা ৰফি ক্লাৱ, ক্ষুদ্রফালাদিৰ বিষয়-ববীয়াই ব্যাসকুছি হাইস্কুলৰ নৱ-নিযুক্ত ভাৰপ্ৰাপ্ত প্ৰধান শিক্ষক মানস প্ৰতীম ডেকাক সৌজন্যমূলক সাক্ষাৎ কৰে । সাক্ষাৎ কালত তেখেতসকলে বিদ্যালয়ৰ সামগ্ৰিক উন্নয়নৰ বাবে সৰ্বতোপ্ৰকাৰে সহায়-সহযোগিতাৰ আশ্বাস প্ৰদান কৰে ।

আজি চেঙা শিক্ষা খণ্ডৰ খণ্ড শিক্ষা বিষয়া শ্ৰদ্ধাৰ ৰাজেন্দ্ৰ কলিতা ডাঙৰীয়াই আমাৰ বিদ্যালয় পৰিদৰ্শন কৰে । তেখেতে বিদ্যালয়ৰ শিক্ষাৰ্থী তথা শিক্ষক-শিক্ষয়িত্ৰীৰ সৈতে বাৰ্তালাপ কৰি বিভিন্ন দিহা-পৰামৰ্শ আগবঢ়াই ।

কালি ব্যাসকুছি হাইস্কুলৰ প্ৰধান শিক্ষক শ্ৰদ্ধাৰ ধৰ্মেন্দ্ৰ পাটোৱাৰী ছাৰে চাকৰি জীৱনৰ পৰা অৱসৰ গ্ৰহণ কৰে আৰু বিদ্যালয়ৰ দ্বায়িত্ব নৱ- নিযুক্ত ভাৰপ্ৰাপ্ত প্ৰধান শিক্ষক মানস প্ৰতীম ডেকাক অৰ্পণ কৰে । উক্ত অনুষ্ঠানত বিদ্যালয় পৰিচালনা আৰু উন্নয়ন সমিতিৰ সভানেত্রীকে আদি কৰি বিষয়-ববীয়া তথা ব্যাসকুছি হাইস্কুলৰ শিক্ষক-কৰ্মচাৰী উপস্থিত থাকে । আমি বিদায়ী প্ৰধান শিক্ষক ধৰ্মেন্দ্ৰ পাটোৱাৰী ছাৰৰ সুস্বাস্থ্য, দীৰ্ঘায়ু কামনা কৰিলোঁ । লগতে নৱ- নিযুক্ত ভাৰপ্ৰাপ্ত প্ৰধান শিক্ষক মানস প্ৰতীম ডেকালৈ শুভেচ্ছা জনালোঁ যাতে তেওঁ বিদ্যালয়খন সর্বাংগ-সুন্দৰকৈ গঢ়ি তুলিব পাৰে ।